باركولى الكشف الطبى وصل

[medopharm]

اخوانى واخواتى الاعزاء اعضاء المنتدى الكرام وزملاء الكفاح فى الهجرة الى كندا

wst:: وصلنى اليوم بحمد الله وفضله الايميل الخاص بطلب الكشف الطبى من السفارة

صحيح ضيعوا علينا فرصة استغلال اليوم وهو الخميس لاستلام الظرف الخاص باوراق المديكال وبذلك سوف ننتظر للخميس القادم باذن الله حتى نتسلم الظرف ونبدا فى اجراءات الكشف الطبى ولكن طبعا الحمد لله على كل شئ وكده احسن من مفيش خالص

وبناءا عليه ونظرا لحالة السعادة التى اشعر بها اتمنى من كل قلبى لاى حد منتظر سواء المقابلة او الكشف يوصله ان شاء الله فى اقرب فرصة ويقل الانتظار قدر الامكان

ولنا لقاء قريب باذن الله

الف مبروووووووووووك

وربنا يتمم لكم الموضوع على خير ان شاء الله

[دعاء]

ألفين مبروك يا دعاء... وربنا يسهّل وتلحقي تنجزي في إجراءاتك ، وتسافري تولدي البيبي هناك. وياخد الجنسية قبلكم كلكم wst::

الجو عموماً في شهر 9 ده زي الفل ، جميل وبديع ، والشجر هناك بكل ألوان الطيف ، قبل ما يبدأ يقلع هدومه

وما سمعتش بصراحة عن الهجص بتاع إن مكتب لندن بيمخمخ في النتائج بمزاجه!

لو كنتي رحتي للدكتور أحمد شكري اللي عيادته في ميدان الكربة - مصر الجديدة ، فوق مترو ، هتلاقي المساعد بتاعه اللي بتحجزي معاه الكشف ، إسمه (محمد كندا) عادي بقى...

الولد ده بصراحه سكرة... وممكن يدلك على حاجات كتييير!

دا ذلّنا يا شيخة... كل شوية... الكرسي اللي انتا قاعد عليه ده قعد عليه قبلك فلان وفلان وفلان...

الكرسي اللي انتا قاعد عليه ده يا دكتور ، مش أي حد يوصل إنه يقعد عليه!

الكرسي اللي انتا قاعد عليه ده... إنك وصلتله معناها إنك خلاص وصلت ، وباقيلك أيام وعلى كندا!

آخر ما غلبت قلت والله لاصوّر الكرسي ده!!!! دانا لو قاعد على كرسي رئاسة الجمهورية مش هاتذل عليه الذل ده!

المهم... نتايج تحاليل الدم والبول (هتعمليهم في معمل جمبه في الكربة) ، والأشعة على الصدر (في معمل أشعة في عمارة رمسيس) ، والكشف اللي هيعملهولك د. أحمد شكري جوه العيادة (حاولي كل إجاباتك إنك ما تعبتيش قبل كده ، ولا دختي ولا عمرك اتقرصتي حتى من ناموسة!)... كل النتايج دي بتتجمع وتروح من أماكنها على عيادة د. أحمد شكري ، وهوه بيبعتها على لندن. ومكتب لندن بيبص على نتائج التحاليل ، وبيشوف إنك حالتك الصحية سليمة ولاّ لأ... وبناءً عليه بيرد بالموافقة أو بإعادة التحاليل من تاني في الحاجة الإيجابية (لو عندك مرض لا قدر الله). مش بالمزاج أصلها!

وعشان تطّمني ... محمد كندا هيبلغك بنتيجة التحاليل أول ما توصله من المعمل ودكتور الأشعة (بس عشان تطّمني ، وما تبقيش قاعدة على نار لغاية ما رد لندن يوصل). ودكتور الأشعة نفسه هيبلغك بنتيجة الأشعة برضه ، مع إنه ممنوع عليهم إنهم يعرفوكي أي حاجة... بس هتقولي إيه ، الشعب المصري وحنية قلبه! gt:

اللي كان شاغل تفكيري حاجة تانية خالص...

حسب معلوماتي ، إنك لو حامل ، بيؤجلوا الكشف الطبي حتى ولادة البيبي ، ويتم الكشف الطبي على البيبي بالمرة.

وهيسألوكي هناك إن كنتي حامل!

مش عاوز أطول عليكي... نمرة محمد كندا 0106783933 ، لو ما كانتش اتغيرت من سنتين!

تقدري تكلميه وتستفسري منه. وممكن تروحيله. إنتي حرة تروحي لأي دكتور من الـ 5 ولاّ الـ 6 المعتمدين من السفارة. وعلى فكرة ، هوه يمكن أرخصهم!

يا ريت تدينا تفاصيل أكتر عن اللي رايحاله ، وكده...

وبالتوفيق يا دعاء يا جارة المستقبل (وإن كنتي جارة 500 كم)

اخى الكريم والفاضل : دكتور تهامى

والله انا مكسوفة منك جدا ومش عارفة اقولك ايه لانى كل يوم بادخل موضوعك واقرا واستفيد واستمتع واضحك من قلبى وما كلفتش خاطرى حتى اكتبلك اى كلمة تشجيع ( يا كسوفى يا كسوفى )

فارجوا انك ما تآخذنيش على تقصيرى

اما عن مداخلتك وردك عليه فده كبير قوى قوى عندى وربنا يهيأ لك كل خير ويجمعك بزوجتك على خير يا رب

الحقيقة احنا فعلا هانروح للدكتور احمد فى الكوربة وجوزى راح امبارح علشان يقابل محمد كندا وقعد يدردش معاه ساعة وقاله انى ممكن اعمل الكشف الطبى كامل باشعة الصدر طالما انا تخطيت الثلاثة شهور الاولى لان الاشعة بتكون خطر فى الوقت ده والحقيقة هو فعلا متعاون جدا ولكن المعلومة بتاعة مكتب لندن دى منه هو شخصيا وقال انهم ماعندهومش مبررات وكل واحدة وحظها وربنا يستر وما يعملوش كده معانا

لاننا لو ما سافرناش فى شهر 9 جوزى بيقول مش هانقدر نسافر فى الشتاء وهانستنى لشهر 5 القادم وبصراحة الموضوع ده ضايقنى جدا وعلى العموم ربنا يخلف الظن وتعدى على خير وانا ان شاء الله هابلغكم بكل جديد يحصل معايا لانكم اسرتى التانية دلوقتى

ولو فى اى حد عنده استفسار عن اى حاجة يتفضل ويسال وان شاء اقدر ارد عليه من خلال تجربتى الشخصية

انا بجد باشكرك جدا مرة تانية يا دكتور تهامى والله رجعتلى الامل شوية فجزاك الله كل خير عنى وعن كل شخص استفاد من تعاونك

gt:

[دعاء]

شكرا لك اخى الكريم ( ميدو فارم )

وعقبالك وعقبال كل اللى منتظرين الهجرة على خير

[دعاء]

بعد اذنكم يا جماعة عندى سؤال للاخوة الصيادلة او الاطباء

انا كنت شوفت فى احد المواضيع ان الواحد ممكن يشرب محلول معين يساعد على تنقية البول قبل عمل تحليل البول وقاعدة ادور على الموضوع ومش فاكرة لاقيته فين

ففمكن حد فيكم يساعدنى علشان بنتى الكبيرة ( 7 سنوات ) عندها شوية املاح بسيطة وماكنتش عايزة ان ده يظهر فى النحليل

يا ريت حد يقدر يجاوبنى بسرعة

وشكرا لكم

[Dr Ayman Kamel]

اخوانى الاعزاء

الف شكر على هذه الكلمات الرقيقة والادعية التى ارجوا ان يكون للجميع نصيب منها وهذا ليس بغريب على المصريين الجدعان

ان شاء الله اذا الامور سارت على خير وانتهينا من الكشف الطبى ممكن نتسلم الفيزا فى العشر الاواخر من شهر 9 - 2008

وسوف نحاول تجهيز انفسنا على السفر بمجرد استلام الفيزا ولى عدة استفسارات للاخوة فى كندا وخاصة مقاطعة كيبيك

- فى هذا الوقت من السنة يا ترى هايكون الطقس اخباره ايه ؟

-وكم سيكون مر من وقت على بداية العام الدراسى لانى عندى بنتين فى ابتدائى

- وعندى مشكلة تانية انى باعتبر سفرى فى هذا التوقيت مجازفة لانى حامل وميعاد ولادتى المقرر هو 5 - 10 فهل عندى فرصة بعد الوصول فى خلال هذه المدة القصيرة جدا انى اجد من يتابعنى فى الايام القليلة قبل الولادة ( ارجوا النصيحة )

اكيد الواحد دلوقتى فيه فى دماغه مليون حاجة يفكر فيها وسوف ارتب افكارى وارجع تانى وارجوا ان يتسع صدركم لاستفساراتى القادمة

بجد والله

الاخت الفاضله مدام دعاء

اولا احب ان اقول لكى الف مليون مبروك على الكشف الطبى بارك الله لكى ولعائلتك

ثانبا: على حسب معلوماتى ان التامين الاجتماعى لايسرى الا بعد 3 شهور من وجودك فى كندا وبالتالى هذه تعتبر مجازفة كبيرة وخاصة ان الولادة وخلافه هتكون على حسابك لذلك انصحك ان كنتى مقررة هذا الميعاد هناك تامين صحى خلال ال3 شهور الاولى لان هناك كتيب بهذا سوف تستلميه بمجرد وصولك للمطار اعملى تامين صحى لكى خلال ال3 شهور على الاقل لكى

اخيرا وليس باخر دعواتنا لكى بالتوفيق

[moheltohamy]

بالتوفيق يا دعاء ... ومنتظرينك تطمنينا عليكي في الخطوات اللي جاية.

بالنسبة للأشعة ، فإلى حد ما خطورتها قليلة في الشهور الأخيرة من الحمل ، بس يستحسن تلبسي الواقي الرصاص حوالين بطنك. ده رأيي...

لكن لا يُفتى ومالك ف المدينة!

منتظرين رد د. الشامي...

وبالنسبة للأملاح اللي عند بنتك... كفاية إنها تشرب سوائل كتيير.

وتتجنب مسبباتها (الموالح زي البرتقال واليوسفي والليمون والمانجو والطماطم والصلصات في حالة أملاح الأوكسالات ، والبقوليات زي الفول والعدس والفاصوليا واللوبيا واللحوم الحمراء والأسماك في حالة أملاح اليورات).

وممكن تاخد الفوارات (إبيماج في حالة أملاح الأوكسالات ، و يوروسولفين في حالة أملاح اليورات) ، وده كيس على نص كوب ماء قبل الأكل بـ نص ساعة (3 مرات يومياً يعني).

على أي حال ، السوائل الكتير هيه الأساس. ويستحسن المياه.

مش نقول سوائل ؛ تديها عصير مانجو وبرتقال!

وعلى ما أعتقد ، مش الأملاح هيه اللي بيدوّروا عليها! لكن برضه الاحتراس واجب.

وبالنسبة إنك كنتي دايماً ع التوبيك بتاعي ، وسلامو عليكو كده من غير كُبايت شاي... فده أنا لاحظته الصراحة ، بس قلت يمكن الموضوع مش مهم بالنسبالك عشان رايحة كيبيك!

ومع الأسف أنا كنت عملت زيك بالظبط ، مع موضوع د. الشامي! وعشان كده أنا استاهل بصراحة!

المهم... منتظرينك تطمنينا عليكي خطوة بخطوة.

وبالتوفيق يا ستي...

[دعاء]

دكتور ايمن كامل

اشكرك جزيل الشكر على مرورك الكريم

وشاكرة جدا على دعواتك وعقبالك عن قريب ان شاء الله

اما موضوع الثلاث شهور الاولى من الهجرة انا كنت سالت الاستاذ وجدى فى مونتريال وقالى ان مصريف الولادة ممكن تكون متغطية من الحكومة فى هذه الفترة وربنا يسهل

دكتور تهامى

شكرا جزيلا على التوضيح بخصوص السوائل والاملاح

اما بخصوص الاشعة فاكيد ان شاء الله هالبس القميص الواقى والباقى على الله

لك جزيل الشكر على النصايح والاهتمام والتعاون

wst::

[مزاميزو]

السلام عليكم ورحمة الله وبركاته

ألف مليون مبروك الكشف الطبي وتوصلوا بالسلامة :)

وعقبالي :)

[hamoudi]

الاخت العزيزه دعاء اذا جاء الكشف الطبي قبل ميعاد الولاده رجاء حار انك تتوكلي على الله وتقومي بعملية الولاده هناك لان ده شيء مش محتاج تردد لانه بيوفر قصص كتيييييييييييير جدا كفايه ان ابنك مش هايستنى 16 سنه علشان يبقى كندي

[دعاء]

السلام عليكم ورحمة الله وبركاته

ألف مليون مبروك الكشف الطبي وتوصلوا بالسلامة :)

وعقبالي :)

شكرا جزيلا يا مزاميزو

وعقبالك ان شاء الله عن قريب الدور عليك

ومستنيين البشارة

[دعاء]

الاخت العزيزه دعاء اذا جاء الكشف الطبي قبل ميعاد الولاده رجاء حار انك تتوكلي على الله وتقومي بعملية الولاده هناك لان ده شيء مش محتاج تردد لانه بيوفر قصص كتيييييييييييير جدا كفايه ان ابنك مش هايستنى 16 سنه علشان يبقى كندي

والله يا اخى hamoudi هو ده اللى بتمناه

دعواتكم لى انى استلم الفيزا قبل الولادة من غير مشاكل ولا تعطيل واحنا ان شاء الله نتوكل على الله ونسافر على طول

[ahmed_saleh]

اخوانى واخواتى الاعزاء اعضاء المنتدى الكرام وزملاء الكفاح فى الهجرة الى كندا

وصلنى اليوم بحمد الله وفضله الايميل الخاص بطلب الكشف الطبى من السفارة

صحيح ضيعوا علينا فرصة استغلال اليوم وهو الخميس لاستلام الظرف الخاص باوراق المديكال وبذلك سوف ننتظر للخميس القادم باذن الله حتى نتسلم الظرف ونبدا فى اجراءات الكشف الطبى ولكن طبعا الحمد لله على كل شئ وكده احسن من مفيش خالص :)

وبناءا عليه ونظرا لحالة السعادة التى اشعر بها اتمنى من كل قلبى لاى حد منتظر سواء المقابلة او الكشف يوصله ان شاء الله فى اقرب فرصة ويقل الانتظار قدر الامكان

ولنا لقاء قريب باذن الله

الاخت الكريمة دعاء

الف الف الــــــــــــــــــــف مبروك و عقبال الفيزا ان شاء الله ، ده خبر سعيد جداً و نتمنى لك و لاسرتك النوفيق و كل الاخوة الاعضاء .

:)

[samehelassad]

الاخت العزيزة دعاء الف الف الف مليون مبروك. معلش متاخرة بس انا في مصر اجازة وانتي عارفة الواحد بيبقى ملبوخ قد اية.

ربنا يكرمك ويوفقك وتكون الخطوة دي وش الخير عليكي وعلى اسرتك يارب. وعقبال متبشرينا بجواب الباسبورات بسرعة.

[دعاء]

wst::

wst:: احمد صالح

شكرا جزيلا على تهنئتك وجزاك الله خيرا

wst:: سامح الاسد

شكرا لك وعقبالك ان شاء الله وجعل الله لك نصيبا من دعواتك

اخوانى الاعزاء انتظرونى قريبا عندما اعمل الكشف الطبى وان شاء الله سوف اخبركم بكل التفاصيل وعواتكم لينا

wst::

[مزاميزو]

السلام عليكم ورحمة الله وبركاته

أختي الغالية دعاء

معلش استفسار هو تاريخ بداية processing بالنسبة لملفك الفيدرال ابتدى يوم كام أكتوبر 2007 بالضبط عشان أشوف أنا تقريبا يوصلني الميل بتاع الكشف الطبي امتى

وبالتوفيق ليكي وليا إن شاء الله

[دعاء]

السلام عليكم ورحمة الله وبركاته

أختي الغالية دعاء

معلش استفسار هو تاريخ بداية processing بالنسبة لملفك الفيدرال ابتدى يوم كام أكتوبر 2007 بالضبط عشان أشوف أنا تقريبا يوصلني الميل بتاع الكشف الطبي امتى

وبالتوفيق ليكي وليا إن شاء الله

:aslam:

:bro: مزاميزو

انا ملفى بدأ العمل عليه فى السفارة يوم 16 - 10 2007

وانا تحت امرك فى اى استفسار

:waf:

[hamoudi]

السلام عليكم ورحمة الله وبركاته

أختي الغالية دعاء

معلش استفسار هو تاريخ بداية processing بالنسبة لملفك الفيدرال ابتدى يوم كام أكتوبر 2007 بالضبط عشان أشوف أنا تقريبا يوصلني الميل بتاع الكشف الطبي امتى

وبالتوفيق ليكي وليا إن شاء الله

:aslam:

:bro: مزاميزو

انا ملفى بدأ العمل عليه فى السفارة يوم 16 - 10 2007

وانا تحت امرك فى اى استفسار

:waf:

الاخت دعاء رجاء كتابة التسلسل الزمني للاحداث من يوم الانترفيو شاكرين لك ذوقك الدائم وشاكرين للاستاذ عز ذوقه

[مزاميزو]

الأخت دعاء

ألف شكر على سرعة الرد مع تمنياتي لكي بالتوفيق

[bentbatota]

بالتوفيق ان شاء الله يا مدام دعاء واضح انك فى الشهور الأخيره كل الى حاقدر اقوهلك ان ممكن تقدرى تعملى الكشف الطبى بدون x-rays حتلاقى مكتوب فى منتدى اجنبى عن الهجره لكندا والعنوانcanadavisa.com الصفحه الاولى بعنوان medical exam

[bentbatota]

سورى حتفتحى صفحة skilled worker الاول وتدورى فيها