السم مواطن متعرى .........

[houssin abo habaga]

ألأسم مواطن متعرى

الحاله خليها على الله

حيطق من كل جنابه

وجنابه مش سائل فيا

وحكومتى الله يرحمها

جنازتها الخطه الجاية

عريان مواطن متعرى

يا دوب تم الثلاثين

لا شقه ولاعروسة تصنى

عايش غرقان فى الطين

متخرج أصلى م الجامعه

ومتعطل من ست سنين

ساكن بدروم فى عمارة

عنوانها فى زقاق مدارى

الحيطه بتنشع مية

وألأم عليله وبتداوى

وألأب خليها على الله

أرزقى على قد الحاله

يا دوب عدا الخمسين

لامعاش ولاحتى دياولو

يعينه فى بلوغ الستين

أصله كان ساقط قيد

زيه زى الملايين

فى الدنيا عايشين ع الهامش

فطارهم الفول على طول

وغداهم متقلش لحد

المش والبصل الاخضر

والزيت ويا التموين

بدور على حاجه تسترنى

وأعيش فى الدنيا بجد

حكومتنا الله يسترها

بخططها الجبل إنهد

الخطه الناس حسدوها

وشيوخنا نازلين يرقوها

ويشيلوا عنها الحسد

آدى حالى يا دنيا شوفينى

ألأسم مواطن مصرى

والحالة خليها على الله

***********

كتابات /أرابيسك

:sad: md2: :P :D