كندا هي تورونتو وبس؟؟؟؟؟

[hamoudi]

يعني ياجماعه بالعربي كده اسن مكان فى كندا للعيش الاقى فيه شغل بسهوله واسكن رخيص وتكاليف معيشه رخيصه ايه؟؟؟؟؟؟؟ ياريت ترشحوا ليا 3 مدن

على فكره انا هجرتي كيبك بس انا شايف ان اتنقل للجزء الانجليزي فرجاء مساعدتي فى اختيار البلد الى فيها شغل كتير خصوصا لو انى فشلت فى الدراسه والمعادله واللذى منه

[hosiny]

تمام دانا وقعت في ملعبك بقي يا استاذ حورس

انا بردو مهندس مدني بس 8 سنين خبرة - ماجستير دارة اعمال(قسم ادارة مشاريع) + PMP certified and Instructor

و كنت شغال جوا ارامكو السعودية بترول بردو

تفتكر خبرتي الصغيرة دي مع الشهادات تؤهلني اني الاقي شغل هناك بسرعة ولا لازم الاربع كوسات دول و عايز اعرف مدتهم قد ايه و تكلفتهم كمان.....ده من ناحية الشغل

انما بقي من ناحية البلد ياريت تتكلم معانا عليها شوية و تقولنا عن يوميات بسيطة ليك فيها تبين فرقها ايه من حيث المعيشة عن تورونتو و ادمينتون

مستني ردك و شكرا مقدما

[Horus]

"تفتكر خبرتي الصغيرة دي مع الشهادات تؤهلني اني الاقي شغل هناك بسرعة "

أهلاً وسهلاً يا باشمهندس ..

أنا تحت أمرك ...

ابعتلي إنت بس ال-Resume .. وربنا يسهل .. حاعمل كل إلي أقدر عليه ..

إنت بس تفتكر ال-٢ كلو لب أسمر معك ونت جاي :)

------------------------------------------

بالنسبة للكلام عن كالجري

أنا هبدأ من أهم حاجة ..

المصاريف في كالجري :)

الحقيقه بأت غالية جداً الكم سنة إلي فاتو ...

يعني بدون مبالغة .. شوية ال-groceries إلي الواحد كان يجبهم زمان ب-٣٠ - ٤٠ دولار .. دلوقتي مش أقل من ١٠٠ دولار

موضوع المصروفات طبعاً يختلف من أسرة إلى التانية ..

لكن هديك متوسط .. (إلي أنا ماشي عليه)

Calgary

1 Mortage 1 2000

2 Pro. Tax payment 200

3 Home Insurance 55

4 House (Garden) Meant. / Tools 80

5 Home Security (Alarm) 35

2370

6 Gas - Water - Sewer 200

7 Elect 180

8 Cell Phone (1) 7 (2) 50

9 International Calls 100

10 Home Phone 55

11 Arabic Dish - 45 US 25

12 Internet H Speed 50

660

13 Food & House Supplies 1500

14 Kids (Go Out, Activties or Toys) 200

15 Alberta Health (88 per month) 88

16 Car Insurance 110

17 Gas - Corolla ONLY 200

18 Surprises (Ticket, .. ) Or Car / house Fix Extras 100

19 Masroof (Me) 200

20 Masroof (Wife) 100

21

2498

22

23 ALICO (Retirement & Life Insurance) 0

24 Bank & Card Fees 27

25 membership(s) 58

26 Other Health & Med. 120

27 Rent Maadi, Tel, Elect, .. Etc.. 0

28 Trips / Gifts / Birth Days 100

29 Trip to Masr (once a Year) 700

30

1005

31 Lease car 245

32 Parties - Wal Mart - Others 100

33 Interest on Line of Credit @ 6.0% 0

34 Haircuts 22

35 Kids arabic & Other courses 100

467

Total Basics 7000

[hosiny]

ياااااااااااه

المصاريف تعتبر بردو عالية في مصر

من الرؤية الاولية كده الواحد هيتنفض بالفلوس اللي هيكون جايبها معاه لحد ما يلاقي شغل....ربنا يستر

بس اعتقد زيادة الاسعار ده موضوع عالمي حتي عندنا في السعودية فيه زيادة في حجات البيت بس حدود 40 % اليومين دوول و فيه منتجات تانية زادة 100% و اكتر زي الرز و الزيت و .........

واعتقد بردو سكان تورونتو اكيد عندم الموضوع ده

سؤال تاني؟؟؟؟؟ ماهو متوسط دخل مهندس في كالجري اذا كان دخله في تورونتو 20 دولار؟؟؟؟

سؤال كمان(صداع بقه) فيه مجالات تانية للشغل في المانجمنت للمهندس المدني زي اللي عندنا هنا في السعودية (مثل superintendant - zone manager - project coordinator...........)

لان الشغلات دي اللي بخبرتي ممكن يشتغلوا فيها بس مش عارف موجودة عندكو ولا لأ و هي بتبقي في المشاريع الكبيرة اللي متقسمة مانجمنت شركة لوحدها و سوبرفيجن شركة تانية و مقاول او اكتر شركة تالته

[AL MUHAGER]

باشمهندس Al-Muhager

بالنسبة للحضرتك بتعمله ..

----------------------------------------------

اخوك مهندس معماري دفعة 2002- بشتغل في دبي في مكتب استشاري من سنتين -

شوف يا عمنا ايه اللي بعمله

بالنسبة لبرامج الكمبيوتر - الحمد لله - بشتغل كويس اوتوكاد و ماكس و ادوب

بالنسبة لطبيعة شغلي

ببتدي في المشروع من اول ما بحط تصور للمشروع بناءا على متطلبات المالك ولحد ما الفكرة تستوي و بعدين ابتدي احضر رسومات المشروع المعمارية وانسق مع باقي التخصصات زي الانشائي ومهندس التكييف ومهندس الصرف ومهندس الدفاع المدني ومهندس الكهربا وبراجع شغلهم كلهم واشوف لو فيه تعارض بين اي تخصص والتانيولو فيه نحل الموضوع ازاي وبعدين و بتبابع الاجراءات الرسمية لحد ما نستلم الرخصة وبعد كده بنزل اشرف على تنفيذ المشروع من طءطء ل سلامو عليكو .............يعني من الاخر بتاع كله وانا عارف انه مش صح وان التخصص كويس ..بس بيني وبينك الموضوع ده اداني خبرة كبيرة في المجال بتاعنا وفي وقت قليل

--------------------------------------------------------------------------

د كلام بيقوم بيه فريق كامل هنا يا هندسة ...

إنت تجي و ربنا يكرمك .. تدور على شغل project engineer ..

شوف كدة ..

http://www.workopolis.com/work.aspx?action...rchId=670984616

--------------------------------------------------------------------------------------------------

Our client is one of the world's largest and most diverse providers of professional technical services. They offer full-spectrum support to industrial, commercial, and government clients across multiple markets. Services include scientific and specialty consulting as well as all aspects of engineering and construction, and operations & maintenance.

An opportunity is available for a: PROJECT ENGINEER

Responsibilities:

Direct and coordinate the activities of engineering and design groups assigned to a medium-sized project

Supervise complex engineering tasks related to a portion of a major project

Develop a definition of the scope of engineering services to be provided by the company

Establish the basic design criteria for the project with the client

Approve all project technical documentation such as specifications, flow diagrams and plot plans

Assure compliance of engineering effort to project schedule, control estimate and company procedures

Assign and review work of subcontractor project engineering staff

Outline more difficult problems and methods of approach. Coordinate work programs and direct use of equipment and material.

Education Requirements:

University graduate in engineering or applied science, with 6 -10 years of engineering, and/or administrative experience or an equivalent combination of education, training and experience. Candidates must have direct Oil and Gas / Petrochemical / Refinery experience.

Interested candidates should submit their resume to: sberman@roevin.ca

----------------------------------------------------------------------------------------------------

و برد في مجال البترول .. مش ال-plant د برد محتاج مهندسين عشان يبنوه !!

شكرا يا عم هورس وربنا يجعله عامر

انا متفق معاك انو اللي بعمله هنا بيعمله فريق هندسي عندكو وانا مش بقوا ان دي شطارة منى لا صدقني انا مش عاجبني انى اكون بتاع كله لان خبرتي النهائية هاتكون ضعيفة بالمقارنة بواحد في نفس سني لكن متخصص في جزئية معينة

ليا سؤال ليك يا عمنا

من خلال خبرتك ايه اقصر الطرق و مش بقول كده لاني بستسهل وبقصد هنا باقصر الطرق الاسرع وليس الاسهل في الحصول على شهادة للعمل بيها

يعني الاخ ياسر مشكور جدا كان سبق واتكلم على موضوع superintendent وموضوع planer

وكان الاخ ياسر اتكلم عن شهادة golden seal لكن ماتكلمش عن تكلفة ومدة الشهادة انا دخلت علي السايت بتاع الشهادة دي ولقيت الموضوع بالنسبة للوقت والتكلفة مش واضحة

وبخصوص الاعلان اللي انت بعته عن وظايف لو تاخد بالك اخر سطرين هتلاقي Candidates must have direct Oil and Gas / Petrochemical / Refinery experience

انا بقي كنت بقول للاخ ميزو اللي زي حلاتي - مالوش في البترول بس هو مدنى وانا عمارة- انو ممكن يلاقي شغل في الانشاءات بس برضو الطريق مش واضح قوي

ياريت يا اخوانا اللي عنده اي معلومة يقولها لان الموضوع ده هايفرق معانا كلنا والله وجزاكم الله كل خير

[Horus]

يارجالة .. إلناس دي ممكن تطلب أي حاجة ..

بس المهم هيلقو حد ؟؟

الموضوع فعلاً كدة في ألبرتا .. انتو مش متخيلين ...

خصوصاً في فورت مكموري ..

أنا لما كنت هناك في ٢٠٠٦ .. كنت بعمل منجمنت لمشروع رفينري ..

و كان معايا مهندسين مدني بيشتغلو مع المقاولين

إنت بردو محتاج تبني مباني و طرق و كلو ..

بس أنا عاوزكم تقدموا من عندكم .. مش هتخسروا حاجة ..

إلي فيكم هيشتغل مدني تصميم أو تنفيذ .. لازم يكون معه ال-Apegga

[AL MUHAGER]

عم هورس يا كبير المهندسين

اخوك مهندس معماري .... طمنى ايه الاخبار عندك لو اشتغلت مهندس موقع او مكتب فني او حتى رسام ... ايه اللي محتاج ادرسه

منتظر ردك على احر من الجمر

[samehelassad]

والله ياحسيني فكرتني بنفسي من زمان بس انا عكسك.

انا كتبت كالجري من الاول وفي الابديت غيرت ل تورونتو. ودة لسبب بسيط اني زي مانت عارف بشتغل في شركات الادوية ودة مجال شغلي وميزتة انة مش من ال regulated jobs يعني في امل الاقي شغل وشركات الادوية في كندا معظمها مكاتبها في تورونتو ميسيساجا او مونتريال. فلاقيت ان موضوع اني اروح البرتا دة صعب برغم اني عندي قريب ليا عايش في ادمنتون من تلاتين سنة ورئيس الجالية الاسلامية هناك كمان. فقلت ابقى على الاقل في مكان الوظايف ماهو انا مليش دعوة بالبترول خالص. وياريت لو الاخ العزيز حورس عندة رائي تاني يقوللي (انا قريت مداخلاتك وعاوز اقولك ربنا يكرمك ويديك على قد نيتك)

[Horus]

أستاذ حسيني ... انا مستني الresume

ياااااااااااه

المصاريف تعتبر بردو عالية في مصر

المصروفات دا البسك زي مانت شايف ... لو زودت أي مفاجأة تانية ... ؟؟!!

لكن من ناحية تانية ممكن توفر كل واحد حسب ظروفو

لو هتسكن في منزل إيجار .. ممكن البند الاول توفر منة ٥٠٠ دولار .. الإيجار ر دلوقتي في حدود ١٥٠٠ متوسط

كمان لو عدد أفراد الاسرة قليل .. ممكن كمان توفر من مصروف البيت

لو مش لزم تنزل مصر كل سنة ... بردة دة مبلغ تاني ممكن تشيلو

سؤال تاني؟؟؟؟؟ ماهو متوسط دخل مهندس في كالجري اذا كان دخله في تورونتو 20 دولار؟؟؟؟

بالنسبة لحكيت ال-٢٠/ساعة .. متتخضش .. د يمكن الإنتري لفيل ...

المفروض تكن بتدور على 50 /ساعة مثلاً أو ما يوازي 100,000/ سنة

لو راتبك 9000 / شهر .. يعني هما ال- 6000 صافي بعد الضرايب يا هندسة ..

---------------------------------------------------------------

فيه مجالات تانية للشغل في المانجمنت للمهندس المدني زي اللي عندنا هنا في السعودية (مثل superintendant - zone manager - project coordinator

طبعاً . كل الكلام د موجود ..

[hamoudi]

ياجماعه بالعربي كده اسن مكان فى كندا للعيش الاقى فيه شغل بسهوله واسكن رخيص وتكاليف معيشه رخيصه ايه؟؟؟؟؟؟؟ ياريت ترشحوا ليا 3 مدن

على فكره انا هجرتي كيبك بس انا شايف ان اتنقل للجزء الانجليزي فرجاء مساعدتي فى اختيار البلد الى فيها شغل كتير خصوصا لو انى فشلت فى الدراسه والمعادله واللذى منه

[AL MUHAGER]

عم هورس يا كبير المهندسين

اخوك مهندس معماري .... طمنى ايه الاخبار عندك لو اشتغلت مهندس موقع او مكتب فني او حتى رسام ... ايه اللي محتاج ادرسه

منتظر ردك على احر من الجمر

[hosiny]

تم ارسال السيرة الذاتية يا اخ محمد و متشكر جدا جدا علي اهتمامك

[Horus]

عم هورس يا كبير المهندسين

اخوك مهندس معماري .... طمنى ايه الاخبار عندك لو اشتغلت مهندس موقع او مكتب فني او حتى رسام ... ايه اللي محتاج ادرسه

منتظر ردك على احر من الجمر

-----------------------------------------------------------------------

يا باشمهندس .. مااحنا بنقول أهو ...

شغال مهندس .. فيه تصميم .. أو هتمضي على لوحات .. أو تنفيذ ..

يبقى محتاج تعمل معادلة .. من Apegga

لو هتشتغل رسام أو بلانر ...يبقى مش محتاجها ..

أنا شغال من ٥ سنين بلانر و معملتش المعادلة .. كسل بقى ..

طبعاً السوفت وير إلي هتحتاجو الشغلانة هو أهم حاجة ..

لزم تدرسو كويس جداً و تكون متمكن عشان الناس هنا تقدرك و تتمسك بيك ...

- primavera ٥ أو ٦ لو نويت على بلانر ...

- أوتكاد .. لو رسام ... و كدة يعني ..

عاوز إحتراف يا شباب

احنا عملنا سمعة جامدة للمصريين هنا ...

ياريت تحافظ عليها الله يكرمكم ..

عشان الاجيال إلي جاية بس ...

بالمناسبة .... أنا إسمي حورس.

[Horus]

"تم ارسال السيرة الذاتية يا اخ محمد و متشكر جدا جدا علي اهتمامك"

وصلت بسلامة يا أستاذ ..

بس الشكل العام مش ذي السيرة الذاتية هنا ...

ياريت تبعتها وورد عشان أحاول اظبطهاللك ...

إنت بالمناسبة .. متوقع الPR امتى بإذن الله تعالى ??

[AL MUHAGER]

عم هورس انا الحمد لله بشتغل اوتوكاد كويس من حوالي 8 سنين لكن انا نفسي اشتغل بلانر

لو تتكرم يا كبير المهندسين ايه اخبار رواتب الرسام و البلانر اللي معندوش خبرة كندية

ويجعله عامر

[AL MUHAGER]

انا اسف يا عم حورس

[hosiny]

حاضر يا بشمهندس محمد مغلبينك معانا بس ياريت تبعتلي اي نموذج سي في من عندك علشان الواحد برضو يبقي عارف النظام عندكو شكله ايه

بس نقيلنا واحده تمام كده علشان الواحد يمشي عليها

[hosiny]

عندي سؤال معلش برا المقرر

هو الكهرباء في جميع ولايات كندا 110 فولت؟؟

[Virus]

العزيز حورس..

شكراً جداً على خسبة المصاريف الشهرية..دي مفيدة جداً

اسمحلي أتقل عليك بسؤالبن..

1-متوسط دخول مهندسي البترول في كالجاري نفسها مش في الحقول ومع خبرة حوالي 12 سنة

2- ال 2000 دولار دول قسط بيت شكله إيه..وفين؟

شكراً

[moheltohamy]

عندي سؤال معلش برا المقرر

هو الكهرباء في جميع ولايات كندا 110 فولت؟؟

آي نعم يا حسيني بيك (يا مأموص)! :closedeyes:

كلهم 110 فولت. وفيه كونفيرتر بـ 25 دولار ممكن تشتريه من ع النت ، بس جهد 50 وات.

الحاجات اللي محتاجة وات أعلى (زي المكواه أو الكيتل بتاع الشاي) يستحسن ما تاخدهاش معاك كندا أصلاً!