كندا هي تورونتو وبس؟؟؟؟؟

[hosiny]

مش مقموص ولا حاجة بدليل روح شوف ردي علي موضوعك هتلاقيه في نفس الوقت اللي انت رديت عليا فيه هنا بس مش حلوه كلمة .........دي اللي انت قلتها...مكنش العشم

[medopharm]

"تفتكر خبرتي الصغيرة دي مع الشهادات تؤهلني اني الاقي شغل هناك بسرعة "

أهلاً وسهلاً يا باشمهندس ..

أنا تحت أمرك ...

ابعتلي إنت بس ال-Resume .. وربنا يسهل .. حاعمل كل إلي أقدر عليه ..

إنت بس تفتكر ال-٢ كلو لب أسمر معك ونت جاي :closedeyes:

------------------------------------------

بالنسبة للكلام عن كالجري

أنا هبدأ من أهم حاجة ..

المصاريف في كالجري :closedeyes:

الحقيقه بأت غالية جداً الكم سنة إلي فاتو ...

يعني بدون مبالغة .. شوية ال-groceries إلي الواحد كان يجبهم زمان ب-٣٠ - ٤٠ دولار .. دلوقتي مش أقل من ١٠٠ دولار

موضوع المصروفات طبعاً يختلف من أسرة إلى التانية ..

لكن هديك متوسط .. (إلي أنا ماشي عليه)

Calgary

1 Mortage 1 2000

2 Pro. Tax payment 200

3 Home Insurance 55

4 House (Garden) Meant. / Tools 80

5 Home Security (Alarm) 35

2370

6 Gas - Water - Sewer 200

7 Elect 180

8 Cell Phone (1) 7 (2) 50

9 International Calls 100

10 Home Phone 55

11 Arabic Dish - 45 US 25

12 Internet H Speed 50

660

13 Food & House Supplies 1500

14 Kids (Go Out, Activties or Toys) 200

15 Alberta Health (88 per month) 88

16 Car Insurance 110

17 Gas - Corolla ONLY 200

18 Surprises (Ticket, .. ) Or Car / house Fix Extras 100

19 Masroof (Me) 200

20 Masroof (Wife) 100

21

2498

22

23 ALICO (Retirement & Life Insurance) 0

24 Bank & Card Fees 27

25 membership(s) 58

26 Other Health & Med. 120

27 Rent Maadi, Tel, Elect, .. Etc.. 0

28 Trips / Gifts / Birth Days 100

29 Trip to Masr (once a Year) 700

30

1005

31 Lease car 245

32 Parties - Wal Mart - Others 100

33 Interest on Line of Credit @ 6.0% 0

34 Haircuts 22

35 Kids arabic & Other courses 100

467

Total Basics 7000

الأخ الكريم الاستاز حورس

شكراا للمعلومات الجميله دى

بس انا عندى استفسار بسيط

حاجه مش فاهمها

حضرتك كاتب ان توتال المصاريف 7000 دولار

ده طبعا شهريا

مش كده

هل ده متوسط المصاريف

وحضرتك قولت ممكن الواحد يوفر شويه

يعنى مهما يوفر ممكن يوصل كام

طيب على كده متوسط الدخل بعد الضرايب كام

ولو مثلا الدخل 60000 بعد الضرايب يعنى متوسط شهرى 5000دولار

يعنى الواحد هيستلف عشان يكمل مصاريف الشهر

ممكن توضيح الوضع العام

يارب اكون فهمت غلط

وشكرااااااااااااااااا

[Horus]

الكلام دة متوسط ذي ما قلت بيختلف من واحد للتاني ...

بس أنا زمان لما كنت بعمل ٥٠٠٠ صافي بعد الضرايب

كنت سكن في شقة إيجار ..

خلي بالك معايا بقى .. :blush2:

البند من واحد لخمسة .. دول عشان أنا اشتريت بيت دلوقتي

يبقة حضرتك تشيل الأرقام بتاعتي : 2370 و تحط إيجار و بس : ١٣٧٠ مثلاً

كمان كان عندي عربية مستعملة .. مكنتش عمل ليس على عربية ع الزيرو :closedeyes:

كمان . مكنتش بادر أنزل الاولاد مصر .. كل سنة ..

بس حصلت كتير أوي .. اني كنت بمشي الشهر بالكرديت كارد لغاية أخرو ..

طبعاً المفروض إنو مفيش حد عاقل تستلف عشان يجيب كماليات .. :closedeyes:

بس ساعات الواحد بيتضتر ..

[Horus]

العزيز حورس..

شكراً جداً على خسبة المصاريف الشهرية..دي مفيدة جداً

اسمحلي أتقل عليك بسؤالبن..

1-متوسط دخول مهندسي البترول في كالجاري نفسها مش في الحقول ومع خبرة حوالي 12 سنة

2- ال 2000 دولار دول قسط بيت شكله إيه..وفين؟

شكراً

أنا مش عاوز أقول أي أرقام وانا مش متأكد منها ..

انما أعرف ناس بتعمل ٥٠ -٦٠ دولار فالساعة . و ناس بتعمل ١٠٠ في الساعة

إنت عرف إنو لا حيلة فالرزق .. بيكون اتنين نفس المؤهل .. و واحد مرتبه ضعف التاني ..

اه المرتب السنوي بيكون تقريبا=ً ٢٠٠٠ X أجرك في الساعة

------------------------------------------------------------------------------------------

ادخلو يا رجاله على المواقع دي .... دوروا .. و إبعتو الCV

يالله عاوزين نملا كالجاري بالمصريين ..

http://www.workopolis.com/work.aspx?action...iew〈=EN

http://www.monster.ca/

نصيحتي .. لما تدخل على الشغل إضرب أرقام كبيرة .. و يمكن ربنا يسهلها ..

----------------------------------------------------------------------

البيت دة متوسط .. بردو

بتدفع مقدم والباقي اقساط على ٢٥ سنة

أسعار البيوت في كالجاري تلقيها هنا

http://www.mls.ca/map.aspx?AreaID=6240

[hosiny]

معلومات تمام يا حورس باشا

بس لو شغلانه من دول ضبطت هيبعتولك زي تصريح عمل مؤقت لو هما مستعجلين و لا الواحد بيستغل العقد في انه يسرع اجراءاته و في الحالة دي هل الناس دى هتصبر؟؟؟

احكيلنا بردو اكتر ليه اخترت كالجري في الاول و زي يوميات صغيرة كده عن حياتك اول ما نزلت علي كالجري وهل الناس هناك ودودة ولا بيخافوا من المهاجرين الجدد...؟؟؟

انت قلت ان قسط تأمين السيارة 110 تقريبا بس انا سمعت انه في تورونتو 250 ليه الفرق ده؟؟ وهل بتفرق علي حسب نوع السيارة و موديلها وسعرها و لا بس الهيستوري بتاع السواق

ايه المميزات لو اشتريت بيت بالرهن العقاري بدل قصة التأجير و هل تقدر تبيعه في اي وقت بعد كده حتي لو مسديتش تمنه كامل؟؟

هل في كالجري ممكن تستقبل اي اقمار عربيه و قنوات عربية و لا لازم تشترك مع الشركات اللي بتوفر القنوات دي؟؟

هل فيه خدمات في كالجري احسن منها في تورونتو؟؟؟ او العكس ان تورونتو افضل من كالجري فيها ؟؟ لاني سمعت من الاخ ياسر قبل كده ان مستوي توفر الخدمات عامة في تورونتو اكثر كثافة حولك في اي مكان انت ممكن تسكن فيه

بعد اذنك عايزينك تعيشنا معاك في البلد شويه و تحكيلنا عن حاجات اكيد هتبقي الناس مش واخده بالها منها بحكم اختلاف الثقافة و البلد وان الحجات دي مش ممكن تخطر علي بالنا قبل الهجرة

ومستني من حضرتك السي في علشان اشوف الدنيا عندكوا ايه نظامها

تم تعديل 17 أغسطس 2008 بواسطة hosiny

[AL MUHAGER]

عم حورس

انا الحمد لله بشتغل اوتوكاد كويس من حوالي 8 سنين

لكن انا نفسي اشتغل بلانر

لو تتكرم يا كبير المهندسين ايه اخبار رواتب الرسام و البلانر اللي معندوش خبرة كندية

ويجعله عامر wst:: wst:: wst::

[hosiny]

عندي سؤال مهم تاني للاستاذ حورس

الواحد لما ييجي يدور علي سكن مؤقت علي النت علشان ينزل عليه في كالجري مؤقتا لاول مرة ايه الاماكن الكويسة و اسماء الشوارع اللي بجوارها اللي الواحد ممكن يدور فيها (من خلال مواقع النت و الجوجل ايرث) بحيث تكون قريبة من المصالح الحكومية اللي الواحد هيخلص فيها ورقه و من المواصلات و تكون هادية و بعيد عن المناطق اللبش ياريت تدينا اكتر من خيار و اكثر من منطقة.

ونفس الكلام بردو لما الواحد يجي يدور علي سكن دائم ايه المناطق المناسبة للسكن و هادية بعيد عن المشاكل و قريبة من وسط البلد و الخدمات بحكم خبرتك (ياريت بردو اكتر من خيار) مع ذكر اسماء الشوارع اللي بجوارها حيث انها بتبقي اسهل في البحث من علي الجوجل باسماء الشوارع .

ولو فيه اعتبارات اخري للموضوع ده ياريت تذكرهالنا بردو

تم تعديل 18 أغسطس 2008 بواسطة hosiny

[hosiny]

مستني ردك يا حورس باشا

[Horus]

أسف جداً يا حسيني .. أنا عندي شوية لخبطة فالشغل .. اديني يومين بس و حارد عليك بالتفصيل ...

[samady]

ياجماعةممكن أغلس عليكو شوية -_- أنا شايف الكلام كله عن المهندسين وشغلهم ورواتبهم ممكن أدخل على الخط واسأل إذا حد عنده فكرة عن شغل الصيادلة ولا أخدها من أصيرها ومتحشرش في النص بين البشمهندسين :D

[AL MUHAGER]

يا عم صمدي انت تنورنا

بس الفكرة ان عمنا حورس هو من كبار مهندسي المنتدى وبالتالي لا يفتى وحورس في البرتا

بس اللي عندو اي معلومة مش هايتأخر

بس انا عندي معلومات متواضعة وعرفتها للامانة من المنتدي بتاعنا ده

ان الصيادلة المصريين ليهم سمعة حلوة قوي ومعروف انهم شاطرين لدرجة ان فيه نكتة بتقول ان مرة واحد كندي دخل صيدلية ملقاش فيها صيدلي مصري -_-

وان شاء الله بالتوفيق يا عم صمدي

[samady]

الله يبشرك بالخير يالمهاجر باشا

أنا أصلي هقدم الملف بتاعي اليومين دول ومعتمد على الجهود الذاتية بدون محامي ومحتاج أحدد في الأبليكاشن المكان اللي انا عايز أعيش فيه في كندا وبصراحة محتار بين ادمونتون و فانكوفر فيريت لو تأدر تساعدني

[moheltohamy]

يا لاهوييييييييييييييييييييييييييييييي...

نغنّيها؟!!!!

يا جماعة اكتبوا أي حاجة ف الدنيا! دي مجرد إحصائيّااااااااااات!

مالهاش أي علاقة إنتوا هتروحوا فين لما تاخدوا الفيزا.

الفيزا لا هيه إدمونتونية ، ولا فانكوفرية! دي فيزت كندا!

يعني لو حبيت تروح كيبيك روح!

شاغلين نفسكوا أوي ليه يا جماعة ع الحتة دي؟!

أنا بجد مستغرب!

[hosiny]

هدي اعصابك يا تهامي معلش....مش هيكرورها المرة الجاية

معلش يا شباب انا هقولكوا علي حاجة و متزعلوش مني ...اعتبروني اخوكم الصغير

بس انا قبل ماكتب كلمة في منتدي كندا ده تقريبا قريته كله علشان يبقي في دماغي كل المعلومات و بعد كده بدأت اسأل عن الحجات اللي مش واضحة عندي...

الطريقة دي هتخلي معلوماتك عن موضوع الهجرة احسن من المحامي نفسه و هترد علي تساؤلات كتير مكنتش هتيجي في بالك اصلا

[samady]

معلش ياجماعة عندي المرادي wst:: بس أنتو عارفين الواحد لما يجي يعمل حاجة مهمة بالنسباله بيكون موسوس حبيتين وخصوصا إني قريت في المنتدى إن المكان اللي هكتبه هو اللي بعمل فيه لاندنج أول مرة وبعدين الرجل تدب مترح متحب :D فانا قولت أخدها من قصيرها والمكان اللي أكتبه هو اللي أعمل فيه لاندنج هو اللي أستقر فيه smk:

ومتشكرين على المعلومة اللي قولتوها 50 مرة قبل كدة :wub:

[drbeso]

دكتور صمدي مش لوحدك انا كمان صيدلي

من ج القاهره وبعدين معلش احنا كلنا في الموضوع سوا والدكتور صمدي مغلطش لما سال

المنتدى من حق الجميع المشاركه

انا باختصار واقع في حيره شديده مابين استراليا و مابين كندا ؟؟ اكيد انا سمعت ان كندا احسن لكن قالولي كصيدلي لازم تمر عليك امتحانات مشوفتهاش قبل كده في الكليه لما تيجي كندا فده اللي مخوفني من كندا

بالنسبه لموضوع استراليا اعرف انها اسهل في الامتحانات بس ده كله بتاع ربنا

الله يخليكو اي حد يقدر ييني معلومه عن الهجره لكندا من اول كده واحده واحده للصيادله ياريت يراسلني او يضفني على

smart_basem

@

yahoo.com

يارب نجتمع سويا في البرتا

تم تعديل 21 أغسطس 2008 بواسطة drbeso

[hosiny]

ش بنقول الواحد لازم يقرأ الاول علشان يعرف يحط موضوعه فين علشان يلاقي ناس تجاوبه

صحيح يا دكتور بيسو ان المنتدي مفتوح للجميع بس لازم تنقي المكان المناسب علشان تحط سؤالك فيه علشان تلاقي حد يجاوبك مضبوط.....النظام و لا ايه يا دكتور ؟؟؟

علي العموم فيه موضوع كامل بيقارن ما بين كندا واستراليا هتلاقيه هنا و اعتقد ان ده انسب مكان تسأل فيه عن الفرق بين كندا و استراليا مش "البرتا و تورونتو"

اسف علي الازعاج

فييييييينك يا حورس باشا؟؟؟؟ الاسبوع خلص و محدش شافك؟؟؟

[alaashabana]

hosiny مشاركة بتاريخ اليوم, 06:57 AM

ش بنقول الواحد لازم يقرأ الاول علشان يعرف يحط موضوعه فين علشان يلاقي ناس تجاوبه

صحيح يا دكتور بيسو ان المنتدي مفتوح للجميع بس لازم تنقي المكان المناسب علشان تحط سؤالك فيه علشان تلاقي حد يجاوبك مضبوط.....النظام و لا ايه يا دكتور ؟؟؟

علي العموم فيه موضوع كامل بيقارن ما بين كندا واستراليا هتلاقيه هنا و اعتقد ان ده انسب مكان تسأل فيه عن الفرق بين كندا و استراليا مش "البرتا و تورونتو"

اسف علي الازعاج

فييييييينك يا حورس باشا؟؟؟؟ الاسبوع خلص و محدش شافك؟؟؟

والله يا حسنى كلام حضرتم مظبوط

بس ساعات الواحد لما بيلاقى موضوع شيق والناسكلها بتدخل وبتتكلم فية ، فتلاقى الواحد يسأل الاسئلة اللى محيراة يعنى انتهاز الفرصة ان الاستاذة الكبار كلهم متجميعن هنا ..

على العموم يارب يسهلنا طريقنا جميعا ونفضل فى المنتدى دة على طول حتى بعد ما نبقى فى كندا .. قولوا آمين

[lelionestici]

good morning,

i read what u said about the civil engineers but before asking my question i will till you my experience history.

i graduated 2002 from the faculty of engineering,civil dep.

i worked 1 year private in a consultant office,then two years in petrojet(it is a petroleum contractor which do all the construction of pertoleum fields )then i worked and till now in

gupco and it is a production company for petrol.and my responsibility is control all the contractors while they work in the field and be sure they do the requested job.

i`m now waiting my interview for immigrating to quebec..

so what do u think..my experience is requested in alberta....

and sorry if i bother you

[lelionestici]

good morning,

i read what u said about the civil engineers but before asking my question i will till you my experience history.

i graduated 2002 from the faculty of engineering,civil dep.

i worked 1 year private in a consultant office,then two years in petrojet(it is a petroleum contractor which do all the construction of petroleum fields )then i worked and till now in

gupco and it is a production company for petrol.and my responsibility is control all the contractors while they work in the field and be sure they do the requested job.

i`m now waiting my interview for immigrating to quebec..

so what do u think..my experience is requested in alberta....

and sorry if i bother you