نظام البصمة الجديد فى السعودية

[amrkhaled]

السلام عليكم ورحمة الله

موضوعى كبير ومحتاج مساعدتكم انا بقالى فى السعودية ست سنين فى شركة

اعمل بها مندوب مبيعات ومعى زوجتى استقدام ولكن عقدى مع الشركة سينتهى قريبا جدا

وانا محتار هل اجيب فزا حرة واخد خروج وعودة علشان اتفادا موضوع البصمة وفى الحالة دى مش هاخد مستحقات نهاية الخدمة

ولا اخد نهائى واخد مستحقاتى واشترى فيزا بردة وانزل بس انا مش عارف موضوع البصمة دة رابكنى جدا

وكمان قالى بعض الاصدقاء ان انا ممكن انقل كفالة الزوجة على احد السعوديات وبالتالى ممكن تجيبنى مرافق معاها

انا محتا ومش عارف اعمل اية

علما بان العقد بتاعى فاضل علية حوالى خمسة شهور

افيدونى جزاكم الله خيرا

انا مستنى ردودكم باسرع وقت

السلام عليكم ورحمة الله وبركاتة

[ahmadmosa]

الاخ عمرو

وايه المشكلة لما تعمل بصمة؟

[amrkhaled]

يا اخ احمد طالما سالت السؤال دة يبقى انتة اكيد مش عارف ان اللى بيبصم ميقدرش يدخل السعودية

تانى الا بعد مرور سنتين ودى مشكلة كبيرة بالنسبالى

وشكرا على ردك

المهم يا جماعة لسة محدش رد عليا بشىء يفهمنى اعمل اية

[Egy Guy]

صباح الخير ،،،، الفاضل عمرو خالد

اعتقد ان الموضوع ده تم مناقشته قبل كده وهتلاقي اجابات كتير للاسئلة اللي عندك علي الرابط ده

http://www.egyptiantalks.org/invb/index.php?showtopic=56635

والله يوفقك للخير انشاء الله

[محاور مصرى]

اعرف ناس لسه نازلة نهائي من مطاري الدمام وجده ولم يبصموا

و انا بنفسي سمعت احد الصولات (اللي بيبقى على ذراعه كام شرطه) بيوشوش الصول اللي بيختم الجوازات في مطار الدمام و بيقوله البصمه للبنجاله فقط

اي للمقيمين الوافدين دولة بنجلاديش فقط

اهم حاجة ماتكونش الشركة بصمتك

و الاهم انك ماتفتحش الموضوع مع حد في الشركة او في الجوازات او في المطار ...

بالتوفيق ان شاء الله

تم تعديل 16 أغسطس 2008 بواسطة محاور مصرى

[aimen]

اعرف صديق نزل نهائى ورجع بتأشيرة جديدة ولم يبصم لا رايح ولا جاى ....الموضوع فى طور التجربة حتى الأن وان كان هناك مصريين بصموا كما حدث مع سى السيد ( اعتقد الموضوع موجود فى المنتدى )

[Alrefaey]

السلام عليكم ورحمة الله

موضوعى كبير ومحتاج مساعدتكم انا بقالى فى السعودية ست سنين فى شركة

اعمل بها مندوب مبيعات ومعى زوجتى استقدام ولكن عقدى مع الشركة سينتهى قريبا جدا

وانا محتار هل اجيب فزا حرة واخد خروج وعودة علشان اتفادا موضوع البصمة وفى الحالة دى مش هاخد مستحقات نهاية الخدمة

ولا اخد نهائى واخد مستحقاتى واشترى فيزا بردة وانزل بس انا مش عارف موضوع البصمة دة رابكنى جدا

وكمان قالى بعض الاصدقاء ان انا ممكن انقل كفالة الزوجة على احد السعوديات وبالتالى ممكن تجيبنى مرافق معاها

انا محتا ومش عارف اعمل اية

علما بان العقد بتاعى فاضل علية حوالى خمسة شهور

افيدونى جزاكم الله خيرا

انا مستنى ردودكم باسرع وقت

السلام عليكم ورحمة الله وبركاتة

السلام عليكم اخى الفاضل الخيارات المطروحه امامك من وجهة نظرى هى

(1) نقل كفالة من شركتك الحالية الى الشركة الجديده اذا وافق الكفيل ومش مهم نهاية خدمة ولا مستحقات

(2) خروج نهائى وتشترى فيزا وتغير جوازك وعشان تتفادى موضوع البصمة اخرج من مطار جده او الدمام بلاش الرياض لانة احيانا بيعملوا بصمة

(3) موضوع نقل كفالة زوجتك على كفالة تانية هو ممكن لكنه صعب وبيحتاج معقب شاطر والموضوع بيكلفك 8000 ريال غير كده لازم تكون زوجتك بتعمل بمهنه من المهن اللى ينفع تعمل لك استقدام مدرسة او طبيبة مثلا

[amrkhaled]

جزك الله خيرا يا اخ alrefaey

على نصائحك لكن لو سامحت فية تعليق على موضوع النهائى واشترى فيزا ممكن الشركة تطلب منى ان ابصم

او التوقيت اللى انا همشى فية القوانين تتغير ويدخل موضوع البصمة حيز التنفيز الشامل لانى تقريبا همشى فى بداية السنة الهجرية الجديدة 1430 وبردة بالنسبة لموضوع ان الشركة تسمحلى بنقل كفالة همة مش هيوفقم حتى بالفلوس او ان اترك مكافأة نهاية الخدمة والمستحقات ومش عارف اعمل اية خايف اعمل زى ما انتة بتقول واشترى فيزا وانزل نهائى تحصل حاجة تخلينى اخسر كل حاجة

ومن نحية تانية بقول ان انا ممكن اتحجج باى حجة للشركة علشان تنزلنى اجازة قصيرةولو اسبوع واكون شارى فيزا وانزل واغير الباسبور واحى على الفيزا الجديدة بس حتى الموضوع دة لة سلبيات كتير لانى اولا هخسر مبلغ كبير وكمان مش هعرف اعمل استقدام لزوجتى وانا عندى اطفال ودى مشكلة بالنسبالى لان دايما المهن الموجودة فى الفيز الحرة بتكون عمالة وبيقولو ان انا حتى لو غيرت المهنة مكتب العمل والخارجية بياخدو بالمهنة الاولى اللى انا جاى عليها

وخلاصة الموضوع ان انا حيران جدا مش عارف اعمل اية بس انا حاسس ان انا المفروض اشترى فيزا وانزل خروج وعودة قريب ومستناش نهاية العقد بتاعى اللى هيتاخر للسنة الجديدة

ارجوا المشورة

والسلام عليكم ورحمة الله وبركاتة