نصيحه لزوجى

[مملكة الاحزان]

السلام عليكم ورحمه الله وبركاته

مشكلتى بدأت من ساعه تعيين زوجى مندوب دعايه طبيه بشركه أدوية بالرياض من 3 أشهر

حيث فوجئ زوجى بعدم انتظام الراتب ومحاوله الكفيل تخفيض الراتب المتفق عليه كمان وان حوالى 10 موظفين تركوا العمل خلال شهرين لنفس السبب وطبعا صاحب العمل أكل مستحقاتهم كلهم.

طبعا زوجى لما أحس بعدم الأستقرار طلب من الكفيل نزول مصر لمرض مفاجئ لوالدة (طبعا حجة عشان يخلع منه ويأخذ جوازة ) فرفض وقاله لازم تنقل كفاله الأول علينا ( وهو عند جواز واقامه زوجى وكمان خطاب تنازل من كفيله الأول) وبعدها تنزل اجازة رفض زوجى بشدةه وطلب انه يترك العمل حتى لا يدبس نفسه بنقل كفاله على شركه زى دى

دلوقت الشركه عاوزين يمضو زوجى انه استلم جميع مستحقاته وكمان يسلموا جوازة وأقامته للكفيل القديم أو بيهدد زوجى انه ينفل الكفاله عليه بالعافيه عشان يتحكم فيه أو يبعت جوازه واقامته للترحيلات

واللى عقد المشكله ان الكفيل القديم يهدد زوجى انه لو وصله جوازة واقامته هايمشيه نهائى ومش هايعمله تنازل مره اخرى على أى شركه

دلوقت احنا متعلقين مش عارفين ننزل مصر وكمان مفيش مرتب ولا مستحقات ونصحونا نبلغ الشرطه ومش عارفين نعمل ايه

ياريت تساعدونا جزاكم الله خير

[aimen]

اللهم يسر له امره و فرج كربه يارب

[مملكة الاحزان]

اية يا جماعة فين ردوتكم محتاجة ضرورى نصيحتكم لينا نتصرف مع الناس دى الزاى

[melhamy]

السلام عليكم ورحمه الله و بركاتة ،،،

الأخت ممكلة الأحزان

يؤسفنى سماع الأحداث اللى حصلت ليكم ،،، لكن الأفضل لزوجك فى جميع الحالات الذهاب لمكتب العمل و تقديم شكوى لان الأنتظار هخيليه فى موقف محرج مع الوقت سواء من ناحية أنتها ءالاقامة أو من ناحية عدم وجود مرتب ثابت ليه .....

بالنسب للكفيل القديم مايشلش همه طول ما زوجك معاه صورة من خطاب تنازل سابق بشكل أو بأخر يقدر ياخد خطاب تنازل تانى عن طريق مكتب العمل ودى مش أكيده لكن ممكنة حسب شكوت زوجك ....

اللى عايز أقوله انه يحاول بهدوء مع الكفيل القديم بعدم رفع مستوى التعامل لمكتب العمل والجوزات .... و بالنسبة للكفيل الجديد يروح يبلط البحر ... مدام زوجك أقامتة معاه ما يخفش من حاجة و وحتى لو أنقطع عن العمل يقدر زوجك هو اللى يضغط على الكفيل الجديد و يرجع جواز سفره عن طريق مكتب العمل او حتى توصل لأصدار جواز جديد المهم يوزان ما بين الجبهات اللى بيتعامل معاها بدل ما يعملوا علية كماشة .....

ربنا يتوب علينا منهم