عقد عمل

[madmax]

[السلام عليكم ورحمة الله وبركاته

يااخوانى انا جالى عقد عمل فى سلطنة عمان الراتب 400ريال+السكن يعنى الشركة هى اللى موفرة السكن والحقيقة انا مش عارف الراتب دا مناسب فى عمان ولا لا وكمان الشركة بتعطينى سيارةارجو الافادة من المقيمين بالسلطنة وكمان اية اخبار المعيشة تتكلف اد ايه شهريا بالنسبة لاسره من 4افرادوكمان المدارس اسعارها ايةولو زوجتى مدرسة لغة انجليزية ممكن تلاقى فرصة عمل بسهولة ولا لاوالرخصة السعودية بتمشى هناك ولا بيتم استخراج رخصة جديدة وازى اطلعها ولكم خالص التحية

والسلام عليكم ورحمة الله وبركاته

[muslim4ever]

عليك وعلى زهيري اكيد حيفيدك اللى اعرفة انه لسة مهاجر هناك من وقت ليس بالبعيد

اكيد حيرد عليك واكيد مش حيتاخر على خدمتك ده راجل خدوم والناس كلها بنحبه

حنى اسالنى انا

[المكافح]

اخى العزيز السلام عليكم ورحمة الله وبركاتة

انا مقيم فى سلطنة عمان - محافظة البريمى من فترة صغيرة وممكن افيدك برأييى بس لو تحدد حضرتك جاى على وظيفة اية بالظبط وعدد سنين خبرتك علشان نقدر نقيم الراتب دة مناسب ولا لأ

مع خالص تحياتى وتمنياتى بالتوفيق

[madmax]

اخىاخى العزيز المكافح اشكر ردك جدا ورد الاخ مسلم الى الابد انا جاى على وظيفة محاسب وعدد سنوات خبرتى 10سنوات والعمل هيكون فى مركز الشركة فى مسقط او فرعها فى صلاله وهى شركة مقاولات

[المكافح]

اخى العزيز MADMAX السلام عليكم ورحمة اللة وبركاتة

يا عزيزى الفاضل هذا الراتب لا يتناسب مع محاسب خبرة 10 سنوات كما تقول فانا اعمل مدير مالى واعلم ان هذا الراتب ضعيف نسبيا بالنسبة لعدد سنوات الخبرة فهذا العدد من سنوات الخبرة يؤهلك لوظيفة رئيس حسابات وليس محاسبا وعلى العموم ودون الدخول فى تفاصيل اخرى فرأييى الشخصى ان هذا الراتب يكاد يكفيك انت واسرتك المكونة من 4 افراد فالحياة هنا فى عمان اغلى نسبيا من السعودية وحتى لو كانت نسبة ضعيفة وحتى لو تساوت الظروف المعيشية فى عمان مع السعودية فرأييى الشخصى انة لن يقل متوسط انفاق هذة الاسرة المكونة من 4 افراد عن 300 ريال عمانى شهريا دة بفرض توفير السكن والسيارة من قبل الشركة ( ناهيك عن مصروفات المدارس الخاصة لأولادك والتى تكون مرتفعة القيمة جدا خصوصاً لو مدارس لغات او انترناشيونال

اما بالنسبة لزوجتك فمن السهل ان تجد عملا كمدرسة فى تلك المدارس فهم فى حاجة دائمة لمدرسين اكفاء

اما موضوع الرخصة فكان فى الماضى يتم استبدال الرخة السعودية باخرى عمانية دون اختبارات او غيرة اما الان فصدر قانون جديد يشترط تصديق الرخصة السعودية من الخارجية السعودية اولا ( بالسعودية وليس عمان ) حتى يتم استبدال الرخصة السعودية بالرخصة العمانية اما لو معاك رخصة مصرية فيتم اسبدالها مباشرة دون اختبارات او تصديق او غيرة

ولو انة فى بعض الاحيان يتم اصدار الرخصة العمانية بنائا على الرخصة السعودية دون تصديق وذلك لو ان هناك معرفة من احد العمانيين الذين يعملون معك فى الشركة باحد افراد ادارة المرور وذلك ما حدث معى شخصيا

فرأييى الشخصى احسبها كويس يابن الحلال وصلى استخارة وتوكل على اللة

تحياتى وانا تحت امرك فى اى وقت

[melhamy]

الأخ / المكافح

تحية لأسلوبك و مصريتك و الجدعنة اللى فى كلامك .... wst::

الوردة دى ليك wst::

[المكافح]

عزيزى MADMAX احنا كلنا هنا فى المنتدى اخواتك وتحت امرك فى اى وقت

تحياتى وتمنياتى لك بالتوفيق يارب