الزواج ......و الملل

[masry]

الملل....احد الاعراض التى يعانى منها كثير من الازواج....له اشكال متعدده....قد يكون الشعور بالملل عند الطرفين فتجدهما معا صامتين بعد ان كان الكلام بينهما لا ينقطع...و قد يصيب طرف واحد فقط و عندها يفقد القدرة على الكلام و على الاستماع إلى الطرف الآخر. و قد يأخذ أشكال متعدده. و لكن ايا ما كان شكله.....يبقى احد اكثر اعراض فتور العلاقة بين الزوجين انتشارا و ايضا اكثرهم قدرة على زيادة هذا الفتور.

ما السبب فى هذا الملل؟ هل يجب أن يمر اى زوجين بمرحلة شعور بالملل؟. ام ان اختلاف الشخصيات او الثقافة هو الى يؤدى لذلك؟ هل من الممكن تجنب الملل فى العلاقة الزوجية و المحافظة على حيويتها باستمرار.

[crossfield]

موضوع جيد يا أخ مصرى بيمس أغلب البيوت المصرية ؛بيسموه(الخرس

الزوجى) أو الطلاق الصامت

فى حدود اللى باشوفه فالملل فعلاً موجود فى كتير من العلاقات الزوجية لكن فى رأيى العيب مش فى الزواج نفسه العيب فى الأشخاص و الأسباب ممكن تكون

زوج ممل نكدى

زوجة مملة نكدية

روتين يومى و مفيش تغيير

...

علاجه؟

الله أعلم

لكن التغيير أكيد بيجيب نتيجة

السفر لأى حتة جديدة مثلاً

البعد عن الضغوط اليومية ولو مرة أسبوعيا

محاولة ادخال أى تجديد على الحياة الزوجية

مثلاً زيارة ناس مشفناهمش من فترة

نعمل حاجة مشتركة مع بعض (أكلة ؛ نشوف فيلم بنحبه مع بعض؛نشترى حاجة ناقصة البيت مع بعض...)

تغيير فى شكل البيت حتى....

فيه ألف حاجة ممكن الواحد يعملها عشان يكسب حد أو يوطد صلته بيه

المهم الواحد يكون عايز ده بجد :)

[yasser6666]

السبب في ظاهرة الخرس المنزلي هو عدم القدرة علي الغفران ...بمعني ان اي علاقة بين اتنين قابلة ان يحدث بها مشادات وخلافات ولن عادة تعود المياة الي مجاريها بالصلح والاتفاق علي الا يكرر اي منهما ما عمله وعكر الاجواء وعادة تعود العلاقة الزوجية الي طبيعتها من الحوار والتفاهم والنقاش كأن شيئأ لم يكن....ولكن في بعض الاحيان تكون الخلافات تفوق العادة كمن تسب زوجها امام الناس او تجرح كرامته بشئ ما ..في هذه الحالة لايغفر لها الزوج حتي لو عادت العلاقات ظاهريأ ويزهد الكلام معها ويستمر في العلاقة الزوجية فقط من اجل الاسرة والاولاد ....وعادة بل دائمأ تجد هذه الظاهرة من الرجال وليست من النساء لانهن بطبيعتهن لايصبرن علي قلة الكلام مهما كانت الخلافات ...(اسف ولكنها الحقيقة من وجهة نظري)

[se_ Elsyed]

معليش يا ياسر ، مصري مايقصدش الخرس المنزلي الناتج عن خلافات حالية أو سابقة ، ولكنه يقصد الحالة التى يصل اليها كثير من المتزوجين بعد فترة من الزواج وهي زي مايكون الأتنين خلصوا الكلام اللى عندهم ...

فبالتالي عايزين كبسولات علاج من الناس الخبرة اللى فى المنتدى لعلاج هذه المشكلة المزمنة .

( عفواً العــــزاب يمتنعون وش بيطلع لسانه )

[masry]

معليش يا ياسر ، مصري مايقصدش الخرس المنزلي الناتج عن خلافات حالية أو سابقة ، ولكنه يقصد الحالة التى يصل اليها كثير من المتزوجين بعد فترة من الزواج وهي زي مايكون الأتنين خلصوا الكلام اللى عندهم ...

فعلا يا سى السيد هوا ده اللى اقصده....بس ده لا يمنع برضه ان تراكمات الخلافات او الخلافات الكبيرة التى تنطوى على جرح لأحد الطرفين ليها دور مهم جدا زى ما بيقول ياسر.

[crossfield]

جه رمى كلمتين و مشى و لا حل المشكلة ولا حاجة و اللى ربنا قدره عليه العزاب يمتنعون طيب مش هنمتنع برضو

وش واحد غلس

يا اخ مصرى : رأيى استشير حد متجوز فعلاً :lol:

[yasser6666]

عفوأ لو حصل سوء فهم من طرفي ..حصل خير الاحسن اسكت يعني ??? حاضر عن اذنكم ...سأصاب بحالة خرس كمبيوتري في الموضوع ده !!!!!!

[masry]

يا اخ مصرى : رأيى استشير حد متجوز فعلاً  :D

المسالة مش مسالة استشارة...ده موضوع مفتوح للنقاش. بالاضافة الى ان التجربة الشخصية ليست الطريق الوحيد للمعرفة

[yasser6666]

رسالة لعبد الوهاب مطاوع عن الخرس الزوجي تستحق القراءة في الوصلة التالية :

http://www.ahram.org.eg/Index.asp?CurFN=PO...T2.HTM&DID=7764