قصيدة (بيض الحبل) للشاعر الكبير الخال عبد الرحمن الأبنودى

[FOX OF ARAB]

تنتظر فيهم يموتوا ما بيموتوش

هتموت الحملان و تفضل الوحوش

الوحوش ما بيزعلوش ما بيتعبوش واقعيون عمرهم ما بيحلموش

مهما نصرخ من ألم ما بيسمعوش ما بيرحموش لأنهم ما بيشوفوش

ما بيعرفوش حتى إحنا مين

ما بيميزوش أكتر من اللى بتسمعوا القروش

الدنيا وسعت ضاقت الأدوار

ضقنا بحكمائنا الكبار

أقوام من الأسفار

جنود العار

ملّينا أطفالنا الصغار

أحياء يموتوا الأصدقاء

باردين

اللحم يرجع من جديد للطين

هذا الزمان لصفوة الصامتين

هذا المكان بيكره العارفين

و لا فيش غرق فى البر ما غرقتوش

كل الأغانى مقطعة الاوتار

هذا المكان بيكره العارفين و يعذب الاخيار و ما يجلب إلا سىء الاخبار

كل الخُطى للخلف كل الخُطى للحتف كل الامان اقطار كل الخُطى للعار

للحق سيف تالم لا ناجى و لا سالم

الجاهل العالم و الجاهل الحاكم و الظالم العادل و العادل الظالم

سور يكره الاحجار إذا على ينهار

الشمس بتموت فوق و الدنيا ميت حلمها بــ نهار

كأنه ليل فى عتمته تاه كل حد فى حد

كأنه ظل نقصره يتمد

زحف الجذام من الجبين للخد و العدوى ترفس دار و تحضن دار

وجوه بتمضى على عجل

راكبه الجماجم على البدل

و أبو كرش كنز القرش

لا خايف و لا محتار

أبو كرش بيتاجر فى دمعتنا و خيبة الأمل

أبو كرش بيتاجر فى تعاستنا و فى بيض الحبل

كداب و غاوى النومة فى ظل العروش

و ننتظر فيهم يموتوا ما بيموتوش

هتموت الحملان و تفضل الوحوش

القصيدة صوت و صورة يقرأها الشاعر الكبير الخال عبد الرحمن الأبنودى(YouTube)

تم تعديل 16 أغسطس 2008 بواسطة FOX OF ARAB

[اسماعيل امين]

1-في اوائل السبعينات كان الشعب المصري منكسر ومهزوم وخارج من نكسه 73 .كانت هناك مظاهرات من الطلبه والشعب المصري قامت تطالب بتعجيل اعلان الحرب (ذلك عن جهل )-مظاهرات الطلبه في 68 (بسبب محاكمه قيادات نكسه 67 بأحكام مخففه) وكانت المظاهرات تتهم الجيش المصري بالجبن وتعرضه لاهانات كثيره (قام هذا الجيش بتفيذ ملحمه 1973 )

2-اتجهت مظاهرات طلبه جامعه القاهره وعين شمس (الي بيت الرئيس السادات في الجيزه ) في نفس التوقيت الذي كان يجتمع فيه مع بعض قياداته لتحديد متطلبات اعلان حرب التحرير في اكتوبر 73

3- رغم كل سيئات صدام حسين في حق الشعب العراقي .قامت كل وسائل الاعلام العربيه والغربيه بمهاجمته وتصويره بأنه ظالم ودكتاتور و ... حتى غباء الشعب العراقى صور له ان تحرير العراق سيكون علي يد الغرب وباسقاط صدام حسين وراينا الخراب الذي اصاب العراق بعد ذلك

انا احذر احذر احذر الشعب المصري من اهانه رموزه الوطنيه والا سيكون مصيرنا كالعراق

واطالب برفع صوره الريس من هذا الجزء في هذا المقال

[التونسى]

الله عليك يا ابنودى

لخصتها

وننتظر فيهم يموتوا مبيموتوش

حتموت الحملان وتفضل الوحوش