إيه رأيكم دهب ولا دولار .....؟؟!!

[الأسير]

الى كل الاخوان العزاء

اليكم خبرتي في مجال شراء الدولار ام الذهب

الذهب

الاضمن ليه بقى ده يطول شرحة أولا بحسبه بسيطة سبقت من المداخلات السابقة النسبة المئوية لزيادة الاسعار كانت لصالح الذهب وليس ال$

وعلى فكرة يتساوى المستعمل والسبايك في المكسب في حال البيع بحسبة معقدة ولكن كل تاجر ذهب ذهبت له اسأل وأعرف المعلومات دي يقول نفس الكلام وطبعا كنت بعمل نفسي داخل اعرف لو ببيع للصايغ هياخد مني بكام مش بقوله اني عايز اشتري وبعدين بستفسر جدا انتو عارفين المصري ما شاء الله لا يضع قرشة اللي جابه بعد ما تعب فيه واستخار الله عز وجل في اي حاجه والموضوع أخد مني شهور على ما عرفت كل الخبايا ومتابعة يومية لاسعار الذهب في البورصة عالميا في موقع حلو جدا يحسب الذهب بالريال الرابط بتاعه

الوسم

[hyoussif]

وماذا عن شراء وبيع العملات الذهب التذكارية اعرف انه عند شراء الجنيه التذكارى مثلا يكون سعره اعلى من الجنيه الذهب العادى لان له قيمة معنوية بالاضافة للقيمة المادية ولكن عند بيعه هل يكون بنفس سعر الجنيه الدهب العادى او يكون اعلى قليلا او يكون له نظام خاص به عند البيع شاكرا افادتكم مقدما

تم تعديل 13 أكتوبر 2008 بواسطة hyoussif

[سكر]

طيب انا كام سوال فى الموضوع

1- لو سعر الجنية الدهب 1000 جنية مصرى عالميا على الشاشة هدفع كام للمحل عند الشراء

2-لو اشتريت من مصر او السعودية الجنيهات الدهب هلى عمليه البيع سريعة يعنى من اى محل ولا لازم محل تكون عرفة ومضبط معاة البيع والشراء

3- هل فى صناديق استثمار فى مصر او السعودية يكون استثمارها فى الدهب فقط بدل موضوع البيع والشراء والخوف من الضياع والسرقة

4- حاليا البترول فى النازل والدهب طول عمرة مرتبط بالبترول فهل الدهب فى اتجاة نزول فى ظل الازمة المالية الحالية

وشكرا

[بنت الشاطئ1]

هل لو هبيع ذهبى فى السعودية يكون مكسب افضل

هل يمكن بيع ذهب 18 هناك فى المملكة ام 21 فقط

شكرا

[بنت الشاطئ1]

هل الذهب 18 بيخسر..دائما اسمع هذه المقولة

[الأسير]

الدهب 18 المصري لما يتباع في السعودية يخسر لانهم بيقولوا عليه عياره ناقص ومش مضبوط

احسن حاجة السبايك 24 او عيار 21 السعودي وسعر البيع في السعودية اكتر بجنية في الجرام من سعر بيعة في مصر موثوق بعد التجربة والسؤال والمتابعة الحقيقية

والصايغ هنا لما بيلاقي معاك دهب 21 بيفرح والاهممممممممممممممممممممممممممم انه يكون من غير فصوص

[بنت الشاطئ1]

هو انا لو معى ذهب 21 من مصر هيفرقوا بينه وبين 21 السعودى يعنى مش نفس سعر الجرام

[الأسير]

هو انا لو معى ذهب 21 من مصر هيفرقوا بينه وبين 21 السعودى يعنى مش نفس سعر الجرام

طبعا وعن خبرة جربي وقللنا حصل ايه لما عرضتي عليهم الدهب

[essamalshaaer]

على فكره انا كنت لسه أمبارح في أسواق التميري

وسألت على الذهب كان بـ

93ريال للذهب الـ 21 جديد

و88 ريال للذهب الـ 21 مستعمل

يلا إلي يقدر يشتري يلحق قبل ما يطلع تاني

لأنه من أسبوعين بس كان بـ 110 و 120 ريال للـ 21 جرام

[بنت الشاطئ1]

طيب انا عندى دهب عيار 18 ..قطع ذهبية كثيرة واريد التخلص منها..فأيهما افضل هل ابيعه فى السعودية ..هل ستكون المحصلة افضل من لو بعته فى مصر..يعنى لما نحول المبلغ اللى بعت بيه من ريال لجنيه مصرى هيكون افضل لى ام نفس الحكاية

[بنت الشاطئ1]

استاذ عصام ممكن الاماكن اللى ممكن اجد فيها الذهب المستعمل

[ابو محمود]

الأخوة الكرام سعر الدهب فى مصر مرتبط بسعرة على الشاشة (بورصة نيويورك)

الفارق بين الذهب ع 18 قيراطوال21 قيراط مرتبط فقط بعدد الأسهم فى الجرام الع21 =875 سهم الع18=750سهم وهذا يجعل منة اقل سعرآ اما فى مصر فسعر الع18 قيراط سبائك يكون اعلى بنسبة 1ج للجرام بمعنى انة يمكن تحويل الذهب الى سبائك ببساطة فى مصر ورقمها معتمدة من معمل التحاليل ومصلحة الدمغة

اما خارج مصر فيتم بيع سبائك من الع 24 مما يجعل الشارى عرضة لدفع فارق العيار (اجرة الشحن )

لانها لاتكون من سبائك الدولة وتوجد السبائك فقط معرفة دوليآ بدولة الأمارات وتطبع (تصك )علىالسبائك اسم الدولة وتعتمد تجاريآ اما مصر فهى بها مصلحة لدمغ المصوغات فلا يسمح للمصانع بدمغ المصوغات لديها بالعيارات المختلفة الا من خلال المصلحة مما يدعم الثقة بالدهب لدى الدولة وتكون مسؤلة عن العيار ما دامت تضع خاتمها علية وكذلك ضمان معامل التحاليل لانها الجهة التى تمنح من خلالها التصريح بذلك ..

اما من يتعامل مع تجار ليس لهم رخصة اومحلات مؤجرة للبيع مشغول فقط فهذا غير امن ولابد من السؤال عن الترخيص وشهادة المصلحة ان كنتم تريدون شراء سبائك ويجب ان تتعاملو مع الجهات الصحيحة فى حالة شرائكم للسبائك لانها تعتمد من صاحب المكان ومعمل التحاليل (الجاشنجى ) وهى عملية ليست معقدة فى مصر ويمكن القيام بها بسهولة لانها قانونية ولها قوة الدمغة تمامآ فى حالى البيع او التغيير

نصيحة لمن يريد ان يستثمر مالة فى الذهب تمر الأن بورصة الذهب بانعكاسات انهيار البنوك الأمريكية

ومن المنتظر هبوط الذهب الى ادنى مستوى لة من 3 سنوات ومن التكهنات ان يصل سعر الاوقية الى ما دون ال600 دولار .. هذة التكهنات ليست نهائية ولكن يمكن تغيرها الأسابيع القادمة حسب مرور او التخلص من اثار الأزمة ... ملحوظة مهمة ..

يتمسك الذهب الأن بعدم الرجوع الى مادون ال600 دولار لكثرة الطلب من بعض الدول علية

ومن المتوقع اهتزاز سعرة بالسلب بصورة كبيرة عند قدوم الشهر الأول من العام القادم بعدها ينتعش الى الأرتفاع لهدوء السوق وانهيار الدولار

هذة التوقعات ليست نهائية ... اختيارية فقط وهى من تكهنات تجار الذهب فى مصر الأسابيع القادمة

[بنت الشاطئ1]

والله شكرا لك استاذ محمود على هذه المعلومات القيمة..وانا كنت سألت عدة اسئلة كنت محتاجة اجابتها

بالنسبة للذهب الجديد بجد ان الناس بتفاصل فى السعر وبسمع كلمة دمغة ..انا مثلا لما بشترى بعمل الاتى بعرف الاول الجرام بكم وبحسب الحسبة الاول من غير مصنعية وبعدين لما الاقى البائع مثلا اضاف مائة جنيه مصنعية ودمغة كما يقول اروح افاصل معه ان يأخذ فقط ستون مثلا وهو يرفض وبعدين نتفاوض ونخليهم تمانين مثلا ولو انا قلت خمسة وسبعين يقول مستحيل الدمغة

سؤالى بقى ايه هى الدمغة

وبعدين بالنسبة للذهب المغشوش اذا اخذت من المحل وصل هل يكفى

هل اخذ الذهب واتأكد من محل اخر انه ذهب غير مغشوش ..هل بسهولة ينكشف الأمر

[essamalshaaer]

الأخت بنت الشاطيء .......سلام عليكم

بالنسبة لمكان محلات الذهب المستعمل في الرياض

في أسواق التميري خلف اسواق الديرة للملابس (السويقة)

هتلاقي هناك أكثر من محل بس أفضلهم محل أسمه فؤاذ أكثر واحد يبيع ويشتري المستعمل

وديما عنده ذهب كويس ..وعلى فكره الذهب نزل تاني الى 80 للذهب الـ 21 جديد

شكرا

[بنت الشاطئ1]

هل محلات الذهب المستعمل موجودة فى مكة او المدينة

ثانيا كم تبلغ المسافة من مكة الى الرياض

وكذلك من المدينة الى الرياض

[ابو محمود]

والله شكرا لك استاذ محمود على هذه المعلومات القيمة..وانا كنت سألت عدة اسئلة كنت محتاجة اجابتها

بالنسبة للذهب الجديد بجد ان الناس بتفاصل فى السعر وبسمع كلمة دمغة ..انا مثلا لما بشترى بعمل الاتى بعرف الاول الجرام بكم وبحسب الحسبة الاول من غير مصنعية وبعدين لما الاقى البائع مثلا اضاف مائة جنيه مصنعية ودمغة كما يقول اروح افاصل معه ان يأخذ فقط ستون مثلا وهو يرفض وبعدين نتفاوض ونخليهم تمانين مثلا ولو انا قلت خمسة وسبعين يقول مستحيل الدمغة

سؤالى بقى ايه هى الدمغة

وبعدين بالنسبة للذهب المغشوش اذا اخذت من المحل وصل هل يكفى

هل اخذ الذهب واتأكد من محل اخر انه ذهب غير مغشوش ..هل بسهولة ينكشف الأمر

عزيزتى بنت الشاطىء

الدمغة هى رسوم تدفع عند دمغ المعادن الثمينة فى مصلحة الدمغة (فى مصر )

ويتم تحصيل ضريبة مبيعات معها وذلك منذ عام 1991 وتبلغ قيمتها عن العيار 18 275 قرش

ضريبة ودمغة ويجب ان تسدد عن شراء اى معدن ثمين

بالنسبة للذهب المغشوش

الدولة تحمى العلاقة بين البائع والمشترى بأن يتم كتابة اسم المحل ورقم البطاقة الضريبية

ورقم بطاقة ضريبة المبيعات بعد البيع من خلال فاتورة مجمعة تبين الوزن والأجرة كلآ على حدى

ويتم وضع خاتم المحل علية وغير ذلك يكون خطأ من الشارى عند الشراء

سيدتى الغش موجود فى كل مكان حتى فى بلاد العرب جميعآ لانة مرتبط بالشخص وليس الوطن

على عواهنة فكثير من التجار امناء وقليل منهم دون ذلك فأحذرى ان تتمى الشراء بدون ان تتحصلى على فاتورة بها البيانات التى اشرت اليها

مع تمنياتى لك بدوام التوفيق محمود مصطفى

[herohero]

EGYPTIAN POUNDادعم بلدك

[herohero]

واللي اتنيل ع عينه ومعاه فلوسه مصري يعمل ايه ؟؟؟؟ خلاص يبلها ويشرب ميتها !!!
الاخوة المطبلاتية رأيهم ايه