يا خسارة بقيت دكتور

[سهيلة]

لما نزلت مصر الاجازة دى لاقيت كل زمايلى الاطباء كل مايشغلهم حاجة واحدة

امتة كادر الاطباء اللى وعدنا بية وزير الصحة هيطبق

وبصراحة عندهم حق لان الطبيب ف مصرمهضوم حقة وشفت بعض الصور الكاريكتيرية الظريفة ع الموضوع دة حبيت اجيبهالكم

http://photos-e.ak.facebook.com/photos-ak-...296900_4841.jpg

[~Heba~]

يا دكتورة سهيلة الحقيقة ان كل العاملين فى القطاع الحكومى من صغار الموظفين لمعلمين لاطباء فى مستشفيات حكومية كل دول مهضوم حقه بمرتبات متواضعه لا تناسب مجهودهم و لا تراعى الارتفاع المستمر فى الاسعار

انما لو قارنا بين المعلم و الطبيب

سنجد ان الطبيب مفتوح له باب العمل الخاص بدون قيود

يعنى يقدر يفتح عيادة و فى اطباء فى الوحدات الصحية بيعملوا بعد مواعيد العمل الرسمية فى الوحدة و بيبقى الاجر الاضافى من حقهم مش على خزينة الوحدة يعنى انما فى كل الاحوال هو اجر متواضع

انما المعلم مسكين لو اعطى دروس خصوصية يتم معاقبته و هى حاليا بيتم تجريمها اصلا و المدرس اللى بيدى دروس خصوصية جزاءه ابسط شئ انه لا يترقى

كان عندى مدرس الفيزياء فى الثانوى تشوفى شكله تقولى دا المفروض مدير انما اذا عرف السبب بطل العجب هو بيسموه امبراطور الدروس الخصوصية لانه معروف انه بيديها و كنتيجة لكده مش بترقى فى السلم الوظيفى كما هو مفترض

[الطيار المصرى]

والله يا دكتورة سهيلة انا قدامي اربع سنين عشان أبقي دكتور....

و برده شغلاني حكاية كادر الاطباء....

أنا ايوة هبقي دكتور اسنان...و معرفش عندي تكليف وا لأ....لكن عندي امتياز طبعا...و هقبض 150 جنيه في عين العدو...

لكن فعلا ده من الموضوعات اللي شاغلة الاطباء الشباب...

يعني مش ممكن ده الاجر اللي ياخده واحد في مكانة و اهمية الطبيب...

لكن مين يفهم بقي في الدولة الخربانة دي...

تحياتي

الطيار المصري

[Dr.mmfriend]

يا دكتورة سهيلة الحقيقة ان كل العاملين فى القطاع الحكومى من صغار الموظفين لمعلمين لاطباء فى مستشفيات حكومية كل دول مهضوم حقه بمرتبات متواضعه لا تناسب مجهودهم و لا تراعى الارتفاع المستمر فى الاسعار

انما لو قارنا بين المعلم و الطبيب

سنجد ان الطبيب مفتوح له باب العمل الخاص بدون قيود

يعنى يقدر يفتح عيادة و فى اطباء فى الوحدات الصحية بيعملوا بعد مواعيد العمل الرسمية فى الوحدة و بيبقى الاجر الاضافى من حقهم مش على خزينة الوحدة يعنى انما فى كل الاحوال هو اجر متواضع

انما المعلم مسكين لو اعطى دروس خصوصية يتم معاقبته و هى حاليا بيتم تجريمها اصلا و المدرس اللى بيدى دروس خصوصية جزاءه ابسط شئ انه لا يترقى

كان عندى مدرس الفيزياء فى الثانوى تشوفى شكله تقولى دا المفروض مدير انما اذا عرف السبب بطل العجب هو بيسموه امبراطور الدروس الخصوصية لانه معروف انه بيديها و كنتيجة لكده مش بترقى فى السلم الوظيفى كما هو مفترض

السلام عليكم

احب ادلى بدلوى فى هذا الموضوع باعتبارى من المساكين ( شباب الاطباء )

حضرتك قارنتى بين الطبيب والمعلم

طيب شوفي حضرتك الطبيب اعلى علميا بمراحل مع احترامنا للمعلمين

الطبيب بيتخرج فى 7 سنين من عمره قضاهم طلعان عينه فى الكتب والمراجع مقارنه ب 4 بس للمدرس

الطبيب لازم يشتغل اقل حاجه نبطشيتين كل اسبوع كل واحده منهم 24 ساعه

ولمعلوماتك النبطشيه واقفه علينا ب 7 جنيه

7 جنيه والله لحد قريب

وحتى مكناش بناخدهم كمان

وتقوليلي كشف بفلوس فى الوحده

طيب لو مجاش الكشف ده نعمل ايه؟؟

نشحت؟؟

ثم فيه حاجه

الوظيفه الحكوميه مفروض تكفيني على الاقل خالص مقومات الحياه من اكل وهدوم ومواصلات وخلافه

والعمل الاضافي يخليني احسن ماديا

انما الواقع بنشتغل عند الحكومه والمستشفيات الخاصه ليل ونهار يدوب علشان نقدر نعيش

امال احنا بنهرب من البلد من ايه

ثم الطبيب مطلوب منه يحضر ماجستير او دبلوم

ومطلوب منه يهتم بمظهرة علشان حتى المريض يثق فيه

الموضوع كبير

[~Heba~]

اطالب بنقل الموضوع الى باب موضوعات جادة..بعد اذن دكتورة سهيلة طبعا

حتقوم حرب نكراء هناك :D

يا دكتور..اعتقد اسمك محمد....المهم تحمدوا ربنا عشان انتوا دكاترة مش مهندسين لان المهندسين ملهمش تكليف و بيتخرجوا و يتشردوا فى الشوارع الا اللى بيقدر يطور نفسه و ينافس او اللى مسنود بواسطة جامدة -_-

[bentbatota]

موضوع المهندسين لان النقابه بتعاتهم من يمكن 20 سنةاواكتر طالبت بالغاء التكليف للمهندسين عشان يشتغلوا فى الخاص بالنسبه للاطباء الناس متشفش غير العربيه والعياده وكلمة الدكتور سوال فىمدرسه بتبات فى المدرسه لوحدها؟ الطبيبات هم الى مكتوب عليهم البيات فى الوحدات الى وسط الدوره فى الصعيد والمدرسه عيلها فى حضنها طول السنه والدكتورة ممكن ماتشفش ابنها او ممكن يبات معها فى المستشفى ومتشفوش برضه انا كنت باخد فى النبتشية 7 جنيه كانت حاله الولاده وقع ب30 قرش والقيصريه ب125 ق فى دكاتره مليونرات بس الغالبيه حالها تعبان انا حاسكت لانى الكلام ملوش لازمه وحيقلب المواجع ولو كل دكتور حكى على الى بيحصله فى مصر المحروسه وبره مصر اقصدى السعوديه ممكن يعملوا لجنة حقوق انسان لاطباء مصر

[moheltohamy]

يا دكتور..المهم تحمدوا ربنا عشان انتوا دكاترة مش مهندسين لان المهندسين ملهمش تكليف و بيتخرجوا و يتشردوا فى الشوارع الا اللى بيقدر يطور نفسه و ينافس او اللى مسنود بواسطة جامدة -_-

آهي الكلمة الفاشلة دي يا هبه هيه اللي دخّلتني طب!

وعمامك الـ 2 مهندسين متخرجين من 20 سنة ، وما جالهومش التعيين لغايت دلوقتي!

ومهندس كمبيوتر: "لما تتعين بـ 80 جنيه في الشهر ، أحسن ما تاخدهم م البيت عشان تجيب سجايرك ، وآديك جيت لاقيتنا قاعدين فين ، ع الأهوة!"

والنتيجة ... استسلمت ، ودخلت كلية الطب ، عشان القوى العاملة (عيادة بابا الله يرحمه) مستنياني!

تكليف إيه بس وبطّيخ إيه؟! ما زلنا بعقلية ما قبل الثورة! وإن فاتك الميري اتمرّغ في ترابه!

والناس هتموّت نفسها عشان تتثبّت ف الحكومة عشان التأمين والمعاش!

تعرفي إني المفروض بادفع للتأمينات بتاعتي 100 جنيه ف الشهر ، كل ما باجي أجدد الأجازة!

وتعرفي برضه مكافأة نهاية الخدمة لبابا الله يرحمه ، بعد 36 سنة خدمة ف المخروبة ، واستشاري جراحة عظام ... كانت سعادتك 12 ألف جنيه (إتناشر ألف جنيه) ، والمعاش 600 جنيه!

تعرفي لو عملت تأمين المعاش ده تبع أي بنك بنفس المبلغ بتاع التأمين ده ، على سن المعاش هاقبض حوالي 480 ألف (ربعميه وتمانين ألف جنيه)! واسألي فيها حضرتك!

تبقى الدولة بتسرقنا عيني عينك! وما زلنا بنفس التفكير وبنفس العقلية!

حكومة إيه وتكليف إيه بس الله يكرمك؟! :D

[~Heba~]

اوبسسسسسسسسسسسسس

كلكوا عليا و الا ايه

انا شكلى دخلت الموضوع دا غلط<<<فينك يا باشمهندس ياسر :happy:

المهم مبدئيا عندكم حق و الاطباء فعلا مرتباتهم لا تناسب اللى المفروض يكونوا عليه

بس انا بستغرب هو المفروض كل طبيب يعنى متريش و لازم عربية و عيادة و شقة فخمة و عروسة متتقلش بمال..امال فين "و رفعنا بعضكم فوق بعض درجات" :lol:

[aimen]

اوبسسسسسسسسسسسسس

كلكوا عليا و الا ايه

انا شكلى دخلت الموضوع دا غلط<<<فينك يا باشمهندس ياسر :happy:

المهم مبدئيا عندكم حق و الاطباء فعلا مرتباتهم لا تناسب اللى المفروض يكونوا عليه

بس انا بستغرب هو المفروض كل طبيب يعنى متريش و لازم عربية و عيادة و شقة فخمة و عروسة متتقلش بمال..امال فين "و رفعنا بعضكم فوق بعض درجات" :lol:

يا عينى يا هبة يا بنتى

الناس دى مستقوية عليكى هنا ...احنا كلنا عارفين انهم مدكنين اشى وشويات تحت الطربيزة وتحت البلاطة اللهم لا حسد

انا حجمع لك كل المهندسين اللى هنا ونيجى نعيط لنا شوية

( على فكرة انا مهندس برضه بس ماليش فى الخناقات ...يعنى اولعها واجرى )

ممكن انده لكم سى السيد علشان يلم الدور ده

[alaashabana]

انا بصراحة مليش بردو ولا فى الطب ولا الهندسة

بس كانت امنية حياتى ابقى مهندس مدنى لانى كنت بعرف ارسم وكنت بحب الرسم اوى .. وكمان كنت ممتاز فى الرياضيات

وبردو كان نفسى ادخل صيدلة علشان بحب الكمياء والحاجات الجامدة دى .والمعامل والبالطو الابيض .. وكنت بشوف اخوية يجيب زرع وورد ويفضل ينشفة ويحطة فى كيس بلاسيتك.. بس مش عارف لية

فى الاخر دخلت تجارة .. اهو علشان احاسب الناس بقى وامسك فلوس وافضل اعد فيها.. لغاية خلاص بقيت بنام واصحى على كوابيس ومن العهد اللى بتبقى معايا وبلاوى .. مش عارف بس اية اللى دخلى فيها

المهم: انا لية واحد صاحبى فى طب .. ومان بيقولى فعلا انة هيتخرج ومرتبة هيبقى قليل اوى بس خو قالى على فكرة انه لما يدخل جيش يقدم طلب انة يستمرر ويبقى ظابط طبيب .. ويترقى بعد كدة .. قالى مرتباتهم كويسة وكمان معاك سلطة

هل الكلام دة صحيح ؟؟؟

رمضان كريم

[سهيلة]

Heba~ مشاركة بتاريخ أمس, 02:34 AM

اطالب بنقل الموضوع الى باب موضوعات جادة..بعد اذن دكتورة سهيلة طبعا

حتقوم حرب نكراء هناك

ازيك يا هبة

حرب نكرااااااااااااء لية بس :wub:

كلنا مظلومين ف البلد دى ان كنا مهندسين ولادكاترة بصراحة

انا بصراحة اتاكدت من كدةبعد ما سافرت برة وشوفت الناس دى بتعامل الدكاترة والمهندسين والعلماء ازاى

باحترام شديد

ناس بتقدر العلم

ناس بتديلك فرصة انك تتقدم وتلاقى وقت تقرا فية وتبحث وتتقدم اكتر واكتر ف مجالك

انما ف مصر اا يادوب كل واحدبيفكر هيكمل باقى الشهر ازاى والمرتب خلص من يوم 10

اناعن نفسى كنت بخلص المرتب ساعات قبل كدة كمان

انما السؤال اللى بيلح علية

لية مازال الاقبال على كليات الطب كبير رغم المعاناة اللى بيعانيها كل اللى بيدخل الكلية دى

سواء ف الدراسة اوبعد التخرج من على بال ما يكمل الدراسات العليا

يا جماعة الدكتور عشانيبتدى حياتو صح بيكون كمل التللاتين

على ما ياخد الماستر ويبتدى بعد كدة يحوش عشان يقدريفتح عيادة مثلا

زمان و

احنا اطفال صغيرين

لما كانت الناس بتسالك : نفسك تطلع اية لما تكبر ؟

ترد عليهم و تقلهم : نفسي اطلع دكتور

تعرفوا اية السرفالموضوع دة

لان الطبيب زمان كان واخد وضعة وبريستيجة

انما لو سالت اى طفل دلوقتى نفسك تطلع اية

هتلاقية يقول مغنى او لعيب كورة

سؤال بقى لجميع الدكاترة اللى هنا يا ترى لورجع بيك الزمان كنت دخلت طب ولا اييييييية؟؟

رغم انى متوقعة الاجابة

[tahereyad]

لان المهندسين ملهمش تكليف و بيتخرجوا و يتشردوا فى الشوارع الا اللى بيقدر يطور نفسه و ينافس او اللى مسنود بواسطة جامدة :sad:

أنا مش عارف بصراحة حضرتك جبتي الكلام ده منين,, أنا مهندس و أعرف مهندسين جدا جدا,, و عمري ماسمعت عن مهندس متشرد فالشوارع خالص,, كل الناس بتشتغل مع اختلاف المستويات و الدخول,, لأن دي أرزاق فالأول و فالآخر,, بس مهندس متشرد فالشوارع!!!!!! غريبة جدا و عمري ماسمعتها أبدا.

[~Heba~]

لان المهندسين ملهمش تكليف و بيتخرجوا و يتشردوا فى الشوارع الا اللى بيقدر يطور نفسه و ينافس او اللى مسنود بواسطة جامدة :sad:

أنا مش عارف بصراحة حضرتك جبتي الكلام ده منين,, أنا مهندس و أعرف مهندسين جدا جدا,, و عمري ماسمعت عن مهندس متشرد فالشوارع خالص,, كل الناس بتشتغل مع اختلاف المستويات و الدخول,, لأن دي أرزاق فالأول و فالآخر,, بس مهندس متشرد فالشوارع!!!!!! غريبة جدا و عمري ماسمعتها أبدا.

يعنى حضرتك بتعرفهم كلهم :sad:

اه فيه خريجين هندسة كتير عاطلين و قاعدين على القهاوى او بيشتغلوا شغلانات بسيطة لا تليق بدراستهم

انما كلمة متشرد كناية عن يؤس الحال مش متشرد بمعنى متشرد

[الباشمهندس ياسر]

اوبسسسسسسسسسسسسس

كلكوا عليا و الا ايه :lol:

انا شكلى دخلت الموضوع دا غلط<<<فينك يا باشمهندس ياسر

المهم مبدئيا عندكم حق و الاطباء فعلا مرتباتهم لا تناسب اللى المفروض يكونوا عليه

بس انا بستغرب هو المفروض كل طبيب يعنى متريش و لازم عربية و عيادة و شقة فخمة و عروسة متتقلش بمال..امال فين "و رفعنا بعضكم فوق بعض درجات" :blink:

و الله العظيم لسه شايف الرد ده حالا ولولاكده كنا فتحناها بلاد

ولا يهمك يا باشمهندسة

اتعاركى وميهمكيش

و معاكى و قبل منك لو وصلت حتى للسهر ليالى على الرد

و على عينى تأخيرى

بس فعلا مشفتش الرد

اخوانا الدكاتره لو سمحتوا بلاش النفسنة دى

احنا سايبنكم عايشين كده محبة يعنى

[الباشدكتور]

انا شهر 11 الجاي هابقي في 6 طب ( لغاية دلوقت ولحد 15/10 سنة 5 لسة مخلصتش)

بصراحة يا جماعة التعب اللي تعبته في الكلية دي لو كنت اشتغلت في الفاعل كنت بقيت مليونير

وكل ده ولسه ما بقيتش دكتور

ولما ابقي فمطلوب ماستر و دكتوراة او زمالة علي قراية ومتابعة

ابن عمي قاضي بيقولي انه بياخد مرتب كبير علشان لما يجي يحكم مايبقاش شاغل باله حاجة

طيب ما الدكتور قاضي بس بيحكم بسرعة وبدقة و مفيش استئناف و الغلطة بجون وبيشتغل في اي وقت ومن غير راحة وبيحاكم في اليوم الواحد اكتر من اللي القاضي بيحاكمه في شهر

[iloveegypt]

الحمد لله انى مهندس

بصراحة الدكاتر ة فى مصر فعلا مظلومين ومرتباتهم ضعيفة جدا

والحمد لله انهم لغوا التكليف عن المهندسين لانه كان زما مش لاقيين ناكل

بصراحة موضوع التكليف ده مشكلة دلوقتى انت براحتك عايز حكوم ماشى عايز خاص ماشى

يا رب يرفعوا مرتبات الدكاترة والمهندسين والمعلمين وكل المهن والموظفين

اللهم امين

[حسام يوسف]

السلام عليكم يا دكتورة سهيلة

تحياتى على الموضوع

ولو انى مش عارف محطوط لية فى باب الابتسامات

واحب اضيف موضوع سابق عن حال الصيادلة

ولاحول ولاقوة الا بالله

http://www.egyptiantalks.org/invb/index.ph...t=0&start=0

[~Heba~]

اوبسسسسسسسسسسسسس :oops:

كلكوا عليا و الا ايه :closedeyes:

انا شكلى دخلت الموضوع دا غلط<<<فينك يا باشمهندس ياسر mfb:

المهم مبدئيا عندكم حق و الاطباء فعلا مرتباتهم لا تناسب اللى المفروض يكونوا عليه

بس انا بستغرب هو المفروض كل طبيب يعنى متريش و لازم عربية و عيادة و شقة فخمة و عروسة متتقلش بمال..امال فين "و رفعنا بعضكم فوق بعض درجات" :)

و الله العظيم لسه شايف الرد ده حالا ولولاكده كنا فتحناها بلاد

ولا يهمك يا باشمهندسة

اتعاركى وميهمكيش

و معاكى و قبل منك لو وصلت حتى للسهر ليالى على الرد

و على عينى تأخيرى

بس فعلا مشفتش الرد

اخوانا الدكاتره لو سمحتوا بلاش النفسنة دى

احنا سايبنكم عايشين كده محبة يعنى

نجاملك فى الافراح يا هندسة

هما اتلموا عليا و حاولوا يقنعوى بالغلط ان التكليف مش مأثر

ايه رأيك انت المهندسين لو لهم تكليف كانت حتفرق :closedeyes:

تم تعديل 31 أغسطس 2008 بواسطة ~Heba~

[الباشمهندس ياسر]

:blink: نجاملك فى الافراح يا هندسة

هما اتلموا عليا و حاولوا يقنعوى بالغلط ان التكليف مش مأثر

ايه رأيك انت المهندسين لو لهم تكليف كانت حتفرق :blink:

تكليف ايه هبه

الله يهديكى بس

انا السنتين الاولانيين لفيت فيهم كام دولة

تيجى تقوليلى تكليف

الله يسامحك يا شيخه