طلب مشورة من اصحاب الخبرات

[ابا عبد الرحمن]

wst::

السلام عليكم ورحمة الله وبركاته

اخواني المغتربين الاعزاء

ازيكم عاملين ايه وايه اخبار الغربة معاكم ؟ ان شاء الله ربنا يهونها علينا وعليكم

كان عندي استفسار بسيط من اصحاب الخبرة بالسعودية وبالاخص المنطقة الشرقية wst::

اخوكم محاسب وبقالي حوالي سنة هنا في السعودية الحمد الله ربنا رزقني بطفل ربنا يباركلي فيه ويحفظه

من اربعة شهور وبفكر اجيب مراتي وابني هنا معايا وللعلم مرتبي 2000 ريال والسكن علي الشركة! wst::

ايه رايكم يا عقلاء انا محتار بين الاستمرار هنا مع الشركة او الرجوع الي مصر wst::

ارجوكم الافادة وجزاكم الله خير

[melhamy]

السلام عليكم ورحمه الله وبركاتة

أخى المقيم ... wst:: (حلوة المقيم دى ) .....

انا مش فاهم سؤالك ؟ هل هو تصويت ولا قصدك سؤال تانى ؟؟؟

بمعنى ...... هل لو كان أجماع الأراء على أنك ترجع مصر ؟؟ هترجع فعلاً ..... ولا انت قصدك هل راتبك الألفين ريال هيكفوك انت وزوجتك و ابنك ؟؟؟

لو كان ده سؤالك ... فعندى ليك الأجابة 800ريال ممكن يكفوك انت و زوجتك و ممكن 8500 ريال و ميكفوكش ... ايه رايك !!! wst::

فى حاجة أسمها (البركة) ... و البركة بتكون من عند ربنا ... انا كنت بعمل أكل كل يوم خميس وكانت بعزم فى حدود 12 صديق و كنا بناكل كلنا و نهزر و نبقى مش قادرين نقوم من كتر الأكل....... والأكل زى ماهو و اقعد انا باقى الأسبوع أكل منة ....

يارب تكون فاهم معنى كلامى ........ و أوعى تفكر بالطريقة دى تانى وجود زوجتك و ابنك جانبك بالدنيا و لو كنت شايل هم ان يكون عندك عربية و لا موبيل موديل السنة و لاب توب ... ربنا كريم و قالنا على الطريقة ( ومن يتقى الله ... يجعل له مخرجاً ......و يرزقه من حيث لا يحتسب ....)

خدت بالك من الخطوات .....

1- يتق الله ....

2- يجعل الله له مخرجاً .....

3- يرزقه من حيث لا يحتسب .... و دى لو أجتمع عليها الأنس و الجن و الملائكة على انهم يغيروا منها شيئ ... فأمر الله لا يرد ..

مبرووووووووووووووووووك على النونو و عقبال ما تجتمع مع زوجتك وابنك على خيررررر wst::

[ابا عبد الرحمن]

شكرا علي اهتمامك

بس انا والله مش ببص للموضوع من ناحية اني عايز اجيب عربية او موبايل

لكن انا ببص اني مش عايز اطول هنا لاني بجد اتخنقت بقالي سنة ومش مستريح

عشان كده قولت اجيب مراتي وابني معايا هنا يمكن الوضع يتغيير

بس سؤالي لاني خايف اجيبهم وبعدين منعرفش نعيش بالمرتب

بس انت عندك حق البركة من عند ربنا وحده سبحانه وتعالي

بص انا ان شاء الله اتوكل علي الله واللي فيه الخير يقدمه ربنا

wst::

واشكرك علي ردك المفيد

[bentmasria]

استخر الله يا سيدى الكريم مرة واثنتان وثلاث ولو انت مشيت على الاد يعنى الضروريات وليست الرفاهيات ربنا حييسؤ لك باذن الله وكفاية لمتكم سوا اللى اكيد حتسعد قلبك اعمل استخارة بنية صافية ثم قرر واسأل من حولك من المتزوجين فكل منطقة لها ظروفها المختلفة عن الاخرى

بارك الرحمن لك ورزقك من حيث لا تحتسب

[ابا عبد الرحمن]

ان شاء الله خير

النهاردة انا حتكلم مع الكفيل واشوف حعمل معاه ايه يا اما زيارة او استقدام

بس اظن اعمل زيارة في الاول عشان اصلا انا مهنتي في الاقامة عامل يعني معنديش الحق في استقدام وربنا يستر

ادعولي ربنا يكرمنا

[sayed metwally]

ان شاء الله ربنا هيكرمك ويهديك للصواب

واللى فيه الخير يقدمه ربنا

وان شاء الله تجتمع انت وابنك وزوجتك على الف خير فى اقرب وقت

[ابو مازن]

زميلى العزيز فى الغرية , نصيحة لا تقدم على هذة الخطوة للاسباب الاتية :

اولا : سوف تصرف فى الغالب 1500 ريال ويتبقى فقط 500 ريال وفى حالة لا قدر الله ان ابنك تعب او عايز يروح المستوصف يبقى انسى يا عمر .

ثانيا : انت بتقول ان مهنتك عامل , يعنى مش هينفع تعمل زيارة او استقدام الا من تحت لتحت وهتدفع فلوس كتيرة جدا .

صدقنى الحياه هنا بعد زيادة الاسعار الاخيرة بقت بدون اى فايدة والواحد يرجع مصر احسن .

انا فى نفس المشكلة ومعايا اسرتى واللى جاى على قد اللى رايح وربنا يسترها .

سلام

[eoeoeoeo]

اخى العزيز السلام عليكم و رحمة الله وبركاته

على فكرة انا اعرف ناس معاهم الزوجة و ابن برضه على 1700 ريال بس كل حاجة ليها ميزة و عيب

يعنى وجودك مع الزوجة و الابن بالدنيا كلها و فيه استقرار و هتهون كتيير من الغربة ده الجانب الايجابى , اما الجانب الاخر اك هتمشى على القد و الضروريات فقط و ممكن جدا متقدرش تعمل فلوس و دى مشكله

لكن ممكن يبقى فيه حلول تانية

يعنى لو قدرت تشغل الزوجة بمرتب كويس ممكن تمشى المسائل ,

وممكن تعملهم زيارات على فترات بدلا من الاقامة الكاملة و ده ممكن يكون اوفر و فى نفس الوقت يحقق جانب من الاستقرار و هو افضل من انك تشوفهم مرة فى السنة و اخيرا صلى استخارة و ربنا يهدينا و يهديك الى صالح الاعمال ان شاء الله

و مبروك على البيبي و ربنا يباركلك فيه

[ابا عبد الرحمن]

انا برده كنت بفكر اني ارجع مصر تاني بس للاسف انتم عارفين الوضع عامل ازاي في مصر

سبحان الله مفيش اسقرار ولا راحة في اي حته الحمد الله ربنا بيختبرنا

انتم عارفين انا كنت بشتغل في مصر في مجال السياحة ولكن بعد الجواز حسيت انه مينفعش اكمل فيها عشان كنت بسافر كتير وانتم عارفين الجواز عايز استقرار مش زي العزوبية wst::

بصوا ان شاء الله الزيارة هي اللي حتحدد اذا كنت افضل مكمل هنا واحاول امشي علي قدي

يا اما ارجع مصر واللي ماشي علي اهلي يمشي عليا

ربنا المعين :wub: