ياريت رأي الأخوه العاملين بدبي ؟؟!!

[zozoooo]

السلام عليكم ورحمة الله وبركاته

لدي عرض للعمل بمؤسسة لاعمال الديكور بدبي وهوه راتب 5000 درهم يتم رفعها الي 7000 درهم بعد ثلاثه شهور من العمل مع توفير السكن والمواصلات .. علما بانني أعمل مهندس ديكور ولديه خبره سابقه بالعمل بالسعوديه حوالي 6 سنوات اشتغل علي برامج اتوكاد وماكس وفوتو شوب واجيد الانجليزيه والحمد لله ... ياريت رأيكم في هذا العرض بصفه عامه بالنسبة لوظيفتي هل ترونه مناسب ام لا ؟؟ وخصوصا اني اسمع عن غلاء كبير بدبي وانا حاليا خاطب واريد في المستقبل وبعد الزواج ان شاء الله استقدام زوجتي هناك ولدي ايضا عرض لسطنه عمان بمدينه صلاله بحوالي 500 ريال عماني فما الافضل ... الحقيقه اتمني نصيحتكم الغاليه وايه هيه الحاجات اللي اخد بالي منها ان كان بالسكن او في الحياه والتعاملات بصفه عامه ؟؟ انتظر ردودكم بارك الله فيكم

[alaashabana]

بص يا سيدى

صلى بينا على النبى

علية افضل الصلاة والسلام

انت بتقول المرتب كبداية 5000 وبعد 3 شهور هيزيد يبقى 7000 فى دبى

انا هقولك بالضبط ممكن تصررف كام ان شاء الله ..

اولاقبل اى كلام مرتيبك دة بالخبرة اللى عندك يبقى المرتب قليل لان انا اعرف ان مهندسين الديكور مرتباتهم كويسة يعنى فى حدود 8000 ل 15000 وانت طالع .. بس دة لو عندك خبرة فى الامارات

لكن معرفش بقى لو انت مش عندك خبرة تاخد كام .. بس المهندسين عامة اللى مش عندهم خبرة بيبقى بداية 5000 او 6000

المهم لو انت قبلت العرض لازم تكون متأكد من حكاية ان المرتب هيزيد فى خلال 3 شهور..

نتكلم بقى لو المرتب دة هيكفيك ولا لأ؟؟

طبعا 5000 فى الشهر وفى دبى يعنى مش هينفع بأى حال تاخد استوديو لوحدك ..

لكن اغلب الناس اللى شغالة فى دبر بيسكونوا فى الشارقة فى سكن شيرنج يعنى شقة بتبقى 3 غرف او 4 حسب يعنى وكل غرفة فيها من 3 الى 4 افراد ..

السرير ب 650 الى 900 درهم حسب مكان السكن والمنطقة اللى هتسكن فيها

نقول مثلا فى المعقول 800 درهم سكن كل شهر طبعا دة شامل كهرباء ومياة ..

وعلشان تروح كل يوم دبى وحضرتك ساكن فى الشارقة يبقى هتاخد حاجة اسمها كار ليفت " سيارة بتتفق معاها توديك وتجيبك كل يوم تقريبا بياخد 500 درهم فى الشهر

هتصرف تقريبا 1000 درهم فى الشهر اكل وشرب ومصاريف اضافية زى الحلاقة الغسيل المكوى برفانات

لو انتى بقى متعود على الفسح وكدة والخروجات يبقى حط عليهم كمان 500 درهم فسح لو مش متعود يبقى هتوفرهم

طبعا هتجيب لنفسك هدوم كل شهر ولا حاجة عندك حل من الاتنين ام تروح المحلات الغالية يبقى هتصرف من 500 ل 800 فى الشهر لبس

او تروح المحلات الكويسة بش مش غالية يبقى فى حدود 200 الى 500 فى الشهر .. طبعا حضرتك خاطب يبقى اكيد فية تليفونات ونت يبقى تقريبا 200 تليوفنات ونت فى الشهر

بكدة لو حسبتها يبقى مجموع اللى هتصرفة فى الشهر تقريبا 3000 فى الشهر

يعنىهتقدر توفر 200 درهم فى حالة مرتبك 5000 وتوفر 400 درهم لما مرتبك يزيد ان شاء الله ل 7000

طبعا انت ممكن توفر اكتر كمان لو مسكت على نفسك ومش خرجت كتير .. ومش لازم تجيب هدوم غالية كل شهر ..

فى حالة بقى لو هو موفر ليك السكن والمواصلات يبقى انت كدة كمان وفرت 1300 درهم زيادة يعنىمجموع اللى هتوفرة 3300 او 5300 حسب مرتبك

وبالتوفيق ان شاء الله

[مسلم]

5000-7000 كويس لو هيوفرولك السكن والمواصلات بالذات لو انت لوحدك وتقدر تحوش, لو معاك زوجة وأولاد صعب شوية لكن مازال ممكن - ده بافتراض إن السكن محلول - لكن أعتقد إنه قليل على خبرتك 6 سنين وكمان في الخليج

أول ما تيجي وتخلص الإقامة قدم على الرخصة على طول

[octo]

السلام عليكم

من الان حدد في العقد مصاريف اسخراج الاقامه والتامين الصحي وتذاكر الطيران لك ولاولادك

[zozoooo]

شكرا للاخ علاء والاخ مسلم والاخ اوكتو علي الردود جزاكم الله الف خير ... وصلني انهارده ان السكن عليهم في شقة في الدور الثاني للمكتب يعني مفيش مواصلات وتذاكر الطيران والاجازات والعلاج حسب قانون العمل بالدولة

[khabini]

السلام عليكم

أخي الكريم لقد قمت بالتسجيل في المنتدى لاجلك.

عليك ان تعلم أن في دبي هناك عجز في المهندسين و لذلك يسعوا لجلب مهندسين باسعار خياليه. أما ما تتحدث عنه من 5000 درهم فهو مبلغ انا اعطيته كراتب لرسام مصري.

السكن المؤمن غالبا لا يكون على المستوى المطلوب

موضوع ابدأ ب 5000 ة نرفعهم ل7000 في ناس كتير اتنصب عليها بنفس الاسلوب ة للاسف السفاره و القنصليه اضعف من انهم يرجعوا حقك. خصوصا و ان الوثيقه الوحيده التي يعترف بها مكتب العمل هي عقد العمل الموثق من الوزاره.

في النهايه احب اقولك قدم على عمل في شركات كبيره ذات سمعه و لا توافق براتب اقل من 15000 و اعلم ان الاسعار في دبي نار يا حبيبي نار

و ان اردت مساعده في البحث عن عمل يمكنني ان اساعدك

[zozoooo]

السلام عليكم

أخي الكريم لقد قمت بالتسجيل في المنتدى لاجلك.

عليك ان تعلم أن في دبي هناك عجز في المهندسين و لذلك يسعوا لجلب مهندسين باسعار خياليه. أما ما تتحدث عنه من 5000 درهم فهو مبلغ انا اعطيته كراتب لرسام مصري.

السكن المؤمن غالبا لا يكون على المستوى المطلوب

موضوع ابدأ ب 5000 ة نرفعهم ل7000 في ناس كتير اتنصب عليها بنفس الاسلوب ة للاسف السفاره و القنصليه اضعف من انهم يرجعوا حقك. خصوصا و ان الوثيقه الوحيده التي يعترف بها مكتب العمل هي عقد العمل الموثق من الوزاره.

في النهايه احب اقولك قدم على عمل في شركات كبيره ذات سمعه و لا توافق براتب اقل من 15000 و اعلم ان الاسعار في دبي نار يا حبيبي نار

و ان اردت مساعده في البحث عن عمل يمكنني ان اساعدك

اشكرك شكرا جزيلا عزيزي الفاضل علي هذه المعلومات الرائعه والنصيحه الغاليه وياريت لو تضيفني عندك ده ايميلي mohamedismael117@hotmail.com

mohamedismael2001@yahoo.com للضروره اذا تكرمت جزاك الله الف خير

[octo]

شقة في الدور الثاني يعني ممكن تبقى غرفة في المكتب

دلوقت حيطبق قانون التأمين الصحي في كل الامارات شوف حيتخصم من راتبك كام