ايه رايكم فى العقد ده بالكويت يا شباب

[eoeoeoeo]

انا شاب مصرى حاصل على بكالريوس تربية نوعية حاسب الى ,

عملت مقابلة فى شركة سفريات فى مصر لوظيفة مدخل بيانات (مشغل حاسب) بالكويت

و قالولى انها تبع لشركات الخرافى و قالولى انه مشهور و معروف,

المهم سالونى عن الword و excel و قالوا ان المرتب 150 دينار , و ان السكن عليهم و الاكل 3 وجبات عليهم بالكامل و الدوام 8 ساعات, وظيفة كوردينيتور

ولكنهم لم يلتفتوا لدورات ال c#.net2005 , asp.net,sqlserver2005, ICDL,flashcs3,ORACLE10) , بس بدون خبرة لكن حسيت بلا مبالاه امام هذه الدورات و لم يبد احد اى اهتمام بس ركزوا على الاكسل. وظيفة كوردينيتور

بس يا ريت حد يقولى

1- ايه رايكم فى هذا العقد و المرتب

2- هل مجموعات الخرافى دى فعلا بتعمل فى مجالات البترول و المقاولات و ما رايكم فيها من حيث الرواتب و المعاملات مع الموظفين و ما هى ظروف السكن (يعنى سردين و لا شغال )

3- هل يوجد زيادات سنوية فى العادة و لا مفيش (متكلمناش فى الموضوع ده مع الشركة)

4- يقال ان ممكن الراتب ده يقل كمان شوية فما هو الحد الادنى لاوافق على هذه الوظيفة.

و اسف للاطالة و الازعاج لكن اخوكم و محتاج للنصيحة و ربنا يخليكم ارجو الرد للاهمية

تم تعديل 19 أغسطس 2008 بواسطة eoeoeoeo

[eoeoeoeo]

ايه يا شباب

19 واحد قرئوا الموضوع ولا واحد حابب يفيدنا برأيه عموما مش هفقد الامل و فى انتظار ردودكم المفيد

خد دى :ninja:

[الحاج فوزى]

الأخ الفاضل ..

الوظيفة كما أشرت هى مدخل بيانات ..

وهى وظيفة متواضعة نسبياً لذا بكل تأكيد سيكون راتبها متواضع ..

وأيضاً هى لا تحتاج لكل تلك الدورات التى تتحدث عنها ..

للخرافى شركات كبرى ومتعددة ، ولى أصدقاء يعملون هناك وهم على راحة معقولة فى وظائفهم وفى إستقرار عملهم فى شركة كبيرة .

لكنى الراتب متواضع كما قلت لك .. لكنه على قدر الوظيفة .

ووظائف الدعم الفنى البسيطة ومدخلين البيانات تتراوح ما بين الـ 150 و 220 ..

تحياتى .

[الحاج فوزى]

عفواً نسيت باقى الأسئلة ..

زيادات الراتب غير مضمونة ..ولا تكيف حالك بإعتبارها مستقبلاً ..

الراتب أصلاً متواضع فلا يمكن أن يقل عن ذلك ..

تحياتى

[eoeoeoeo]

الف شكر على ردك السريع و الجميل و تقبل تحياتى

[eoeoeoeo]

افهم من كده ان الزيادات مش مضمونه

طيب ممكن يبقى فى فرص لشغل برمجة من البيت مثلا

كمان فى حاجة غريبة اول مرة اسمع عن ال3 وجبات فى اليوم ده ممكن و لا تثبيت

[Egy Guy]

ولكنهم لم يلتفتوا لدورات ال c#.net2005 , asp.net,sqlserver2005, ICDL,flashcs3,ORACLE10) , بس بدون خبرة لكن حسيت بلا مبالاه امام هذه الدورات و لم يبد احد اى اهتمام بس ركزوا على الاكسل.

عزيزي اســــــــــــــــــو /

معلش انا اللي هسألك !!!! مع كل الدورات اللي فوق مالاقتيش اي فرصة شغل كويسة في مجال القطاع الخاص (البرمجة)

ياريت تجاوبني ؟؟؟؟ وعندك كااااااااااام سنة ؟؟

[ssmaly]

:closedeyes: اخى العزيز

تحية لك ولك من المندى الجميل المتعاون. بالنسبة لراتب العقد كما قال الخ الفاضل فأنه متواضع لايسمن ولا يغنى من جوعز

الافضل انك تنتظر عرض احسن و فى اثناء الأنتظار تزيد من دراستك و تأخذ كورسات اخرى تزيد من علمك وقيمتك ثم من عقدكز

وربنا الموفق

[eoeoeoeo]

ولكنهم لم يلتفتوا لدورات ال c#.net2005 , asp.net,sqlserver2005, ICDL,flashcs3,ORACLE10) , بس بدون خبرة لكن حسيت بلا مبالاه امام هذه الدورات و لم يبد احد اى اهتمام بس ركزوا على الاكسل.

عزيزي اســــــــــــــــــو /

معلش انا اللي هسألك !!!! مع كل الدورات اللي فوق مالاقتيش اي فرصة شغل كويسة في مجال القطاع الخاص (البرمجة)

ياريت تجاوبني ؟؟؟؟ وعندك كااااااااااام سنة ؟؟

اخى العزيز egy guy اشكرك لاهتمامك بالموضوع و سوف ارد على اسالتك بص يا سيدى

انا عندى 28 سنه

انا اساسا مدرس حاسب الى لكن خدت دورات كتير لان تقديرى مقبول لكن عملت دبلومة تربوى بتقدير جيد

و الحمد لله

بس علشان تقدر تقول انا oracle developer أو حتى c# developer محتاج خبرة على الاقل سنة فى هذا المجال لاتقانها و زيادة الثقة و الامكانيات وعارف ان المجال ده مطلوب لكن بتقابلنى مشكلة الخبرة ,

اما تطوير مواقع الويب asp.net2005 ,sqlserver2005 و الفلاش فالحمد لله يعنى تقدر تقول متأسس كويس لكن مش عارف ده مطلوب زى الاوراكل و لا ايه ,

وبصراحة كان عندى امل اطور نفسى فى الوظيفة دى و احاول اعمل تطبيقات (يعنى .. ده تفكيرى وممكن يكون غلط) علشان كده مدققتش فى الوظيفة و بصراحة ده اول عقد يتعرض عليا فى الكويت بس مش عارف ان كان التطوير فى الوظيفة بعد كده هيكون متاح و لا ايه (مثل التنقل لقسم اخر فى نفس الشركة) او ممكن الاقى دوام جزئى فى هذا المجال والله اعلم

يا رب اكون قدرت ارد على اسالتك بوضوح و تقبل فائق احترامى

[mezo]

انا رائيى تصبر

اه هتاخد تلات وجبات وده فى كمبات العمال الى هى بعيدة عن اى عمران انت مؤهل عالى وصعب تعيش فى الكمبات دى مع اغلبيه عمال هنود ووجبات كلهم بيشتكوا منها انا شايف انه مش فرصه بالعكس بالنسبة لمؤهلك وربنا يوفقك ويرزقك

اخوك مهندس سابق فى الخرافى

[alaashabana]

اوعى اوعى اوعى تقبل الوظيفةدى

تحذير مليون مرة

الوظيفة دى عاوزة واحد يكون بالكتير معاه صتايع وشوية اكسيل وورد

ثاينا انت هتفضل طول عمرك كدة مدخل بيانات يعنى زى السكرتارية ملهاش خبرة ولا مستقبل ومرتبها محدود مهما اخدت خبرة

انت راجل مؤهل عالى مؤهل عالى مؤهل عالى استنى لغاية ما يجيلك شغل احسن

والله والله والله انا عندى تفضل تدور سنين على شغل فى مجالك وتاخد وضعك فية ولا تقبل وظيفة زى دى

استاذى العزيز انا حصلى الكلام دة من فترة وقولت اشتغل اى حاجة مش شرط مجالى لكن الايام كانت بتعدى بالعافية علية وكنت بكرة نفسى كل يوم وبلعن اليوم اللى قبلت فية وظيفة مش فى مجالى

انا اعرف واحد هنا مهندس معانا فى الشركة جاب نسيبة زيارة وهو محاسب بس مش فية خبرة والانجليزى بتاعة قليل

لما المهندس كان بيسألنى يعمل اية وكدة كنت دائما بقولة متخلهوش يقبل اى وضع غير محاسب

او خريج تجارة وفية شركات بتبقى عاوزة جرخين جدد ومع الوقت بياخد خبرة ..

وفعلا الاخ دة فضل 3 شهور يدور على شغل والمهندس نسيبة عملة زيارة تانية لغاية ما خلاص هما الاتنين كانوا هيفقدو الامل .. لكن مع الصبر الحمد لله حصل شغل فى ابو ظبى ومرتب جميل وحياة كويسة .. وكمان الاقامة بتاعتة طلعت فى خلال ايام ...

اصبر اخى الفاضل .. والكلام دة كل عن تجربة للناس اللى حوالية وتجربة شخصية لية ...

انت مكتوبلك رزق هتاخدة هتاخدة .. بس بلاش تستعحل علية

هقولهالك تانى وثالث وللمرة المليون انت راجل مؤهل عالى وما شاء الله عليك معاك كورسات كويسة ...

استنى نصيبك ..مستعجلهوش

وربنا يوفقك ويوفقنا

[HDarwish]

السلام عليكم

أخي العزيز .. كلمني على الخاص

أنا مش عارف جايبين الكلام ده منين

أنا أعمل في شركة الخرافي فرع الكويت وعملت لفترة في قسم الموارد البشرية

تمنياتي بالتوفيق

[mezo]

حضرتك قصدك انى كلام

[alaashabana]

HDarwish مشاركة بتاريخ اليوم, 10:38 AM

السلام عليكم

أخي العزيز .. كلمني على الخاص

أنا مش عارف جايبين الكلام ده منين

أنا أعمل في شركة الخرافي فرع الكويت وعملت لفترة في قسم الموارد البشرية

تمنياتي بالتوفيق

كلام اية حضرتك احنا مش بنتكلم على شركة معين احنا بنتكلم عامه فى الحياة

اكيد حضرتك فهمت غلط

[almasry]

لا تقبل

[HDarwish]

يا بشمهندس ميزو

أنا قصدي على العرض نفسه

أولا الشركة عندنا مافيش فيها وظيفة اسمها مدخل بيانات

وزي ما حضرتك عارف الشركة عندنا الوظايف فيها يا إما Non-Manual أو Manual وال فئة الأولى اللي هيا بتضم غير الحرفيين وبتضم السكرتارية والادمنيستريشن وغيرها من الوظائف مافيش فيها حاجة اسمها مدخل بيانات بالشركة أصلا وكمان مافيش حاجة اسمها لغير الحرفيين إن السكن والوجبات عليهم وبتبقى الرواتب تبدأ من 200 دينار شاملة المواصلات مع تذكرة الطيران وبونس شهر أو شهر ونصف على السنة .. بصراحة أنا أول مرة أسمع عن عرض زي كده برغم إن ال Grade , Package كلهم أعرفهم من أول Grade رقم A وحتى Grade رقم H واظن حضرتك على دراية بالكلام ده كله

كمان اللي بيجي من مصر على الشركة سواء حرفي أو غير حرفي بيتوفرله سكن لمدة شهر واحد فقط في أحد الكامبات التابعة للشركة

وفيه تفاصيل تانية كتير ممكن أقول عليها بس ما ينفعش على العام وعلشان كده قلت للأخ اللي بيسئل إنه يكلمني على الخاص أحسن

أنا لا أقصد أي إساءة لأي أحد ولكن الكلام اللي إنكتب لا يقترب من الصحة بأي حق

كمان الكامبات عندنا مش كلها زي ما حضرتك بتقول فيه بعضها وبعضها ومش كل الناس مع بعضها بيبقى فيه توزيعه يعني ما ينفعشي المراقب يسكن مع العامل كمان كامبات الهنود منفصله عن المصريين منفصلة عن التايلانديين وده ركزت عليه الشركة أكثر خصوصا بعد المشكلة اللي حصلت واللي الكل سمع عنها بين المصريين والتايلانديين

لكن عن الشركة وظروف العمل ففيه كلام تاني ماقدرش اقوله على العام زي ما ذكرت

وتقبلوا مني وافر التحية والاحترام

[mezo]

استاذ درويش انا بس افتكرتك بتشكك فى كلامى لانى بس لما لاقيته بيقول مؤهل عالى فقلت اقوله على ظروف الكامبات على حسب معرفتى بكامب الشعيبة وانا مشككتش فى الشركة ابدا بل بالعكس انا بعتبرها من الشركات المحترمة جدا فى التعامل مع العاملين فيها بس زى ماحضرتك قلت ان فى فرق بين Non-Manual أو Manual فى الشركة والاستاذ بيقول انه مدرس فصعب انه يبقى من ضمن ال Manual لانه ممكن ميتكيفش انا بس بنصحه لوجه الله لكن مش تقليل فى كيان محترم زى الخرافى واسف لو كان فى سوء فهم منى

[HDarwish]

حصل خير ...

وأنا بأيد كلام حضرتك وزي ما هو معروف عن الشركة والمقولة المشهورة عنها إن الخرافي تعتبر زي الوزارة وده علشان الاستقرار اللي موجود فيها كمان الرواتب بتنزل في ميعادها وعامة إحترامها لآدمية الموظف

بس اللي فعلا انا مستغربله ان الشاب اللي بيسأل ده ممكن يحصل في الشركة أكثر من وظيفة وبضعف أو ضعفين الراتب ده في أقسام مختلفة ...

ياريت لو يكلمني على الخاص يمكن أقدر أفيده

تحياتي للجميع

[eoeoeoeo]

السلام عليكم و رحمة الله و بركاته

اخوانى الاعزاء اتقدم بخالص الشكر و التقدير لكل من تفضل بالرد على موضوعى و احب ان اقول للاخ العزيز HDarwish هو المقابلة كانت كده على مشغل حاسب الى و ده اللى اتقالى

و اشكر الاخ الكريم Mezo على اهتمامه البالغ بموضوعى

و على نصيحتهده الايميل بتاعى لكل الاخوة الاعزاء

amm2000777@yahoo.com

و فى انتظار نصائحكم الغالية و المزيد من التوضيح و دمتم سالمين

[eoeoeoeo]

الف شكر يا اخى العزيز على النصيحة الغالية

بس انا كمان بستفسر عن امكانية الترقى فى هذه الشركة و كمان امكانية اى فرص اخرى من داخل البلد يعنى بحاول اشوف اى مميزات اخرى,

و ربنا يباركلك لاهتمامك بموضوعى و تقبل فائق الاحترام

و الله الموفق