اليوم كنت هناك

[khatabmohammed]

[/color

]اليوم الأسود فى حياة أى مصرى هو يوم الذهاب للسفارة المصرية هنا بالرياض فاليوم هو المرة رقم 4 للذهاب لأداء أمر لا يستغرق سوى 5 دقائق من المسؤل وفى كل مرة أذهب على الباب وضعوا شخص شكله مثل الغفير يزحلقك وبس ويتحدث اليك بكل عنف وفى كل مرة كنت أصدقه ولكن هذه المرة صممت على انهاء عملى لو توصل الأمر الى أبعد مدى وانتظرت الموظف المحترم الذى يقولون عنه المستشار القانونى خالد عبد البصير وحضرفى تمام الساعة الثالثةبعد معاناة وبالتنسيق معه بالتلفون الذى لا يرد عليه وبعد غلق أبواب السفارة الساعه الواحدة ودخلنا وراء السيد خالد عبد البصير بعد وقوف أمام بوبة السفارة المحترمة ساعتين وكل الموظفين مشوا من مبنى القنصلية فى هذا الجو الحار وبعد الخول جلسنا فى الداخل لكى نتحدث الى المستشار الباشا ولكن للأسف المحروس تركنا وذهب ليسلم على معالى القنصل وظل نصف ساعة نسى الناس ومصالحها فطلبت بكل احترام وأدب من زميله فى المكتب ويدعى أحمد ولد تقريبا 24 عام ولكنى فوجئت بأسلوب بذيىء ومتدنى وشخط ونتر وتكبر وقال لى هو مع سيادته فى شغل وما كان منى الإ أن قلت له أنا الأول وبعدين سيادة القنصل ولكننا تاركين مصالح الناس فى كل مرة نأتى هنا ولا ننجز شىء وصار الأمر تحدى شخصى بينى وبين شوية العيال الموجودين المعيين بالواسطة عن طريق طنط فلانه وعلانه وشعرت فعلا بالمهانة من أسلوب البلطجة من هؤلاء الشبان الذين قامو بطردنا من المكتب الذى كنا ننتظر فيه الباشا المستشار وفى النهايه اتضح أن الموضوع ليس عنده لكن عند السكرتارية هل هذا يعقل 4مرات ولا يفيدك شخص هناك بمن المسؤل عن انجاز عملك ولكن كل همهم هو زحلقة الشخص وبس ولا أدرى مادور وزارة الخارجية .تركنا لهم البلد ورحلنا ولكن للأسف هم مصممين على التخلص منا ولو فى الصين هذا هو شعور كل مصرى هذه هى حكايتى اليوم ومابالك بحكايات الأخرين سوف أحكيها لكم فى الأيام القادمه هذا من خلال اليوم فقط فغدا حكاية الرشوة. محمد خطاب

[سكر]

حلو قوى انك كتبت الكلام دة

انصحك انك تكتب الكلام دة وتحكى بطريقة جميل ومهذبة عن الموقف دة وتبعتة كاميل الى كل شخص تعرفة فى وزارة الخارجية حتى الوزير نفسة

هتكتب الموضوع مرة واحدة لكن ممكن تبعتة 1000 مرة ل 1000 شخص

مش هوعدك ان هيكون فى تحسن بس لازم تعمل الى عليك ومتكونش سلبى اسف مش قصدى

بس من راى منكم منكرا فاليغيرة واحنا التكنولوجيا متاحة لان ممكن تسمع كتير

عن تجربة حصل مشكلة مع مصر للطيران ضاعت التذكرة ورفضوا يدفع الفلوس الى بعد مرور تقريبا عام تم استلام الفلوس بس بعد مهدت انى هبعت ميل محترم

لكل من يعمل او يشتغل فى مصر الطيران والساحة وهشتكى فى الاتحاد العالمى وفعلا جابت نتيجة

انا قصدى انك تكتب مرة لكن تبعت كتير دة طريقة حلوة لمحاولة كشف الحقائق على الاقل

[نانا]

ألسلام عليكم ورحمة الله وبركاته

مقدرة كلام حضرتك جدا والله يكون في عونك وعون كل مصري بس أتمنى بس تبدل كلمة (اليوم الأسود في حياة أي مصري) ب(اليوم السيء) أفضل وتقريبا هيوصف المعنى اللي بيدل على مدى المعناه والضيق اللي حضرتك حاسس بيه

لكن هذا أفضل

( لا تسبوا الضهر فأنا الضهر)

[Hazemmagdi]

إسمعني يا أخ خطاب

أنا عايزك تجرب حاجة أنا عن نفسي جربتها والناس أفادوني

إدخل على الموقع ده

http://www.egybox.org/Sefara/

وبعدين إختار منتدى المصريين من القائمة اللي في الجنب اليمين من الصفحة

وبعدين اختار مستشارك العمالي والقانوني

بس طبعا تسجل الأول في الموقع وابعتلهم المشكلة سواء سؤال أو اللي حصل معاك عموما وشوف ردهم هيكون إيه وبعدين قلنا طبعا عملوا ايه معاك

أنا بقولك كده عشان واضح ان هما مهتمين بكل الاستفسارات وزي ما بقولك جاوبوا لي على استفسار كنت متحير فيه وبسرعة وجاوبوا عن طريق سؤال القنصل زي ما بيقولوا

فشوف ومستنين منك رد

[se_ Elsyed]

الشهادة لله ... تعاملت مع القنصلية المصرية بالرياض عدة مرات وكان التعامل في منتهى الأدب

ومنها مره كنت رايح أغير مهنة بالجواز ... فاتصلت بهم أولاً لأستفسر عن المستندات المطلوبة وعندما ذهبت هناك ذكروا لي خطاب من الشركة ... يعني لازم أرجع 40 كم تاني عشان الخطاب ده .. فتمسكت بحقي في إني اتيت بناءً على المكالمة التي تمت معهم ولم يطلبوا هذا الخطاب ... فأعتذروا بأدب وقالوا أنني يمكنني الأنصراف وارسال هذا الخطاب مع السائق وسوف ينهوا المعاملة ... وقد كان .

[MZohairy]

اعتقد و الله اعلم انها تصرفات فرديه لا تعكس اوامر وزارة الخارجيه لسفارات مصر بالخارج في حسن معاملة المصريين

سفارة مصر في مسقط مثلا تعامل المصريين كالبشاوات الشهاده لله

لدرجة ان السفير بنفسه بينزل يقعد تحت مع المصريين اصحاب المعاملات و يرغي معاهم و يعرف مشاكلهم

[ELSHAMY]

ألسلام عليكم ورحمة الله وبركاته

مقدرة كلام حضرتك جدا والله يكون في عونك وعون كل مصري بس أتمنى بس تبدل كلمة (اليوم الأسود في حياة أي مصري) ب(اليوم السيء) أفضل وتقريبا هيوصف المعنى اللي بيدل على مدى المعناه والضيق اللي حضرتك حاسس بيه

لكن هذا أفضل

( لا تسبوا الضهر فأنا الضهر)

الأخت نانا

أسف على الخروج عن الموضوع

الحديث القدسى تصحيحه : (لا تسبوا الدهر فأنا الدهر) بمعنى الزمن و ليس الضهر

تحياتى

[نانا]

شرا جزيلا لك للتصحيح يا أستاذ الشامي

جزاك الله عني كل خير

آسفة ساعات بكتب حاجات غريبة

شكر مرة تانية

[عصام أبوالفتح]

الصراحة ناس محترمة .. وفى استثناءات حسب المكان والاشخاص والموقف والمود .

نصيحة تسئل مباشرة موظف شباك وتخليه يدلك على اللى يقدملك الخدمة اللى انت طالبها

لو قالك خد رقم او مش عندى لازم تصر على معرفة الشخص اللى مسئول عن الخدمة اللى انت عايزها الاول .. اول شباك يمين استغلامات وبسأل فيه الاول قبل ما اروح فى اى حتة .. طبعا التصديفات والحاجات الواضحة مش محتاجة سؤال

فى مرة قالى مش عارف اسال الفتصل ... أهو .. وشاور على راجل واقف يرد على واحد وبالتالى انتظرت لما خلص معاه كلام .. وسألته سؤالى وجاوبنى بوضوح وشكرته ومشيت ..

سؤال لحضرتك .. لما لاقيت المستشار قام يسلم على القنصل مقمتش معاه ليه لنفس السبب !!!!!

مواطن يسلم على اخيه المواطن .

خد الامور ببساطة .. هتلاقيها بسيطة فعلا

[ELSHAMY]

شرا جزيلا لك للتصحيح يا أستاذ الشامي

جزاك الله عني كل خير

آسفة ساعات بكتب حاجات غريبة

شكر مرة تانية

لأ بقى انتى قاصدة المرة دى....