حريق بمجلس الشوري المصري

[khedr]

اندلعت النيران في مجلس الشوري المصري

ويتم ملاحقه النيران في الوقت الحالي

تابعوا الاخبار علي قناه الجزيره

[aimen]

عقبال مجلس الشعب ( ومجلس الوزراء والتليفزيون

[مسلم]

تفتكروا ممكن يكون متعمد ؟

[galaxy]

صور الحريق...

http://videohat.masrawy.com/view_video.php...=&category=

[حسام يوسف]

مسخرة

نار من الساعة 4

والمطافى تيجى 6

ولسة سنة 2008 بيطفوا بالمياة

حسبى الله ونعم الوكيل

[aimen]

تدمير قاعة مبارك ومكاتب سرور والشريف والفقي

حريق هائل يدمر مجلسي الشعب والشورى وغموض في الأسباب

يارب كان يولع فى مبارك سرور والشريف والفقي

هى دى مصر يا عبلة ...اللى بيحصل فى اقل قرية هو اللى بيحصل فىالعاصمة ....انا مش مستغرب ابدا من اى حاجه ...يمكن من دعا الناس عليهم والقوانين المسلوقة ...السؤال الأن حيلموا من بعض ويعملوا مجلس جديد ...بس الحديد غالى والأسمنت كمان ..ممكن يعملو منتدى على النت وكل عضو من العضاء الكرام يدخل اون لاين وطبعا الadmin حيكون ابوسرور ...

[~Heba~]

دعوة المظلوم ليس بينها و بين الله حجاب

ممكن يعملو منتدى على النت وكل عضو من العضاء الكرام يدخل اون لاين وطبعا الadmin حيكون ابوسرور ...

-_-

تم تعديل 19 أغسطس 2008 بواسطة ~Heba~

[نانا]

السلام عليكم ورحمة الله وبركاته

في الحقيقة أنا سمعت الخبر لكن جيه في الأخبار إنه الحريق في مجلس الشورى بس لكن الصورة من بعيد يتوهم انها في مجلس الشورى والشعب نظرا لقرب المسافة بينهم

وفيه توقعات انه يكون بسبب ماس كهربي

لكن أنا معاكم بعتقد انه من دعا اناس ليل ونهار ب ( ربنا يحرقهم)

وإحنا كمان في أيام مفترجة لسة كنا في منتصف شعبان والناس صايمة وكمان حصل خسوف للقمر في نفس اليوم سبحان الله واشتغلنا في الدعا من أول ما ابتدى لحد آخره

مين عالم يمكن تكون أبواب السما كانت مفتوحة

أنا بصراحة داعيت لكن قولت ربنا ياخد الحكومة الظالمة

ما حددتش ايه الطريقة اللي هيأخدهم بيها

لكن واضح انه حريق في المبنى لكن لسة ما سمعتش حالات وفاة

يلا بقى قدر الله وما شاء فعل

[yasser6666]

لاحول ولاقوة الا بالله...فعلا حاجة مؤسفة وخسارة فادحة

انا عرفت الخبر وفتحت التليفزيون وتابعت التغطية الممتازة من قناة النيل للأخبار وبثها المباشر لحظة بلحظة وبصراحة ده اجمل ما في الموضوع وهو تغطية الخير من قناة مصرية ولم احتاج ان اتابع من قناة الجزيرة او خلافه كما يحدث عادة ان الحكومة تخفي كل الحقائق عن الشعب والناس تبحث عن الاخبار في قنوات تانية...

المهم.فعلا حزنت لان مال الشعب هو اللي حيصلح المباني والاثاث وعلي احدث طراز طبعا للمعلم صفوت الشريف ورجالته

وقلت في نفسي ده اكيد من دعاء الناس المستمر علي الحكومة ليل نهار ولكن ياخسارة جت في مجلس الشوري وكان نفسنا تيجي في واحد تاني وربنا يخلصنا منه

...

وأغرب ماشاهدت اثناء النقل المباشر علي قناة النيل هو ان الكاميرا كل ما تيجي علي وجوه الناس في الشارع سواء من المارة او من جنود الأمن المركزي أو رجال الأطفاء تجد البشاشة والأبتسامات العريضة والسعادة والفرح وكأن الناس كلها في حالة شماتة في الحكومة شئ غريب جدا لاتجده حتي في أسرائيل في حادثة مماثلة

فعلا الناس عاوزة تنتقم من الحكومة ومش عارفين غير اظهار الشماتة والتشفي من خسارتهم

مع انها طبعا مش خسارة للحكومة ولا حتي تهز شعرة من اصغر مسئول لرئيس الجمهورية لأنه مال سايب وبدون حساب

...

الشئ التاني اللي لفت انتباهي هو كل شوية تلاقي سطر في اسفل الشاشة بيقول

الرئيس مبارك يتابع بأهتمام الجهود المبذولة لأطفاء الحريق (من شرم الشيخ طبعا)

سطر تاني وراه

د.نظيف يتابع بأهتمام الجهود المبذولة لأطفاء الحريق (من شرم الشيخ هو كمان)

فعلا فضيحة ان مكان حيوي زي مجلس الشوري غير مجهز لأطفاء حرائق بينما بيطلبوا من الغلابة لابد من وجود طفاية حريق في كل سيارة ملاكي او اجرة للطوارئ فعلا مصر بلد العجايب

[yasser6666]

من موقع يو تيوب فيديو الحريق

http://www.youtube.com/watch?v=rVqfm7Ipqxo

http://www.youtube.com/watch?v=6d4PGHt2Qkk

[Alshiekh]

لاحول ولا قوة الا بالله

إنا لله وإنا اليه راجعون

لاأعتقد ان حريقا مثل هذا يمكن للبعض ان يتخذه مادة للشماتة او للتشفى

ماذا حدث لكم يامصريين؟ مجلس الشزرى او مجلس الشعب او اى مكتب او حتى سفارة او قنصلية مصرية فى الخارج هى ملك للشعب المصرى.

لست ادرى ، هل نفرح فى مصابنا؟

حسام يوسف ... yasser6666 ..... تحياتى واحترامى لطريقة تفكيركم.

فعلا شيئ محزن انه فى القرن الـ 21 لايوجد فى مبانى هامة مثل هذه وسائل اطفاء متطورة تعمل بصورة آلية.

اللهم صبرنا على تلك المصيبة وغيرها من المصائب.

[أسد]

مصر بلد العجايب ..

حريق في واحد من أهم مباني السلطة في مصر .. وفي شارع هو أهم شارع في مصر ..

يقع فيه مجلسي الشعب والشورى .. ومجلس الوزراء .. وعدد من الوزارات .. ومجمع التحرير .. وعدد من البنوك .. ومقار للصحف ودور النشر ..

يعني أهم شارع في مصر ..

تحدث فيه حريقة ..

ولا يمكن إخمادها !!!!!!!

مكان الحريق .. من المفترض ألا تحدث فيه مثل هذا الحريق ..

ينبغي أن يكون مؤمن .. وفيه وسائل كافية وناس مدربين على مكافحة الحريق .. والقضاء عليه في بداياته قبل أن يتسع مداه ..

ولكن في مصر ممكن لكل شئ أن يحدث ..

بلد فيها أزمة خبز ..

وأزمة بنزين ..

وإذا أردت أن تشتري سيارة جديدة .. يجب أن تنتظر دورك في قائمة الطلبيات والحجز ..

ومنذ أيام نشرت الصحف بأن هناك في مصر (بلد العجايب) أزمة جديدة ..

في عصير القصب ..

واليوم .. حريق مجلس الشورى ..

وكاد مجلس الشعب أن يحترق ..

الماء تملأ المكان ..

والآن المبنى تآكل .. ولا أعتقد أنه سيصلح بعد ذلك للاستخدام أبداً ..

والوزير المسئول عن المطافي ..

هو نفسه المسئول عن المرور ..

هو نفسه المسئول عن الأمن العام ..

هو نفسه المسئول عن الحراسة ..

هو نفسه المسئول عن أمن الدولة ..

ومصر بلد العجايب ..

واحد من أهم مؤسساتها يحترق .. ويذوب من الحريق .. قبل أن تتمكن قوات المطافي .. وقوات الجيش من إطفاء الحريق ..

ولا تنسوا ..

غداً صباحاً .. سيقف الناس في طابور الخبز ..

وطابور البنزين ..

كالمعتاد ..

وسيلعنون سلسفيل أبو خاش الحكومة ..

وسيتحسون على أن أعضاءها لم يكونوا موجودين في المبنى وقت الحريق ...

وعصير القصب به أزمة

أغسطس 2008

[أسد]

الساعة تقارب الثالثة والنصف صباحاً ..

أعضاء مجلس الشعب يعلنون عن تبرعات بالملايين لإعادة بناء مبنى مجلس الشورى ..

المبنى تقريباً انتهى ..

تم القضاء على الحريق ..

والآن تتم عمليات تبريد لآثار الحريق خشية عودة الحريق مرة أخرى ..

مش ملاحظين حاجة ..

أول حاجة .. ان بلدنا تقبل التبرعات دائماً من كل حد .. ومن أي حد ...

ثاني حاجة ..

غالباً الحريق اللي بيحصل في مصر .. بيقضي على كل حاجة ..

ومابيتمش إطفاء أي حريق ..

سواء حي شعبي ..

أو عشوائي ..

أو عمارة كبيرة في وسط المدينة ..

أو قرية ..

أو قطار ..

أو عبارة في البحر ..

أو مجلس نيابي ..

ولو مفيش معاك طفاية في عربيتك ..

حتتاخد مخالفة ..

واغسل سنانك قبل ماتنام يامواطن ...

[ssmaly]

عزيزى أسد

انت مش من هنا ولا ايه؟ دى مصر اللى عاملة زى واحد قطع يده علشان يشحت بيها.

مين ناسى انهمار التبرعات ايام الزلزال و عند غرق العبارة وعند كل مشكلة وازمة .وطبعا المصرين والعرب طييبن جدا و يدفعوا علشان المصرين الغلابة المتضررة وتجمع الفلوس .وبعدين الفلوس فلوس فسى لوس .وتختفى التربعات وتعود مشاكل اخرى بتبرع جديد وربنا يرزق -_-

[أحمد سيف]

أنا مش زعلان غير على المبنى الأثري القيّم، وعلى فضيحتنا بين الأمم

إذا كان هناك من فائدة في الموضوع ... فهي أننا سوف نستريح قليلا من الطلعة السمجه والشخصية اللزجة لرئيس المجلس.

[محمد عبدالعزيز]

معقولة الإهمال وعدم الكفاءة يكونوا وصلوا بينا للدرجة دى؟!!!

أنظمة الإنذار المبكر ضد الحريق والإطفاء الآلى موجودة فى أماكن كتير, إزاى مايكونش بينها مبنى مهم زى ده؟

ولا الأنظمة موجودة بس مهملة ومش شغالة؟

بصراحة الواحد عمال يفكر إزاى ده يحصل فى أى بلد حتى من مجاهل أفريقيا, مش قادر أصدق إن اللى حصل ده بسبب الإهمال وعدم الكفاءة... حاسس إن الموضوع وراه إن.

[nasr-badr]

الحمد لله والصلاة والسلام علي رسول الله وبعد

أقترح أن نفتح حسابا لجمع التبرعات من أجل شراء خيم إيواء لعقد إجتماعات المجلس مع تخصيص جزء منها لأسر الضحايا (رئيس المجلس وأعضاءه المحترمين )

والحمد لله رب العالمين

[عصام]

المضحك فى الموضوع

إنى لما سمعت عن تدخل الجيش وجلب مروحيات للإطفاء بالماء قلت خلاص .. كدا المشكلة انتهت ..

لما شفت صورة المروحيات وهى "مدلدل منها جرادل ميه" وبتملاها من النيل وتروح "تكبها" على المبنى (واللى أخطأته فى معظم الأحيان) أصبت بخيبة أمل ..

[metwallly]

الساعة تقارب الثالثة والنصف صباحاً ..

أعضاء مجلس الشعب يعلنون عن تبرعات بالملايين لإعادة بناء مبنى مجلس الشورى ..

المبنى تقريباً انتهى ..

تم القضاء على الحريق ..

والآن تتم عمليات تبريد لآثار الحريق خشية عودة الحريق مرة أخرى ..

مش ملاحظين حاجة ..

أول حاجة .. ان بلدنا تقبل التبرعات دائماً من كل حد .. ومن أي حد ...

ثاني حاجة ..

غالباً الحريق اللي بيحصل في مصر .. بيقضي على كل حاجة ..

ومابيتمش إطفاء أي حريق ..

سواء حي شعبي ..

أو عشوائي ..

أو عمارة كبيرة في وسط المدينة ..

أو قرية ..

أو قطار ..

أو عبارة في البحر ..

أو مجلس نيابي ..

ولو مفيش معاك طفاية في عربيتك ..

حتتاخد مخالفة ..

واغسل سنانك قبل ماتنام يامواطن ...

حسبنا الله ونعم الوكيل

فى حكومة الفضايح بتاعت نظيف وشركاءه

بس أنا لى إعتراض على جزء من كلام الأخ أسد

أنا راجل ريفى وبعيش فى قرية صغيرة وأى حريق بيحصل عندنا

بتوفيق من الله سبحانه وتعالى بنطفيه قبل المطافى ما توصل وكل الناس بتشارك

اللى بيحاول ينقذ المواشى واللى بيخرج الحاصلات الزراعية إذا كانت مخازن

والحمد لله دائما بتكون الخسائر بسيطة

بس طبعا الكلام ده فى الريف بس

لأن كل الناس عرفه بعضها ولازم يساعدو بعض

[أسد]

منذ سنواتشب حريق ضخم بمستودعات مصنع لانتاج الألعاب النارية ببلجيكا ..

وكان حريق ضخم ... ساعد على ضخامته طبيعة المكان ..

مستودع لمصنع ألعاب نارية

في البرلمان .. وفي مواجهة بين النواب والحكومة ..

قامت نائبة في البرلمان وصرخت في مسئول الحكومة .. قائلة ..

أن مثل هذا الحدث لا يجب أن يحدث في بلجيكا ..

مثل تلك الحوادث لا تحدث إلا في القاهرة .. وذكرت بلد أفريقي آخر لا أتذكره ..

أثار هذا الخبر حفيظتي في وقتها ..

ولكن اليوم أقر بأن الناس دي كانت ولا زالت بتفهم ..

وعارفين بيقولوا ايه ..

خيبتنا كبيرة قوي صحيح ...