حريق بمجلس الشوري المصري

[سكر]

وانا بتفرج على الحريق مش عارف لية افتكرت مشهد حريق القاهرة قبل الثورة فى فيلم رد قلبى

ابشروا الثورة قربت والظباط الاحرار على الابواب

تذكر دائما التاريخ يعيد نفسه

[moshtaak]

والله العظيم انا فى الشغل انا بشتغل فى جدة معايا ناس سوريون وسعوديون

والله بقينا نكته

الله يخربيتهم

ده اى مبنى او بيت هنا

لازم يكون مكافحة حريق واحدث اجهزة

احنا مجاس الشوري يتحرق كده

بالطيقة دى

والله العظيم لو وزارة فيها راجل

لكانوا استقالوا

بس لو كان فى

[moshtaak]

المضحك فى الموضوع

إنى لما سمعت عن تدخل الجيش وجلب مروحيات للإطفاء بالماء قلت خلاص .. كدا المشكلة انتهت ..

لما شفت صورة المروحيات وهى "مدلدل منها جرادل ميه" وبتملاها من النيل وتروح "تكبها" على المبنى (واللى أخطأته فى معظم الأحيان) أصبت بخيبة أمل ..

والله عندك حق

انا مرة طفيت حريقة انا وابويا فى شقة انبوبة كانت والعه فيها وطفيناها قبل مالمطافى تيجى نصف ساعه

رغم ان اللى اتحرق فيها غرفتين بحالهم

لكن الحمد لله

طفيناها

بس باين الناس خلاص

زهقت

وطهقت وفاض بيها الكيل

شافت الحريقة

قالت مايولع ولا يخرب ولا ياخ اللى فيه

دى حكومة عايزة الحرق

ربنا يستر

والهرم ماييحصلوش حاجة

لان ساعتها هتلاقى الناس بترقص تحت

[muslim4ever]

لم اتابع الموضوع ولكن من اطرف التعليقات التي قراتها حولة

مبروك على صاحب الارض والفندق الجديد

فى ظل بيع كل شىء فى مصر لا استيعد ذلك على سماسرة مصر الجدد .. ولو يملكوا ان يبيعوا الهوا للناس لن يتورعوا فى عمل ذلك

على العموم رب ضارة نافعة علشان ناخد نفسنا شوية من سلق القوانين

[muslim4ever]

حسام لا تلوم الاطفاء انهم وصلوا متاخرين

وهل هناك احد يضمن ان يصل فى ميعادة داخل القاهرة وهل شوارع العاصمة مخططة على اساس حارات الطوارى مثل الاسعاف والاطفاء حتى تصل قبل فوات الاوان !!

شخصياً بعتبر الاسعاف والمطافي والنجدة ديكور لتكملة الصورة لان فى الغالب تاتى بعد فاوات الاوان

[سهيلة]

اللى يغيظ بجد رد احد المسؤلين عن امن المكان ف التليفزيون

المذيع بيسالو ازاى مكان زى دة وبالحجم دةموش موجود فية افراد امن ومطافى قريبة من المكان؟؟

رد المسؤل وقال

لا كان موجود طبعا عربات مطافى وافراد بس الحقيقة ناس موش مدربين :wub:

قمة المسخرة

[se_ Elsyed]

ده أحنا كده اخترقنا جدار المسخرة ... آه والله وبنلعب في الفضاء الخارجي لمجرات المسخرة لوحدنا ...

أمس وتحديداً في الساعة الثانية بعد منتصف الليل خرج بتوع الدفاع المدني وأكدوا للصحف ووسائل الإعلام العالمية إن الحريق تمت السيطرة عليه وإن الخسائر إنحصرت في الدورين الثاني والثالث وإن إحنا زي الفل وصحتنا عال العال ...

وخير اللهم اجعله خير في الساعة السابعة صباحاً .. شب حريقٌ هائل بالدور الأرضي حيث القاعة الرئيسية لإجتماعات مجلس الشورى واتت النيران على ما تبقى من المبنى اللي إنهارت جدرانه ...

النهاردة بقى أصدر السيد الرئيس القائد طيب الله ثراه قراراً تاريخياص يضاهي قرار خوض حرب أكتوبر وأستعادة أراضينا المحتلة من العدو الصهيوني .. وينص القرار على " إعادة بناء مجلس الشورى بالكمال على نفقة الدولة "

آه وكتاب الله مبارك عمل كده ....

81 سنة بقى ومانلوموش يا أخواننا

فالراجل كان فاكر إن كل عضو مجلس شورى ملياردير زي سمير زاهر كده او ممدوح إسماعيل ( إسكتوا ... مش مبارك كان مختار ممدوح إسماعيل بتاع عبارة الموت عضو مجلس شورى بالتعيين ؟ ) كان فاكر عرق الرجولة هاينطر في قفاهم وكل واحد يطلع من جيبة الصغير 10 أرانب ويحطها في المنديل اللي بيلم فيه صفوت الشريف تبرعات لإعادة بناء المجلس على أحدث طراز مع تزويده بجرادل إطفاء حديثة لمنع تكرار ما حدث ..

آه قبل ما أنسى .... مبنى الشهر العقاري المقابل لمجلسي الشعب والشورى إنهار تماماً الشهر الماضي وده نتيجة إن مواسير الصرف الصحي إتكسرت تحته وفضلت تسرب تسرب تسرب لحد ما أكلت الأساسات وفجأة الأرض إتخسفت بالمبنى وسهدمته .... كل ده ومبنى محافظة القاهرة على بُعد سنتيميترات منه ....

عاش الرئيس محمد حُسني مبارك قائد الثورة ..... وأدام الله ظله .... وليخسأ الخاسئون ..

[~Heba~]

هى الانتخابات الرئاسية الجاية امتى؟؟؟

[أسد]

الناس فرحانة فيهم ..

محدش زعلان على الخسارة والخيبة دي .

وناس كتير زعلانة ..

بس علشان ماكانش الجماعة كلهم هناك

[الطيار المصرى]

أجمل حاجة بقي....رجال المجلس الموقر المؤزر الي جانب رجال الاطفاء الشجعان قالوا بمنتهي الحزم و الثقة ان الوثائق المهمة لم تمسها النيران بتيتا علي رأي اسماعيل ياسين...

النعاردة الخبر بيقول....احتراق جميع الوثائق الخاصة بقرارات و اعمال مجلس الشوري...

الي جانب طبعا انقاذ 6 مليون جنيه مرتبات الموظفين العاملين بالمجلس....

هو ده العادي....ده الطبيعي....

و جه البيه بكملها بقرار نفقة الدولة ده....

حاجة تحرق الدم

تم تعديل 21 أغسطس 2008 بواسطة الطيار المصرى

[~Heba~]

فيه موظفين كانوا عاملين جمعيات و حاطين فلوسهم فى مكاتبهم....اتحرقت كلها.....الوفات :blink:

[khedr]

الأهمال والتسيب أصاب كل شئ في البلد

الأهمال والتسيب اصبح سمه من سمات البلد

الأهمال والتسيب اصبح مرادف كل عمل في البلد

الأهمال والتسيب يأكل في البلد مثل السوس

[اسماعيل امين]

يحكي ان كان هناك جزيره يغطيها الثلج والبرد يعيش عليها مجموعه من القرود الغبيه .القرود ستموت من البرد القارس.في لحظه ظهرت اسراب من العصافير الحمراء تحلق في سماء الجزيره علي ارتفاعات منخفضه .اخذت القرود تجري وراء العصافير الحمراء اعتقادا منه انها نار تريد ان تحصل عليها لتدفئ نفسها .وكلما جريت القرود كانت تشعر بالدفئ وتتخيل ان العصافير الحمراء نار .كان هناك قرد يفهم حقيقه ذلك .فكان يصيح في العصافير ان :هذه العصاقير ليست نار،انتوا تستهلكون طاقتكم ،حاولوا الحصول علي النار من الاحتكاك بين اي قطعتي خشب كما تعلمتم في المدارس .ردت القرود لم نتعلم شئ في المدارس كل دراستنا كانت حفظ وطلبوا منه ان يخرس لسانه.فلم ينفذ ذلك فأوسعوه ضربا .فانعزل في ركن من الجزيره يندب حظه ويبرطم بكلام في سره .تعرف ماذا كان يقول ؟...

ستنهار هذه الجزيره لانكم لم تفكروا وتستعدوا لهذا اليوم مسبقا .قالوا له كيف؟قال

يحكي ان في احدي جزر الانسان القريبه منا:-

1- احترق مبني مجلس الشوري ووقفوا يتفرجون ولا يعرفون كيف يتم اطفاؤه.

2- غرقت لهم عباره وحدث ماحدث ...

3-احترق لهم مسرح في بني سويف وحدث ولا حرج

4- لايعرفون كيف يصنعون خبز جيد او يوزعونه علي انفسهم

5-اراضي شاسعه خاليه ولايقوموا ببناء مدن جديده يتركوا كل البيت ويعيشوا في غرفه

5 -لايعرفوا كيف ينظمون المرور في شوارعهم

6-لا يعرفوا كيف يعلموا اولادهم في المدارس والجامعات الاقليميه

7- مستوي الجريمه علي صفحات جرائدهم منحط ومتخلف

8- لايوجد لديهم بديل لاي شئ كان وان وجد فهو متخلف ولا يصلح

9- الفتنه ... لديهم سهله ممكن ان يبدئها فردين

10- يستعدون البلاد الاخري علي بلادهم باسم حقوق الانسان

في الحرب العالميه الثانيه توحدت جهود الشعب الالماني حول هدف واحد هو المانيا.احتاج الجيش الالماني لمعدن النحاس لصناعه اسلحته .تقدم الشعب الالماني بكل شئ مصنوع من النحاس حتي اواني المطبخ فداء لجيشه

هل يستطيع الشعب المصري ان يفعل شئ مثل ذلك لاصلاح حال التعليم او لحل مشكله البطاله ؟

اظن لن يحدث ذلك في مصر وسوف نقف ونتفرج عليها وهي تحترق لن نستطيع تقديم شئ لها

اتمني ان اكون مخطئ

[اسماعيل امين]

مجموعه من الناس يسكنوا مجموعه من العمارات .كل منهم لشقته ماتور .كل المواتير في غرفه .والغرفه بها عدادات ووصلات الكهرباء .المفتاح العمومي للمياه تالف ومفتاح الكهرباء الخاص بالعماره داخل الغرفه التي سيحدث بها الكارثه .لو كسرت ماسوره او تسربت المياه من احدي بالونات المياه لحدثت حريقه (كهرباء +مياه = حريقه ) ومن المؤسف بجوار الغرفه يوجد مواسير الغاز الطبيعي(كهرباء +مياه +الغاز الطبيعي= حريقه كبيره ).عرضت علي ساكني العماره فكره نجمع مبلغ من كل شقه لعمل محبس جيد للمياه ومفتاح عمومي للكهرباء خارج هذه الغرفه لفصل الكهرباء وقطع المياه عند حدوث الكارثه

للعلم معظمهم متعلمين وميسوري الحال ولكن منتهي البلاهه والغباء رفضوا المشاركه .

هذه المشكله تجدها في كل اسره وبيت وشارع ومحافظه ووزاره في بر مصر .يبخلوا بالمشاركه في حل مشاكلهم لابد من وجود قوه رادعه تلهب ظهورهم .

بالمناسبه سألت احد الزملاء لماذا لايرد علي احد لمااكتبه ؟قال الشعب المصري لايحب ان يقرأ ولكن يحب ان يتحدث او يتكلم او يكتب فقط

[se_ Elsyed]

قرأت خبر النهاردة في اهرام الخميس 28 أغسطس .. أقسم بالله أنا قلت النت خرف ورجع بي عشرين سنة ورا وجاب لي أخبار قديمة .. لكن طلعت أنا اللي بأخرف وإني سابق عصري بخمسين سنة وأعتقدت إن مجلس الشورى بس هو اللي ولع مع إن دولة كاملة هي اللي ولعت عشان كده قعدوا إسبوعين يطفوا فيها ..

إوعى وششششششك والحريقة

الصفحة الأولى

44460 ‏السنة 133-العدد 2008 اغسطس 28 ‏27 من شعبان 1429 هـ الخميس

أجهزة الإطفاء تحاصر بقايا النيران بالشوري

*‏ واصلت أجهزة الإطفاء عملها في حريق مبني مجلس الشوري‏,‏ حيث لا تزال النيران مشتعلة تحت الأنقاض في المخازن‏,‏ وقد استخدم رجال الإطفاء خراطيم المياه بكثافة لضمان وصول المياه إلي المناطق المشتعلة‏.‏

[أسد]

قأت خبر النهاردة في اهرام الخميس 28 أغسطس .. أقسم بالله أنا قلت النت خرف ورجع بي عشرين سنة ورا وجاب لي أخبار قديمة .. لكن طلعت أنا اللي بأخرف وإني سابق عصري بخمسين سنة وأعتقدت إن مجلس الشورى بس هو اللي ولع مع إن دولة كاملة هي اللي ولعت عشان كده قعدوا إسبوعين يطفوا فيها ..

إوعى وششششششك والحريقة

الصفحة الأولى

44460 ‏السنة 133-العدد 2008 اغسطس 28 ‏27 من شعبان 1429 هـ الخميس

أجهزة الإطفاء تحاصر بقايا النيران بالشوري

*‏ واصلت أجهزة الإطفاء عملها في حريق مبني مجلس الشوري‏,‏ حيث لا تزال النيران مشتعلة تحت الأنقاض في المخازن‏,‏ وقد استخدم رجال الإطفاء خراطيم المياه بكثافة لضمان وصول المياه إلي المناطق المشتعلة‏.‏

أيون ...

أنا قريت الكلام ده النهارده في الهارد كوبي اللي بتهبب الإيد دي ...

وحسيت بالإزبهلال برضه ..

ولقيت نفسي باقول ..

تم ترا لالم تم تم ....

[se_ Elsyed]

قمت بفصل المداخلات التي تتحدث عن روح العمل الجماعي بالمجتمع في موضوع منفصل بباب الموضوعات الجادة

هنا

كيف نبني او نُعيد روح العمل الجماعي بالمجتمع ؟