هجرة داخلية

[~Heba~]

السلام عليكم

نظرا لان مجال العمل فى البرمجة فى محافظات الصعيد متواضع جدا هذا ان وجد بالاساس

قررت انى اقوم بتجربة الهجرة الداخلية لأ و فين القاهره حتة واحدة طبعا انا لى اقرباء هناك و خاصة اختى و عائلتها لكنها مش متواجدة طوال العام هناك الحقيقة انها متواجدة فى فترة الصيف بس -_-

لكنى ساعتمد على ذلك و اروح القاهره عشان ادور على شغل لانى انا زهقت و تعبت و انا ادور هنا و انا لانى مش بشتغل بنسى كل اللى بآخده و بعرفه و الدراسة الاكاديمية لا تضيف لى شئ انا محتاجة خبرة عملية و ممارسة

تنصحونى بإيه!!!

و شكرا لكم :D

[bentbatota]

هاجرىىىىىىىىى واستغلى الفرصه لانك لسه فى اول الطريق وانا بكلمك لانى عارفه الصعيد كويس اقوى وعايشه كل مشاكله لاننا بالنسبه للحكومه واهل شمال مصر المحروسه زى جزر القمر يعنى مش مهمين ومهمشين عشان بعد المسافه ودا اهم حاجه كانوه ذنب وبنكفر عليه وعشان اعضاء مجلس الشعب بتوعنا كانهم خرص و طرش وعميان هاجرى بسرعه اوعى تضيعى الفرصه بس لازم تعرفى ان القاهره لاترحم عايزه سرعه و تفهمى الى بين السطور وامتى تقولى لا واستوب فيها ناس طيبين جدا لدرجةانك مش حتصدى وخدومين جدا معلش انا طولت عليكى بس موضوعك جه على الجرح الى عمره ما تقفل وبيوجع قوى قوى يا بوى وبالتوفيق ان شاء الله

[~Heba~]

الف شكر ليكى يا بنت بنوته

انتى الوحيدة الى عبرتينى

هى الهجرة الداخلية صعبة للدرجة دى محدش يعرف عنها حاجة

و شكرا على نصيحتك انا بس متخوفة لان العيشة فى القاهره لبنت لوحدها مش آمنة

[bentbatota]

الخوف شىء ايجابى لازم تعملى خطه لنفسك يعنى الهدف والسكن وماهى الاماكن الى حتروحى تدورى فيها العناوين وارقام التلفونات ومستوى المكان ولازم يكون فيه حد فى مجالك وعارف خبيا الامور فى القاهره ولازم يكون تحركك دايما موصلات عامه يعنى بلاش الخصوصى والمكروباصات فى الحتت البعيده ودايما خلى نقطه التحرك الميادين زى التحرير ورمسيس ولازم تعرفى المكان الى حتسكنى فيه كويس كل حاجه عنه واوعى تبينى انك جديه على مصر المحروسه وجربى اسبوع ومدى المده على اقد احتمالك للامور وخدى راى اخواتك واصحابك الاول واعملى استخاره وربنا يوفقك

[Muhammad Zidan]

<br />الف شكر ليكى يا بنت بنوته<br />انتى الوحيدة الى عبرتينى<br />هى الهجرة الداخلية صعبة للدرجة دى محدش يعرف عنها حاجة<br /><br />و شكرا على نصيحتك انا بس متخوفة لان العيشة فى القاهره لبنت لوحدها مش آمنة <br /><br />

<br /><br /><br />

يعني إيه تعيشي لوحدك وفي القاهرة كمان

طبعاً ما ينفعش ... إذا كان في ناس طيبين قوي زي ما بتقولك بنت بطوطة ... في برضه ناس وحشين ووحشين جداً ... وطبعاً ها تبقي فريسة سهلة

يا باشمهندسة ما تخطيش القاهرة لوحدك

اللهم قد بلغت اللهم فاشهد

[iloveegypt]

معلش ا خت هبة ممكن اعرف تخصصك ايه بالضبط

لانى اشتغلت فى القاهرة والصعيد

وعندى فكرة كويسة عن اماكن الشغل فى الصعيد

[se_ Elsyed]

تنصحونى بإيه!!!

إتجوزي وأقعدي في البيت ربي العيال بلا شغل بلا هم

[capitshino]

تنصحونى بإيه!!!

إتجوزي وأقعدي في البيت ربي العيال بلا شغل بلا هم

ايه يا س س اللون الغامق ده .. انا عارف ان اول كام يوم بعد الرجوع بيبقى زفت بس فرفش كده

[iloveegypt]

تنصحونى بإيه!!!

إتجوزي وأقعدي في البيت ربي العيال بلا شغل بلا هم

ايه يا س س اللون الغامق ده .. انا عارف ان اول كام يوم بعد الرجوع بيبقى زفت بس فرفش كده

ايه يا كابتشينو

انا نفسى واحدة تتجوزنى واقعد فى البيت اربى العيال بلا شغل بلا وجع راس

[~Heba~]

:D :P :P

يسمع منك يا سين سين يا اخويا :wub:

انا اصلا واحدة كسلانة و بنام 10 ساعات و يمكن اكتر فى اليوم

يبقى شغل ايه بقى اللى حقهر نفسى و انا ادور عليه

اهى حاجة اتسلى بيها لغاية ما ييجى ابن الحلال و هو ابن الحلال لو جيه كمان الشغل حاجة اتسلى بيها لغاية ما ييجو العيال smk:

و بعدين انت مش شايف انى ضيعت كتير من عمرى

كام شهر و اتم 26 سنة و لا اى انجاز يذكر دى عيشة دى wst::

الاخ iloveegypt

انا تخصصى البرمجة و هو بعيد شويتين عن دراستى فى الكلية

[iloveegypt]

انا عارف انك واخدة منحة برمجة

بس انت بسئل عن تخصصك الاصلى فى الهندسة

هو ده اللى ممكن اساعدك فيه فى الصعيد

[~Heba~]

بكالريوس هندسة تحكم و حاسبات

لو كنت عايزة اشتغل بيه كنت لقيت فى اسوان

و آدى ايدى على كتف اخويا و هو فى شركة الكهرباء انما للاسف مش عارف يجيبلى لازم واسطة جامدة و اجمد من كده :wub:

[iloveegypt]

بصى يا باشمهندسة

شركات الكهرباء الاساسيةفى مصر

1-شركات توزيع الكهرباء وبالنسبة لاسوان اسمها شركة توزيع كهرباء مصر العليا(قنا-سوهاج -اسوان)ودى ميزتها انها بتحتاج مهندسين كتيير لان لها فرع بكل مركز فى مصر وبيكون التقديم عن طريق اسوان والشركة دى لو مشعاف مكانها هى المسئولة عن تركيب العدادات الجديدة يعنى هتلاقى اى حد عارف المكان او مقر الشركة اللى موجود فى محافظة من التلاتة ممكن ترجعى لموقع وزارة الكهرباء المصرية وتعرفى المكان

2-شركات الانتاج وبالنسبة لاسوان اسمها شركة انتاج الصعيد وتشمل من اول الجيزة وبنى سويف والمنيا لحد اسوان ودى مسئولة عن محطات توليد الكهرباء زى محطة اسيو ط لتوليد الكهرباء وممكن برضه تعرفى اقرب محطة توليد كهرباء لاسوان وتقدمى فيها

3-شركة النقل ودى شركة واحدة فى مصر كلها وليها فرع بكل محافظة وهى مختصة بابراج نقل الكهرباء

4-شركة المحطات المائية ودى بتاعت السد العالى وبيحتاجو تحكم كتيير جدا

وزارة الرى

1-الادارة العامة للرى بيحتاجو تخصص كهربا بصفة عامة سواء اتصالات اوتحكم او بور

2-ادارة الكهرباء والميكانيكة ودى بتطلب مهندسن كهربا كتيير

3-ادارة الصرف الصحى

وغيرها فى الرى مع ملاحظة كل ادارة لها شغل منفصل وكذلك التقديم فى الوظايف مستقلة عن بعضها البعضو

وغالبا بتكون فى مبنى واحد يعنى محتاجة منك سؤال عن كل قسم وفى اقسام اخرى زى حماية النيل ومش فاكر الباقى

وزارة الاسكان

1-دى بتحتاج برضه مهندسين كهربا بصفة عامة جميع التخصصصات فى كل المحافظات

وزارة التمية المحلية

1-دى برضه بتاخد مهندسين كهريا اى تخصص

2-مراكز المعلوامات بكل محافظى وده شغل كمبيوتر بس غالبا تدريب او برمجة بس على خفيف جدا

هيئة المجتمعات العمرانية الجديدة

1-ودى بتكون للمدن الجديدة فقط مثل سوهاج الجديدة بس مش عرف فى اسوان جديدة ولا لأ

الشركة المصرية للاتصالات ودى بحتاج تخصص كمبيوتر صراحة ودى غالبا بتنزل اعلان فى الاهرام كل فترة

*** ملاحظه هامة كل الاماكن اللى فاتت بيختلف المرتب والتثبيت وغيره من مكان لاخر

بس تكتبى فى السيرة الذاتيى شعبة كهربا(لانك فى النقابة كدة -او لو فى اسيوط مش عارف بتبقوا كهربا وبعدين تتخصصوا)وبعدينتكتبى تخصص تحكم وحاسبات دى مهمة جدا فى الحكومةلازم تكتبى شعبة كهربا

اما بالنسبةللبرمجة

1-منظمات المجتمع المدنى بتحتاج مبرمجين فى الصعيد وكذلك مشروعات المنح الاجنبية ويا سلام لز جالك شغل فى المجلس القومى للمراة هتخدى مرتب محترم

2-مجال التدريب فى محافظتك فى اوراسكوم اوIBMا او فروع الجامعة الامريكية بيفضلوا مهندسين

3-زاخيرا الذهاب للقاهرة ودى قصة تانية طويلة ممكن لو سافرتى القاهرة نديك برضة طرق البحث

بالتوفيق ان شاء الله واى استفسار تحت امرك بس اول مرتب بالنص

[~Heba~]

حضرتك انا اخى مهندس كهراء قوى و هو عضو معانا فى المنتدى هنا و هو طبعا على كل اللى انت قلته ده و انا عارفاه كويس انما المشكلة فى العمل الحكومى هو واسطة جامدة لانهم اولا لما بيطلبوا شغل غالبا مش بينزل اعلان فى الجرايد و لو صدف و حد عرف و قدم طلباتهم بتبقى فى دراج المكاتب و التعيين بيتم بطرق معروفة

بالنسبة لى انا تخصصى تحكم و ليس كهرباء قوى لذا اغلب اللى قلته فوق مش ينفع لى

-مراكز المعلوامات بكل محافظى وده شغل كمبيوتر بس غالبا تدريب او برمجة بس على خفيف جدا

دى ايه دى؟؟؟؟ تبع وزارة ايه و ايه نوع شغلهم

الشركة المصرية للاتصالات ودى بحتاج تخصص كمبيوتر صراحة ودى غالبا بتنزل اعلان فى الاهرام كل فترة

دى بالذات.....انسى يا عمرو لانى حاولت فيها

اما بالنسبةللبرمجة

1-منظمات المجتمع المدنى بتحتاج مبرمجين فى الصعيد وكذلك مشروعات المنح الاجنبية ويا سلام لز جالك شغل فى المجلس القومى للمراة هتخدى مرتب محترم

2-مجال التدريب فى محافظتك فى اوراسكوم اوIBMا او فروع الجامعة الامريكية بيفضلوا مهندسين

3-زاخيرا الذهاب للقاهرة ودى قصة تانية طويلة ممكن لو سافرتى القاهرة نديك برضة طرق البحث

بالتوفيق ان شاء الله واى استفسار تحت امرك بس اول مرتب بالنص

رقم واحد دى انا مش عارفاها ومش واضحة لى

رقم 2 ده انا استبعدته نهائى لانى مليش موهبة العمل كمدربة للاسف رغم انى فاهمه برمجة كويس لكن مش بقدر اوصل معلومة

فهمنى انت حكاية منظمات المجتمع المدنى دى و ايه حكاية المجلس القومى للمرأة

[iloveegypt]

اولا فى الحكومة كل التخصصات التالية بيعتبروها كهربا : اتصلات-تحكم-الكترونيات-بور

ثانيا : انا نفس تخصصك واشتغلت فى ماكينات التصوير-الشبكات-اليتدريب-تحكم-بور-صيانة محطاترفع مياه

والثلاثة الاخيرة فى شركات حكومية

انا عن ننفسى اعرف وكيل وزارة للكهرباء فى محافظتى وتخصصه اتصالات فكبر دماغك من موضوع التخصص وخصوصا فى الحكومة انت اللى عليك التقديم وسيبيها على الله

ثالثا: انا نسيت الاتى

-الابنية التعليمية ودى بتحتاج تخصص كمبيوتر ودى موجودة فى كل المحافظات

-شركة المطاحن مصر العليا ودى بتحتاج تحكم

واخيرا موضوع منظمات المجتمع المدنى

دى منظمات غير حكوية زى كاير الامريكية-او جمعيات خدمة المجتمع-الجمعيات الدينية-وزى المنح الهولندية اوالفنلندية ودول بيحتاجوا غالبا برمجة SQLوبيدوا مرتبات كويسةولو ليكى حد فى الشئون الاجتماعية يقدر يساعدك

اما المجلس القومى للمراة فده اظن موجد فى كل المحافظات وده يتبع السيدة سوزان مبارك وبيعمل بحوث اجتماعية عن المراة وتعليمها وحاجات كده

وبالمناسبة انا ولله الجمد اشتغلت فى اكتر من اربع اماكن حكو مة وبدون واسطة وجاتلى فرصة فى الاتصالات بس انا رفضت لظروف خاصة ومش انا بس كتير من زولائى كدة

يعنى من الاخر بلاش ياس وقدمى بثقة واتوكلى على الله

بس متنسيش تكتبى شعبة كهربا فى الحكومة

[~Heba~]

شكرا لاهتمامك بالموضوع

لكن انت ازاى بتجيب خبر الشغل ده

اذا كان مش بينزل فى الجرائد الرسمية

و ازاى اشتغلت بدون واسطة wst::

الابنية التعليمية ودى بتحتاج تخصص كمبيوتر ودى موجودة فى كل المحافظات

اهى دى انا نفسى جدا اشتغل فيها :sad:

شغل حكومى مستريح مناسب لواحدة زى كده

و بلاها برمجة اصلى مهما عملت مش راح احقق فيها شئ لانى بدأت متأخر و دى شغلانة الصغيرين مش العواجيز زى حالتى

شركة المطاحن مصر العليا ودى بتحتاج تحكم

كانت طالبة من فترة شهرين

هنا فى اسيوط صديقتى قدمت فيها و نظرا لارتباطى بالمنحة مكنش ينفع اقدم انا فى اسوان

على كل حال محدش رد على صديقتى رغم انها السى فى بتاعتها ممتازة معنى كده انه خلاص الشغلانة اتحجزت<<مش بقولك حكومة

[iloveegypt]

اشتغلت بدون واسطة لان ده رزق مكتوب لى من قبل ان اولد

الموضوع بسيط كل مكان حاجة من اتنين اما تعرفى حد يساعدك لمعرفة كيفية تقديم الاوراق

او تروحى بنفسك المكان وتسئلى ويكون معك نسخة من الاوراق

وبلاش يئس

كان لى واحد صاحبى ولسه راجع من السعودية ومعندوش امل ان يشتغل فى مصر

شجعته على اللف على هذه الاماكن ولفيت معاه

خلال نفس الاسبوع اتعيين فى الابنية وحاليا مش بيفكر فى السفر

[~Heba~]

انا اعرف انه رزق لكن الرزق مش بييجى لحد لغاية عنده اكيد سعيت عملت حاجة

عملت ايه بقى؟؟؟؟

و مجوبتش على سؤالى ازاى كنت بتعرف بان الهيئات الحكومية دى طالبة مهندسين و هما مش بينشروا الطلبات دى

اتنين اما تعرفى حد يساعدك لمعرفة كيفية تقديم الاوراق

هو تقديم الاوراق مشكلة :closedeyes: المشكلة نعرف نقدمها فين

يعنى هروح اقدم فى مكان مش طالب اصلا و عرض تعيينات :blush2:

شجعته على اللف على هذه الاماكن ولفيت معاه

بتتكلم جد

لف على المصالح يسألهم عايزين تشغلوا حد!!!!!!

تم تعديل 22 أغسطس 2008 بواسطة ~Heba~

[iloveegypt]

انا عن نفسى رحت مرة مكان حكومى وانا لسه خريج جديد زيك

رحت لاقيتهم حطين ورقة لا يوجد وظائف خاليةمكتوبة فى الدور الارضى

كبرت دماغى وقلت اطلع اسئل ولاقيتهم محتاجين تخصصى واتعينت

جكاية تانية حصلت مع واحد صاحبى كان عايز يقابل ريئس شركة حكومية معرفش

رح مستنيه الصبح وهو داخل الاسانسير دخل معه طلع بالموافقة على التعيين

ايوة طبعا لازم تلفى بنفسك او مع اخوكى تسئلى فى كل مكان تروحيه عن محتاجين مهندسين ولا لأ

واليأس مش مطلوب

وربنا يوفقكك ان شاء الله