محتاج نصيحكتم يا خبراء الدش والستالايت

[محمد عبدالعزيز]

أخوكم مزنوق, أى حاجة بس وووووووو علطول.

أنا نويت والنية خالصة لله أشترى البتاع ده اللى اسمه الدش, ماحدش يضحك ... أيوه أنا لغاية دلوقتى بتفرج على التليفزيون المصرى بس خلاااااااااااااااااااص زهقت وقربت اتشل.

المهم...

أنا خبرتى فى الدش ده صفر ومحتاج نصيحة الخبراء والعارفين ببواطن الأمور فى هذا الشأن, أشترى ريسيفر ماركة إيه وسعره المعقول فى حدود كام.

أنا مش محتاج منه غير القنوات المجانية بتاعة النايل سات والعربسات, لا محتاج قنوات رياضية مشفرة ولا غير رياضية مشفرة.

فى ناس نصحتنى ب Astra وفى ناس تانية نصحتنى ب Truman

مش عارف أنهى الأحسن وموديلاته إيه والتفاصيل دى, وعاوز لما أروح أشترى أبقى عارف أتكلم مع البياعين.

باختصار كده:

ريسيفر يستقبل نايل سات وعرب سات والدش بتاعه, ويشتغل كويس مع الحفاظ عليه, عاوز أعرف أنسب ماركة للريسيفر والدش وتكلفتهم كام وطبعاً المعلومات دى بالنسبة للسوق المصرى مش الخليجى ولا أى سوق تانى.

ومتشكرين مقدماً -_-

[عصام]

باختصار كده:

ريسيفر يستقبل نايل سات وعرب سات والدش بتاعه, ويشتغل كويس مع الحفاظ عليه, عاوز أعرف أنسب ماركة للريسيفر والدش وتكلفتهم كام وطبعاً المعلومات دى بالنسبة للسوق المصرى مش الخليجى ولا أى سوق تانى.

ومتشكرين مقدماً

أسترا وترومان فعلا من أفضل الماركات ..

ولو لخصت طلبك للبايع هايديك ريسيفر (أسترا - كاون - تكنوسات - توبفيلد .. إلخ) وطبق 60سم وإل إن بى والسلك .. إلخ بسعر يبدأ من 350 جنيه (شامل)

لو بتفكر بقى فى مسألة كسر الشفرات والفرجة ببلاش أو بتفكر تتفرج على أقمار تانية .. فدا موضوع تانى

لو تحب أنا تحت أمرك (شامل الشفرات وطريقة الفتح )

[محمد عبدالعزيز]

ربنا يكرمك يا أستاذ عصام, أنا مش غاوى الفرجة على التلفزيون أصلاً, بس هى الحكاية كلها الكام برنامج المشهورين وشوية برامج دينية وخلاص.

بالنسبة للكورة كفاية على مبارايات المنتخب والأهلى, ولو فى أى ماتشات تانية ببلاش شغال. إنما أبو فلوس وأبو شفرات ده ماليش فيه.

هو تقريباً كده من كلامك ومن كلام الناس اللى نصحونى قبل كده فى اتفاق على أسترا, بس أنا عندى سؤال تانى:

مش الريسيفرات زى الموبايلات كده فيها موديلات وكل موديل بإمكانيات وأسعار مختلفة؟ أنا عاوز أعرف برضه إيه الموديل بتاع أسترا اللى يناسب احتياجاتى؟

جزاك الله خيراً

[عصام]

الموديل مش مهم بشكل كبير إلا إذا كنت محتاج إمكانيات (وصلة دى إس إل - مدخل يو إس بى ... إلخ)

فى الحالة اللى بنتكلم عليها بيكون المطلوب أرخص موديل بشرط يكون مجهز بكامة (مش مجهز لتركيب كامة) عشان لو غيرت رأيك بعد كدا وحبيت تعمل اشتراك فى أى باقة من الموجود دلوقتى ما تضطرش تغير الريسيفر أو تشترى كامة واللى هى بسعر ريسيفر لوحدها.

[سكر]

اقراء بس العبارة دى على الجهاز من الخلف

Made In Korea

مش

Desien by korea

وبلاش اى حاجة صينى خالص

[محمد عبدالعزيز]

عصام شوقى, ataamer

نصايحكم فى محلها وأكيد حاخدها فى اعتبارى وأنا بشترى

شكراً

[qenawy]

عن تجربة كله ماشي

انا اشتريت ارخص ريسيفر في المحل

كده بالنص

عاوز ارخص ريسيفر عندك

اخدت واحد اسمه نيل بوكس ب 165 جنيه وجبت سلك 20 متر ب15 جنيه وقطعه lnb ب20 جنيه وطبق 50 سم ب30 جنيه

وركبت الجميع لوحدي وشغال مية مية

محسوبك اصله صبي ترزي قديم (بتكلم جد والله ) ودلوقت اخصائي امراض جلدية وتناسلية

[عبقرينو]

في اجهزة ليها امكانية التسجيل مزودة ب (hard disk ) يعني لو سيادتك مش هاتكون متواجد في البيت تقدر تسجل وعايز تذيع بعد كدة قول ذييييييع ارشح لسيادتك منها :

فورتك ستار

توب فيلد

هيوماكس

مع تحياتي :sad: