حديقة الحيوان البشرية

[الباشدكتور]

في كتاب اسمه حديقة الحيوان البشرية (the human zoo)

صاحبه اخد عليه جائزة نوبل وهو علا يستاهل 60 جائزة نوبل

الكتاب بيتكلم حول ظاهرة اكتشفها عالم نفس وهي تغير شخصيات الحيوانات بتغير ظروف معينة

واخد كمثال الاسد

لاحظ تصرفاته في الغابة في وسط قطيع و تصرفاته في حديقة الحيوان و عمل مقارنة

في الغابة لقي :-

1- ان روح الفريق مسيطرة علي القطيع فبيقوموا بالصيد مع بعض و روح الانتماء موجودة عند كل الافراد

2-الاسد مش بيصطاد غير لما بيبقي جعان وبيصطاد اللي يكفيه ولو شبعان مش بيصطاد

3- و لما بيصطاد فهو مش بيلعب بفريسته بيعضها عضه واحدة في رقبتها قاتلة

4- وقت الاكل في نظام الذكور الاول وبعدين الاناث و بعدين الصغار و النظام ده محترم من الكل

5- كل اسد بياكل بس اللي يكفيه و بيعمل حساب باقي القطيع

6- في احترام بين افراد القطيع فمفيش عركات بينهم وفي زي تسلسل اداري بينهم

بمعني ان الاسد وهو حر في الغابة فهو بيتمتع باخلاق عاليه و بنظام جميل و بحالة ممكن نقول عليها رقي

اما في حالة سلب حرية هذا الاسد و حقوقه فانه :-

1- يفقد روح الفريق تماما و يفقد انتماءه

2- اي اكل يتحط له هياكله فهو عنده حالة من الجشع و الطمع وممكن لو جاع ياكل ايد الحارس اللي بيحطله الاكل من 15-20 سنة

3- وقبل ما ياكل بيلعب بالفريسة و كانة بيتمتع بتعذيبها

4- وقت الاكل مفيش اي نظام و في عركات علي اللحمة و نظام اللي يلحق

5- وعلشان كده القوي بس هو اللي بياكل كل حاجة و الضعيف مالوش اي نصيب

6- مفيش اي احترام بين الاسود و مفيش سلطة وفي فوضي و مفيش اي روح انتماء و الاسد اللي يتعب السود الباقية ممكن تاكله هو نفسه

يعني الاسود بتعيش باخلاق الضباع

وكان الاستنتاج اللي استنتجه انك لو اخدت من حيوان حقوقه و حريته فتوقع ان تتغير طباع هذا الحيوان للأسوأ

وينشغل بالمادة و يفقد كل اخلاقه

نظرية في منتهي الذكاء

لو طبقنا النظرية دي علينا هنقدر نفهم ازاي اخلاقنا بقت كده رغم اننا اسود اولاد اسود ومن ايام الفتح الاسلامي لمصر لا من قبلها كمان من اول أيام الفراعنة و احنا ملوك الغابة دون منازع

ازاي احنا ولاد الاصل بقينا كده اتفتتنا وفقدنا كل معاني الانتماء وضاعت كل اخلاقنا رغم اننا كان عندنا كل مقومات ملوك الغابة

اسلام - اصل - تاريخ - اذكي شعب في الدنيا - طيبة - فروسية - خير اجناد الارض - تحدي - ارادة - صبر وقت الشدائد- ....-......

وفي نفس الوقت شعوب تانية ولا حد كان يسمع بيهم ومن غير دين ولا أصل ولا تربية

وبخمره ومخدرات وفوضي جنسية و شذوذ و تفكك اسري

بتلاقيهم قمة في التعامل و النظام والاخلاق والانتماء

وكأن حال الغابة اتقلب الاسود بقت ضباع فالضباع اشتغلت اسود

ومستني تعليقاتكم علي الموضوع

تم تعديل 20 أغسطس 2008 بواسطة الباشدكتور

[moheltohamy]

والله يابو حميد موضوع دمه خفيف...

بس أيّاً كان السبب ، فالنتيجة إننا ضباع! ضباع إيه يا راجل؟ داحنا ما حصّلناش القطط! :D

تعالى شوف نوسي كان عامل فينا إيه!

ومن منطلق إني ما باشغلش نفسي إيه الـ 3 أسباب اللي ...

فقررت أروح أعيش مع الأسود ، واخلص! -_-

واسيبكو انتو تفكروا وتحللوا وتستنتجوا وتشجبوا وتستنكروا ، ويمكن تجيبولكو زئارة بالكهربا عشان تقنعوا نفسكوا إننا أسود ، مهما الزمان يعمل فينا ، ونظام تدبل الوردة وريحتها فيها

[hgalal]

تسلم يا باش دكتور موضوع و كتاب جما جدا. ممكن تقول لنا فين نقدر نشتري الكتاب ده؟

[redwany]

ان الله سبحانه وتعالى ينصر الامة العادله ولو كانت كافره

[abouali]

من حوالي سنة تقريبا قرات خبرا في جريدة الأهرام عنوانه "سمك لايعرف العوم" وكان الموضوع عن واقعة غريبة شاهدها محافظ احدي محافظات شمال الدلتا والمعروفة بانتشار المزارع السمكية بها - وكان معه أحد كبار المسؤولين بالمحافظة ولاحظوا أن السمك داخل الأقفاص ثابت في مكانه لايتحرك - أصابتهم الدهشة وفتحوا أبواب القفص ليتأكدوا أن السمك لايزال صاحيا ومع ذلك ظل السمك في مكانه ولم يتحرك رغم أن لديه فرصة للهروب الي الحرية - كل مايقعله السمك هو أن يأكل الطعام الذي يلقي اليه . عندما قرأت هذا المقال دارت في ذهني مقارنة بين قفص السمك - والقفص الكبير الذي انحشرفيه المصريون لأكثر من خمسين عاما .

تجربة أخري عاصرتها في الستينيات عندما بدأ استيراد الفراخ البيضاء لأول مرة والتي كانت تباع الي جانب الفراخ البلدي - كان الطعم مختلفا بعص الشئ عما تعودنا عليه - أما البيض فكان فرق الطعم واضحا لدرجة أننا امتنعنا عن استخدامه اطلاقا - حتي لما هاجرت وجدت نفس نوع الفراخ والبيض اياه هناك -والنتيجة أنني امتنعت عن أكل البيض بالذات لأكثر من عشرين سنة -حتي ظهرت في الأسواق أنواع أخري من البيض منها ماعرف باسم "بيض خارج القفص" بمعني ان الفراخ ليست محبوسة ولاتبيض داخل القفص وطبعا كان الفرق في الطعم واضحا- أي أن التغيير أو "التطور" لم يقتصر علي السلوك فقط بل ممكن أن يؤثر ويغير الخواص الطبيعية للمخلوقات.

اذا كان هذا يحدث للحيوانات والطيور وغيرها - فان اليشر ليسوا استثناء.

نعم فالحرية حق من الحقوق الطبيعية التي منحها الله للأنسان ولايجوز لحاكم أومخلوق أن ينتزعها منه أو ينقص منها الا بالحق.

[فركيكو]

والله يابو حميد موضوع دمه خفيف...

بس أيّاً كان السبب ، فالنتيجة إننا ضباع! ضباع إيه يا راجل؟ داحنا ما حصّلناش القطط! :lol:

تعالى شوف نوسي كان عامل فينا إيه! md2:

ومن منطلق إني ما باشغلش نفسي إيه الـ 3 أسباب اللي ...

فقررت أروح أعيش مع الأسود ، واخلص! :happy:

واسيبكو انتو تفكروا وتحللوا وتستنتجوا وتشجبوا وتستنكروا ، ويمكن تجيبولكو زئارة بالكهربا عشان تقنعوا نفسكوا إننا أسود ، مهما الزمان يعمل فينا ، ونظام تدبل الوردة وريحتها فيها :wub:

سؤال من فضلك .

لما سعادتك رحت تعيش مع الأسود بقيت بتزأر كدة و صوتك حلو ولا قاعد تننولهم هناك بإعتبار انك من مجتمع القطط ؟ :lol:

[ماو]

والله يابو حميد موضوع دمه خفيف...

بس أيّاً كان السبب ، فالنتيجة إننا ضباع! ضباع إيه يا راجل؟ داحنا ما حصّلناش القطط! :lol:

تعالى شوف نوسي كان عامل فينا إيه! md2:

ومن منطلق إني ما باشغلش نفسي إيه الـ 3 أسباب اللي ...

فقررت أروح أعيش مع الأسود ، واخلص! :happy:

واسيبكو انتو تفكروا وتحللوا وتستنتجوا وتشجبوا وتستنكروا ، ويمكن تجيبولكو زئارة بالكهربا عشان تقنعوا نفسكوا إننا أسود ، مهما الزمان يعمل فينا ، ونظام تدبل الوردة وريحتها فيها :wub:

سؤال من فضلك .

لما سعادتك رحت تعيش مع الأسود بقيت بتزأر كدة و صوتك حلو ولا قاعد تننولهم هناك بإعتبار انك من مجتمع القطط ؟ :lol:

وبدون تعليق

[الباشدكتور]

شكرا ليكو ياجماعة

تسلم يا باش دكتور موضوع و كتاب جما جدا. ممكن تقول لنا فين نقدر نشتري الكتاب ده؟

انا كتبت الموضوع ده من زمان كنت سمعت عن الكتاب في التلفزيون

ودورت علي الكتاب لغاية ما لقيته

وبصراحة طلع كتاب ممل جدا كله عن التطور

الفكرة دي عجبتني بس باقي الكتاب لا

وعموما الكتاب اسمه the human zoo

وانا كنت استعرته من مكتبة الجامعة

ان الله سبحانه وتعالى ينصر الامة العادله ولو كانت كافره

الله ينور عليك

الاخ ابو علي الله يفتح عليك وفعلا في تشابهات كتير بين السلوك البشري والحيواني

الاخ فركيكو وماو

د/التهامي علي فكرة جدع اوي انا عارفه من منتدي كندا

وبيحب المصريين اوي و بيخدم اوي

بس هو كل الحكاية انه زهق من القفص

وانا فاكر له صورة حاطط فيها علمين لمصر في شباك بيته في كندا

شوفوا الفيديو الجامد اوي ده وقولولي رأيكو

http://www.youtube.com/watch?v=LU8DDYz68kM...iew&vurl=ht

تم تعديل 21 نوفمبر 2008 بواسطة الباشدكتور