ممكن تساعدونى

[riham gaber]

انا خريجة تجارة اسكندرية.فى شركة بابوظبى فى شارع الخالدية بتتراسل معى وطلبو اوراقى وشهاداتى والمهم انى انا الان فى انتظار صدور فيزا عندهم

بس انا لم يسبق لى السفر بالخارج و معرفش اية الاجراءات اللى لازم اخد بالى منها مثلا المرتب فى كلامى قالى انة لايقل عن 3000 ياترى كدة كويس ولا لاء

ثانيا انا عاوزة اظبط سكن قبل مسافر لانى معرفش حد هناك ياترى اقدر احجز السكن ازاى؟

ياريت لو حد يقدر يفيدنى لانى عاوزة افهم حاجات كتير جدا علشان معملش خطوة من غير مكون فاهمةنهايتها اية؟

ياريت تفيدونى بالمفروض اسئل عنة او الاجرات اللى تطمن لى انى اكون فى مامن فى الغربة من اى عملية نصب او اى شىء من هذا القبيل

وشكرا

[MZohairy]

عتقد انك خريجه جديده يا ريهام

ياريت نعرف تفاصيل اكتر عن خبرتك و عن ايه اللي عارضينه عليكي غير المرتب زي البدلات و خلافه...عشان نقدر نحكم اذا كان العرض مناسب ولا لأ

[riham gaber]

هو لسة مبعتش لى العقد بس من الكلام قالى انة لايقل عن 3000 والسكن علية وسيكون فى حدود 1500 ولسة مقرر بس دة مبداى انا كنت عاوزة اعرف دة كويس انى افر فى العرض دة

وغير كدة الحياة فى ابوظبى غالية والمواصلات متوافرة ولا هتكون صعبة زى دبى

[muslim4ever]

الحياة يا ريهام فى ابو ظبي اغلي من دبي

و 1500 سكن يادوب تحصلي على سرير فى جحرة من اربع سراير فى شقة اربع حجرات يعني لو متعودة تعيشى فى حجرة لوحدك حتتخنقي لانك سعتها عتعيشي فى

محطة مش سكن

و 3000 درهم بما انك ليس عليك التزامات فحيكفوكي مكياج (داخل المنزل) واتصالات ولو تبقي شيء حيكون للاكل

نصيحة مني بلاش بهدلة وخليكي مع اهلك معززة مكرمة وخاصة انك من الواضح حتعيشي بمفردك ودى بلد غريبة عنك وناس مختلفين

والي ان يرد عليكى اخونا فى الامارات فى مواضيع كتيرة بتتكلم عن المعيشة فى ابو ظبي ودبي ممكن تبحثي فيها واكيد حتستفيدي منها

تم تعديل 20 أغسطس 2008 بواسطة muslim4ever

[alaashabana]

مش عارف والله اقولك اية ... احنا هنا رجالة ومخنوقين من الغربة والشيرينج " السكن مع ناس تانين "

بصى يا ريهام انا هقولك على حاجات على حسب علمى من الناس اللى هنا واصحابى فى ابو ظبى لعلا تلاقى كلام يفيدك فى تجربتك..

بالنسبة للراتب 3000 والسكن علية متهيألى معقول .. بس مش كويس اوى ...

يعنى لو السكن على صاحب الشركة بكدة مرتبك هيكون صافى 3000 درهم .. واكيد لو هو موفرك سكن يبقى اما يكون قريب من الشغل او هيوفرلك مواصلات ..

3000 درهم فى الشهر وفى ابو ظبى تعرفى تعيشى .. يعنى ممكن تصرفى فى حدود1000 الى 1200 اكل فى الشهر .+ مصاريف شخصية ليكى مكياج ولبس فى حدود مثلا 500 درهم .. ونفترض 200 درهم موجودين لاى ظرف . تعب لقدر الله .. ادوية .. اكل زيادة .. عزومة .. اى حاجة يعنى

بكدة يبقى انتى ممكن تصرفى 2000 ويتبقى معاكى 1000 فى الشهر .... الكلام دة يا ريهام لو صاحب الشركة موفر ليكى سكن ومواصلات..

لكن ممكن مش هيوفرك سكن ولا مواصلات يبقى بلاش .. لان ساعتها زى ما الاخوة الافاضل قالو ان السكن ممكن يكون فى حدود 1200 الى 1500 فى غرفة مشتركة مع 3 غيرك .. والشقة 3 غرف .. يعنى هتبقوا 10 او 12 فى الشقة

طبعا هتصرفى كمان 1200 اكل والباقى مصاريف شخصية . يبقى انتى كدة صرفتى 3000 درهم وقعدتك ملهاش لزمه..

لو كان هديلك بدل سكن 1000 يبقى كدة ممكن تكون ظبطت شوية

سؤالك انك تحجزى سكن ازاى خصوصا انك متعرفيش حد .. انتى ممكن تكلمى صاحب الشركة او اللى جايبلك العقد وتقوليلة يحاول يشوفك سكن كويس فى المعقول ويدفع عربون ويحجزة ليكى..

او انك تخلية يستناكى فى المطار بسيارة واول ما تنزلى من المطار تشترى جريدة الخليج عربى .. هتلاقى اعلانات كتير عن سكن شيرنج تتصلى بيهم واللى يكون قريب من شغلك وتروحى تشوفى السكن .. عجبك توكلى على الله .. مش عجبك شوفى غيررة..

طبعا انتى هتكونى جاية تعبانة من السفر علشان كدة مش لازم تدقى فى السكن اوى من اول مرة يعنى شوفى سكن واقعدى لمدة شهر فية لغاية ما تظبطى سكن احسن منه..

بس لازم تتأكدى يا ريهام من العقد ويكون كافى والسكن والموالات تكون على مين ..

على فكرة الراتب دة يبقى لخريج جديد 2006 او 2007

ربنا يوفقك

[محمد عيسى]

بالنسبة للسكن أفضل بحث يكون من الوسيط

و المعيشه في ابوظبي اغلى من دبي ( و إن كانت أفضل خاصة للعرب) و المواصلات نادره لذلك يفضل السكن جنب الشغل

مصاريف الأكل لوحده في حدود 1500 شهرياً لأن كل الأسعار زادت

بصراحة المرتب مش مغري .. ميستاهلش الغربه .. و خليها عندك مبدأ انك ما تتغربيش إلا على حاجه تستاهل

[alaashabana]

محمد عيسى مشاركة بتاريخ اليوم, 03:40 PM

بالنسبة للسكن أفضل بحث يكون من الوسيط

اخى الفاضل محمد عيسى

الوسيط بتنزل كل اسبوع تحديدا الجمعة فى دبى والسبت فى الشارقة لكن معرفش ابو ظبى امتى

تانى حاجة اعلانات الوسيط بتبقى متكررة لكذا اسبوع .. يعنى انا لما كنت بدور على سكن كنت الصح اتصل بالناس اللى حاطة اعلانات يقولولى خلاص .. اقولهم ازاى دة الساعة لسة 9 الصبح حد لحق يشوف السكن وياخدة .. كان ردهم ان الاعلانات دى قديمة والوسيط هو الللا بيجددها من نفسة ..

علشان كدة انا بقول ان جريدة الخليج هى احسن جريدة علشان تلاقى سكن فى اى وقت ..

وشكرا

[أسمر من جدة]

ما ينفعش الكلام ده ، الحياة فى أبوظبى غالية نار.... لازم تراسليهم و تطلبى زيادة فى المرتب قبل ما تمضى على أى شىء، المرتب المفروض لا يقل عن 4000 درهم، و السكن يكون على كفيلك، و الإنتقالات عليهم، و أخيرا التأمين الصحى، ودى أبسط الحقوق.

[riham gaber]

مش عارف والله اقولك اية ... احنا هنا رجالة ومخنوقين من الغربة والشيرينج " السكن مع ناس تانين "

بصى يا ريهام انا هقولك على حاجات على حسب علمى من الناس اللى هنا واصحابى فى ابو ظبى لعلا تلاقى كلام يفيدك فى تجربتك..

بالنسبة للراتب 3000 والسكن علية متهيألى معقول .. بس مش كويس اوى ...

يعنى لو السكن على صاحب الشركة بكدة مرتبك هيكون صافى 3000 درهم .. واكيد لو هو موفرك سكن يبقى اما يكون قريب من الشغل او هيوفرلك مواصلات ..

3000 درهم فى الشهر وفى ابو ظبى تعرفى تعيشى .. يعنى ممكن تصرفى فى حدود1000 الى 1200 اكل فى الشهر .+ مصاريف شخصية ليكى مكياج ولبس فى حدود مثلا 500 درهم .. ونفترض 200 درهم موجودين لاى ظرف . تعب لقدر الله .. ادوية .. اكل زيادة .. عزومة .. اى حاجة يعنى

بكدة يبقى انتى ممكن تصرفى 2000 ويتبقى معاكى 1000 فى الشهر .... الكلام دة يا ريهام لو صاحب الشركة موفر ليكى سكن ومواصلات..

لكن ممكن مش هيوفرك سكن ولا مواصلات يبقى بلاش .. لان ساعتها زى ما الاخوة الافاضل قالو ان السكن ممكن يكون فى حدود 1200 الى 1500 فى غرفة مشتركة مع 3 غيرك .. والشقة 3 غرف .. يعنى هتبقوا 10 او 12 فى الشقة

طبعا هتصرفى كمان 1200 اكل والباقى مصاريف شخصية . يبقى انتى كدة صرفتى 3000 درهم وقعدتك ملهاش لزمه..

لو كان هديلك بدل سكن 1000 يبقى كدة ممكن تكون ظبطت شوية

سؤالك انك تحجزى سكن ازاى خصوصا انك متعرفيش حد .. انتى ممكن تكلمى صاحب الشركة او اللى جايبلك العقد وتقوليلة يحاول يشوفك سكن كويس فى المعقول ويدفع عربون ويحجزة ليكى..

او انك تخلية يستناكى فى المطار بسيارة واول ما تنزلى من المطار تشترى جريدة الخليج عربى .. هتلاقى اعلانات كتير عن سكن شيرنج تتصلى بيهم واللى يكون قريب من شغلك وتروحى تشوفى السكن .. عجبك توكلى على الله .. مش عجبك شوفى غيررة..

طبعا انتى هتكونى جاية تعبانة من السفر علشان كدة مش لازم تدقى فى السكن اوى من اول مرة يعنى شوفى سكن واقعدى لمدة شهر فية لغاية ما تظبطى سكن احسن منه..

بس لازم تتأكدى يا ريهام من العقد ويكون كافى والسكن والموالات تكون على مين ..

على فكرة الراتب دة يبقى لخريج جديد 2006 او 2007

ربنا يوفقك

شكرا جدا لاهتمامك وانا فعلا خريجة جديدة انا خريجة 2008 الدفعة دى يعني...........ومن الكلام صاحب الشغل هو اللى كلمنى لانى بعت سيرتى الشخصية لشركتة وهو كلمنى فكلامى مع صاحب العمل نفسة وانا سالتة فى السكن فقالى انة مش هيقدر يوفر لى سكن بس هيدفع لى بدل سكن 1500 بس واضح من الكلام ومن كلام الاخوة الاعضاء ان المبلغ دة زهيد جدااااااااااااااااااااا

بس انا ينفع اطلب من صاحب الشركة انة يدور لى على سكن او يستنانى فى المطار؟

وانا ممكن اتواصل مع الوسيط عن طريق النت الاعلانات بتنزل علية قبل متنزل فى الجريدة بس ياترى دة مضمون انى احجز عن طريق الهاتف ؟

[riham gaber]

ما ينفعش الكلام ده ، الحياة فى أبوظبى غالية نار.... لازم تراسليهم و تطلبى زيادة فى المرتب قبل ما تمضى على أى شىء، المرتب المفروض لا يقل عن 4000 درهم، و السكن يكون على كفيلك، و الإنتقالات عليهم، و أخيرا التأمين الصحى، ودى أبسط الحقوق.

فعلا شكرا على لمعلومة دى انا مكنتش اعرف ان المواصلات تكون على الكفيل والتامين شكر على الاضافة معلش اصلى معرفش معلومات كافية بالنسبة للموضوع دة

[riham gaber]

الحياة يا ريهام فى ابو ظبي اغلي من دبي

و 1500 سكن يادوب تحصلي على سرير فى جحرة من اربع سراير فى شقة اربع حجرات يعني لو متعودة تعيشى فى حجرة لوحدك حتتخنقي لانك سعتها عتعيشي فى

محطة مش سكن

و 3000 درهم بما انك ليس عليك التزامات فحيكفوكي مكياج (داخل المنزل) واتصالات ولو تبقي شيء حيكون للاكل

نصيحة مني بلاش بهدلة وخليكي مع اهلك معززة مكرمة وخاصة انك من الواضح حتعيشي بمفردك ودى بلد غريبة عنك وناس مختلفين

والي ان يرد عليكى اخونا فى الامارات فى مواضيع كتيرة بتتكلم عن المعيشة فى ابو ظبي ودبي ممكن تبحثي فيها واكيد حتستفيدي منها

جزاك اللة خيرا وانا فعلا لو ملاقيتش العرض يستاهل مش هغامر بالسفر لوحدى...بس انا بحاول ادرس الموضوع من كل الجوانب عشان مندمش بعد كدة

[alaashabana]

[شكرا جدا لاهتمامك وانا فعلا خريجة جديدة انا خريجة 2008 الدفعة دى يعني...........ومن الكلام صاحب الشغل هو اللى كلمنى لانى بعت سيرتى الشخصية لشركتة وهو كلمنى فكلامى مع صاحب العمل نفسة وانا سالتة فى السكن فقالى انة مش هيقدر يوفر لى سكن بس هيدفع لى بدل سكن 1500 بس واضح من الكلام ومن كلام الاخوة الاعضاء ان المبلغ دة زهيد جدااااااااااااااااااااا /quote]

ريهام ركزى شوية .. انتى بتقولى ان مرتبك 3000 + بدل سكن 1500 ولا اية ؟؟

لو كان كدة يبقى كويس وكويس اوى كمان .. يعنى 4500 كمحاسبة لسة طازة عمرك ما هتلاقى فرصة زى كدة ..

لكن لو المرتب 3000 شامل كل حاجة يبقى كدة ظلم ومتقبليش ..

كوضوع انك تحجزى السكن عن طريق التليفون دة ممكن ينفع بس مش فى كل الاحيان .. لان صاحب السكن لما بيحجز مكان لحد لازم ياخد عربون حتى لو 100 درهم علشان يضمن انك تيجى .. لانك لما بتحجزى لو اى حد تانى اتصل بية هيقولة خلاص المكان اتحجز ..

اسألى يا ريهام عن كل تفاصيل الشغل .. الحاجات دى مش فيها اى احراج ..

اسألى عن السكن ، المرتب الصافى ، الاجازات ، تكت الطيران عند الاجازات على مين ، التأمين الصحى ، المواصلات ، مواعيد العمل ، هل يوجد اوفرتايم ولا لأ،

دى تقريبال كل الحاجات اللى لازم تعرفيها علشان تبقى رايحة على نور.. وكمان طبعا الحاجات دى لازم تكون مكتوبة فى العقد مش مجرد كلام..

صدقينى حتى لو هو محترم اوى وذوق فى الكلام دة ميمنعش انك تكون عارفة حقوقك كويس.. لان لو قدر الله حصل خلاف بينكم اللى بضمن حق كل واحد فيكم هو العقد الموقع بينكم ...

اسألى كويس فى الموضوع دة .. واستخيرى ربنا ..

بس صدقينى لو المرتب 3000 درهم + 1500 بدل سكن يبقى كدة كويس والله مش بطال ..

وموضوع السكن جربى حكاية الوسيط انك تتصلى وتحجزى وزياة تأكيد بردو كلمى صاجب العمل اكيد هو هيعرف يجهزلك او يحجزلك سكن لغاية ما تيجى ..

فية كمان حاجة مهمة : قبل ما تيجى ان شاء الله لازم توثقى شهادة الكلية من الخارجية ومن السفارة الاماراتية ..علشان هتيجى هنا وتوثقيها تانى بحاجة اسمها توثيق البريد .. كل دة علشان ان شاء الله لما يطلعلك بطاقة العمل يكون مكتوب فيها محاسبة .. لو مش هتوثقى الشهادة للاسف هيتكتبلك فى بطاقه العمل كاتب ملفات او كاتب حسابات زى ما حصلى كدة..

توثيق البريد دة اللى من هنا ب 500 درهم .. ممكن عادى صاحب العمل يعملهالك ويتخصم من مرتبك ..

ربنا يوفقك ان شاءالله

[iloveegypt]

بصراحة لا انصحك بالسفر لو حد والغربة مهما كان المرتب

الشغل فى مصر افضل الا اذا كان معك احد من محارمك

وبالتوفيق ان شاء الله

[محمد عيسى]

بالنسبة للوسيط فهو بينزل الإعلان على موقعه في النت يوم بيوم مش زي النسخة المطبوعة يوم الجمعه و بالتالي من المهم جدا المتابعة عن طريق النت، و جريدة الخليج يا علاء مبيبقاش فيها اعلانات لابوظبي اللي بيكون فيها هي الاتحاد و ملحقها الاعلاني اللي اسمه الدليل على ما اذكر

لعلمك يا ريهام ايجار الغرفه داخل سكن مشترك بابوظبي في حدود تلات الاف درهم

المرتب ده ممكن ينفع زمان انما دلوقتي لأ، و لعلمك اللي بيتعنوا جديد بيتعنوا بمرتبات اعلى مننا احنا القدام، فمعلش محدش يقول 4500 كويسين

ما تقبليش اقل من سبعه .. و هاتلاقيها .. غير كده خليكي في مصر احسن

[riham gaber]

بجد ياجماعة شكرا جدا ليكم ولاهتمامكم بالرد عليا ربنا يجازيكم خير ان شاء اللة ...والحمد للة انا فعلا عرفت معلومات مكنتش اعرفها خالص بالنسبة لمعدل المرتب والسكن وبالنسة للمرتب هو 4500 شامل السكن واستاذ محمد عيسي انا معرفش انا لو اقدر اطلب المرتب دة لانى لسة خريجة جديدة ابسط رد ليا هيكون انى لسة معنديش خبرة

واستاذ علاء شكرا لافادتك ليا جدا انا مكنتش اعرف انى م حقى اتكلم فى الاشياء دى وتوثيق الشهادة شكرا على معلوماتك

اصل انا لسة معنديش اى معلومات بالنسبة للموضوع دة

ilove egypt

اكيد انا مش عاوزة اسافر للترفية واكيد هيكون فى مشقة عليا فى السفر واعتماد على نفسي عالى جدا

بس اكيد انت عارف مصر وظروف الشغل فيها عاملة ازاى .....اكيد انا سعيت انى اقدر اشتغل وملاقيتش اى وظيفة مناسبة هنا واكيد لو لاقيت حتى وظيفة معقولة اى هقبل بيها ومش هسافر بس فعلا انا مش لاقية اى حاجة هنا

[محمد عيسى]

بجد ياجماعة شكرا جدا ليكم ولاهتمامكم بالرد عليا ربنا يجازيكم خير ان شاء اللة ...والحمد للة انا فعلا عرفت معلومات مكنتش اعرفها خالص بالنسبة لمعدل المرتب والسكن وبالنسة للمرتب هو 4500 شامل السكن واستاذ محمد عيسي انا معرفش انا لو اقدر اطلب المرتب دة لانى لسة خريجة جديدة ابسط رد ليا هيكون انى لسة معنديش خبرة

واستاذ علاء شكرا لافادتك ليا جدا انا مكنتش اعرف انى م حقى اتكلم فى الاشياء دى وتوثيق الشهادة شكرا على معلوماتك

اصل انا لسة معنديش اى معلومات بالنسبة للموضوع دة

ilove egypt

اكيد انا مش عاوزة اسافر للترفية واكيد هيكون فى مشقة عليا فى السفر واعتماد على نفسي عالى جدا

بس اكيد انت عارف مصر وظروف الشغل فيها عاملة ازاى .....اكيد انا سعيت انى اقدر اشتغل وملاقيتش اى وظيفة مناسبة هنا واكيد لو لاقيت حتى وظيفة معقولة اى هقبل بيها ومش هسافر بس فعلا انا مش لاقية اى حاجة هنا

ما هو برده المرتب ده يبقى وظيفة مش مناسبة لانه هايروح بالكامل للمؤجر و للمطاعم و لاتصالات فقط

ما تقلقيش من موضوع الخبره المرتبات دي بتتاخد عادي بس في حالة القدرة على التفاوض و ما بيقبلش اقل منها غير المصرينن بحجة و احنا لاقيين و اهي نعمة و ارزاق مقسومة و الكلام الاتكالي ده

[alaa elshafiey]

اختى العزيزة

طبعا قريت مشاركات الاعضاء

من فضللك وطلب من اخ ليكى وانا على فكرة فى الغربة بردة

بلييييززززززز بجد بلاش تسفرى وخليكى عندك وصدقينى الغربة وحشة وهيجى عليكى الوقت الى هتتعبى فية اوى وبعدين انتى متخيلة كدة انك رايحة مكان هتكونى فى لوحدك يعنى ولا حتى ليكى اى اريب تتسندى علية

لو حصللك حاجةلقدر الله

وبعدين انا اسف يعنى على السؤال انتى بابكى ومامتك اساسا موفقيين على كدة بليزز اختى العزيزة انا ما لا اقبلة الى اختى لا اقبلة لكى لو بمال الدنيا

صدقينى الناس برة وحشة اوى بجد وانتى مش عارفة الى مستنيكى دة شكلة اية يمكن يطلع كويس ويمكن يطلع انسان مش كويس هتتبدهلى

والله لو ليكى حد فى المكان كونت هقوللك سفرى وانتى مطمنة بس كدة غلط بجد

وانتى طبعا حرة فى اتخاذ القرار

بس انا رديت عليكى عشان انتى قولتى عاوز المساعدة اتمنى منك عدم السفر وان تجلسى معززة مكرمة داخل بيتك

ربنا يوفقك

[Dr.mmfriend]

اختى العزيزة

طبعا قريت مشاركات الاعضاء

من فضللك وطلب من اخ ليكى وانا على فكرة فى الغربة بردة

بلييييززززززز بجد بلاش تسفرى وخليكى عندك وصدقينى الغربة وحشة وهيجى عليكى الوقت الى هتتعبى فية اوى وبعدين انتى متخيلة كدة انك رايحة مكان هتكونى فى لوحدك يعنى ولا حتى ليكى اى اريب تتسندى علية

لو حصللك حاجةلقدر الله

وبعدين انا اسف يعنى على السؤال انتى بابكى ومامتك اساسا موفقيين على كدة بليزز اختى العزيزة انا ما لا اقبلة الى اختى لا اقبلة لكى لو بمال الدنيا

صدقينى الناس برة وحشة اوى بجد وانتى مش عارفة الى مستنيكى دة شكلة اية يمكن يطلع كويس ويمكن يطلع انسان مش كويس هتتبدهلى

والله لو ليكى حد فى المكان كونت هقوللك سفرى وانتى مطمنة بس كدة غلط بجد

وانتى طبعا حرة فى اتخاذ القرار

بس انا رديت عليكى عشان انتى قولتى عاوز المساعدة اتمنى منك عدم السفر وان تجلسى معززة مكرمة داخل بيتك

ربنا يوفقك

وانا كمان متفق مع حضرتك

السفر لشابه وحيده فى بدايه حياتها ولوحدها كده اكيد بهدله

خليكي فى بيتك وبلدك معززة مكرمه

الا فعلا لو ليكي حد معاكى او مرافق

وربنا يوفقك لاتخاذ القرار

[riham gaber]

alaa elshafiey&

Dr.mmfriend

شكرا على قلقكم ونصيحتكم بس انا لو سافرت مش هكون مع والدتى ووالدى بس يوجد لى معارف هناك مش هكون بفردى

وشكرا تانى على اهتمامكم

[محمد عيسى]

بالنسبة للوسيط فهو بينزل الإعلان على موقعه في النت يوم بيوم مش زي النسخة المطبوعة يوم الجمعه و بالتالي من المهم جدا المتابعة عن طريق النت، و جريدة الخليج يا علاء مبيبقاش فيها اعلانات لابوظبي اللي بيكون فيها هي الاتحاد و ملحقها الاعلاني اللي اسمه الدليل على ما اذكر

لعلمك يا ريهام ايجار الغرفه داخل سكن مشترك بابوظبي في حدود تلات الاف درهم

http://www.ewaseet.com/classifieds.php?mai...p;country_id=AE

للايجار ـ غرفة مفروشة ـ في منطقة الخالدية ـ لفتاة او اثنتين ـ مطلوب 3000 درهما

تم تعديل 23 أغسطس 2008 بواسطة محمد عيسى