جاني عقد عمل بجريدة الجزيرة ممكن مشورتكم

[waaaf]

السلام عليكم

جاني عقد عمل بجريدة الجزيرة بالرياض بإدارة التسويق والمبيعات ( يعني راتب وعمولة ) .

أرجو من الإخوه المشاركة بآرائهم عن بيئة العمل بالجريدة . والمعاملة من جانب الرؤساء

أو أي معلومات ممكن تفيدني .... شكراً مقدماً .

[waaaf]

ياجماعة معقولة محدش شارك لغاية دلوقتي ؟ ؟ ؟

[waaaf]

يارب حد يرد .......

[waaaf]

كنت أتمنى الاقي إهتمام من الزملاء .. لكن للأسف

على العموم شكراً

[nightmare]

كنت أتمنى الاقي إهتمام من الزملاء .. لكن للأسف

على العموم شكراً

أخي Waaaf

انا مش عارف بصراحة انتا عاوز رأينا في إيه وعاوزنا نهتم بإيه , إنتا مش كاتب بنود عقد مثلاً علشان نقولك فيه رأينا أو نقيمه ليك

كل اللى فهمته انك عاوز تعرف الوضع داخل الجريدة نفسها ومعاملة الرؤساء فيها , ودي حاجة صعب جداً حد يقولك عليها إلا إذا كان شخص يعمل بالجريد نفسها وعادي إنك ما تلاقيش حد في المحاورات شغال في الجريدة ( شيء وارد طبعاً )

إنما لو بتسأل عن معاملة الرؤساء والوضع العام للشركات في المملكة فده شيء نسبي وبيختلف من شركة لشركة

طالما إنتا عجبك العقد , توكل علي الله , ومعاملتك إنتا مع الناس هيا اللى بتحدد طريقة معاملتهم ليك , إحترامك لنفسك هيجبر كل الناس علي إحترامك بكل تأكيد

تم تعديل 23 أغسطس 2008 بواسطة nightmare

[waaaf]

أخي Waaaf

انا مش عارف بصراحة انتا عاوز رأينا في إيه وعاوزنا نهتم بإيه , إنتا مش كاتب بنود عقد مثلاً علشان نقولك فيه رأينا أو نقيمه ليك

كل اللى فهمته انك عاوز تعرف الوضع داخل الجريدة نفسها ومعاملة الرؤساء فيها , ودي حاجة صعب جداً حد يقولك عليها إلا إذا كان شخص يعمل بالجريد نفسها وعادي إنك ما تلاقيش حد في المحاورات شغال في الجريدة ( شيء وارد طبعاً )

إنما لو بتسأل عن معاملة الرؤساء والوضع العام للشركات في المملكة فده شيء نسبي وبيختلف من شركة لشركة

طالما إنتا عجبك العقد , توكل علي الله , ومعاملتك إنتا مع الناس هيا اللى بتحدد طريقة معاملتهم ليك , إحترامك لنفسك هيجبر كل الناس علي إحترامك بكل تأكيد

أخي الكريم nightmare

شكراً لتفضلك بالإهتمام . وبالنسبة لبنود العقد هي كالتالي : -

1- راتب أساسي 3000 ريال .

2 - بدل سكن شهرين من الراتب الأساسي .

3 - تأمين طبي .

السيارة والمصاريف الإنتقالات أتحملها أنا يعني يعطوني سلفة بقيمة السيارة وتخصم من الراتب .

بالإضافة للراتب يوجد عمولات عن الإعلانات المتعاقد عليها في حدود 5% وممكن تزيد بقدر بسيط .

مدة العقد سنة قابلة للتجديد .

في نهاية كل سنة أستحق أجازة 30 يوم مدفوعة . وتذكرة طيران الرياض القاهرة الرياض .

**********************************************************

ولك جزيل الشكر لإهتمامك . .

[nightmare]

أخي الكريم nightmare

شكراً لتفضلك بالإهتمام . وبالنسبة لبنود العقد هي كالتالي : -

1- راتب أساسي 3000 ريال .

2 - بدل سكن شهرين من الراتب الأساسي .

3 - تأمين طبي .

السيارة والمصاريف الإنتقالات أتحملها أنا يعني يعطوني سلفة بقيمة السيارة وتخصم من الراتب .

بالإضافة للراتب يوجد عمولات عن الإعلانات المتعاقد عليها في حدود 5% وممكن تزيد بقدر بسيط .

مدة العقد سنة قابلة للتجديد .

في نهاية كل سنة أستحق أجازة 30 يوم مدفوعة . وتذكرة طيران الرياض القاهرة الرياض .

**********************************************************

ولك جزيل الشكر لإهتمامك . .

أولاً : لا شكر علي واجب

بالنسبة للبنود اللى انتا كاتبها دي فهقولك رأيي من وجهة نظري الشخصية ومن واقع خبرتي البسيطه هنا ولابد أن تنتظر رأي خبرائنا أيضاً وخاصة سي السيد

1- بخصوص الراتب 3000 ريال , كويس كبداية وخاصة لو خبرتك مش كبيرة

2- بدل السكن شهرين , ليا تحفظ شديد علي الكلام ده لإن الطبيعي والمنطقي والمعمول بيه هنا ان بدل السكن 3 شهور من الراتب , إنما لو إنتا أعزب فالمبلغ ده معقول لإن معناه 500 ريال في الشهر

3- تأمين طبي , كلام جميل وكلام معقول ما اقدرش اقول حاجة عنه

4- الإنتقالات تتحملها إنتا دي ليا عليها تحفظ برضه , وبالنسبة للسيارة لو هيخصموا قيمتها من الراتب وتنتهي بالتمليك لك فده شيء كويس شوفت واحد زميلي مندوب الشركة بتاعته عاملة معاه الاسلوب ده ومسلمينه سيارة متسوبيشي لانسر 2008

5- العمولة 5% كويسة جداً

6- الأجازة شهر مدفوعة وتذاكر الطيران , مفيش أحسن من كده كلام

7- مدة العقد سنة , حلو جداً جداً ودي ميزة في صالحك

ملخص الحوار ده , من وجهة نظري عقدك كويس بس اتأكد من موضوع بدل السكن لو انتا اعزب ماشي انما لو متزوج يبقي لازم تصر ان بدل السكن يكون 3 شهور

وعامة إستخير ربنا عز وجل , وانتظر رأي خبرائنا زي ما قولتلك قبل كده

وبالتوفيق إن شاء الله

[waaaf]

الأستاذ الفاضل / nightmare

بصراحة كلامك ريحني نفسياً وفعلاً بدل السكن هي نقطة الضعف في العقد وأنا كلمتهم فيها قالولي ده سيستم عام لكل العاملين بالجريدة . وأخذت رقم موبايل واحد من المندوبين القدامى بالجريدة وكلمته فقالي نفس الكلام وقالي إن العمولات كويسة وبتتصرف كل شهر .

أقولك الحق ياأستاذ / nightmare الوضع في مصر بقى مش ولابد وبقول يمكن ربنا يكرمني وتكون بداية من تاني بعد سنوات الغربة إللي ضاعت فلوسها من ساعة مارجعت مصر .