حاجة تغم

[حسام يوسف]

لا حول ولا قوة الا بالله

بغض النظر عن النتيجة

التى لا نستطيع ان نغض عنها النظر

مصر انهزمت امام السودان 4-صفر

فضيحة

ورفع ضغط

وسكر

وحسبى الله ونعم الوكيل فيك يا حسن شحاتة

حد يختار عبدالمنصف؟ :closedeyes:

[rar]

يا عزيزي أنا عارف انها هزيمة مهينه مهينه مهينه... و اللي واجعنا أكتر انه فريق عربي شقيق...

بس برضه كويس ان المدرب يجرب كل التخاريف اللي في دماغه في ماتش ودي... بدل ما يجربها في ماتش مهم...

و نفس النتايج المقرفة دي عملها حسن شحاته قبل كدة... و رجع وقت الجد و هزم العتاولة كلهم بالاربعة...

من نص الكوباية المليان.. ان مثلا مستر أوسة (محمد عبد المنصف) هيعلن اعتزاله اللعب الدولي النهاردة أكيد (لو فاضل عنده شوية أحمر)...

و مثلا لما يعرفوا ان اللي يتعامل مع مجرم حرب زي البشير... و يقبل منه التكريم... لازم لا يوعي يكسب و لا يربح...

بعد اسبوعين لما نهزم الكونغو علي أرضها... هنحمد ربنا علي هزيمة النهارده...

- و بعدين موضوع "الحلق" بتاع محمد شوقي ده يا ريت نسيبه علي جنب... لأنها حرية شخصية... يلعب من غير هدوم حتي... لو هيلعب كويس... -

برضه هنوصل كاس العالم... مين يراهن؟

[se_ Elsyed]

أجمل ما في المباراة امس هو الـ 35 سيارة الهدية اللي نفحها لهم البشير إمبارح..

أنا هاخرج الواد عمر إبني من أولى إبتدائي وإن شالله أخليه يلم كور من ورا الجون .. اهو أبقى امنت له مستقبلة وربنا يكرمه بلا دراسة وجداول ضرب ودروس خصوصية بلا قرف

[النيل حبيبي]

مصر والسودان كانوا حته واحدة

امبارح كانوا اربع حتت

مجاملات وقله أدب

الله يجازي اللي كان السبب

[iloveegypt]

أجمل ما في المباراة امس هو الـ 35 سيارة الهدية اللي نفحها لهم البشير إمبارح..

أنا هاخرج الواد عمر إبني من أولى إبتدائي وإن شالله أخليه يلم كور من ورا الجون .. اهو أبقى امنت له مستقبلة وربنا يكرمه بلا دراسة وجداول ضرب ودروس خصوصية بلا قرف

بجد اتغلبوا 4/0 وخدوا كل واحد عربية

يا بختهم انا بقاقالى الكترمن 10 سنين مهندس ومش عارف اجيب حتى عربية كشرى :wub: wst:: :

[Virus]

تفتكروا يعني احنا مفوتين الماتش؟؟؟!!!..برضو الأخ البشير هو اللي داعينا وأكيد محتاج يفرح ناسه بعد الهم اللي هم فيه...والأمارة كمان ال 35 عربية اللي سي السيد يبقول عليهم..

والله مش بعيد أو على الأقل بعض اللاعبين

[حسام يوسف]

كلة كان سيئ

خطة-مفيش

لعب مفيش

ميدو بيلعب وسط

احمد حسن باك يمين

النجم الكبير اوسة

رأفت الهجان لفريق السودان

عمرو وحسنى بيتخانقوا وبس

كلة سيئ

[ابو محمود]

عندما يخسر فريق مباراة دى رياضة المهم ان لاننسى انها كذلك

وعندما ننتقد لاعب فى الكورة شيء منطقى

لكن من باب الأحترام للنفس ان ترى أولادنا ونحن لاعبين محترمين وخاصة لما يمثلو مصر ودة من البديهى ان ننتقد تصرفاتهم لانهم قدوة لمن يراهم من الأشبال والنشأ

ويجب النقد فى هكذا مواضيع

اما ان ندخلها سياسة ومجرمين حرب فدة خارج موضوع الرياضة وياريت عندما نتحدث عن رياضة ملناش دعوة بمجرمين حرب وغيرة وان كنت حضرتك تتهم البشير بالأجرام والفاشيستية فدى اصلها من الغرب وحملاتهم وخير دليل على وصفك ما يحدث فى بلداننا الاسلامية ويجب ان تصفهم بالمجرمين امثال بوش وغيرة من سفاحين ومصاصى دماء اطفال العرب اما بخصوص الحلق ودة برضو من باب ان ذلك يصور الرجل بأنة انثى ودى ثقافة لا تمت لنا واعلم حضرتك اننا نتكلم عن لاعب اسمة مثل اسماء ابنائنا ويراة ابنائنا وليس لنا ما لغيرنا نحن نتكلم ونعرف ما لنا وما علينا ولم ندعى ان سفك الدماء حرية شخصية لاننا نفرق بين ما نعملة ونعلمة لاولادنا وبين ما يفعلة الأخرين اننا بصدد مباراة للكرة وليست منازلة او موضوع عن الحروب والمجرمين الذين يرتكبونها

فكان اولى لحضرتكم ان تتناولو الموضوع فى مكانة الصحيح وليس فى مداخلة لموضوع اخر

محمود مصطفى

[Simba]

انا عمري ما كرهت في حياتي قد الكورة ولاعيبة الكورة

ومن سنة دبحوني العيال في السكن ببرامج الكورة

الله يخربيت الكورة

حد يقول آمين