استفتاء مثييير للشباب

[غادة]

السلام عليكم ورحمة الله وبركاته

سوف اطرح على الشباب والفتيات مجموعه من الاسئله حول مواصفات

فتى أو فتاه الاحلام

وارجوا من الجميع تجاوبهم معى

نبدأ الاسئله

1-هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

2- هل تكون الافضليه للجمال ام المال ام الحسب ام التدين؟؟

3- ماذا تفضلون ان تكون الزوجه عامله ام لا تعمل وتتغرغ لمنزلها؟؟

4-ماهو الافضل ان تكون الزوجه او الزوج فى نفس المستوى التعليم ام اقل؟؟

5ماهو فارق السن المناسب بين الزوج والزوجه؟؟

6-العصمه فى يد الزوج هل من الممكن ان تتنازل عنها للزوجه؟؟

7-ماهو اكثر شئ تفضله فى الزوجه قبل الزواج المال ام الثقافه ام السمعه؟؟

8-ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها ؟؟

9- ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها؟؟

هذا استفتاء للتعرف على اتجاهات الشباب وافكارهم بالنسبه لشريك الحياه فى المستقبل

والرجاء من المشرفين اعلان نتيجه الاستفتاء بعد مشاركة الاعضاء

وشكرا لكم

اختكم غاده

[crossfield]

اممممممم

الأخت غادة هتوفق الروس فى الحلال و الا ايه؟؟؟؟؟؟؟؟ :)

شوفى يا ستى:

أنا شخصياً شايفة ان الموضوع نسبى جداً مش حكاية مواصفات واحد اتنين تلاتة

يعنى ممكن عيب يبقى جنبه ميزة تانية فتتغاضى عن العيب ده

ممكن تلاقى واحد بتتقبليه نفسياً لكن ظروفه المادية مثلاً مش قد كده لكن فى المقابل الوضع الاجتماعى و الثقافى كويس فتوافقى

واحدة تانية الفلوس عندها أهم من أى حاجة تانية

واحدة تالتة لا يهمها ده و لا ده و المهم انها تعيش قصة حب حالمة و خلاص

....

لكن مبدئياً خلينا معاكى واحدة واحدة عشان الاستفتاء يمشى. أنا مش هقول غير فى الاخر

واحدة حاطة وشها فى الأرض .

[White heart]

أولا أود ان أرحب بك يا عزيزتى بيننا.....

و تجاوبا معك سأبدى برأيي (مع ملاحظة انى متزوج فعلا)

1-هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

الزواج عن طريق الحب والتعارف قبل الارتباط

2- هل تكون الافضليه للجمال ام المال ام الحسب ام التدين؟؟

هذا سؤال صعب للغاية، اذ ان هناك اسباب أخرى لا تقل أهمية عن بعض الصفات التى ذكرتيها، (كالعقل) مثلا.

3- ماذا تفضلون ان تكون الزوجه عامله ام لا تعمل وتتغرغ لمنزلها؟؟

انا أفضل ان تكون عاملة.

4-ماهو الافضل ان تكون الزوجه او الزوج فى نفس المستوى التعليم ام اقل؟؟

من الأفضل ان يكونوا متساويين فى المستوى التعليمى.

5ماهو فارق السن المناسب بين الزوج والزوجه؟؟

ما بين سنة و سبع سنوات على الأكثر.

6-العصمه فى يد الزوج هل من الممكن ان تتنازل عنها للزوجه؟؟

اوووووووبس!!

على اننى لست الشخص المناسب للأجابة على هذا السؤال، لكن أعتقد بأننى لن أمانع فى التنازل عنها (راضيا) للزوجة، خاصة ان بمتابعتى لما يدور حولنا، أصبح اليوم ما يسمى (قانون الخلع)

7-ماهو اكثر شئ تفضله فى الزوجه قبل الزواج المال ام الثقافه ام السمعه؟؟

اذا أمكن فالثقافة و السمعة، على ان ذلك يتبين من خلال فترة الخطوبة، التى من الممكن ان تغير فى وجهة نظر الطرفين ليس فى هذة النقطة فقط بل الكثير مما سبق. من قائل عبارة:"اللى فات مات"..

8-ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها ؟؟

أنا أفضل التعاون فى كل شئ و ليس فقط بالمال، ففى النهاية ينصب كل ذلك فى مصلحة المنزل و الأبناء.

9- ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها؟؟

بل يجب ان يكون لديها أكثر من هواية!! و يحبذا لو كانت واحدة من ضمن هذة الهوايات تستطيع ان تجمعنا سويا، كالمشى، او السباحة، او ركوب الدراجة، أو حتى صيد الأسماك...الى ما ذلك.

هذا استفتاء للتعرف على اتجاهات الشباب وافكارهم بالنسبه لشريك الحياه فى المستقبل

كما ذكرت لقد أردت ان أتجاوب معك، على سبيل ابداء الرأى، اما الأستفتاء فأعتقد انة لا يحق لى، اولا لاننى متزوج فعلا، وثانيا بعض الأسئلة ليست موجهة للجميع، و لكننى حاولت أحتراما لك، و أتمنى مثلك ان أرى فى النهاية نتيجة الأستفتاء، الذى أعتقد انى استطيع تكوين فكرة مسبقة عن نتيجتة و شكرا.

[الطفشان]

الاخت غادة

موضوع هام و احييك على فتحه

و لكن نقطة للتنبيه، معظم رواد هذا المنتدى من المتزوجين بل و العواجيز كمان

لذلك ماتتخضيش اذا كانت الاجابات غريبة عما اذا كان اغلب من جاوب من الشباب قبل سن الذواج

[Cleo]

هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

لا هذا ولا ذاك.... فالحب أعمى يعمى عن الحقيقة... و زواج الصالونات عادة ما أسميه "زواج من عابرى السبيل" يعنى اتنين مايعرفوش عن بعض أى حاجة.. بعد مقابلة ولا اتنين يقولوا اديها جواز...

أنا أفضل أن يكون وزاج مبنى على تعارف فى ظروف عادية...

يعنى إيييييه؟؟؟

يعنى اتنين اتعرفوا على بعض فى ظروف عادية طبيعية من غير ما يكون حد فيهم حاطط الموضوع فى دماغه... بعد التعامل الطبيعى الخالة من التزييف و الافتعال... يبدأ كل واحد فيهم يكون قدر من الاحترام و الفهم للطرف الآخر... و يبدأ يقيم هذا الشخص (أخلاقه، الجدعنه، التدين، الشخصية، أوبن مايندد و لا عقد، ....إلخ) و يكون الاختيار على أساس هذا التقييم

هل تكون الافضليه للجمال ام المال ام الحسب ام التدين؟؟

بل الأفضلية للشخصية ككل و التدين جزء منها... خللى بالكم إن الواحد ممكن يكون متدين بس متزمت مثلا... أو ممكن يكون شخص حبوب جدا بس التدين ده مش فى دماغه أصلا.... يعنى لازم يكون فيه توازن

ماذا تفضلون ان تكون الزوجه عامله ام لا تعمل وتتغرغ لمنزلها؟؟

لم تعد الحياة الآن كما كانت فى الستينيات و ما قبلها.. الزوج ينزل الشغل ويرجع البيت الساعة و احدة و البطيخة فى إيده... دلوقتى معظم الرجالة بيشتغلوا طول النهار و الليل... يعنى اللى تتجوز و تقعد فى البيت هاتفضل محبوسة بين 4 حيطان 24 ساعة و ده حرام... دى العصافير و حتى الحيوانات ربنا خلقها حرة و حرم أسرها...

تانى حاجة العمل يفتح مدارك المرأة و يكسبها خبر ةفى الحياة العملية تقدر تفيد بيها أولادها...

أهم حاجة إن عملها مايجيش أولوية على حساب البيت.. يعنى مش المدام خارجة من الجامعة رايحة تحضر مؤتمر فى جمعية معرفش إيه قبل ما تطلع على المطار فى رحلة عمل 10 أيام...

ماهو الافضل ان تكون الزوجه او الزوج فى نفس المستوى التعليم ام اقل؟؟

طبعا لازم يكون فيه تكافؤ فى المستوى التعليمى و الفكرى..!!!!

5ماهو فارق السن المناسب بين الزوج والزوجه؟؟

3-8 سنوات

العصمه فى يد الزوج هل من الممكن ان تتنازل عنها للزوجه؟؟

و إذا كان فيه خلع... يبقى إيه لازمة العصمة فى إيدها؟؟؟

ماهو اكثر شئ تفضله فى الزوجه قبل الزواج المال ام الثقافه ام السمعه؟؟

سؤال للشباب

ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها

ممكن الزوجة تشارك بمزاجها... من غير غصب... و من غير ما ييجى يوم تلاقى نفسها هى اللى بتصرف على البيت و البيه عامل مرتبه مصروف إيده "وش مشمئز"

ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها؟؟

لو الست مكانش لها اهتمامات هايبقى الراجل هو اهتمامها الوحيد... و خد عندك... كنت فين؟؟؟ كنت مع مين؟؟؟ كنتوا بتقولوا إيه بالتفصيل الممل؟؟؟ فلانة دى بتكلمك ليه؟؟؟ إنت فيه حاجة بينك و بين علانة؟؟؟ أصل مامتك... أصل أختك... أصل اتخانقت مع الجيران...

"وش راجل مخنوق"

[se_ Elsyed]

مع إني متجوز بس هاجاوب برضوا ، هو الكلام بفلوس ، وبعدين ممكن ربنا يفتحها علينا ونتجوز تاني وتالت

1

-هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

- حسب اللى موجود

2- هل تكون الافضليه للجمال ام المال ام الحسب ام التدين؟؟

- بالترتيب التدين - الجمال- الحسب

3- ماذا تفضلون ان تكون الزوجه عامله ام لا تعمل وتتغرغ لمنزلها؟؟

- لاتعمل ...

4-ماهو الافضل ان تكون الزوجه او الزوج فى نفس المستوى التعليم ام اقل؟؟

- تكون الزوجة أقل مني ( لزوم الذل )

5ماهو فارق السن المناسب بين الزوج والزوجه؟؟

- ما بين سنة و10 سنوات

6-العصمه فى يد الزوج هل من الممكن ان تتنازل عنها للزوجه؟؟

- فى أيد الزوجة !!!!! على جثتي

7-ماهو اكثر شئ تفضله فى الزوجه قبل الزواج المال ام الثقافه ام السمعه؟؟

- ما هو السؤال ده متكرر

8-ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها ؟؟

- ماهي دى متعلقة بموضوع العصمة ، وطالما العصمة فى أيد الراجل يبقى يتسحمل وينفق بمفرده ، وللزوجة حق الأختيار فى الإنفاق ومن قدم شيء بيداه إلتقاه

9

- ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها؟؟

- لا يوجد مانع فى أن يكون لديها هواية ( تريكو ، تصبيع الكفتة ... لف محشي ورق العنب )

[mnman]

انا بقي مش متجوز و افضل الجواز المبني علي الحب والتفاهم..... المستوي الثقافي والاجتماعي لازم يكون متقارب لحد كبير.....

أفضل الزوجة العاملة مش للماديات لا علشان تلاقي حاجة تشغلها غيري...

فرق السن ميفرقش معايا......

احب ان اتحمل 100% الانفاق علي الاسرة في حدود دخلي......

لا مانع من ان يكون لزوجتي هواية تمارسها ولا اعتقد ان الهواية ستؤثر علي اهتمامها بالمنزل......

لا اقبل بتاتا ان تكون العصمة في يد زوجتي....

النكد ممنوع من الطرفين انا او هي...

[Lancelot]

الأخت غادة .... أهلا بيكي في المنتدي .... و إن شاء الله معانا علي طول ... منورة المنتدي بموضوعك الجميل ده ....

"مثييييييييير" .... حضرتك قريبة شعنونة و لا إيه ..... "وش يبحث في شجرة العيلة" "وش عالم جينات" ...

هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

الحب و التعارف قبل الإرتباط ..... بلاش جواز عابري السبيل علي رأي الأخت كليو ...

هل تكون الافضليه للجمال ام المال ام الحسب ام التدين

التدين له أولوية كبيرة .... لكن الأمور ليست بهذا الوضوح ... فالواحد ممكن يتنازل عن شوية من هذا من أجل كثير من ذلك .. بالنسبة لي ... و لأني إخترت التعارف قبل الإرتباط .... فالتي أختارها هي التي أرتاح لها .. لا أفكر فيها بهذه المنطقية ... لكن اللي أرتاح لها هي التي أختارها ... ليا واحد صاحبي مرة قال جملة حلوة أوي ... كان السؤال مين أجمل واحدة في الدنيا .... بدون تردد قال "مراتي" ... رغم إنه غير متزوج أو مرتبط أو عنده أدني فكرة مين اللي هيتجوزها ... لكن عنده ثقة إن اللي هيتجوزها لازم يكون "شايفها" أجمل واحدة في العالم ...

ماذا تفضلون ان تكون الزوجه عامله ام لا تعمل وتتغرغ لمنزلها

قبل وصول الشباب الصغير "البامبينوز" لها أن تعمل بالتأكيد ... و بعد وصولهم لابد من فترة من الإهتمام بهم ... عموما العمل بالنسبة للزوجة ليس الهدف منه تحقيق عائد مادي ... فالفلوس مهمتي أنا ... أما عمل الزوجة فهو منعا للملل و إثبات للذات و تحقيق لشخصيتها المستقلة بعيدا عن زوجها ....

ماهو الافضل ان تكون الزوجه او الزوج فى نفس المستوى التعليم ام اقل

لازم تكون في نفس المستوي العلمي ... بالعكس ديه لازم يكون عندها قابلية الإرتفاع بالمستوي الثقافي كمان ... أنا مش هأكلمها في القضية الفلسطينية و هي تكلمني في "ناكل إيه بكره" ....

ماهو فارق السن المناسب بين الزوج والزوجه؟؟

من سنة إلي 5 سنوات ....

العصمه فى يد الزوج هل من الممكن ان تتنازل عنها للزوجه

NO WAY .... ديه لو طلبت ده ... ممكن أعتبر ديه إهانة ....

ماهو اكثر شئ تفضله فى الزوجه قبل الزواج المال ام الثقافه ام السمعه

مش فاهم موضوع السمعة ده ..... ما هي لو كويسة يبقي فيه جواز ... مش كويسة يبقي مفيش أصلا ...

المال و لا الثقافة ...... أعتقد إني وضحت في الإجابات السابقة ....

ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها

رغم إن ديه مش مهمتها ... لكن طالما عملت المرأة ... فالفلوس التي تجنيها هي من حق البيت و ليست من حقها ... عايزة مساواة في الحقوق يبقي لازم مساواة في الواجبات ... هتشتغلي يبقي تصرفي علي البيت ...

ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها

بالعكس الهواية مهمة جدا .... الجواز للمرأة مش هو الإهتمام بالبيت و الأولاد و الزوج .... لابد لها من أن تمارس حياتها و أن تنمي من مواهبها و تزيد من معارفها و تستفيد من ذلك ... و لا تقتصر هذه المواهب علي المواهب النسائية كالتطريز و ما شابه ... لكن تمتد لمواهب أخري ...

يا ريت لو كانت غاوية نت مثلي ... علشان ما تحصلش مشاكل .... "وش زوج مرعوب لانه قاعد علي النت بعد ما مراته نامت و خايف لأحسن تصحي و تطربأ الدنيا علي دماغه" ... كل ده إيموشن ...

[غادة]

الاخت crossfield

انا فى انتظار اجابتك اللى اجلتيها للاخر

White heart الاخ

اشكرك لتجاوبك معنا

واحب اعرف وجهة نظرك فى قولك

(بعض الأسئلة ليست موجهة للجميع، )

وشكرا لك

الاخ الطفشان

مش مشكله اذا كان الاعضاء متزوجين المهم ان احنا بناخد الاراء

وبعدين فى اجابتك؟؟ :lol:

الاخ Cleo

اشكرك على التجاوب معنا

الاخ se_ Elsyed

شكرا لتجاوبك معنا

قلت وبعدين ممكن ربنا يفتحها علينا ونتجوز تاني وتالت

كده المدام هتزعل وممكن تمنعك من دخول النت :lol:

الاخ mnman

اشكرك للتجاوب معناه

بس انا كنت عايزه اقول لحضرتك محدش جاب سيرة النكد :lol:

وشكرا لكم جميعا مع تحياتى

وفى انتظار مشاركة الباقى

[Lancelot]

الاخ Cleo

كل الأفتار ده ... و لسه أخ ..... "وشوش مصدومة"

وفى انتظار مشاركة الباقى

ممكن أكون من الباقي ده ..... "وش بيشاور علي المداخلة السابقة"

[mnman]

الاخت غادة كتبت:

بس انا كنت عايزه اقول لحضرتك محدش جاب سيرة النكد

النكد بيكون عامل مهم في فركشة اي جوازة.... علشان كدة لازم يكون واحد من اسباب الاختيار... يعني لو الراجل بلغتنا قفل و نكدي و الست مرحة و حبوبة... الجوازة حتنتهي في القسم... ممكن تبقي تحت بند تقارب الصفات.....

[Cleo]

الاخ Cleo

كل الأفتار ده ... و لسه أخ ..... "وشوش مصدومة"

"

"وش مسلم أمره لله"

[غادة]

الاخ Lancelot

شكرا على حسن تجاوبك

وبجد انا عجبتنى الحته دى

(رغم إن ديه مش مهمتها ... لكن طالما عملت المرأة ... فالفلوس التي تجنيها هي من حق البيت و ليست من حقها ... عايزة مساواة في الحقوق يبقي لازم مساواة في الواجبات ... هتشتغلي يبقي تصرفي علي البيت ...))

بس يعنى انا من راى انها تاخد جزء صغير بس ده من راى

وشكرا لك مره اخرى

[Lancelot]

شكرا علي مجاملتك يا أخت غادة ....

لكن معلهش ...

بس يعنى انا من راى انها تاخد جزء صغير بس ده من راى 

وشكرا لك مره اخرى

جزء صغير من إيه .....

أرجو الإيضاح ...

شكرا

[حشيش]

1-هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

الحب والتعارف قبل الإرتباط

2- هل تكون الافضليه للجمال ام المال ام الحسب ام التدين؟؟

التدين ثم الجمال

3- ماذا تفضلون ان تكون الزوجه عامله ام لا تعمل وتتغرغ لمنزلها؟؟

لاتعمل ...

4-ماهو الافضل ان تكون الزوجه او الزوج فى نفس المستوى التعليم ام اقل؟؟

نفس المستوى أو أقل (أفضل شئ أن تكون متخلفة عقلياً)

5-ماهو فارق السن المناسب بين الزوج والزوجه؟؟

ما بين 3-5 سنوات

6-العصمه فى يد الزوج هل من الممكن ان تتنازل عنها للزوجه؟؟

Never Ever

7-ماهو اكثر شئ تفضله فى الزوجه قبل الزواج المال ام الثقافه ام السمعه؟؟

السمعة...يعنى مثلاً يكون إتحكم عليها قبل الجواز فى قضية مخدرات أو مسجلة خطر

8-ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها ؟؟

أفضل أن تتحمل هى النفقة عليه وعلى البيت

9- ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها؟؟

لازم يكون عندها هواية...مثلاً رفع أثقال أو مساج (علشان تدعك لى رجليه )....الإيد البطالة نجسه

حشيش

باحث إجتماعى

[الطفشان]

سي السيد

وبعدين ممكن ربنا يفتحها علينا ونتجوز تاني وتالت

و رابع :)

هل تكون الافضليه للجمال ام المال ام الحسب ام التدين؟؟

بل الأفضلية للشخصية ككل و التدين جزء منها... خللى بالكم إن الواحد ممكن يكون متدين بس متزمت مثلا... أو ممكن يكون شخص حبوب جدا بس التدين ده مش فى دماغه أصلا.... يعنى لازم يكون فيه توازن

المهم الاخلاق مع الدين مع الشخصية

يعني ايه؟

يعني هناك من يكون متدين في الفروض الظاهرة (لحية، صلاة في المسجد، قراءة مراجع، الخ) و لكن اخلاقه غير جيدة (عصبي، متشدد، بذئ، جلياط، الخ)

او يكون ذو خلق، و لكنه "خايب" في عمله مثلا، او ليس عنده طموح و تطلع (كسول، متخاذل، الخ)

اذن، الدين وحده غير كافي

الاخلاق بدون دين منقوصة

الاخلاق و الدين بدون قدرات شخصية، او على الاقل، توافق شخصي، غير كافي ايضا

ايضا درجة التدين مهمة

يعني لا يمكن ان تكون المرأة منقبة مثلا، و الرجل يا دوب بيصلي بالعافية

او رجل متدين جدا ملتحي، و امرأة بدون حجاب

يعني التكافؤ يكون في الدين ايضا، و ليس الحسب و النسب و المال فقط

[Proud Muslim]

1-هل تفضلون الزواج التقليدى عن طريق الاسره.. أم الزواج عن طريق الحب والتعارف قبل الارتباط

مش عارف و الله ..بس أكيد و بلاشك من غير موضوع الحب و الكلام ده .. فهذا مخالف شرعا .. و لكن موضوع أسري و صالونات هذا لا أستسيغه و أعتبره أي كلام .

قد يكون عن طريق تزيكة أحد الاخوة لأخت متدينة .. او زميلة عمل أو ماشابه ..بس بدون علمها أو وجود علاقة غير منضبطة .

2- هل تكون الافضليه للجمال ام المال ام الحسب ام التدين؟؟

الدين أولا طبعا .. و لكني أسعى للجمال أيضا و لا اتنازل عنه بصراحة ..بس المال هاعمل بيه ايه ؟؟

3- ماذا تفضلون ان تكون الزوجه عامله ام لا تعمل وتتغرغ لمنزلها؟؟

غير عاملة .. و لكن لو كانت عاملة و هذا هو النصيب فلا مانع .. و لكن حسب نوع العمل طبعا .

4-ماهو الافضل ان تكون الزوجه او الزوج فى نفس المستوى التعليم ام اقل؟؟

نفس المستوى طبعا .

5ماهو فارق السن المناسب بين الزوج والزوجه؟؟

بالكثير 5 سنين .

6-العصمه فى يد الزوج هل من الممكن ان تتنازل عنها للزوجه؟؟

مستحيل .

7-ماهو اكثر شئ تفضله فى الزوجه قبل الزواج المال ام الثقافه ام السمعه؟؟

أن تكون مطيعة و تتقي الله في و في اولادها .. و أن تكون على قدر من الثقافة يسمح لنا بأن نكون زوجين سعيدين متفاهمين نسعد بناقشاتنا و اختلاف وجهات نظرنا .. فهذا يعطي للحياة طعم أفضل .

8-ماذا تفضل ان تتحمل انت الانفاق على الاسره بمفردك ام تساعدك الزوجه بجزء من دخلها ؟؟

أنا طبعا ..و لكن حتى لا أخدع نفسي .. لو كانت الحالة ضنك .. هانعمل ايه يعني ؟؟

يبقى الحلة ام ودنين !!

أو أن ترضى و تقنع .. و مفيش طلبات ..يبقى أحسن حاجة !!

9- ماهى وجهة نظرك: أن تكون المرأة لها هواية تقوم بها أم ان الهواية ستشغلها عن الزوج وعدم الاهتمام بأسرتها؟؟

تكون لها هواية طبعا .. و لكن هواية مفيدة .. مش الفرجة على المحلات و النم و غيبة الناس في التليفون .. أو تربية القطط !!

طيب ..عندكم عروسة ؟؟ :) :) :D

[Cleo]

سي السيد

هل تكون الافضليه للجمال ام المال ام الحسب ام التدين؟؟

بل الأفضلية للشخصية ككل و التدين جزء منها... خللى بالكم إن الواحد ممكن يكون متدين بس متزمت مثلا... أو ممكن يكون شخص حبوب جدا بس التدين ده مش فى دماغه أصلا.... يعنى لازم يكون فيه توازن

المهم الاخلاق مع الدين مع الشخصية

يعني ايه؟

يعني هناك من يكون متدين في الفروض الظاهرة (لحية، صلاة في المسجد، قراءة مراجع، الخ) و لكن اخلاقه غير جيدة (عصبي، متشدد، بذئ، جلياط، الخ)

او يكون ذو خلق، و لكنه "خايب" في عمله مثلا، او ليس عنده طموح و تطلع (كسول، متخاذل، الخ)

اذن، الدين وحده غير كافي

الاخلاق بدون دين منقوصة

الاخلاق و الدين بدون قدرات شخصية، او على الاقل، توافق شخصي، غير كافي ايضا

ايضا درجة التدين مهمة

يعني لا يمكن ان تكون المرأة منقبة مثلا، و الرجل يا دوب بيصلي بالعافية

او رجل متدين جدا ملتحي، و امرأة بدون حجاب

يعني التكافؤ يكون في الدين ايضا، و ليس الحسب و النسب و المال فقط

يا سلاااااااااااااام....... معايا إنت عالخط يا طفشان. بش إنت كنت أقدر على شرح الفكرة منى.... بس ما تقلقش.. النسبة بتاعتك محفوظة برضه.... "وش واحد انفتاحى"

[غادة]

الاخ Lancelot

((حضرتك بتقول بدام طالبة المساوه يبقى تصرف على البيت ))انا متفقه معاك ان كلامك صح بس مش تصرف كل مرتبهاا يعنى يكون احسن انها تصرف جزء من مرتبها فى البيت وفى نفس الوقت تدخر لها جزء لنفسها

ده من راى واتمنى انى اكون وضحة لحضرتك وجهة نظرى

الاخ حشيش

اشكرك للتجاوب معنا

حضرتك قلت ))أفضل شئ أن تكون متخلفة عقلياً)

اعتقد ان قصدك ((ألاّ)) تكون متخلفه0000000000

اذا كانت المرأة مش متخلفه وتعباكم امال لما تكون متخلفه ؟؟؟ (( وش خايف من ضرب الستات))

الاخ (Proud Muslim))

شكرا على تجاوبك معنا

ولكن حضرتك بتقول ((و لكن موضوع أسري و صالونات هذا لا أستسيغه و أعتبره أي كلام .

قد يكون عن طريق تزيكة أحد الاخوة لأخت متدينة .. او زميلة عمل أو ماشابه))

مالفرق بين التزكيه والصالونات؟؟

[alnadim]

انا بصراحه مش قادر اشارك في الاستفتاء لان اجاباتي ح تبين للمدام اني مش مستحملها فتبقي مشكلة وبالتالي احيانا الامتناع عن التصويت يكون افضل المواقف

لكن شاركت بالتعليق لان فعلا وحشتني تعبيرات حشيش الجميله

وكذلك تعبير انها لازم تكون مستوي تعليمي اقل لزوم الذل

يظهر ح ابتدي اقول رايي بلاش احسن

اخيرا براود مسلم سؤالك الفلوس اعمل بها ايه تديها للمنتدي يجبلنا سندوتشات فول وطعمية اما لو كانت فلوس كتير قوي فبرضه تديها للمنتدي علشان يجيب محامين للناس اللي مش عاجبهم اللي داير في البلد

مع خالص تحياتي