إرهاصات سين سينيه عن زيارتة للأراضي المصرية في إجازته الصيفية الأخرانية

[se_ Elsyed]

يا سعادة الركن المهيب ... بقى حضرتك طلعت منهلاوي ؟ ماشي يا مهيب وسايبني ألطش وبلاد تشيلني وبلاد تحطني

بس طلعت آوت يا ريس لإن ما حصلش نصيب وماخدتش في المنهل ...

ومن فضلك ما تحرقليش الاجزاء الـ 11 اللي متبقية من المسرسر عشان أعرف أبيع وألم حق الشقة ..

وإياك تكون فاكر إني ما أخدتش حاجه ؟

لأ طبعاً الحمد لله ربنا وفقني وإلا كنت زماني بأتعالج من مرض الهوسهوس البعبولي في المستشفى بتاعت تامر وكنت زماني لابس البيجاما النص كم المقطعة وماشي في أحياء القاهرة وأنا بأقول : إوعى الجاززززززززززززززززززززز

[se_ Elsyed]

طيب لو الدولار شم نفسة حبة وبقى 6 جنية هيصل اية فى مصر

يا حبيب قلبي في ظل الأسواق الخزعبلية الهُلاميه .. ما فيش حاجه غسمها دولار ولا يورو ولا زلوط فيومي ...

لكن في حاجه إسمها ناس مُتحكمة في السوق زي عز والخواجات بتوع الأسمنت ... وبالتالي نحن لا ينطبق علينا ظروف أو معطيات السوق ....

طب ما هو اليورو ماسك الدولار بقى له فترة ونازل ضرب على قفاه .... هل إحنا إتأثرنا والسلع سعرها إنخفضت ؟

هاتروح بعيد ليه .... من إسوبعين كده أسعار القمح والشعير والرز تكاد تكون إنخفضت للنص ...... بالله عليك حسيت بده وإنت بتضرب طبق كُشري عند ابو طارق ؟

يا عزيزي الدنيا في مصر ماشيه وان واي ... يعني اللي بيروح ما بيرجعش واللي زاد ما يخسش ... واللي قاعد في الحكم 25 سنة ما بيموتش ...

[red sea]

أنا شفت الخبر ده في مصراوي اليوم

http://www.masrawy.com/News/Egypt/Economy/...t/23/steel.aspx

توقعات بانخفاض أسعار الحديد والأسمنت الشهر القادم

القاهرة - محرر مصراوي - أعلن رئيس قطاع التجارة الداخلية بوزارة التجارة أن الحديد والأسمنت متوفران بجميع المحافظات والمناطق وأن هناك مؤشرات تؤكد أن أسعار الحديد والأسمنت ستنخفض خلال الفترة القادمة خاصة خلال شهر رمضان المبارك.

وقال اللواء حمزة البري لصحيفة الجمهورية إن الرقابة التجارية بجميع المحافظات تتعاون مع جهاز حماية المستهلك وذلك لمنع استغلال المواطنين وضرب الاحتكار وذلك بالتعاون مع جهاز حماية المنافسة ومنع الاحتكار.. وخصصت الوزارة خط تليفون للإبلاغ عن شكاوي المواطنين بجميع المحافظات برقم .19805.

وقالت تقارير صحفية ان أسواق مواد البناء والتشييد تشهد حاليا حالة من الترقب والانتظار بعد توقف غالبية شركات المقاولات والأفراد عن شراء الحديد نظرا لانخفاض أسعار خاماته عالميا والكل يتابع وينتظر الاعلان عن تخفيض سعر بيع الحديد محليا‏.‏

وأكد على موسى رئيس غرفة القاهرة التجارية لصحيفة الاهرام ان السوق تشهد حالة من الهدوء لأن المستهلك وشركات المقاولات تؤجل الشراء لحين انخفاض سعر الحديد أملا في انخفاض التكلفة‏.‏

وتوقع انخفاض أسعار الحديد الشهر القادم بسبب انخفاض أسعار الخامات الأولية البليت وخردة الحديد بالاضافة إلي انخفاض اسعار البترول والمواد الغذائية عالميا‏.‏

واشار موسى إلى ان انخفاض اسعار الحديد والأسمنت عالميا سينعكس علي السوق المصرية وبالتالي تشهد المدن الجديدة نشاطا ملحوظا في حركة البناء والتعمير كما ان هذا التوقيت يشهد بناء مساكن جديدة في المحافظات نتيجة جمع المحصول الرئيسي وهو القطن والقصب بالاضافة إلي انخفاض تكلفة بناء العقارات‏.‏

وقال سمير نعمان رئيس لجنة الحديد بالشعبة العامة لمواد البناء بالاتحاد العام للغرف التجارية المصرية ان الحديد انخفض عالميا خلال شهر أغسطس وفي مصر لم تصل الخامات والمستلزمات بالأسعار المخفضة لأنه اذا تم التعاقد خلال الأسبوع الأول من اغسطس علي شراء البليت وخردة الحديد فسيتم التوريد خلال فترة‏45‏ يوما من التعاقد‏.

واوضح أن تأثير الانخفاض علي التكلفة يأخذ نفس فترة التوريد‏.‏

وتوقع أن يبدأ تأثير الانخفاض علي اسعار الحديد بالسوق المصرية مع اسعار شهر سبتمبر مشيرا إلي أن حديد الخردة انخفض بنسبة 29% وتدخل في صناعة الصلب ونسبة تخزينه أعلي كخامة في حين ان البليت انخفض بنسبة 25% وهو منتج نصف مصنع ونسبة تخزينه أقل من الخردة.

واشار إلى أن المنتج النهائي وهو حديد التسليح يخضع للعرض والطلب حيث انخفض الحديد في الخليج من‏1800‏ دولار إلي‏1300‏ دولار بنسبة40%.‏

يتوقع أن يصل سعر طن الحديد في السعودية بعد شهرين من الأن إلى 3800 ريال و هو ما يوازي 5500 جنية مصري

و السعر الحالي في السعوديه 4800 ريال و هذا السعر منخفض عن سعر الاسبوع الماضي الذي كان قرابه 5400 ريال

لعل هناك صله بين انخفاض سعر البترول و التحسن النسبي للدولار و انتهاء موسم الصيف و التوقع بأنه لن تكون هناك حرب مع ايران خلال الشتاء و بين تحسن الاسعار

ممكن مع توقف المضاربة و انخفاض التكلفة الاسعار تنزل شويه

زي الذهب كان سعره و صل كام و النهارده سعره كام

سعر الذهب اليوم تقريبا زي سعره من سنه فاتت

والله أعلم

تم تعديل 23 أغسطس 2008 بواسطة red sea

[مهيب]

والله يابو الأسيان و لا ليك عليا حلفان (يا سلام ع السجع) .. المنطقة التاسعة هى اللى خسرت خسارة فادحة .. أصل هو فى كده مناطق فقرية .. متعرفش قيمة الشخصية اللى عاوزة تسكن فيها .. ولو انه كان هيبقى من سعدنا و بختنا ... يالله بقى .

و الحقيقة فاتت عليا ازاى انك أكيد ظبطت حاجة .. أولا لأنك أبو الأسيان اللى ما تخلص حيلته واااااصل .. و ثانيا علشان الروح المرحة اللى بتكتب بيها .. معلش العتب على خلايا المخ بقى .

منتظرين الحلقات و التجربة كاملة ..

مهيب

[عبقرينو]

انا شفت الخبر دة النهاردة في الأهرام الأقتصادي لعلة خير

أقتصاد

44455‏السنة 133-العدد2008اغسطس23 ‏22 من شعبان 1429 هـالسبت

<H3 dir=rtl>شركات المقاولات والأفراد ينتظرون

تخفيضات في أسعار الحديد بعد انخفاض خاماته عالميا</H3>

كتب ـ يوسف الجنزوري‏:‏

تشهد أسواق مواد البناء والتشييد حاليا حالة من الترقب والانتظار بعد توقف غالبية شركات المقاولات والأفراد عن شراء الحديد نظرا لانخفاض أسعار خاماته عالميا والكل يتابع وينتظر الاعلان عن تخفيض سعر بيع الحديد محليا‏.‏

ويؤكد علي موسي رئيس غرفة القاهرة التجارية ان سوق البناء والتشييد تشهد حالة من الترقب والهدوء لأن المستهلك وشركات المقاولات تؤجل الشراء لحين انخفاض سعر الحديد أملا في انخفاض التكلفة‏.‏

ويتوقع انخفاض أسعار الحديد الشهر القادم بسبب انخفاض أسعار الخامات الأولية البليت وخردة الحديد بالاضافة إلي انخفاض اسعار البترول والمواد الغذائية عالميا‏.‏

ويشير علي موسي إلي ان انخفاض اسعار الحديد والأسمنت عالميا سينعكس علي السوق المصرية وبالتالي تشهد المدن الجديدة نشاطا ملحوظا في حركة البناء والتعمير‏,‏ كما ان هذا التوقيت يشهد بناء مساكن جديدة في المحافظات نتيجة جمع المحصول الرئيسي وهو القطن والقصب بالاضافة إلي انخفاض تكلفة بناء العقارات‏.‏

ويقول سمير نعمان رئيس لجنة الحديد بالشعبة العامة لمواد البناء بالاتحاد العام للغرف التجارية المصرية ان الحديد انخفض عالميا خلال شهر أغسطس وفي مصر لم تصل الخامات والمستلزمات بالأسعار المخفضة لأنه اذا تم التعاقد خلال الأسبوع الأول من اغسطس علي شراء البليت وخردة الحديد فسيتم التوريد خلال فترة‏45‏ يوما من التعاقد‏,‏ موضحا أن تأثير الانخفاض علي التكلفة يأخذ نفس فترة التوريد‏.‏

ويتوقع أن يبدأ تأثير الانخفاض علي اسعار الحديد بالسوق المصرية مع اسعار شهر سبتمبر مشيرا إلي أن حديد الخردة انخفض بنسبة‏29%‏ وتدخل في صناعة الصلب ونسبة تخزينه أعلي كخامة في حين ان البليت انخفض بنسبة‏25%‏ وهو منتج نصف مصنع ونسبة تخزينه أقل من الخردة‏,‏ مشيرا إلي أن المنتج النهائي وهو حديد التسليح يخضع للعرض والطلب حيث انخفض الحديد في الخليج من‏1800‏ دولار إلي‏1300‏ دولار بنسبة‏40%.‏

ويقول ناصر شنب عضو الشعبة العامة لمواد البناء بالاتحاد العام للغرف التجارية المصرية إن الطلب علي الحديد من المستودعات يشهد هدوءا كبيرا خلال هذا الشهر في انتظار الاسعار الجديدة بالانخفاض خاصة ان فصل الصيف يشهد حالة رواج في البناء والتشييد مما يشجع الشركات المنتجة للحديد للإعلان شهريا عن حجم انتاجها واسعارها للتجار والموزعين علي ان يلتزم التجار والموزعون في كل حلقات التداول بالبيع علي أساس أن يقوم كل مصنع بإخطار قطاع التجارة الداخلية في الأسبوع الأول من كل شهر‏.‏

[سكر]

يا عم س س كان فى بق حمضان بيتقال فى مصر من حوالى 3 او اربع سنسن لما كنت بتشترى اى حاجة يقولك الدولار غلى

يعنى لو كنت تفتكر كان لما تشترى فول يقولك الدولار غلى لما تشترى فاكهة يقولك الدولار غلى

اهو الدولار جت مناخيرة الارض والدنيا بردة لسة مولعة الفرق الوحيد ان البق الحمضان دة مش بيتقال دلوقتى واستبدل مكانة بكلمة الاسعار العالمية

انا اتوقع ان الدولار هيشد شدة محترمة لما المهبب بوش يغور فى ستين داهية

ساعتها بقى البق الحمضان هيرجع تانى ويقولك الدولار غلى يا باشا

وكمان الاسعار هتزيد تانى يعنى هيبقى عندنا بقين حمضنين الاسعار العالمية +الدولار غلى

[عبقرينو]

يا ترى هاييجي عليك اليوم اللي تمسك فيه بزبوز في إيد والإيد التانية مقص وتحلق للأشجار يا س س ؟

اكيد من حق كل مواطن يكون لة نصيب كافي من المساحة الخضراء

[عبقرينو]

وادي الأدوات كمان

[iloveegypt]

اخويا مهيب

والله انا بدعو لابوى على طول

ووجهة نظره ان كل حاجة بتغلى فى مصر الحاجة الوحيدة اللى بترخص البنى ادم والبنى سويف

اخويا س س

حلمك بشقة وفيلا وحمام سباحة والجنينية

فكرتنى بواحد صاحبى جى السعودية هو وزوجته مدرسين وكان جى علشان يجيب فيلا وفى مدينة الرحاب ولازمن ولا بد من حمام سباحة

لما جى وعرف الحقيقة اربع شهور بالتمام والكمال وقدم استقالته ودفع كمان شرط جزائى يعنى خسر حوالى 25000 جنيه مصرى وقلت له كمل عقدك اربع سنين فقالى الخسارة القريبة ولا المكسب البعيد ورجع مصر

والظاهر كان عنده حقه

اذا كانت غربتنا مش عارفين نجيب شقة حتى فى الدويقة يبقى نرجع مصر احسن بكتييييييير

[عبقرينو]

حلمك بشقة وفيلا وحمام سباحة والجنينية

ودة حمام سباحة مش هايكلف غير شوية مية ومايوة

وبعض التعديلات في غرفة النوم

والأختراع دة مناسب جدا لشقة غرفتين وصالة

[عبقرينو]

حد نفسة في حاجة تاني ؟

:coffeenews:

[الطيار المصرى]

كده يا سين سين......دي حركات دي...

انت لو كنت قلتلي كنت عملت معاك احلي واجب...و الله الكلام ده جد مش هزار...

بس انت بقي نصيبك كده...كنت تقووووووولي....

لكن ياللا مبروك عليك شقتك كده و تفرشها في عزك و المفروض فعلا انك تبعد عن مدينة نصر....

كنت تيجي عندي في عين شمس....حي الوزراء....عاصمة جهنم :big_boss:

و طبعا اللي حصل ده مش مفاجاة.....يابو الأسيان احنا كان عندنا شقة في الشيخ الزايد الله يرحمه...

المهم من سنتين انضطرينا نبيعها....شقة 110 متر بالبروزات و المناور خدنا فيها 120 الف....حلوين

و الله في خلال 6 شهور عملت 180 الف باسعار المنطقة ثم تضاعفت بشكل غريب لدرجة انعا وصلت السنة دي لرقم فلكي مش فاكر دخلت في 400 الف....

ده بقي الطبيعي....كان لازم تبعد عن المناطق المخنوقة....

و المناطق بتاعت العبور و الشروق و بعض مناطق القاهرة الجديدة بعيدة انا معاك بس ممتازة....

و خلاص بقي فيها كل الخدمات....مبقتش المنطقة اللي مفيهاش صريخ واحد بيتقتل...

و انت غلطان بصراحة....كنت تتكل علي الله و تجيب شقة حلوة محندقة كده في مدينتي.....

بس ياللا نصيبك بقي

و احنا مستننين بقية حلقات الكشف عن لغز سين سين و سماسرة العقارات الوحشين...

[عصام أبوالفتح]

حمد الله على السلامة يا س س

لا يوجد شئ بالعالم يفرض عليك ان تكون جزء من الخطأ أو اللامنطق

فإذا أصبحت جزءاً من اللامنطق بصرف النظر عن الاسباب فتلك مصيبة ..

أما ان تروج للخطأ واللامنطق .. فالمصيبة أعظم

وتتعاظم مصائب المصريين دائما .. لأنهم يجعلونها مسلسلات رمضانية

[aimen]

حمد الله على السلامة يا س س

لا يوجد شئ بالعالم يفرض عليك ان تكون جزء من الخطأ أو اللامنطق

فإذا أصبحت جزءاً من اللامنطق بصرف النظر عن الاسباب فتلك مصيبة ..

أما ان تروج للخطأ واللامنطق .. فالمصيبة أعظم

وتتعاظم مصائب المصريين دائما .. لأنهم يجعلونها مسلسلات رمضانية

صباح الخير

كلمتين فى الصميم بس مين يفهم

[محمد عبدالعزيز]

حمد الله على السلامة يا س س

لا يوجد شئ بالعالم يفرض عليك ان تكون جزء من الخطأ أو اللامنطق

فإذا أصبحت جزءاً من اللامنطق بصرف النظر عن الاسباب فتلك مصيبة ..

أما ان تروج للخطأ واللامنطق .. فالمصيبة أعظم

وتتعاظم مصائب المصريين دائما .. لأنهم يجعلونها مسلسلات رمضانية

كلامك بليغ وحكيم وعميق يا عصام... أحييك عليه وأتفق معك فى هذا الرأى.

ما يحدث فى مصر الآن-فى مجالات كثيرة وليس فى مجال العقارات فقط- غير منطقى وليس فى مصلحة المجتمع.

ومعظمنا للأسف عارف الكلام ده, بس فى ناس تقول لك: أما ألحق حتة من التورتة أنا كمان, وبما إن الموضوع غير منطقى, أعتقد إن النتائج غير متوقعة على المدى القريب, أما على المدى البعيد فهى خسارة للأغلبية ومكاسب كبيرة جداً لفئة قليلة.

تم تعديل 25 أغسطس 2008 بواسطة محمد عبدالعزيز

[Tafshan]

س س ، حمد الله ع السلامه .. و مبروك ع الشقه الجديده

اولاً اسمحلى اشكرك ع الحلاقه .. لايقه عليا قوى ..

قعدت لابس الشورت و الصفاره و مستنى تليفونك عشان نشوف الماتش و انت فى الطناش

ملاحظه بما انى ما بنزلش نزوله طويله كل سنه و مقارنه بين حال الاسعار بين 2005 و 2008 خلاف العقارات .. اعتقد ان الجنيه "خس النصف" بالضبط .. يعنى اي حاجه كنت بجيبها في 2005 جبتها في 2008 بالضعف تماماً .. لا قلم زاد و لا قلم نقص .. و بكده ممكن اقولك ان اسعار الشقق عشان تبقى عدل بالنسبه لمثل هذا التضخم تساوى نصف قيمتها تماماً .. يعنى اي حد زعلان او فرحان بالزياده يعرف ان القصه كلها تضخم و بالتالى طبعاً الاسعار مش ح تنزل و الاسعار التصحيحيه لن تتعدى ال 10 او 15 % لما منحنى الطلب ينزل او تحديداً في توقيت التسليمات الكبيره المتوقع بعد ثلاث الى خمس سنوات ...

من الملاحظات الاخرى على السوق ككل .. هناك هجمه قويه من فطاحل تجار الخليج مستهدفين القطاع الاستهلاكى متمثله في افتتاح الكثير من الوكلات التجاريه في مجال الملابس و المطاعم و الكافيتريات .. و الغريب هو النهم الاستهلاكى المصري على تلك التوكيلات الذى جعل من السوق الخليجيه "لعب عيال" بالمقارنه بحجم الارباح من السوق المصريه .. سمعت من يقول "المصريين جابوا الفلوس دى منين ؟؟" نقول ..

المصريين 80 مليون .. منهم 10 مليون يستطيعوا شراء شقه قيمتها مليون جنيه .. و منهم 10 مليون يستطيعوا ان يشتروا شقه قيمتها نصف مليون جنيه .. يعنى حجم الاموال في مصر المتاحه للاستهلاك حوالى 15 تريليون جنيه .. سوق يسيل له لعاب اي مستثمر اجنبي يعلم ان مصر صحراء عطشانه لاى نمط استهلاكى متقدم حيث اصبحت القدوه للمصريين في الاستهلاك هو نمط دول الخليج ..

بالنسبه للعقارات .. انا عندى تعليل للزياده .. مع دخول داماك و اعمار و غيرهم السوق المصريه و بدأوا المبيعات ب 7000 و 9000 جنيه المتر بينما طلعت مصطفى يبيع في الرحاب ب 2500 تنبه السوق لحقيقة حجم الطلب و حجم الاموال المتاحه فبادر طلعت مصطفى و غيره من المطوريين الكبار على رفع الاسعار و بالتبعيه ارتفعت اسعار كل العقارات .. الحديد و الاسمنت يمثلوا 25 الى 30 % من تكلفة البناء فكيف تكون تلك النسبه سبب في رفع الاسعار اللى هذه الدرجه .. الحقيقه هى ان حجم الفروق الطبقيه في مصر اصبح مهول بحيث يجعل من 20 مليون مصري يحتكمون على كل هذه الاموال و 60 مليون واقفون في طابور العيش .. ال 20 مليون تتضمن كل رجال الاعمال و اصحاب التجارات الكبيره و المتوسطه و الموظفين الكبار و العاملين بالخارج الذين يستطيعون ان يوفروا او يقترضوا الاموال التى تحدثت عنها

عن المستقبل ..

اتوقع في خلال العام القادم او اللى بعده دخول البنوك الجديده بقوه في مجال التمويل العقارى و ربما يتم تمرير اخيراً قانون الرهن العقارى لضغط السوق و اضافة حوالى خمسه مليون عميل الى حسبة العشرين مليون من ما سيساهم في زيادة الاسعار اكثر و اكثر للاقبال على فكرة الايجار التمويلي حيث ستصبح الخيار الوحيد لفئه كبيره من المصريين .. اما من اشترى و يتيخيل انه يربح .. فللاسف اذا حاول ان يبيع الشقه التى اشتراها ليستفيد من الارتفاع من الاسعار سيجد انه لن يجد بديل عنها اذا قرر ان يشترى غيرها .. و بالتالى تصبح الشقه او العقار مجرد وعاء للتضخم يحمى الاموال من فقد قيمتها اذا تركت بالبنك .. طبعاً هنا اقصد "اللى لحق" و اللى ما لحقش .. يعوض عليه ربنا (وش التاجر اللى كان ناوى يشترى من ابو كمال في فيلم العار )

[se_ Elsyed]

اولاً اسمحلى اشكرك ع الحلاقه .. لايقه عليا قوى ..

قعدت لابس الشورت و الصفاره و مستنى تليفونك عشان نشوف الماتش و انت فى الطناش

والله العظيم يا طفطشاوي لو كنت إستنيت على رزقك كنت هاتشوف دورك في المُسلسل ده حيث إني ككنت في تترات المسلسل هانزل إعتذار رسمي حلمي نظمي فهمي ... للأشخاص الأفاضل التالي أسماءهم ...

عادل بك أبو زيد

الدكتور الشامي الشهير بعُمدة كندا والنجوع المجاورة ...

المعلم موديست ملك الآيس كريم

ابويا الحاج إكسلنس ملك الحلبسة

الأسطى طفطش .. يعني الكوارع يعني لحمة الراس يعني كافة الاكلات الحرشه

والأعتذار موصول للأشكيف الأكبر اخويا الحاج عصام شوقي ربنا يفك سجنه

لإن فعلاً كان نفسي أشوفكم وأتشرف بالإلتقاء بكم ... لكن لم تعرفوا ظروفي وتشوفوا دموعي .. أنا متاكد إن كل واحد فيكم هايدب إيده ويطبق خمسة جيني ويديها لي لإن تعاططفك وحده مش كفايه .. إتبرع لسين سين ولو بربع رغيف ...

بأكرر إعتذار مرة أخرى وبإذن الله لو جيت حجيت عندنا في الرياض يا طفطش .. لك عليه يا عم أعزمك على نص كبسة دجاج مع السلطات والمفاجاة هاتكون واحد بيبسي كانز بس في الخباثة عشان الحاجات دي بتتنظر ....

حبيبي يا طفطش والله من أيام المنيرة ...

وإسمح لي أحييك على أراءك الخزعبلية في المسألة العقارية وانا عارف إنك غاوي إقتصاد مثلي وأراءك محترمة وتنم عن فهم ووعي ...

[أسد]

سي السيد ..

حبيب قلبي ..

واحشني والله ..

انا طبعاً حاكتب باقي مذكراتي في الاجازة .. في الموضوع التاني .. ولسه عندي كلام كتير .

إلا أنني اليوم كنت أتحدث مع صديق لي .. يعمل في مجال العقارات في مصر ..

وكان يشكو من بطء في عمليات المتاجرة على العقار خلال الشهر الحالي .. بشكل ملحوظ ..

وقال لي أن هناك نزول في الأسعار .. وأنه يخشى من الوضع ...

وكما تعلم بأن في مصر في العام الأخير حدث تضخم سعري كبير في العقارات .. وايضاً في البورصة ..

وكما أن هناك تصحيح شرس في البورصة يجري منذ ثلاثة شهور تقريباً ..

فالمتوقع أن يحدث تصحيح في سوق العقارا أيضاً ..

ولكن كما أفاد طفشان في رأيه القيم جداً بخصوص سوق العقارات في مصر .. والسوق بشكل عام في مصر ..

لن يكون هناك تصحيحاً كبيراً في سوق العقارات المصري ..

قد يحدث بطء في عمليات المتاجرة .. أو هبوط بسيط .. أو ركود ..

وقد تتأثر أسعار الأراضي بشكل أكبر من العقارات المبنية .. نظراً لطبيعتها وطبيعة المتاجرة عليها ..

إلا أن السوق في مصر مازل واعداً ..

وحقيقة أسأل نفسي ..

هي الناس في مصر بتجيب الفلوس دي كلها منين ..

أتحدث عن فئة الربع من المصريين تقريباً ..

وإلى لقاء

[se_ Elsyed]

أخويا الكبير أسد

تحية طيبة وبعد ..

أحب أبلغك إننا كلنا بخير وفي إنتظار رجوعك لأراضي الرياض الحجازية وأنت محمل بفوانيس رمضان والكحك والغريبة أم عجمية ...

وشكراً

بص يا اسد ... دائماً في كلامي بالذات عن النظريات الإقتصادية مابحبش حد يكلكع لي الأمور ولا أنا أحب أكلكع كلامي ...

يعني هاكلمك بالبلدي يا معلم واقولك يعني إيه

يعني واحد شغال في مجال العقارات وشاري الأرض غالية - هل تتصور يا مؤمن إن متر الأرض الفضاء وراء مدارس المنهل وصل 8000 ج ؟!!!!!! - وراح صاحبنا إتلب حديد من ابو 8 آلاف جنيه - هل تتخيل إن الحديد اللفف الكانات يعني وصل طنه إلى 10 آلاف جنيه وبقى زي اليورانيوم مش موجود عند حد ؟!! - وأسمنت بالشيء الفلاني ومصنوعيات و و و و و

وبعد ذلك ييجي صاحبنا يتهطل و يبيع تحت سعر التكلفة ؟

كنت ممكن أصدق الموضوع ده في سوق بتزيد فيه العقارات زيادة معقولة مقبولة مقارنة بأسعار مواد البناء وباقي الخامات ... لكن والله أعذر أصحاب العقارات والحمد لله أنا لست منهم ولا أنا سمسار ولا لي أي مصلحة .... لإن فعلاً العقارات بتكلفهم غالي جداً ...

فبالتالي هو مش سفيه عشان يبيع تحت التكلفة وإحنا المشترين يعني نقول هيييييه الفقاعة فرقعت والأسعار رجعت زي زمان والشقق بقت تتباع بالكيلو

بالبلدي كده أي حد له في مجال العقار هاتسمع منه مقوله بتقول " العقار لا بياكل ولا بيشرب .. وأنا عندي ارمي أهله كده ولا إني أبيعه بخسارة " اللهم إلا لو كان عليه قروض أو شيء من هذا القبيل

وفي نفس الوقت إحنا ليه بنفترض إن كل اللي يبشتروا بيضاربوا عشان يربحوا .. أنا عن نفسي كنت بأدور وألف وطلع عيني اللي جابوني عشان ألاقي مكان يأويني .. مكان اكبر وأفضل يعني ... فالحمد لله انا ساكن في شقة كويسة لكن أتطلع للأفضل والاحسن دائماً ...

فبالتالي الطلب هايفضل موجود لإن مصر عددها كبير .... ويكفي أن نعلم إن هناك شريحة من المشترين وهم العرب مازالت مصر بالنسبة لهم مغارة علي بابا العقارية واسعار العقارات عندنا تعتبر ملاليم بالنسبة لهم ...

وأخيراً ندعو الله جميعاً إن مصر ترجع زي زمان ونرى ونشاهد أدخنة البخور وهي تتساعد من العقارات لإن أصحابها بيبخروها عشان تتباع من كتر ما حالها موقوف ويبقى كل مصري ساكن في فيلا دوبلكس بتلاته حمام وأربع أوض سفرة ...

[سكر]

والله اكتر حاجة عجبانى فى الموضوع هنا ان الاخ طفشان وس س

فكروا فى فيلم العار كنوذج للحياة وكل واحد اخد منه المشهد الى هو عايزة عشان يكمل كلامه ويستشهد بيه

انا بقى اخدت مشهد ضياع الاموال من نور الشريف كتوقيع ليا تقريبا من اول اشتراكى فى المنتدى واكتشاف وهم انك فى الغربة معاك فلوس

الى معاك فى الغربة مش فلوس الى معاك ورق بنكنوت كبيرك قوى تبيعة لبتاع الروبابكيا وتشترى به شقة فول او شقة طعمية

وربنا يبارك فى التضخم والى صنع التضخم

لما بلد فيها 80 مليون عايشين على امل انهم يشتروا شقة ويبعوها ويا خدوا مكسب او ياجرها ويشتغل بواب عليها يبقى البلد دى مش هتشوف خيرا ابدا

محدش شاف الصين والى عملتة فى الاولمبياد كتا ستين خيبة لا لا سبعة وستين خيبة عشان دة رقم الحظ للخيبن كلهم