تبرعوا لإصلاح مجلس الشورى!

[Sherief AbdelWahab]

رغم مناقشة الحريق في موضوع مستقل.. إلا أن هذه المسخرة تحتاج لموضوع مستقل آخر لمناقشتها..

في البداية.. رئيس الاتحاد المصري لكرة القدم يعرض مباراة خيرية مع منتخب كبير من أجل التبرع لإصلاح مجلس الشورى..

واليوم تنشر صحيفة معارضة أن عدداً من رجال الأعمال عرضوا التبرع لإصلاح مجلس الشورى .. والحكومة رفضت..

لماذا عرض رجال الأعمال التبرع لإصلاحه؟ وهل نحن ملزمون بالتبرع لإصلاح سي مجلس الشورى؟

خلص الكلام

[yasser6666]

بصراحة المفروض سارق مصر الاول (أحمدعز) يقوم بأعادة تشييد مجلس الشوري بالكامل علي حسابه الخاص

وهو اقل شئ

[ssmaly]

هو دة المتوقع زى تبرعوا لسداد ديون مصر (هو مين اللى اللى اقترض وداين مصر) و الديون لسة موجودة ثم تبرعوا لضحايا العبارة ولم ياخذوا اى من التبرعات خليهم (رجال السلطة والاعمال) يتبرعوا مع انهم سوف يعوضوها بزيادة الاسعار زالحقوا اشتروا حديد و ربنا يلخللنا الحكومة(اقصد يخلل لانها مخللة طبيعى)

[آل مصريم]

بالعكس التبرع لإعادة بناء مجلس الشورى شىء مرفوض، البرلمانات من المعالم السيادية للدولة مثلها مثل الجيش و البوليس و االخارجية و المالية ليس من المقبول أن يقوم بها القطاع الخاص.

من يقدم مصروف لشخص أو مؤسسة يكون له حق المنع و المنح و التصريح و الحظر على تصرفات هذا الشخص أو المؤسسة.

يعنى من يصرف له حق الوصاية أو الولاية! هذا يتناقض مع "الحرية و الإستقلالية" للقرار - إن كانت موجوده - يعنى يتناقض مع هيبة الدولة.

و برغم عدم إتفاقى مع و بعض السياسات الحالية فقد أعجبنى قرار مبارك برفض مبلغ 10 مليون جنيه بادر بالتبرع بها أحد المستثمرين فى وقت مبكر بعد الحادث للمساهمة فى إعادة إعمار المجلس.

.

[HDarwish]

هوو يعني خلاص الحكومة فلست للدرجادي ....

لدرجة إنها مش قادرة تصلح أو ترمم مجلس الشورى أحد أهم وأقوى المراكز والهيئات في البلد

لدرجة إنها عايزة تعمل ماتش كوورة وبالمرة نخلي الطار يلف على المتفرجين واللي في أيده يساعد يا اخونا ما يبخلشي على مجلس الشورى .. وإوعى وشك وشوف الساحر بيعمل إيه ...

وفجأه الملايين طلعت .. ليه ... محبة ومودة ... وطنية وإخلاص ... ولا فيه حاجة تانية؟؟؟

عجبت لك يا زمن

[hamoudi]

[ ليه مايصلخوش مبارك من فلوس ال....... يعني انتى عايز تفهمنى ان احمد عز سارق اكتر من فلان كلهم شوية صيع والى فالخين فيه يقفلوا المصانع ويقولوا امن ومتانه

يعملوه فى العربيات وفى الاخر عربية زفت بيه واطران بيه ماتتسحبش رخصهم ومصنع حيوان بيه يرمي مخلفاته فى النيل وكله فى البطاطس هو واحد عنده حاجه وتمانين سنه مش يفكر فى اخرته والله لاهاتموت

سوا النهارده او بكره او بعده وستذكر كما تذكر النعال فى التاريخ

[Alshiekh]

والله ياعم شريف انا اللى اعرفه ان الناس دى اللى عايزين يتبرعوا ، شعب مصر قدامهم والصحراء واسعة ، يمدوا لهم الخدمات ويوصلوها ويعطوا لكل فقير ومعدم حق اوضة بس ، يبقى فعلا ممكن نقول عليهم مصريين.

لكن مجلس الشورى؟ وبعد كده يعايروهم لو القرارات ماعجبتهمش؟ طبعا ماينفعش.

اللى ساكنين فى المقابر كثير ، والعشوائيات كثير ، والفقر فى الصعيد للركب ، والفقر فى الوجه البحرى للركب ، يورونا الخير اللى ربنا رزقهم بيه بيروح فين.

[زقلط]

الخيراء قالوا ان المبنى مينفعش ترميمه ولابد من اعادة بناءه دة بالاضافة الي امر الرئيس بتحميل الحكومة جميع النفقات..طب الحكومة هتجبها منين؟؟

شكل الحريق كدة حركة لبناء المجلس من جديد ووضع تكلفة خرافية وميزانية ولعب وفن وهندسة وكلام كتير

[achnaton]

والله ياعم شريف انا اللى اعرفه ان الناس دى اللى عايزين يتبرعوا ، شعب مصر قدامهم والصحراء واسعة ، يمدوا لهم الخدمات ويوصلوها ويعطوا لكل فقير ومعدم حق اوضة بس ، يبقى فعلا ممكن نقول عليهم مصريين.

لكن مجلس الشورى؟ وبعد كده يعايروهم لو القرارات ماعجبتهمش؟ طبعا ماينفعش.

اللى ساكنين فى المقابر كثير ، والعشوائيات كثير ، والفقر فى الصعيد للركب ، والفقر فى الوجه البحرى للركب ، يورونا الخير اللى ربنا رزقهم بيه بيروح فين.

احبائى

الشعب بيتبرع غصب عنه منذ احتلال المماليك الجدد للوطن .. ياترى بقى ياشريف التبرعات دى حتعيد للوطن اثمن واغلى مستنداته التى احترقت بنار التتار ؟؟ المبانى ممكن تعويضها .. لكن الملفات والمسندات التى كانت معروضة على اللجان .. والاثار الفنية والوثائق التاريخية التى انكروا فى البداية ان النار التهمتها .. اتضح انها ذهبت مع لهيب النار .. وبعيدا عن " عم موافى " وتصريحاته ..( تفتكر احترق ملفه الذى نشرته اكثر المواقع على النت ؟؟) والشلة اياها واقوالها .. هل يتصور عاقل ان مبنى كامل تمسك به النار من فوق لتحت بهذه الصورة المدمرة .. المبنى خشبى .. فهل كانت هذه الاخشاب عيدان ثقاب بمجرد ان تشم الحرارة تشتعل .. بقولوا لنا كده بصراحة ايه اللى فقدناه فى هذا الحريق .. وبلاش والنبى حكاية المبنى خشبى لان مش كل المواطنين افقدهم الفقر والكساد وغياب الضمير .. وعيهم وفكرهم معظم مبانى امريكا - غير الابراج - كلها ادوار خشبية حتى عشر طوابق .. معظم المنازل القديمة فى اوربا خشبية .. ولكن معظم العقول فى هذه البلاد مازالت تعمل لصالح اوطانها .. ومش موضوع احمد عز او غيره المماليك هم الذين اوجدوه ومولوه وباعوا له املاك الشعب بملاليم .. الدولة حتعيد البناء .. امر طيب فحتى الان لم نشكو حمل الديون .. ولكن مين اللى حيرجع الوثائق والملفات التى احترقت .. ؟؟؟؟

تم تعديل 24 أغسطس 2008 بواسطة achnaton

[عادل أبوزيد]

والله ياعم شريف انا اللى اعرفه ان الناس دى اللى عايزين يتبرعوا ، شعب مصر قدامهم والصحراء واسعة ، يمدوا لهم الخدمات ويوصلوها ويعطوا لكل فقير ومعدم حق اوضة بس ، يبقى فعلا ممكن نقول عليهم مصريين.

لكن مجلس الشورى؟ وبعد كده يعايروهم لو القرارات ماعجبتهمش؟ طبعا ماينفعش.

اللى ساكنين فى المقابر كثير ، والعشوائيات كثير ، والفقر فى الصعيد للركب ، والفقر فى الوجه البحرى للركب ، يورونا الخير اللى ربنا رزقهم بيه بيروح فين.

احبائى

الشعب بيتبرع غصب عنه منذ احتلال المماليك الجدد للوطن .. ياترى بقى ياشريف التبرعات دى حتعيد للوطن اثمن واغلى مستنداته التى احترقت بنار التتار ؟؟ المبانى ممكن تعويضها .. لكن الملفات والمسندات التى كانت معروضة على اللجان .. والاثار الفنية والوثائق التاريخية التى انكروا فى البداية ان النار التهمتها .. اتضح انها ذهبت مع لهيب النار .. وبعيدا عن " عم موافى " وتصريحاته ..( تفتكر احترق ملفه الذى نشرته اكثر المواقع على النت ؟؟) والشلة اياها واقوالها .. هل يتصور عاقل ان مبنى كامل تمسك به النار من فوق لتحت بهذه الصورة المدمرة .. المبنى خشبى .. فهل كانت هذه الاخشاب عيدان ثقاب بمجرد ان تشم الحرارة تشتعل .. بقولوا لنا كده بصراحة ايه اللى فقدناه فى هذا الحريق .. وبلاش والنبى حكاية المبنى خشبى لان مش كل المواطنين افقدهم الفقر والكساد وغياب الضمير .. وعيهم وفكرهم معظم مبانى امريكا - غير الابراج - كلها ادوار خشبية حتى عشر طوابق .. معظم المنازل القديمة فى اوربا خشبية .. ولكن معظم العقول فى هذه البلاد مازالت تعمل لصالح اوطانها .. ومش موضوع احمد عز او غيره المماليك هم الذين اوجدوه ومولوه وباعوا له املاك الشعب بملاليم .. الدولة حتعيد البناء .. امر طيب فحتى الان لم نشكو حمل الديون .. ولكن مين اللى حيرجع الوثائق والملفات التى احترقت .. ؟؟؟؟

كدت أجن عندما قرأت جرائد أمس و ما فيها عن إحتراق كل التاريخ النيابى لمصر و لم أستطع تصور تداعيات غياب مضابط المجالس النيابية فى مصر لمدة ما يقرب من قرنين من الزمان.

اليوم قرأت فى جريدة الأخبار "وثائق مصر التاريخية بخير .. وذاكرة مصر البرلمانية في آمان .. تبين أن كل الوثائق البرلمانية محفوظة في مكتبة مجلس الشعب بمبني مجمع اللجان والذي لم تمتد له النيران .. قامت ' الأخبار ' بجولة في اروقة المكتبة واطلعت علي كل الوثائق .. "

و هذا هو الرابط و أتعشم أن يكون فعال و لا ينقل القارئ للأرشيف http://www.elakhbar.org.eg/issues/17581/0300.html

Akhbar_08_24_zakratmasr.mht

[achnaton]

اليوم قرأت فى جريدة الأخبار "وثائق مصر التاريخية بخير .. وذاكرة مصر البرلمانية في آمان .. تبين أن كل الوثائق البرلمانية محفوظة في مكتبة مجلس الشعب بمبني مجمع اللجان والذي لم تمتد له النيران .. قامت ' الأخبار ' بجولة في اروقة المكتبة واطلعت علي كل الوثائق .. "

[size="5"]

بسم الله الرحمن الرحيم

استاذ عادل .. هل تذكر حضرتك قصة قصة المستغيث الذى كان تعود ان ينادى اهل القرية .. " الحقوا توم وقع فى البحر " فيسرع اهل القرية الى البحر لانقاذ "توم " .. فيكتشفوا انها كذبه .. وبعد عدة مرات .. تعرض فعلا " توم " للغرق فى البحر فراح صديقه ينادى اهل القرية الحقوا " توم " وقع فى البحر .. فلم يصدقه احد ولم يسارع احد لانقاذه ..

استاذ عادل .. لقد تعودنا على التصريحات الوردية وخاصة من الحكومة الالكترونه واجهزة اعلامها بداية بقنوات ماسبيرو وجرائد السلطة المملوكية .. فهل تعتقد انه من السهل علينا اليوم ان نصدق !! كم اتمنى ان اصدق كلام جريدة الاخبار ولكنه كلام جرائد .. وجرائد مشهود لها بمواصفات خاصة ..

استاذ عادل .. كم مرة سمعت خلال النصف قرن الماضى عن انجازات الحكومات الكاذبة .. كم مرة سمعت ان المياة وصلت الى كل قرى مصر .. كم مرة سمعت عن الاف المساكن وكل واحد سيجد شقة يسكن فيها .. النهارده كان فيه فى قناة المحور صور تشيب الاطفال عن معاناة المواطن الذى صدق الحكومة وراح يدفع خمسة الاف لحجز شقة .. وتشكلت الطوابير وتكاثر ذباب النصب والنشل .. وبعضهم تسلق الى شبابيك الدور الاول حيث يجلس اثنين موظفين يجمعون مقدم الحجز ولك اكمل فسيعاد البرنامج غدا ممكن تتفرج علية لتتاكد من كذب مسئولى تسويق الاكاذيب والفقر والكساد

استاذ عادل .. يقال ان من يكذب مرة .. لا يؤمن طريقه ولا ينصح احد بمصاحبته .. وآخر من مارس الكذب معنا الحكومة الالكترونية .. وافلحوا ان صدقوا وانا لمنتظرين ربنا يجعلها المرة صادقه

مع تقديرى لك وتحياتى ..

تم تعديل 24 أغسطس 2008 بواسطة achnaton

[علي البدري]

يا جماعه احنا بنتبرع لحاجه ملهاش فايده ..... حد يتبرع لقهوه المعاشات ....... ناس من الشعب بيروحوا لهذا المبني بدلا من الجلوس في القهوه :big_boss: .....

[عادل أبوزيد]

كنت متأكدا أنى سأرى سطورك عن هذا الحدث الجلل بل كنت متأكدا أنه سيصيبك الجنون - مثلى تماما - و كنت متأكدا أنك ستكتب بالذات عن .... الوثائق المحترقة..

فهكذا عرفتك و هكذا أدعو شباب محاورات المصريين و الأعضاء الجدد أن يرتشفوا من رحيق قلم الفاضل إخناتون فى محاورات المصريين

ما سبق كان إستهلالا لابد منه

سيدى الفاضل ليتك تكذب على أو على الأقل تحاول أن تصدق أن تاريخ مصر النيابى لم يحترق أقصد الوثائق لكن المبنى "فى ستين داهية" ..... هل سيصدق حفيدى أو حفيدك أن فى يوم ما تقدم عضو برلمانى مصرى و أمر حرس البرلمان بإعطاءه "بلطة" و أخذها و حطم السلاسل التى تغلق بوابة البرلمان .....

كنت أقضى أجازة و كنت أرى من حولى يلهون و يتكلمون عن الطعام و الكرة و أجد نفسى أكاد أكون الوحيد الذاهل عن كل ذلك و رأسى يكاد ينفجر و أنا لا أصدق أن حريق ذاكرة مصر يمر بهذه البساطة و لا يتكلمون إلا عن المبنى و خطط إعادة البناء ..... السيد صفوت الشريف يقول أن كثير من الوثائق المهمة على "سيديهات" أقسم أنى قرأت ذلك.

كنت كمن يرى أمه تحترق و كل المسئولين أو قل أغلب الحاضرين يتفرجون و ينتظرون المشهد الآتى..

ظننت نفسى جننت لولا تعاطف زوجتى مع مشاعرى .... الجميع نسوا ما حدث و لم يتوقفوا للحظة أمام الحدث الجلل ..

الجرائد القومية لم أفهم منها على وجه اليقين حقيقة الموقف ... كل الكلام و الأخبار "حاجات عايمة" لا تفهم لها رأسا من ذنب جريدة الأهرام يوم 23 أغسطس ذكرتها صراحة أن "أنه من بين الوثائق التي التهمتها النيران كل المضابط البرلمانية ومحاضر اللجان منذ بداية الحياة البرلمانية عام‏1866,‏ وخرائط التصميم الهندسي لمبني مجلس الشعب ـ والذي تم بناؤه عام‏1922,‏ وأول ميكروفون تم استخدامه في قاعة البرلمان وكان مستوردا من انجلترا خلال رئاسة سعد زغلول لأول حكومة وفدية عام‏1924.‏

"

ahram_08_23_zakratmisr.mht

ملاحظة : المرفق عاليه الصفحة الأولى من جريدة الأهرام بتاريخ 23 أغسطس سنة 2008 و فيها تذكر - بدم بارد - خبر إحتراق كل ذاكرة مصر !!

[Sherief AbdelWahab]

وطبعاً جاءت روزا في اليوم التالي لتزايد على مانشيتها الرئيسي على الأهرام.. صحيح أن كل الصحف الحزبوطنية نشرت خبر توضيح سلامة الوثائق التاريخية من الحريق ، لكن روزا زودتها قوي بذكر اسم الصحيفة القومية الغراء العريقة..

سواء احترقت الوثائق أو لم تحترق فإن التاريخ البرلماني الحديث (ربع قرن وطالع) لا يزال باقياً ولا تزال آثاره موجودة ولم يحترق بعد .. بكل أسف..

خلص الكلام

[Aldo Alarabi]

لست أدري هل تتكلمون عن الحريق أم عن التبرعات.

أما عن الحريق ففي رأيي أن ما أحترق ليس مجرد مبنى حتى لو كان بعراقة مبنى البرلمان ولا قطار صعيد مليئ بالغلابة ولا عبارة بألف غريق.

ما أحترق ومات وغرق منذ زمن بعيد هو شعور المصريين بالعزة والكرامة. رضينا بالمذلة من الحاكم وأعوانه وجبنا من بطشهم. فقط إنتظرنا أمر الله فيهم .

ولما قامت الدعوات لعمل أي شيئ في أبريل ومايو الماضيين , ولو حتي مجرد إلتزام البيوت, لم يتحرك إلا القليل من الشرفاء.

أما عن التبرعات , فلو كانت تبرعات زلزال عام 1992 وصلت للناس بدلا من جيوب وحسابات العائلة الحاكمة فمن الممكن أن نلبي دعوة التبرع.

الدنيا حولنا تتقدم. وبلاد كثيرة أسميناها جهلا بالدول المتخلفة إستطاعت شعوبها أن تفرض قرارها على حكامها.

[Abofady]

اتبرع للذى وافق على سجنى والغاء حريتى ، اتبرع للذى زلنى بقانون الطوارىء ، اتبرع للذى وافق على المحاكمات العسكرية للمدنيين ، اتبرع للفاسدين ومن يحموهم ، اتبرع للذين دمروا الحياة النيابية فى مصر ، اتبرع نيابة عن جهل جهاز الدفاع المدنى المعين من قبل جهازالشرطة الذى اذل المصريين ، اتبرع للذين مددوا الخدمة لرئيس الجمهورية الذى اعاد مصر الى العهود الماضية ؟

لا ...والف لا ... اللى يعوزه البيت يحرم على الجامع ( مع ان المجلس مش جامع .. بل غرزه)

[Tafshan]

لم اشارك في موضوع الحريق لكن ممكن اشارك في موضوع يخص الاصلاح ...

اولاً اعتقد ان الحريق هو نتيجة للانعزال الحضارى الذى نعيش فيه كمصريين .. حريق مثل هذا لا يمكن اخماده بسياسة رد الفعل .. العالم الان يتعامل مع تلك الكوارث بخطط و تقنيات للاسف ليس لها وجود في مصر .. مجمع مثل هذا يستحق ان يكون فيه اداره هندسيه تقوم بصيانة اجهزة مكافحة الحريق و الاخماد الذاتى و التى تختلف بطبيعة المكان .. و هناك اساليب معماريه و انشائيه لحماية الوثائق ضد الكوارث الطبيعيه و الحريق خاصةً عندما تكون هذه الوثائق وثائق دوله و تاريخ شعب .. اما عن المعلومات فرأيت المسئوله عن تقنية المعلومات للمجمع النيابي و وجدتها تتحدث عن الميكروفيش و السيديهات !! انا اسف جداً انها تتحدث عن تكنولوجيا فائقة القدم .. معلش ده شغلى .. فين ال Data Center بتاع الدوله و فين ال Replica بتاعها و اي نوع من انواع التكنولوجيا تستخدم كخطة اصلاح الكوارث ؟؟؟ طبعاً انا بتكلم بلغه تانيه خالص مش ح يفهموها البهوات بتوع المجلس ..

المجلس قديم اي نعم .. لكن تلك التقنيات لا تحتاج سوى لغرفه مكيفه جيداً في الدور الارضى من المبنى كي تحمي البيانات .. اما عن الاصول فالمفروض يتم نقلها من داخل المبنى و وضعها في مبانى مخصصه و محصنه ضد الحريق و الزلازل و الخ الخ .. طبعاً انا بتكلم ملايلام حالياً !!

نيجي بقى على اعادة بناء المبنى و يعوض علينا ربنا في الوثائق و التاريخ .. مش مشكله منهم 50 سنه و اكثر لا يمتوا بصله بالديموقراطيه ..

طبعاً في ناس تعاملوا مع الموضوع معاملة ابن البلد مع الارمله على اساس ان البلد مالهاش صاحب .. و كل واحد حل كيسه و قال اساهم .. هنا بقى اسأل اسأله مش مفهومه جديده كي اقوى لهجتى في الملايلام ! :

1- لو الدوله اللى ح تدفع ... هل ده معناه ان الدوله - اساساً - مش مأمنه على المبنى ضد الحريق ؟؟ و لو مأمنه .. فين شركة التأمين ؟؟

2- طبعاً مفهوم مفيش تأمين .. مين اللى مسئول عن عدم التأمين على المصالح الحكوميه في مصر .. و هل سيتخذ اجراء تصحيحي بالتأمين على كل المصالح و لا ايه ؟؟

3- طبعاً مفهوم ان مافيش حد مسئول عن التأمين ... مين بقى اللى ح يعوض دافع الضرائب اللى هو انا عن الخسائر المتسبب فيها الحريق و بالتالى سيقتطع من موارد الدوله اللى هى 75 % منها ضرائب عشان يصلحوا المجلس ؟؟

4- طبعاً عرفنا الاوامر السياديه باعادة بناء المجلس في اسرع وقت من جيبى و جيبك و جيب اللى جابونا اللى هما مامى و دادى و انكل عبسميع .. باي حق بقى يتم صرف هذه الاموال في تصحيح خطأ جثيم و هو عدم التأمين على المجلس و بالتالى تقتطع تلك الاموال من الخدمات و المرافق اللى المفروض الدوله بتديها مقابل الضرائب اللى بتلهفها ؟؟

اللى يجاوب على الاسئله دى ليه عندى جائزه كبرى : سلطانية زبادى ساقعه من عند عمو عبسميع .. اتصل الان ب 09006666 و من اي محمول ب 6666 عشان خلاص لبسونا كلنا الطرح ..

[achnaton]

" لم اشارك في موضوع الحريق لكن ممكن اشارك في موضوع يخص الاصلاح ...

اولاً اعتقد ان الحريق هو نتيجة للانعزال الحضارى الذى نعيش فيه كمصريين .. حريق مثل هذا لا يمكن اخماده بسياسة رد الفعل .. العالم الان يتعامل مع تلك الكوارث بخطط و تقنيات للاسف ليس لها وجود في مصر .. مجمع مثل هذا يستحق ان يكون فيه اداره هندسيه تقوم بصيانة اجهزة مكافحة الحريق و الاخماد الذاتى و التى تختلف بطبيعة المكان .. و هناك اساليب معماريه و انشائيه لحماية الوثائق ضد الكوارث الطبيعيه و الحريق خاصةً عندما تكون هذه الوثائق وثائق دوله و تاريخ شعب .. اما عن المعلومات فرأيت المسئوله عن تقنية المعلومات للمجمع النيابي و وجدتها تتحدث عن الميكروفيش و السيديهات !! انا اسف جداً انها تتحدث عن تكنولوجيا فائقة القدم .. معلش ده شغلى .. فين ال Data Center بتاع الدوله و فين ال Replica بتاعها و اي نوع من انواع التكنولوجيا تستخدم كخطة اصلاح الكوارث ؟؟؟ طبعاً انا بتكلم بلغه تانيه خالص مش ح يفهموها البهوات بتوع المجلس .. "

بسم الله الرحمن الرحيم

عزيزى الطفشان .. والله ريحتنى كالعادة .. الله يكرمك .. احنا عندما احتل المماليك الجدد ارض مصر اتو الينا بشعار – الاتحاد والنظام والعمل – وكنا نهتف بهم كلما كانت مناسبة .. وعندما اطاح هؤلاء بقائدهم وكل من نادى بالديمقراطية آنذاك فقد الكثيرين الانتماء .. وهاجر الكثير من العلماء وعندما تراجع اعداد من هاجروا منذ عام 1955 سيصيبك الذهول .. فلم يكن بينهم عامل بناء او حلاق .. كان معظهم مما فتح عليهم العادل الخلاق .. الكثير منهم من العلماء .. واثبتوا للبلاد التى هاجروا اليها عظمة المصريين وقدراتهم .. ايامها بدء العالم فى استخدام التكنولوجا الحديثة والالكترونات .. بداية بحفظ المستندات على افلام .. وبعد 20 عام آى فى عام 1975 انشأت مؤسسة الاهرام او مركز لحفظ المستندات اسموه مركز " المايكرو فيلم " وتعاقده من السجل العقارى يعمل حتى اليوم .. عن طريق مكتب خاص بالاهرام داخل مكاتب الشهر العقارى ..؟؟؟؟!!

وتذكر ياعزيزى الطفشان كم انتقدنا فى هذا المنتدى السيد رئيس الحكومة الالكترونية وكان ايامها وزيرا للموصلات بعد ان كان رئيسا لهيئة المواصلات وبصماته واضحة فى فواتير التليفون .. الراجل ده عمل بفلوس الشعب القرية الذكية .. وانتج هناك بطاقة التموين الذكية .. وعمل ويشكر .. مركز الكترونى لدعم قرار السادة الوزراء .. وعمل مركز الكترونى لحفظ مستندات دار المحفوظات .. ولكل وزارة موقع .. وكل هذه المشاريع بتحجل برجل واحده .. لانه تناسى ان اساس هذا العمل .. العقول التى تستخدمه .. ولذلك كان التدريب والتعليم شئ اضافى ثانوى .. فالحاج كمبيوتر لا يحتاج - حسب معلوماته كما اعتقد – الا لاصابع فقط تدق على الكى بورد ..

المجلس قديم اي نعم .. لكن تلك التقنيات لا تحتاج سوى لغرفه مكيفه جيداً في الدور الارضى من المبنى كي تحمي البيانات .. اما عن الاصول فالمفروض يتم نقلها من داخل المبنى و وضعها في مبانى مخصصه و محصنه ضد الحريق و الزلازل و الخ الخ .. طبعاً انا بتكلم ملايلام حالياً !!

نيجي بقى على اعادة بناء المبنى و يعوض علينا ربنا في الوثائق و التاريخ .. مش مشكله منهم 50 سنه و اكثر لا يمتوا بصله بالديموقراطيه ..

طبعاً في ناس تعاملوا مع الموضوع معاملة ابن البلد مع الارمله على اساس ان البلد مالهاش صاحب .. و كل واحد حل كيسه و قال اساهم .. هنا بقى اسأل اسأله مش مفهومه جديده كي اقوى لهجتى في الملايلام ! :

1- لو الدوله اللى ح تدفع ... هل ده معناه ان الدوله - اساساً - مش مأمنه على المبنى ضد الحريق ؟؟ و لو مأمنه .. فين شركة التأمين ؟؟

2- طبعاً مفهوم مفيش تأمين .. مين اللى مسئول عن عدم التأمين على المصالح الحكوميه في مصر .. و هل سيتخذ اجراء تصحيحي بالتأمين على كل المصالح و لا ايه ؟؟

3- طبعاً مفهوم ان مافيش حد مسئول عن التأمين ... مين بقى اللى ح يعوض دافع الضرائب اللى هو انا عن الخسائر المتسبب فيها الحريق و بالتالى سيقتطع من موارد الدوله اللى هى 75 % منها ضرائب عشان يصلحوا المجلس ؟؟

ما هو يا طفشان .. عم احمد .. زى بالضبط عم ازدحمد .. تأمين ايه يا عزيزى .. الكل حلة محشى واحده .. شركات التأمين قطاع عام .. وفلوسها تبع بيت مال المصريين .. فسواء كان الاصلاح على حساب وزارة المالية .. او على حساب شركة تأمين .. واحد يابا .. ده بيدفع من شباك رقم واحد والثانى الدفع من شباك اثنين .. وربك عليه العوض ...

[/size]4-

طبعاً عرفنا الاوامر السياديه باعادة بناء المجلس في اسرع وقت من جيبى و جيبك و جيب اللى جابونا اللى هما مامى و دادى و انكل عبسميع .. باي حق بقى يتم صرف هذه الاموال في تصحيح خطأ جثيم و هو عدم التأمين على المجلس و بالتالى تقتطع تلك الاموال من الخدمات و المرافق اللى المفروض الدوله بتديها مقابل الضرائب اللى بتلهفها ؟؟

زمان برضه كان فيه اوامر سيادية لاصلاح شبكة التلفونات .. وعبأنا شباب القوات المسلحة وانشأوا شبكة جديده وسنترالات جديد فى عهد السيد خبير التنظيف .. وكله من اموال دافعى الضرائب من بيت مال المصريين واستولوا على كل شئ ورفعوا قيمة المكالمات عشرات المرات .. فيه حاجة غلط .. فيه عملية ابتزاز للمواطن المصرى مقننه وحسب تخطيط الوزارة الالكترونية .. تخطيط الكترونى .. يسحب فلوس المواطن اتوماتيكيا .. منك لله ياللى فى بالى ...

اما حكاية حفظ المستندات والوثائق .. فاطمئن .. لسنا فى حاجة لهذا التخوف ومفيش حاجة اتحرقت ولا حاجة اتنيلت بستين نيلة .. كله تمام وتمام التمام .. والغلطة فى المبنى الخشبى نفسه الذى لم يتحمل النار وقدر ولطف هو بس الدور الثالث والدور الثانى وقعوا ووجدنا جثة صول المطافى ماسك الخرطوم بالدور الثالت - والكلام كله حسب وصف وشرح معالى رئيس مجلس الشورى نفسه فى برنامج تلفزيونى كان لابس الخوذة ولبس المذيعة ايضا خوذه ..

هات بقى كوب الزبادى اطرى بيها على قلبى ... اللى انخلع من زمان على بلدى

[Tafshan]

اخناتون الحبيب ..

اسعد دائماً بوجودك معنا ..

المشكله في نظرى هى مشكلة شعور عام بعدم ملكية المصريين لمصر .. و عدم فهم عام لحقيقة ما نسميه دوله و ما نسميه حكومه ... مجلس الشعب هذا ملكنا .. و ما تم اهداره اموالنا و ما ستنفقه الحكومه من اموالنا التى دفعناها كضرائب و تمغات و رسوم .. ان الاهمال هو اهمال القائمين على اعمالنا و مصالحنا و هو اهمال مزمن و نتعامل معهم كأنهم ملاك البلد و نحن مجرد مستأجرين و ايجار جديد كمان .. يعنى بالكثير لنا الحق في السكن اما اي من توابع الملكيه فهى ليست من حقنا ..

اتسائل متى سنشعر بملكيتنا لبلدنا .. عندها فقط ستتولد الاراده و الرغبه الحقيقيه في التغيير ..

و عندك سلطانية زبادى طازه وصايه لحبيبنا اخناتون

[أسد]

أنا في مصر هذه الأيام ..

بالفعل لا يشعر المصريين بملكيتهم لمصر .

ولا يشعر المصريون للأسف الشديد بإنتماء حقيقي لمصر .

يشعر المصريون - بحق - أنهم محتلون ...

وهذا الشعور حقيقي ...

ولكن لكي لا نخلط الأمور .. ونعطي للأمر حقه وبعده الحقيقي ..

يشعر المصريون بالإحتلال بعد تلك الفترة الطويلة من حكم حسني مبارك ..

ولا أعتقد أن فترة حكم مبارك هي إمتداد طبيعي لحكم السادات أو جمال عبد الناصر ..

فحكم مبارك شئ فريد في طبيعته .. وما يحدث في مصر الآن ليس نتاجاً لما قام به عبد الناصر .. ولا ما قام به السادات ..

فحكم الإثنين معاً .. يماثل حكم مبارك في مدته تقريباً ..

وما يحدث في مصر الآن هو ثمرة حكم مبارك بشكل أساسي ..

وبدون مبالغة ...

مصر محتلة ..

وهذا هو شعور المصريين ..

بمنتهى البساطة ...