بدور على عروسه بس .........

[egycitizen]

السلام عليكم

اولا وقبل ان ادخل في الموضوع احيي كل من يقوم على هذا المنتدى لأني متابع منذ فترة وشجعني طرح اعضائه للمواضيع الجادة على ان اطرح عليكم هذا الموضوع

ولكن لدي طلب من ممن سيشاركوني بأن يحاولوا معي البحث عن حل لمشكلتي التي تكاد تكون مأساة (من وجهة نظري)

لن اطبل اكثر من ذلك

أولا انا من سكان الأقاليم

شاب مصري اكملت دراستي الجامعية كمدرس حاسب آلي وتخرجت منذ 8 سنوات وانا لم اعرف بنت في حياتي بل اكاد اقول ان في سنوات دراستي الاربعة لم اتحدث مع زميلاتي الا مرات محدودة وذلك لأني كنت اقتصر في حضوري على المحاضرات وبعد ذلك اتوجه فورا للبيت كنت اعتبر ان هذا يعتبر مضيعة للوقت المهم تخرجت و بعد سنتان سافرت إلى قطر (ليس لحاجتي المادية لشراء شقة او خلافه لأن لدي الشقة في بيت والدي ولكن لاطارد طموحي فان احب التعليم وأعشق الكمبيوتر) لأعمل كمدرس منذ ستة سنوات تقريبا عمري في وقتها 22 سنة وتصادف اني بمؤسسة معظم موظفيها من النساء سواء مواطنات أو اجانب وكنت وقتها اصغر موظفي المكان تقريبا

المهم انشغلت في عملي لمدة سنتين تقريبا همي الوحيد بناء مستقبلي العملي

وكنت في كل مرة اعود الى مصر اجد من والدتي الإلحاح الشديد في موضوع الزواج ولكني كنت ارفض بشدة المهم

بعد ذلك قررت تحت الضغط انذاك ان ابدأ رحلة البحث ويالها من رحلة

في وقتها كنت افكر اني في اختياري سأبحث أولا عن العقل والخلق و الجمال

طبعا بالطريقة التقليدية

امي تدور لي وتختار واحدة وانزل اجازة وميحصلش نصيب

الخص الأسباب

- انا معجبتش البنت

- اهل البنت مش عايزينها تسافر

- البنت مخها فاضي لدرجة صعب اوصفها

- البنت تطلع اخلاقها وعاداتها غير مناسبة

وغيرها من الاسباب

المشكلة اني بنزل مرة او اتنين في السنة

بس امي بتكون مختارة واحدة بس او اتنين بالكتير

ومبدأها في الحياة ان البنت تكون رخيصة وكويسة وملهاش رأي

مش مهم شكلها عمل ازاي او تفكيرها ايه المهم تكون مخها فاضي

المهم مرت سنة والتانية والتالتة وحاولت اني اكلم ناس يدورولي لأني بأت احس بوجود مشكلة في الاختيار

المهم انا علاقاتي محدودة نسبيا والموضوع ده عايز حد متجوز

وللأسف حاولت في الغربة بس انا علاقاتي معظمها بعزاب زيي والمشكلة الأكبر اني لما الاقي واحدة تطلع من محافظة تانية واهلها متمسكين ان البنت تعيش معاهم

المشكلة التانية واللي حسيت معاها ان فيه حاجة تستحق الكلام

الزواج بالؤهل

يعني انا مدرس مش دكتور فلو اتقدمت لدكتورة مثلا او مهندسة او اي خريجة من خريجات كليات القمة افوجء بالرفض مسبقا بسبب مؤهلي

عموما انا اول مرة اعرف ان المؤهل الدراسي اساس في اختيار الزوج بس مش دي المشكلة

المشكلة الأكبر هي كيفية الاختيار في حدود دائرة معارف محدودة واني عايز بنت تكون ثقة

المهم انا مش عارف انا طولت كتير بس انا حاسس ان الوقت بيمر وانا معدتش عارف اعمل ايه

وعلى فكرة جربت مواقع الزواج بس ما معرفتش اوصل لحاجة

انا اسف على الاطالة بس ياريت تشاركوني في ايجاد حل لأني اكتشفت ان فيه ناس كتير من زملائي بتتجوز بدون اقتناع

وحتى أحد اقاربي لما جه يتجوز قال لأمه باللفظ طولها زي عرضها والستات كلها واحد

انا مستني ارائكم

مع تحياتي

[Alshiekh]

وعليكم السلام ورحمة الله

أولا أهلا ومرحبا بك فى محاورات المصريين

ثانيا ، ( فى رأيى ) انك ممكن الاول تمهد لنفسك ، تشترك معانا فى المواضيع ، يمكن اسلوبك فى الكتابة والتعارف يعجب حد ، يحصل نصح او تواصل ، اتعرف على الناس الاول ، ده جواز مش حتة ارض ولا بيعة ولا شروة.

المنتدى امامك شارك واكتب ورد.

[egycitizen]

اولا شكرا ليك انك مريت على موضوعي ورديت عليه بس انا مش طرحته لأني عايز عروسه من هنا او هناك وخلاص انا طرحته لما حسيت ان المشكلة دي مش عندي لوحدي

طرحته لما لقيت ان نسبة كبيرة من اصدقائي المغتربين اللي اتجوزوا حياتهم مليانة مشاكل بسبب عدم قناعتهم

ولما لاقيت جزء منهم حياته انتهت قبل ان تبدأ

انا عارف ومتأكد تماما ان الجواز مش بيعة وشروة ولا حتة ارض والا كان ممكن بسهولة اتجوز اي واحدة والسلام

انا المشكلة في رأيي ان للأسف اللي انا شفته بره المصريين (على الأقل حواليا) صلاتهم ضعيفة ببعض مش زي الجاليات التانية انا عشت تقريبا 6 سنوات حاولت ان الاقي شيء يجمع المصريين اجتماعيا في الخارج بس للأسف ملقيتش الا اذا كانوا زملاء عمل وبس

ان كان هدفي من ورا الكلام ده بس ان يمكن لما نفكر مع بعض نلاقي حاجة او حل مش بس لمشكلة الزواج ولكن لمشاكل اجتماعية كتير

عموما ان عمري ما كنت شاطر في الكتابة والتعبير علشان كده انا حاولت على قد ما اقدر اني اوصل اللي عندي

مع تحياتي

[عقلان]

أسأل الله العظيم أن يرزقك بالزوجة الصاحة التي تعينك في دينك ودنياك عليك بكثرة الدعاء للملك الوهاب

وخصوصا في ليالي رمضان

[محمد عيسى]

تجربتي ان ترشيحات الأهل هي أفشل ترشيحات

واحد من اعز اصدقائي متزوج رشحلي اثنان من صديقات زوجته واحده منهن كانت النصيب و كان احلى نصيب أحمد الله عليه

شوف كده صحابك المتجوزين

[آل مصريم]

الله يعينك

الجواز جميل، فرضا و على الورق حصرا

لكن ليس الأمر بالإمانى، الحقيقة فى مكان تانى!

أنظر حولك ترى الحقيقة! ولا تتعجل النصيب، الله غالب على أمره.

[أحمد سيف]

الزواج بالؤهل

يعني انا مدرس مش دكتور فلو اتقدمت لدكتورة مثلا او مهندسة او اي خريجة من خريجات كليات القمة افوجء بالرفض مسبقا بسبب مؤهلي

عموما انا اول مرة اعرف ان المؤهل الدراسي اساس في اختيار الزوج بس مش دي المشكلة

جديدة حكاية الجواز بالمؤهل دي

بلد شهادات صحيح

عموما ناس بالعقلية دي المفروض ما تزعلش عليهم

نصيحتي لك اتجوز مدرسة شغاله معاك في نفس البلد، أهي هاتكون عرفت الغربة ودوامكم هايكون واحد وهاتنزلوا أجازاتكم مع بعض

زي ما الإخوة أشاروا عليك أطلب من زملائك في العمل - وخصوصا المتزوجين منهم - مساعدتك في البحث

وربنا يوفقك

[egycitizen]

اعزائي اعضاء المحاورات

انا كنت خايف قبل ما اكتب الموضوع ده انه يتفهم على انه طلب بحث عن زوجة لي فقط

ابد الموضوع في رأيي مشكلة زي مشكلة البطالة ومشكلة المخدرات وعلى فكرة الزواج اللي مبني على اساس غير سليم بيدفع الطرفين لتفريغ مشكلاتهم الزوجية في حاجات تانية وقد يدفع في بعض الاحيان الى المخدرات هربا من مشاكل البيت او حتى الزنا

ده مش مبالغة ده كلام انا بشوفه بدرجات متفاوتة في ناس كتير جدا

زبالنسبة للمؤهل

للاسف انا لما جيت ادور ماتعرضتش لموضوع المؤهل مرة ولا اتنين بس ده اكتر مما تتخيالوا وكان ده ورا فشل الامور قبل ان نتعارف اساسا لدرجة ان فيه واحد ابو بنت اتقدمتلها عملي مقابلة 3 ساعات محورها (انت عارف ان بنتي دكتورة) زي ما اكون بطلب ملكة او اميرة مع العلم مش مدح في نفسي ولا حاجة بس انا ولله الحمد بحضر ماجستير وفي مجالي من المتفوقين جدا لأني اعمل في مجال الاعاقة ومش هاقول ان احسن من غيري او اقل بس هاقول شيء واحد

حديث السول عليهع الصلاة والسلام

(اذا جائكم من ترضون دينه فزوجوه ....) إلى أخر الحديث

عموما انا هدفي زي ما قلت مش بس البحث وانما حل للكل بجد انا عارف ان دي مشكلة

بس انا لسه ارحم بكتير من البنات المغتربات اللي للاسف تخطوا سن الزواج بسبب وجودهم في الخارج

والمشكلة الأخطر ان معايير الاختيار بقت مبنية على المادة في جزء كبير والمظاهر

يعني مثلا وده بجد والله محصلش معايا انا بس اتحكى ليا

ناس عندهم بنت دكتورة واتقدم لها محاسب من عائلة غنية اهل البنت رفضوه قبل كل شيء بحجة ان الناس هيكلوا وشنا في البلد

وبجد دي كانت المقولة بالحرف

انا عموما مستني ارائكم

مع التحية

[عصام أبوالفتح]

أخى الفاضل ما أغلقته على نفسك من أبواب لابد أن تعود لتفتحه من جديد ، يجب عليك ان تتحول - نعم تتحول - لشخص اجتماعى ولان ذلك مستحيل ان يتم خلال اجازاتك ، فلابد ان يكون فى حياتك العملية الفعلية ، من وجهة نظرى الشخصية ان فترة الدراسة الجامعية هى افضل فترات الاختيار للزوجة على الاطلاق ويكون المجال مفتوحا خلالها للمتابعة والانتقاء وبدون اى حساسيات من خلال السلوك الفعلى المشاهد والمعروف لدى الجميع ، ويليها ان فاتت خمس سنوات بدون اختيار ، فترة العمل الاولى حيث يكون فارق السن لم يبتعد الى الحد الذى تستخف فيه بعقليات الزميلات او المرشحات للزواج منك .وتكون فيه نفس الفرصة للانتقاء بهدوء وبروية

لذا ارى ان تتزوج من بلد العمل فقد ابتعدت كثيرا عن مصر لتنتقى منها زوجة لك ، ولا انصحك بتضييع اجازتك فى الصالونات .

افتح حواسك الاجتماعية وكون محيطا من خلال عملك يساعدك على انتقاء زوجة المستقبل

وتأكد ان الدنيا مبتديش محتاج .. يعنى لا تلح او تتعجل ولكن كن منفتحاً وعلى طبيعتك ونصيبك سيأتى لك بطريقة لا تتخيلها .

تحياتى وتمنياتى لك بالتوفيق

[محمد عيسى]

اعزائي اعضاء المحاورات

انا كنت خايف قبل ما اكتب الموضوع ده انه يتفهم على انه طلب بحث عن زوجة لي فقط

ابد الموضوع في رأيي مشكلة زي مشكلة البطالة ومشكلة المخدرات وعلى فكرة الزواج اللي مبني على اساس غير سليم بيدفع الطرفين لتفريغ مشكلاتهم الزوجية في حاجات تانية وقد يدفع في بعض الاحيان الى المخدرات هربا من مشاكل البيت او حتى الزنا

ده مش مبالغة ده كلام انا بشوفه بدرجات متفاوتة في ناس كتير جدا

زبالنسبة للمؤهل

للاسف انا لما جيت ادور ماتعرضتش لموضوع المؤهل مرة ولا اتنين بس ده اكتر مما تتخيالوا وكان ده ورا فشل الامور قبل ان نتعارف اساسا لدرجة ان فيه واحد ابو بنت اتقدمتلها عملي مقابلة 3 ساعات محورها (انت عارف ان بنتي دكتورة) زي ما اكون بطلب ملكة او اميرة مع العلم مش مدح في نفسي ولا حاجة بس انا ولله الحمد بحضر ماجستير وفي مجالي من المتفوقين جدا لأني اعمل في مجال الاعاقة ومش هاقول ان احسن من غيري او اقل بس هاقول شيء واحد

حديث السول عليهع الصلاة والسلام

(اذا جائكم من ترضون دينه فزوجوه ....) إلى أخر الحديث

عموما انا هدفي زي ما قلت مش بس البحث وانما حل للكل بجد انا عارف ان دي مشكلة

بس انا لسه ارحم بكتير من البنات المغتربات اللي للاسف تخطوا سن الزواج بسبب وجودهم في الخارج

والمشكلة الأخطر ان معايير الاختيار بقت مبنية على المادة في جزء كبير والمظاهر

يعني مثلا وده بجد والله محصلش معايا انا بس اتحكى ليا

ناس عندهم بنت دكتورة واتقدم لها محاسب من عائلة غنية اهل البنت رفضوه قبل كل شيء بحجة ان الناس هيكلوا وشنا في البلد

وبجد دي كانت المقولة بالحرف

انا عموما مستني ارائكم

مع التحية

مره اخويا الصغير كان عايز يتقدم لعروسة و كانت في السنة النهائية بكلية الهندسة فلقيت امي مترددة لانها سمعت كلام لا يسر من والده خطيبة سابقه و كانت طبيبة

فرديت عليها طيب نتكلم بالواقع:

هما الاتنين مؤهل عالي

اخويا (محاسب في بنك) مرتبة أعلى من الطبيب و المهندس و ذكرت لها تفاصيل المرتبات

يبقى يحمدوا ربنا .. يا إما يحطوا بنتهم في الفاترينة

[egycitizen]

الأخ عصام ابو الفتح

سؤال صغير اين تعمل

اذا كنت تعمل في الخليج وبالذات في مجال كالتدريس فستعلم ان الاختطلاط شيء غير وارد في العمل يعني المدرسة اما مدرسين فقط او مدرسات فقط واذا حبيت تخش مدرسة مدرسات لازم تصريح من المدير ده في حالة وجود عمل مطلوب منك هناك بس يعني علشان اشوف واحدة زميله ليا في المجال ده شيء صعب جدا بالاضافة لذلك في مصر ممكن تشوف واحدة في الشارع مثلا وتروح تسأل عليها في منطقتهم زي الافلام القديمة كده لكن في الخليك هتسأل مين علشان حتى تعرف هي فين صعب جدا لازم عن طريق حد على الأقل لغاية مرحلة التعارف يعني رجعنا لجواز الصالونات مرة تانية

وعلى فكرة انا حاولت مع اصدقاء ليا لكن للاسف قليل اللي بيخدم ومعظم المعارف فغي دائرة العمل بحكم عملي كمدرس

بالنسبة للكلية وسنوات الدراسة ياريت اقدر ارجع لورا كنت غيرت حاجات كتير في حياتي بس للاسف لم يعد ممكنا

وعلى فكرة انا زي ما قلت ليه انا نفسي نلاقي حلمش لحالة فردية انا متأكد انا مشكلتي دي موجودة مع ناس غيري وفيه كتير بيستسلم ويرضى بدون اقتناع

والبنات الموجودة بالخارج مشاكلهم في الزواج اكبر

مش عارف هل فيه حد من الجماعة اللي في دول الخليج هنا معانا يعقب

وبالنسبة للمؤهلات احب اضيف حاجة اغنى اغنياء العالم مش دكاتره ويمكن حتى مش مهندسين يعني الشهادة لا تعني المال ولكن اهم حاجة في رأيي ان الانسان يكون قادر على تحمل أعباء الزواج مش انه مجرد معاه فلوس وخلاص كذلك ان يكون فيه اتفاق بين الاتنين ونقاط مشتركة تجمعهم

عموما انا نفسي ان الكل يشارك برأيه لحلول عمليه تنفع كل المصريين اللي في الخارج

تحياتي

[عصام أبوالفتح]

الاخ egycitizen لفت انتباهى قبل ان اكتب ردى ما ذكرته فى هذه الفقرة بالتحديد

لأعمل كمدرس منذ ستة سنوات تقريبا عمري في وقتها 22 سنة وتصادف اني بمؤسسة معظم موظفيها من النساء سواء مواطنات أو اجانب وكنت وقتها اصغر موظفي المكان تقريبا

الذى فهمته مما سبق انه اتيحت لك الفرصة للاعجاب بواحدة او اكثر من النساء اللاتى تعاملت معهن خلال الفترة الاولى ، وكان العائق هو السن كما ذكرت ،، معنى ذلك ان الفرصة قابلة للتجدد مع تغير سنك ل 28 سنة بدلا من 22 ونضج شخصيتك بشكل اكبر .. المشكلة انك انطوائى على ما يبدو .ودعنى اخمن التزامك الدينى الذى يحاصر انفاسك ويجعلك تتشكك فى كل لفظ تقوله .. حدد النية فى افعالك وتحرك بانفتاح نحو الاخرين وبمقصد طيب ولا تجعل الابليس يلبس عليك افعالك

اجابة سؤالك اننى اعمل بالسعودية وينطبق عليها ما ذكرت من فصل .. ولكن رايى كان بناء على ما ذكرته انت تحديداً

تحياتى

[iloveegypt]

بصراحة انت مصعب الموضوع على نفسك اوى

هو انت لازمتتجوز مهندسة او دكتورة

يا عم انا مهندس لما جيت اتجوز كان اول شرط مراتى لا تكون مهندسة ولادكتورة مفيش احلى من الاداب والتجارة والدراسات هتعيش فى هنا

اتوكل على الله واهم حاجة تكون ذات دين بجد مش حجاب وبس تدبن كامل مظهر وجوه والبيت يكون كويس ومتكونش البنت مادية

[egycitizen]

بصراحة انت مصعب الموضوع على نفسك اوى

هو انت لازمتتجوز مهندسة او دكتورة

يا عم انا مهندس لما جيت اتجوز كان اول شرط مراتى لا تكون مهندسة ولادكتورة مفيش احلى من الاداب والتجارة والدراسات هتعيش فى هنا

اتوكل على الله واهم حاجة تكون ذات دين بجد مش حجاب وبس تدبن كامل مظهر وجوه والبيت يكون كويس ومتكونش البنت مادية

انا لا قولت عايز اتجوز مهندسة ولا دكتورة مع احترامي ليهم بس ده كان مثال من ضمن الامثلة اللي بتدل على مدى سطحية التفكير في مصر دلوقتي واعتقد الاخ محمد عيسى يؤيد كلامي في النقطة دي

وبعدين انا طرحت الموضوع ده عليكم مش بغرض اني الاقي عروسة وخلاص

مش عارف يمكن اسلوبي في الطرح كان غلط انا بعتذر عن كده

بس انا ليا اصدقاء صرفوا نظر عن الجواز مع ان معندهمش مشاكل بسبب مشكلة الاختيار بس

واللي سافر بعد ما اتجوز او كان مرتبط قبل السفر مش حاسس بالمشكلة دي

اما اللي سافر في سن صغير زي حالتي بدون ارتباط فاعتقد ان حالته زيي

عموما انا لغاية دلوقتي ملقيتش حد اتكلم عن حل

القضية مش انا

القضية عامة فيا ريت اننا نفكر معا في حل عملي

[madey]

انا لقيت الموضوع قديييييم

ومفيش ردود من زماااااان

يا ترى اتجوزت ولا لسه بتدور؟