إشتريها من هنا وأشحنها ولا أشتريها من هنااااك...؟؟؟

[essamalshaaer]

حبايبي يا مصريين .... سؤال...

لو عايز أشتري أجهزة منزلية جديدة لشقتي ...

هل أشتريها من هنا وأشحنها لمصر ....؟؟

وأسعار الشحن من السعودية ....؟؟

ولا أشتريها من مصر أحسن ...؟؟

مع العلم في مصر أغلى ... ومش نفس النوع هنا

مثال .... غسالة فل اوتوماتيك .... أو ثلاجة 21 قدم

حبايبي مستنيكم ....

[se_ Elsyed]

من غير ما تفكر ولا تحسب

تشتري من مصر طبعاً بلا شحن بلا قرف بلا تكاليف ومخاطر ان جهاز ياخد له خبطة اثناء النقل فتعمله حصالة

وفوق ده كله الجمارك اللي تقطم الوسط

ناهيك عن الضمان اللي هايضيع منك في اجهزة كتيرة

زائد تكاليف تركيب بعض الاجهزة اللي في مصر بتبقى مجاناً

[النجم الثاقب]

أستاذ عصام ..مرحبا بك

كل اللى أقدر أفيدك بيه ( على حد علمى ) إن فى بعض الأجهزة أسعارها فى مصر أضعاف أسعارها فى السعودية

على سبيل المثال .. المكنسة الكهربائية .. فى صديق لى رجع مصر .. و أنا بكلمه قالى تصدق إنى لقيت المكنسة بكذا و هى فى السعودية بكذا .. للأسف أنا مش فاكر الأسعار خالص :ninja:.. كل اللى أنا فاكره إن السعر فى مصر كان مضروب فى 2 او 3 و قالى إنهم جودة واحده .

على العموم هحاول أساله و أقولك .

ربنا يوفقك ..

[قديم]

من واقـع تجربـه انا سعــودي وعندي شقـه في مصــر بقول لكم تجربتــي

اشتريت شقـه واول ماخطر على بالي التاثيث . حاولت اسال عن الاثاث في مصــر. تعبت جدا جدا لاني تقريبا لا اعرف كثير عن اماكن البيع وثاني شي بعض الاغراض تحتاج الي فتره تصنيع مثل غرف النوم وغيرها

بمعرفتــي عن الاسعار بالسعوديــه . استعنت بالله ثم ببعض الاصدقاء المصرين في القاهره ودلوني على العتبـه وعمر افنــدي

سالت عن اشياء كثيره من ضمنها الاجهزه الكهربائيــه ثلاجـه غساله . مكيف سبيلت . مكيف شباك . خلاط _ مروحـه شفط . بوتاجاز

تلفزيون . رسيفــر . مكوي كهربائيه . سخان ماء .

الاسعار متفاوته بين السعـوديـه ومصــر . بل ان اغلب الاجهزه في مصــر ارخص مثل الثلاجـه والبوتاجاز . ما ني متذكر الباقي

لكن الفرق ان في السعــوديه قد تكون الصناعه اقوي واجــود . مثل مكيف السبيت . اشتريته بمصر حوالي 5 الف جنيه وهنا بالسـعوديه حوالي 3 الف ريال ( اربع وعشرين وحده ) الماركه كارير

بقي مصاريف الشحن والجمرك والنقل والتركيب ..احسبها كدا وشوف . لكن هناك فرق بين الجهازين في قوه التبريد لكن الزياده في قوه التبريد لا تحتاجها فجو مصر الطف بكثيـر من الرياض

عموما وخلاصـه التجربــه اشتر من مصــــر . ولن تندم

لا اعتقــد باي شكل من الاشكال مصر اغلي من السعــوديــه . يلا هاتو لنا اي سلعــه هنا ونحسبها

بعدين هناك قناعات شخصيــه في بعض الاحيان صعب تقنع الاخريــن فيها

فزميلي نفس الضروف كان عايز يعمل ترميم للشقـه الي اشتراها . فبيقول لي هديت كل شي فيها ما عدا الحيطان . وحاولت ان اشتري من مصر سيراميك ودوات صحيـه ...وغيرها . فبيقول تعبت . وما عرفت اشتري

قام الراجل واشتري ككككل اغراضه من الرياض وشحن ديانا كامله لمصر بكل حاجاته .وحاولت اتفق مع مقاول للتشطيب ودخلت معاه في المواعيــد اللي ما لها اول ولا اخــر ... المهم يقول جبت الصنايعيه والمعلمين بالاجره اليوميه والاتفاق بيني وبينهم ( طبعا فيه فارق بالسعــر كبير ) عشان يخلص بسرعــه وبدون اي اتفاقيات بيني وبينهم الاتفاق هو الانجاز بالمتـر وبالقطعــه ..وغيرها

اقل من شهرين وهي ميه فل