رحله الي مكتبه الاسكندريه

[galaxy]

يوم الاتنين اللي فات قمت برحله لمكتبه الاسكندريه...انا عمري ما زورتها قبل كدا للاسف.......وكل يوم اقول هروح وانام..........لكن يوم الاتنين قررت واصريت اني اجمع اطفال العائله الكريمه .تلات اطفال تحديدا...........واروح بيهم في رحله مكوكيه للمكتبه................... wst::

المكتبه يا جماعه صرح هايل جدا وندمت اني مش زورته من زمان للاسف........اول ما دخلنا روحنا نقطع التذاكر وكانت التذكرة باربعه جنيه بحالهم .....دا للكبار يعني .اما الطلبه ب اتنين جنيه والاطفال اظن جنيه............لان انا قطعت لاطفال العائله تذاكر طلبه ....... :ninja: .

بدأنا اولا بمتحف الاثار وعرفنا ان ممكن اننا ندخل اليه من غير ما نكون مضطرين نقطع تذاكر للمكتبه .......واسعارها زي ما هي في المكتبه تقريبا مع زياده تذكرة تصوير لهواه التصوير.................ورغم ان الكاميرا ما كانتش معايا للاسف..........لكن برضه كان لازم ناخد التذكرة عشان نصور حتي بالموبايل............ :happy:

المتحف فرعوني اغريقي روماني يوناني قيطي اسلامي.............اجمل حاجه ان الجايد منتشرين وعندهم استعدادا يساعدوكي دايما بمعلوماتهم وبطريقه جميله وراقيه جدا وبشوشه..............

استمتعنا بالشرح جدا ولقطت صور كتير اوي اوي بس طبعا بالموبايل بس برضه اتصرفت وحاولت انزلها .........يا رب تعجبكوا.

الصورة دي لمجموعه من الادوات المستخده في العصر الفرعوني .......منها شمعدانات ومرايه وكانت المرايه بتكون من المعدن وتبقي مرايه لما ينعكس عليها الضوء...وجرس....كمان في طرف الصورة هنلاقي مصفاه......كانت باربع خروم بس علي فكرة.........اما في الجانب التاني فيه طرف ايناء وفيه بروزات وعرفت انه اناء يشبه الطواجن عندنا دلوقتي...

الصورة دي بقي فيها تماثيل لاوزوريس وتمثال ابو الهول......وكمان تمثال لاله اسمه حربو قراط.......وكانوا بيمثلوه بطفل يا اما اصلع او اصلع واصبعه في فمه وله خصله شعر واحده.........ومجموعه تماثيل تانيه

بعد كدا دا تابوت بس بجد الوانه اكتر من رائعه بجد ولسه محتفظه ببهائها.......زوجنبه صندوق تماثيل اسمها الاوشباتي.......صورتها تحت اهي......بتمثل 365 تمثال وهم الخدم اللي هيخدموا صاحب التابوت لما يبعث ويقوم وعددهم علي عدد ايام السنه لان كل واحد بيخدم يوم واحد بس..وزيهم كمان فيه صندوق للمشرفين علي الخدم او لتماثيلهم.

الصورة دي لمومياء فتاه من العصراليوناني بس مقلده عن التحنيط المصري القديم...........وقالوا انها مقلده لان الكتابه اللي عليها مالهاش معني ولكن فقط مجرد احرف منقوله عن اللغه المصريه القديمه.

يتبع....................

[galaxy]

الصور دي كانت اكتر ما لفت نظري في العصر الفرعوني.........

بعد كدا فيه العصر الروماني والاغريقي............ wst::

دي بقي مجموعه من اقنعه الموتي وكانوا يا اما بيلبسوها للميت او بيحطوها علي التابوت بتاعه عشان يستخدمها او بيلبسها اقرباءه للحزن عليه wst::

وممكن كمان يكون القناع دا موجود علي غطا التابوت .........منه فيه يعني ......زي ما في وجه السيده اللي في المنتصف....... في الصورة الاولي الاقنعه للموتي بس طوروها شويه وعملوا العيون من الكريستال.........شكلها يا جماعه يومها كان زي الطبيعي جدا وكانت مخيفه شويه مع الاضاءه الخافته للمتحف.. :happy:

كان فيه كمان مجموعه من الانيه من العصر الروماني وكانوا بيحرقوا الموتي في العصر دا وبيحطوا رماد الجسم بالترتيب.........يبدوا بالارجل وبعدها الجذع والاخر الذراعين والرأس ........عشان لما يبعث يبعث بالترتيب.......الجايد قالنا كدا wst:: لكن للاسف الصورة فيها بعض الاشخاص من رواد المتحف.عشان كدا ما رفعتهاش.

دي تماثيل اسمها مجموعه التناجره.........بتمثل تسريحات شعر علي فكرة..........الموضه زمان كانت عجبه بصراحه.........في العهد دا كانوا يختاروا التسريحه اللي تعجبهم وينفذوها من التماثيل دي...........وفي كمان زيها للملابس .بس ما كنتش موجوده في المتحف.

دا تمثال لاوكتافيوس.....اللي هو برضه اغسطس........وفي عهده كانت مصر اكبر مصدر للقمح في العالم :sad: .......يظهر اننا محتاجينه تاني اليومين دول :ninja:

التمثال دا وجده صياد في كفر الشيخ وهو من المرمر ولكن من ملح الميه لونه بقي اصفر...........في منه بس نسختين واحده في المكتبه والتانيه في روما wst::

وهو طفل نائم شكله قريب اوي من الطبيعي وبيحمل فانوس تقريبا .لان النسخه التانيه اللي في روما شكل الفانوس باين ........بيعتقدوا انه خادم بيحمل الفانوس لصاحبه وغلبه النوم......

[galaxy]

العصر بقي القبطي والاسلامي مليان بفنون رائعه فعلا............كان فيه عملات كتير ومنها عملات مش مصريه واكتشفوا بعد كدا انها عملات من النمسا.واخدوا دا دليل علي التبادل التجاري في العصر الاسلامي ........كمان فيه فنون للمشربيا وصور تتناول السيد المسيح واصحاب الاناجيل وصفاتهم بالرسم......الالوان كانت مبهره جدا جدا ......وكمان فيه انسجه كانت بتستخدم في العصر دا مزخرفه بما يليق ببعظمه الفن وقتها وبخيوط الذهب والفضه.....لكن اكتر ما لفت نظري الصور دي........

دي اسمها منجلي مخصصه لحمل الانجيل في الكنائس ولها قائم قابل للحركه عشان يرفع او يقصر الطول وفيها صندوق في الجزء السفلي عشان يحفظ الكتب المقدسه والاناجيل..... :ninja:

دا بقي شباك ملون بالزجاج من الفن الاسلامي.......

دي سجاده اهداء من علي باشا ابراهيم وهو بالمناسبه جد مدير المكتبه ........وهي بطريقه جورديس.......ويعتقد انها سجاده صلاه رغم كبر حجمها عن السجاده العاديه المعارف عليها.

دا برواز يحمل اسماء الخلفاء الراشدين وبعدهم اسماء الله الحسني وبعدها اسماء العشره المبشرين بالجنه ثم اسماء الله الحسني مرة اخري.ثم اسماء الملائكه وبعدها وصف لرسول الله صلي الله عليه وسلم ........صفاته واخلاقه.

كتاب دلائل الخيرات لمحمد شوقي.

عذرا لاي مشكله في الصور لانها فقط بالموبايل :happy:

[galaxy]

دي ساعه قديمه بتعمل طبعابنظان اتجاه الظل.............واللي بعدها صورة للاسطرلاب يعني البوصله زمان........وكمان مقالم واقلام وحروف طباعه.......

دي بقي نقلت من متحف الراس السودا...........اللي قام ببناءه صاحب القدم اللي في اقصي الصورة..زوسبب بناءه طبعا شكر للالهه علي الفوز في حرب ما وتم نقله للمكتبه مع خلفيه للمتحف في مكانه القديم.

دي فسيفساء وجدت تحت مان المكتبه عند بناءها في نفس مكان المكتبه القديم........ :ninja:

[محمد عبدالعزيز]

بلدنا جميلة وفيها أماكن جميلة جداً تستحق الزيارة.

شكراً يا galaxy إنك خلتينا نشوف الصور الجميلة دى, إنتى شجعتينى أعمل زيارة عائلية للمكتبة.

[galaxy]

بلدنا جميلة وفيها أماكن جميلة جداً تستحق الزيارة.

شكراً يا galaxy إنك خلتينا نشوف الصور الجميلة دى, إنتى شجعتينى أعمل زيارة عائلية للمكتبة.

الفاضل.........محمد عبد العزيز......

المكتبه فعلا جميله جدا وكمان في مكتبه في الدور التاني للاطفال واخري للنشء........والله قرايبي الصغيرين ما كانوش عايزين يسيبوا المكتبه خالص........لان فيها رسم وتركيب اشياء وعرايس وغيرها...........كمان الجولات الارشاديه متوفرة علي طول واي وقت تطلبها تلاقيها ودا بيساعد علي فهم كل حاجه والاستمتاع اكتر .........ما تترددش في الزياره خالص..............زياره سعيده مقدما

[النجم الثاقب]

بجد يا جلاكسى تسلم إيدك

إنتى نقلتينا لداخل المتحف و كنتى الجايد بتاعنا

جو المتحف جميل جدا .. إن شاء الله أزور المكتبة و المتحف

شكرا ليكى

[kokomen]

شكرا جلاكسي هانم

شوقتينا لزيارة المكتبة

تصوري أنا لسه لم أزورها حتى الآن

الإجازة كلها مشاغل ودوشة

إن شاء الله سوف أزورها

شكرا على موضوعك الجميل

[galaxy]

ممكتبه النشء ومكتبه الاطفال موجوده في الدور التاني..........فيها قراءة ورسم وتعليم اعمال فنيه جميله ومسليه جدا............... :wub:

الدور الاول فيه بقي المكتبه الرئيسيه كامله مقسمه علي هيئه ادوار عشان تدي اتساع ....وهي اكبر صاله وقاعه للقراءة في العالم............ والطريق ليها مليان بادوات الطباعه القديمه والاختام وصور لاول جريده يوميه و لواجهه مطبعه بولاق الللي هي اول المطابع الموجوده في مصر....وكمان خزانه الاختام من عهد محمد علي ..............

دي اول جريده........الوقائع المصريه........علي جانب الصفحه العلوي هتلاقوا تاريخ الاصدار ومكتوب علي الناحيه التانيه يوم التلات.

دي بقي واجهه مطبعه بولاق الاولي لان في واحده تانيه.واجهه يعني بعد التجديد........المكتوب دا ابيات شعر باللغه التركي.....فيها شكر للخديوي علي انه اضاف للبلاد الكثير من المشروعات والمنشئات وبالذات المطبعه ........التاريخ بتاع الافتتاح هنا واضح اوي....والصورة التانيه لمجموعه من القوالب المستخدمه في الطباعه وكمان القوالب الخاصه بالاستمبات زي بسم الله الرحمن الرحيم............وكمان صورة للواجهه الجديده بعد تجديد المطبعه :lol:

دا بيان بتنظيم اصدار الصحف اليوميه من جمال عبد الناصر.......

ودا دفتر يوميه لاحد المطابع............علي فكرة مكان الاسماء بيتكتب موجود او خالي حسب وجوده في العمل ومن بعدها يتم حساب اليوميه... :sad:

[galaxy]

بجد يا جلاكسى تسلم إيدك

إنتى نقلتينا لداخل المتحف و كنتى الجايد بتاعنا

جو المتحف جميل جدا .. إن شاء الله أزور المكتبة و المتحف

شكرا ليكى

انا سعيده انها عجبتك ويا ريت بجد تزورها هتستمتع جدا جدا...........وكمان في متاحف تانيه كتير في المكتبه بس دول كدا علي قدي :lol: ...تحياتي.

[galaxy]

شكرا جلاكسي هانم

شوقتينا لزيارة المكتبة

تصوري أنا لسه لم أزورها حتى الآن

الإجازة كلها مشاغل ودوشة

إن شاء الله سوف أزورها

شكرا على موضوعك الجميل

ان شاء الله حضرتك تزورها قريب مع حمزة عشان يتعلم القرايه بدري بدري..........وتستمتع بيها .........تحياتي

[galaxy]

دي مجموعه من الماكينات الخاصه بالطباعه وتقطيع الاظرف منها الانجليزي الصناعه والفرنسي............

ودي خزانه حفظ الاختام في عهد محمد علي :fool:

في كمان قاعه خاصه بالمخرج الفنان شادي عبد السلام.............

هو فنان ومصصم ديكور وملابس ومناظر ومؤلف .........ولد عام 1930 وتوفي عام 1986 وتخرج في كليه الفنون الجميله قسم العماره. :ninja:

تشمل القاعه صورة الشخصيه ومناظر للتصميمات الخاصه بالازياء والخلفيات منها مناظر لملابس الافلام.........وا اسلاماه........رابعه العدويه....... امير الدهاء .........المومياء.......وكمان مكتبته الخاصه وبعض ادواته والحلي الللي صممها للمشاركه في افلامه التاريخيه.........لانه برضه شارك في افلام تاريخيه عالميه بتصميماته......وفي كمان قاعه بتعرض فيلم المومياء لمن يرغب المشاهده ...........العرض لمده 103 دقيقه

[galaxy]

اخر قاعات المكتبه قاعه فيها مجموعه كبيره من الصور للاسكندريه القديمه وخرائط رسمت للاسكندريه من ايام الخديوي وايام الحمله الفرنسيه ورسومات رسمها الرحاله والمؤرخين لها.................اكتر ما لفت نظري هي الاسكندريه المدينه الاوربيه في القرن الماضي ..............التصوير برضه كان ممنوع ...........بس برضه عرفت بعد ما صورت في الاخر خالص............الحمدلله

نادي الصيد

شارع شريف باشا

الكورنيش والجندي المجهول

شاطيئ استانلي

كوم الدكه ويظهر من بعيد تياترو زيزنيا

البنك المركزي

البلديه .......او ستاد الاسكندريه

في النهايه بجد يا جماعه المكتبه تجنن.............وفيه كمان عروض القبه السماويه واللي ليها برنامج معين وينصح بالحجز قبلها علي الاقل بساعه او اتنين وبفتره طويله في حاله المجموعات الكبيرة............فيها عروض واحه الفضاء وعروض اخري رائعه.............ان شاء الله كلكم تستمتعوا بالزياره قريبا........تحياتي :ninja:

[امانى]

تسلم ايدك وعنيكى يا جلاكسى

بصراحة مجهود رائع يحسب لك . الصور رائعة جدا خلتينى عايزة ازور المكتبة

تصدقى يا جلاكسى انا مزورتهاش انا كمان لحد دلوقت جوزى وولادى بس اللى زاروها وانا معرفش الظروف كم مرة تعاندنى

وميحصلش نصيب اشوفها . بس بعد ما شفتها بعيونك وصورك لازم اروح ازورها

تشكرى يا جلاكسى على الموضوع الرائع اللى اتاح للكثير معرفة اثار بلدهم وجمالهاوالمامك بصور المكتبة وقاعتها وتعليقك اللى اتاح

لنا معرفة الكثير عن المكتبة من خلالك :ninja: :fool:

[galaxy]

انا سعيده جدا ان المكتبه عجبتك يا اينو :wub:

.المكان فعلا مبهر جدا وممكن تقضي فيه يوم كامل يعني يعتبر فسحه كامله لكبار والصغار فيها متعه وفايده كمان ومش هتحسي بالملل.................قاعات ومتاحف وقراءه وكل شيئ........ :hi:

.ما تتخيليش ابن اختي كان مبسوط ازاي لانه اول مرة يشوف متحف في حياته :coffeenews: ....................... واخد ميت صورة عشان يوريهم لاصحابه في المدرسه لان كلهم مش مصريين عشان يغيظهم بقي بالاثار pp: ..............ان شاء الله تزوريها قريب وتستمتعي بيها ......تحياتي لاحي اينو :ninja:

[زهرة الجبل]

حقيقي برافو يا جلاكسي :waf:

الموضوع رائع و غني جداً

تخيلي أنا زرت مكتبة الإسكندريه لكن للأسف دخلت المكتبه نفسها فقط :sad:

يعني فقط قاعة القراءه

حتى قاعة الأطفال لم ندخلها .. كنا هناك من 3 سنوات تقريباً

و كان في نيتنا زيارة أقسام المكتبه كلها

لكن ميرو كانت صغيره و عكننت علينا و إضطرينا نرجع بدري :ninja:

إنتي بموضوعك ده و بالصور الرائعه دي خليتيني أعرف فاتني إيه

و خليتيني كمان أنوي زيارتها تاني إن شاء الله

بس إن شاء الله هنروح لوحدنا المره الجايه wst::

تحياتي لكِ

[galaxy]

زهرة المنتدي ....بجدانتي نورتي التوبيك بوجودك............... :happy:

انا سعيده جدا ان المكتبه عجبتك ...............المكتبه بجد فسحه لطيفه ليوم كامل ...........ودلوقتي بقي فيها مكتبه للنشء وللاطفال وبيعملوا فيها العاب فنيه ورسوم ودا بيخلي الاطفال تستمتع جدا جدا وتبقي مش عايزة تمشي..............يعني ممكن تفرجوا عن كريم واخواته وتاخدوهم معاكوا......... :wub:

ان شاء الله هتكون زياره مفيده ومثمرة وتستمتعوا بيها وتورينا كمان صورك هناك....................وتشوفي كمان القبه السماويه ........تقبلي تحياتي زهرة :wub:

[النجم الثاقب]

جلاكسى .. ممكن أضيف شوية صور على ما قسم ؟؟

[أسد]

قمت بزيارة لمكتبة الإسكندرية هذا العام .

وهي زيارتي الأولى لها ..

صرح عظيم فعلاً ..

شئ يدعو للفخر ويجعلنا نتفائل ..

بأن هناك أمل ممكن أن نحققه ونصونه ..

[galaxy]

جلاكسى .. ممكن أضيف شوية صور على ما قسم ؟؟

النجم الثاقب بنفسه؟؟؟؟

انت لازم تضيف الصور مش تستأذن دا التوبيك بتاعك B) .........في انتظار صورك القيمه wst:: ...تقبل تحياتي