مبروك.. ستتحقق إحدى مطالبنا عام 2007

[الأفوكاتو]

أخيرا تنبهت الدولة الى أهمية محو الأمية, و اليكم ملخص الخبر, و الف مبرووووووووك:

أكد الرئيس حسني مبارك أن التعليم يمثل حجر الزاوية في استقلال الوطن‏,‏ وأن مصر لديها تاريخ وباع طويل في التعليم‏,‏ وبرامجها التعليمية تعتبر قدوة لدول المنطقة‏,‏ كما أكد مركزية دور الدولة في وضع السياسات والاستراتيجيات ومتابعة الجودة‏,‏ وتحقيق أهداف التعليم في مصر‏,‏ مع توفير المرونة في الإدارة التعليمية علي مستوي المحليات‏.‏

وشدد الرئيس مبارك‏,‏ مجددا‏,‏ علي ضرورة القضاء علي الأمية بحلول عام‏2007,‏ مشيرا إلي أن محو الأمية هو قضية المجتمع بأكمله‏,‏ وطالب بأن تسخر كل الوزارات إمكاناتها من أجل تحقيق هذا الهدف‏.‏

[crossfield]

أفلح إن صدق.

[achnaton]

جزرة .. علقوها فى ارقاب أمثالى منذ أمد بعيد .. هو قبل الملك فاروق كان مين .. ؟؟ كانت الجزرة سلطانية .. !!

[ابو حلاوه]

حقيقي يا استاذ افوكاتو انا فرحت جدا للخبر

و بصراحة انا كل ما باسمع الخبر ده من 22 سنة بافرح برضة

وش واحد مبتسم للحياة

[Lancelot]

بس المرة ديه علي الأقل فيه موعد نهائي .... أنا شايف إنه صعب شوية تحقيقه لكن علي الأقل فيه موعد نهائي واضح و صريح ....

مشكلة أغلب المشاريع عندنا إنها مفتوحة كده ... هي و حظها ... ممكن نخلص بكره .. ممكن نخلص بعد ميت سنة ...

[maksoof]

وشدد الرئيس مبارك‏,‏ مجددا‏,‏ علي ضرورة القضاء علي الأمية بحلول عام‏2007

ما قالش الساعة كام؟

[الطفشان]

خد بالك من "شدد" و "مجددا"

يعني "حسب تعليمات الرئيس" صدرت قبل كدة

و ماجابتش نتيجة، بدليل مد التاريخ

و البعض يرى ان مادام في تاريخ محدد يبقى خلاص

طب ما السادات قال انه مش حيجدد و جدد

و مبارك قال انه حيقعد فترة واحدة و يمشي

و بعدين كمان فترة

و مين يفتكر و مين يحاسب و مين يقدر يتكلم!

و بعدين محو الامية

مش من أيام الثورة و قالوا خلاص حتتمحي؟

و الله عجب