هل انصح صديقى بدخول بلده كاجنبى

[مصر عشقى]

فوجئت اليوم بمكالمه من صديق العمر الذى وصل امس من المانيا ولم تصل معه شنطته .. طالبا من المساعدة او واسطه .. فعندما تاكد من تخلف الشنطة وسأل موظف شركة مصر للطيران .. الشركة الوطنية فقال له موظف مصر للطيران اعمل محضر فى مكتب الامتعة وفى هذا المكتب اعطى كل ماطلبوه من بيانات ..وسال الموظف المختص هل اذا وجتم الشنطة سترسلوها الى عند اقاربى الذى ساقيم عندهم بمناسبة حلول شهر رمضان .. وسمع اعجب واغرب رد يمكن ان يسمعه مواطن .. قال لا لابد من حضورك او من ينوب عنك ويكون معه توكيل مسجل .. او اذا كان معك جواز سفر ألمانى فسوف نرسل لك الشنطة حيثما تكون .. فنحن نقوم بخدمة توصيل الشنطة المتخلفة للآجانب فقط .. اما المصريون فلا .. لازم تحضر حضرتك عندما نبلغك تلفونيا بعثورنا على الشنطة ...

وبعد هذه الواقعة التى استبعد كذبها او التغالى فى سردها .. أسأل مسئولى النظام المصرى .. لماذا تحقرون ابناء الوطن بهذه التعليمات الشاذة ؟؟؟ ومتى نحترم المواطن فى وطنه ونعطيه حقه قبل الغريب ..

تم تعديل 23 أغسطس 2008 بواسطة مصر عشقى

[moshtaak]

انا بقى بجد ساعتها

هاقوله

وبكل ثقة

انا مش عايز جنسية المصرية

خدها ياعم

وبلها واشرب مايتها

ياريت تساوى حاجة

احنا بقينا رخاص قوىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

[Senior]

ده أقل واجب حسبى الله و نعم الوكيل

[شاب مصري]

مادام انت مصري في مصر يبقى لازم تاخد الواجب بتاعك وتتسحل

[Amr Radwan]

الاستاذ / مصر عشقي - احبابي في المنتدي

للاسف فيه حاجات كتيرة سلبية عندنا في مصر و الكل عارف و لكن للاسف الكل بيخاف و يسكت .. او بيكون الواحد مش فاضي يطالب بحقه ..

انا قريت في موضوع هنا علي محاورات المصريين ان احد الاعضاء الكرام كانت ضاعت عليه تذكرته في مصر للطيران و قالوا له خلاص ضاعت عليك .. ما سابش حقة و فضل وراه لحد ما اخد قيمة التذكرة بعد سنه ... ايوة بعد سنة و بعد مشاكل مع مصر للطيران .. و عمل لهم فضيحة و قال لهم هشتكيكم .. بس أخد حقه .. في النهاية ..

طبعا المشكلة الكبيرة بتكون لما الواحد بيكون راجع و فرحان و عاوز يبوس تراب ارض مصر و يلاقي حاجات تخنق زي موقف ضياع الامتعة .. او الشحاته من عمال المطار ..(حمد لله علي السلامة يا باشا ) .. او ... او .. طبعا اكيد الواحد بيتحطم نفسيا .. و لكن اقول حاجة واحدة .. مصر دي بلدنا احنا .. و اذا كان فيها حاجة غلط او حتي كلها غلط .. لازم احنا اللي نغيرها .. لازم احنا اللي نطورها .. احنا المسؤلين عنها .. هو ده الصح ..

عارفين اية اول حاجة نعملها عشان نعالج الوضع اللي احنا مخنوقين منه ؟؟

نعالج نفسنا الاول .. لازم نحاول نصلح من نفسنا .. و لو كل واحد فكر كده .. اكيد هنبقا احسن شعب .. لان كل واحد بيحاسب نفسه ..

طبعا كلامي مش معناه اني مش مقتنع بكلامك .. بالعكس انا حصلي كتير مواقف قريبه من موقف صديقك .. سواء في مصر او برا مصر .. و لكن انا انتهزت فرصة الموضوع بتاعك عشان كل واحد يفكر يعمل اية في الموقف ده بايجابية .. و عدم التفكير في الفردية المحدودة ..

الاخ/ مشتاق ..

لو كل مصري قابلته مشكلة في مصر .. قال مش عاوز الجنسية .. مصر هتبقي فاضية .. لان الكل بيشتكي

تحياتي لكم جميعا ..

[مصر عشقى]

الاستاذ / مصر عشقي - احبابي في المنتدي

للاسف فيه حاجات كتيرة سلبية عندنا في مصر و الكل عارف و لكن للاسف الكل بيخاف و يسكت .. او بيكون الواحد مش فاضي يطالب بحقه ..

طبعا كلامي مش معناه اني مش مقتنع بكلامك .. بالعكس انا حصلي كتير مواقف قريبه من موقف صديقك .. سواء في مصر او برا مصر .. و لكن انا انتهزت فرصة الموضوع بتاعك عشان كل واحد يفكر يعمل اية في الموقف ده بايجابية .. و عدم التفكير في الفردية المحدودة ..

الاخ/ مشتاق ..

لو كل مصري قابلته مشكلة في مصر .. قال مش عاوز الجنسية .. مصر هتبقي فاضية .. لان الكل بيشتكي تحياتي لكم جميعا ..

[font="Arial"]الآخ /رضوان

ياترى انت قرأت ما كتبته انا ؟؟؟ انا اتساءل لماذا يعامل المصريون اخوانهم المصريين وكانهم ولاد الجارية .. الشعر الاصفر افضل منهم بكثير ويستحقون الخدمة والترحيب [/font]

[Amr Radwan]

الاخ / مصر عشقي ..

نعم قرأت ما كتبته ..

و لا استطيع الرد علي السؤال عن السبب .. لانه طبعا موقف مش ظريف .. و مهما كان اسبابه لدي السادة في ادارة مصر للطيران فهو غير مقبول ..

عموما ..

انا ممكن الخص ردي في كلمة بسيطة .. "الاعتراض" كان ممكن صديقك يعمل مشكلة في المطار علي موضوع ضياع شنطته و انهم هيكلفوه سفر تاني للمطار و يطالبهم بانهم يبعتوها له في بيته ..

و بصراحة لو كل مصري حصل معاه كده و عمل "اعتراض" صدقني الشنطة هتروح لحد البيت و فوقها ورده ..

ده قصدي من الرد علي موضوعك ..و شاكر لك طرح الموضوع ..

و في النهاية ..

انا لا أكن لك و لصديقك و لكل مصري الا كل احترام و تقدير ..

تم تعديل 24 أغسطس 2008 بواسطة Amr Radwan

[achnaton]

مشاركة بتاريخ Aug 23 2008, 09:03 PM

مادام انت مصري في مصر يبقى لازم تاخد الواجب بتاعك وتتسحل

بسم الله الرحمن الرحيم

يقال والله اعلم – حسب تفسير احد العاملين بمصر للطيران – ان حكاية تفضيل الاجنبى على المصر فى مطار مصر الدولى الذى دفع المصريون مصاريف بنائه ، وارجو ان يخرس آى لسان يطلع علينا بتفسير ان المطار تم بنائة من ارباح مصر للطيران ، لان هذا التعليل يؤكد حرمان الشعب من عائد مشاريعة فالشركة احد املاك الشعب والمطارات ايضا مهما كبر او صغر حجمها وادعاء الشركات التى ورثت هذا المشروع انها المالكة او صاحبة حق التصرف ادعاد كاذب وظالم .. فالمفروض ان عائد ارباح هذه الشركات يعود اولا الى بيت مال المصريين .. ومنه تستاذن الوزارة المشرفة الشعب فى ما تريده من مال .. ولن اتكلم عن شركة مصر للطيران فى مداخلتى هذه .. ولكنى اتكلم عن اذلال المصريين فى بلدهم فى مطاراتهم .. حكاية خدمة توصيل الحقائب المفقوده او غيرها من الخدمات التى يتمتع بها الاجانب ويحرم منها ابناء الوطن يرجع حسب ما سمعت الى تعليمات الجمارك والجمارك تابعة لوزارة المالية التى يرأسها الدكتور بطرس غالى – قدس المولى الكريم روح جده - ودع مصر ايامها برصاصة .. تعليمات الجمارك للمطار – حسب ما سمعت وقد يكون افتراء – مراقبة العاملين بالبلاد العربية بدقة وبحث امتعتهم وما جلبوه معهم لاهلهم المحرومين لانهم يهدرون اموال اجورهم فى شراء سلع كثيرة تستحق فرض رسوم جمركية .. ويبدو ان الدكتور بطرس بينه وبين المغتربين تار بايت .. تجدوه مع موظفى وزارته والادارات التابعة لها تتابع بدقة تصرفات المغتربين من المصريين وتاخد منهم كل ما يمكن سلبه او سرقته فهؤلاء يجنون الاموال فى الخارج من فوق الاشجار كما كنا نجمع زمان واحنا اطفال الجميز من فوق الشجر بمجهود بسيط

ولهذا لا يجب ترك حقائبهم دون تفتيش دقيق وتحصيل الرسوم فهم اثرياء العمل فى الخارج .. وموظف مكتب خدمة الامتعة بمصر للطيران الذى قتح حنفية الدش البارد على راس صديقك مش غلطان ده بينفذ تعليمات الدكتور بطرس واعوانه .. والحل الذى اقترحه ان يعامل الشعب الدكتور بطرس بالمثل .. وليسقط الظلم والاستبداد بكل الوانه حتى ولو كان من وزير المالية .. – قدس المولى الكريم روح جده - كان ايضا اسمه بطرس ..

تم تعديل 26 أغسطس 2008 بواسطة achnaton