ضرب المصريين ( ضرب الحبيب زي أكل الزبيب ) أستحملوا بقى ....!!!!

[kokomen]

منذ فترة ليست بالبعيدة شاهدت حلقة من برنامج القاهرة اليوم

الذي يقدمه الإعلامي عمرو أديب

عن موضع سوء معاملة المصريين في فنادق شرم الشيخ

لأنهم يفضلون الإجانب على المصريين بالرغم من أن المصريين يدفعون

دم قلبهم ويعاملون كسائحين في شراء كل شئ وتكون التكلفة عالية جدا

بالرغم من هذا فإنهم يعاملون بمنتهى السوء ويفضلون السياح الأجانب

ونتيجة لذلك فليتحملوا ما حدث وما سوف يحدث للعاملين في هذه الفنادق من السياح

فلقد ضربوا ضربا مبرحا من سياح إسرائيليين يفضلوهم عن المصريين

أقرؤا معي الخبر من المصري اليوم

وعلقوا بآرائكم الحرة

سائحين إسرائيليين يعتدون بالضرب علي عمال فندق بشرم الشيخ.. و النيابة تخلي سبيلهم

كتب أيمن أبوزيد ٢٣/٨/٢٠٠٨اعتدي ٦ سائحين إسرائيليين بالضرب علي عمال وموظفين في أحد فنادق مدينة شرم الشيخ بجنوب سيناء أمس، وأصابوا ٧ منهم بكسور وجروح، وأتلفوا بعض محتويات الفندق، تحرر محضر وأحيل المتهمون إلي النيابة التي قررت إخلاء سبيلهم بضمان محال إقامتهم.

قال أحد العاملين المصريين إن الإسرائيليين دخلوا الفندق في حالة سكر شديدة، ووجهوا الشتائم إلي العاملين الذين كانوا يقدمون لهم أفضل خدمة،

مشيراً إلي أنهم طلبوا منهم الهدوء حفاظاً علي راحة النزلاء، لكنهم رفضوا واعتدوا عليهم بالضرب، وأضاف أن الإسرائيليين كانوا يقولون أثناء الاعتداء «نحن من أكبر دولة عظمي في العالم»، رغم أنهم عرب ويتحدثون العربية ويطلق عليهم عرب ٤٨ أو عرب إسرائيل.

وقال أحد المصابين إن الإسرائيليين سببوا الذعر والهلع للسائحين من الجنسيات الأخري المتواجدين في الفندق، وأن ٢٣ سائحاً غادروا الفندق بسبب سلوك الإسرائيليين.

من جانبه، قرر محمد شلبي رئيس نيابة طور سيناء إخلاء سبيل المتهمين بضمان محال إقامتهم، بعد أن أجرت التحقيقات مع الطرفين، واستندت النيابة في قرارها إلي أن الاعتداء كان متبادلاً ووجود إصابات في الجانبين.

وعلمت «المصري اليوم» أن السياح الإسرائيليين دفعوا ٣ آلاف دولار للفندق تعويضاً عن الخسائر والتلفيات.

[احلام ورديه]

لو .... الجمل شاف عوجه رقبته كاااااااان ------

الجواب تحت !!

تم تعديل 23 أغسطس 2008 بواسطة احلام ورديه

[احلام ورديه]

لو كان الضرب هذا حصل من سواح خليجيين واخص السعوديين

كان انبري المدعو مصطفي بكري من سباته يزبد ويرعد كعادته

بسنفونيه ردح تهدر بها اشداقه يملئ بها الشاشه رذاذ ا ----

فهو لا يتذكر ان للمصري كرامه الا اذا دخل العنصر الخليجي الفلزي منه واللافلزي

في الموضوع ........... عجبي ... ((( ابونا ما يقدر الا علي امنا )))

اما في هذه المساله .. فسيبلع لسانه الطويل ويشرب وراه كوب ماء ايضا !!!

[~Heba~]

لو كان الضرب هذا حصل من سواح خليجيين واخص السعوديين

كان انبري المدعو مصطفي بكري من سباته يزبد ويرعد كعادته

بسنفونيه ردح تهدر بها اشداقه يملئ بها الشاشه رذاذ ا ----

فهو لا يتذكر ان للمصري كرامه الا اذا دخل العنصر الخليجي الفلزي منه واللافلزي

في الموضوع ........... عجبي ... ((( ابونا ما يقدر الا علي امنا )))

اما في هذه المساله .. فسيبلع لسانه الطويل ويشرب وراه كوب ماء ايضا !!!

لا اعتقد ان مصطفى بكرى رد فعله سيكون كما ذكرتى بالعكس تماما

لكن اظن ان الموضوع بسيط و لم يصل الى مسامع احد نواب مجلسنا "المحروق"ليقدم حوله استجواب للحكومة

فهو لا يتذكر ان للمصري كرامه الا اذا دخل العنصر الخليجي الفلزي منه واللافلزي

لا انكر ان بعض المصريين تفكر بهذه الطريقة فعلا

للاسف الكثيرين يعتقدوا ان كرامة المصرى تهون امام العملة الصعبة التى يوفرها من يأتى الى مصر للسياحة او الاستثمار.....ده اللى بيسموه استثمار كرامة

[iloveegypt]

الكرامة ليس لها ثمن

ومع اى جنسية

[capitshino]

لو كان الضرب هذا حصل من سواح خليجيين واخص السعوديين

كان انبري المدعو مصطفي بكري من سباته يزبد ويرعد كعادته

بسنفونيه ردح تهدر بها اشداقه يملئ بها الشاشه رذاذ ا ----

فهو لا يتذكر ان للمصري كرامه الا اذا دخل العنصر الخليجي الفلزي منه واللافلزي

ايه اللى دخل مصطفى بكرى فى الموضوع .. الاخ بينه وبين مصطفى بكر حاجة!!!!!!!!!

[alaashabana]

فعلا يا جماعة المصرين فى شرم الشيخ بيتعاملو معاملة عادية " مقدرش اقول سيئة " بس السائح معاملة خاصة جدا

يعنى لدرجة لو واحد مع مراتة ماشين بيتفسحوا وجانبهم اتنين اجانب تلاقى الناس بتوع البازارات والمحلات بيجروا وراء الاجنبى ومش بيعبروا المصرى ..

بس انا عندى وجهات نظر فى الكلام دة وتسمحولى لو اقول عليها خصوصا انى كنت فى شرم مدة 3 سنين تقريبا واتعاملت مع جنسيات كتير ..

اولا واخرا دة مجرد رأى ومواقف حصلتت فعلا ...

لو هنجيب العيب على المصرين والمعاملة اللى مش ولابد من العاملين بشرم دة اكيد لية اسباب :

يمكن فعلا اللى شغالين هناك بيهتموا بالسايح اكتر بس دة علشان عارفين ان المصرى عارف معظم السلع اللى هناك وعارف ان اسعارها مش للمصرين يعنى بنبقى عارفين ان السلع دى ممكن نجيبها من احسن مكان فى مصر وباقل من السعر اللى موجود فى شرم ..

انا فعلا طول المدة اللى كنت فبها فى شرم وانا بقول ان البلد دى مش للمصرين . مش شرط اللى شغالين بس لأ كمان دة للمصرين اللى جاين يتفسحوا .

يعنى مثلا تلاقى هناك اماكن ممنوع دحول العرب فيها والله اعلم اية السبب ..

ثانى حاجة لو واحد ماشى مع مراتة ولا خطيبتة فى امان الله تلاقى واحد امين شرطة ممكن يوقفة ويقولة بطاقتك ولا البطاقة العائلية .. فى حين انك ممكن تلاقة اتنين اجانب مع بعض وقمة المسخرة ومحدش من الضباط المحترمين بيتكلم .. حرية " احنا بلد الحرية "

كمان العاملين هناك بيتعاملو معاملة سيئة للغاية .. فوعلا اللى يشتغل فى شرم يعرف ان دى بجد بجد بلد مش للمصرين .. وان اللى بيشغل فيها بتتهان كرامتة كتير اوى او ىاو ى...

بتتهان للاسف من افراد الامن اللى فى شرم ..

ثانى حاجة اللى تخلى البلد دى مش للمصرين ممكن فعلا نكون احنا السبب فيها .. لان لما تلاقى شباب زى الورد طالعين ررحلة تبع الجامعة وداخلين بيتش مثلا ولا مطعم ولا اى مكان عام .. لازم لازم لازم للاسف تلاقى وراهم بلاوى وزبالة " لما اخذة فى الكلمة " ومخلفات طعام وقشر لب واكياس شيبسى .. غير بقى انهم مش بيسيبوا واحدة ماشةي فى حالة غير لما لازم يجيبوها من اولها لاخرها ..

يمكن تكون مناظر غريبة شوية بالنسبه لهم ودة سبب ان العاملين فى اى مكان مش بيحبوا المصرين لما بيجيوا علشان عارفين ان لازم تحصل مشكلة ...

لدرجة ان مرة واحدة ايطالية كانت قاعدة على البيتش اللى انا كنت شغال فية وكان فية شباب وعائلة مصرية وفى اخر اليوم لما العائلة المصرية مشيت حسيت بجد انى فى مصيف بلطيم .. يعنى لاقيت كمية زبالة وراهم بجد غطيت الشاطئ.. لاقيت البنت الايطالية بتقولى هما لية عملوا كدة رغم ان فية صندوق زبالة جنيهم .. ولاقيتها قامت وشالت كيش شيبسى ورمتة فى الزبالة ..

يعنى فية حاجات من دى كتير بتخلى ان معاملة المصرين فى شرم مش كويسة " اسباب احنا اللىعملناها فى نفسنا ،، واسباب للاسف الحكومة هى اللى عملتها..

ساعات لما بفكر كدة وافضل احلم واقول لو انا بقيت غنى او مستور فى يوم هل ممكن اروح من زوجتى شرم علشان اتفسح ... لاقيت الاجابة مستحيل بجد انزل البلد دى تانى .. يمكن لو رحنا اى بلد اجنبية هنتعامل باحترام من العاملين والحكومة وكل شئ..

واسف على الاطالة وللحديث بقية ان شاء الله

[احمد مطر]

شوفوا يجماعه المصريين الى زعلانين من سوء المعامله يمكن يقولوا دى بلدنا ازاى نتهان فيها بس انا عاوز اقولكم على حاجه السائح الاسرائليى او الى هو من عرب 48 على حدماشوفت فى طابا لان كانت ليا تجربة شغل هناك مش بيتعامل معامله خاصه ولا حاجه دا ممكن يطلب حاجه ولاحد ينفزله اى حاجه على الرغم ان فلوسهم كتير بصراحه وبرضو مش هنكر انو احيانا بتحصل منهم تصرفات غبيه وعلى فكره اسلوبهم فى الاكل والشرب مييختلفش عن المصريين كتير بس الفرق انهم بيدفعوا المصريين بقى عاوزين كل حاجه باقل حاجه هما بعضهم فيه نفس الطبع دا بس كتير منهم بيدفع ودا الى بيخلى الناس تتحملهم وبعدين اصلا انا هقولكم على حاجه تانى المصريين الى شغالين اصلا مش واخدين حقهم دا بيشتغلوا 12 و14 واحيانا 18 ساعه ولا فى زياده فى اجور ولا يحزنون عاوز تبقى حالتهم ايه واكتر واحد المفروض يحس بيهم هو المصرى لانو عارف حتى لو مكنش من الناس الى شقيانه وتعبانه لكن للاسف محدش بيقدر دا وتلاقى الاغلب عاوز خدمه على اعلى درجه وملوش دعوه باى حد انتوا عارفين المصريين الى هناك بيكسبوا ازاى عن طريق البقشيش الى بيدفع لان فى الاغلب المرتب للى لسه بادىء فى حاجه زى المضيف بينزل مساعد مضيف المرتب تعتقدوا كام من 180 الى 250 جنيه يعنى مفيش لكن اعتماده على النسبه والبقشيش الى بيتوزع او الى بصراحه كده بيضرب فى الجيوب من غير لاصناديق ولا غيره عشان عارفين ان المستويات الكبيره فى الشغل هتاخد اكتر واصلا الله يكون فى عون الناس الى شغاله فى الاماكن دى اغلبهم راح هناك وهو اصلا مش راضى عن الشغل دا بس ظروف اقتصاديه وقلة فرص الشغل التانيه المناسبه فيقولك انا اروح المكان الى بيوفرلى سكن ووجبات احسن ومش هيلاقى غير الاماكن دى خصوصا الى من اهل الصعيد الاجانب بقى بيقدروا فى اغلب الاحوال ومش هنسى ابدا مره سائحه تشكييه كنت انا و2 من الى شغالين هناك رايحين على شغلنا والدنيا حر جدا وطابا على فكره حر جدا او برد جدا شافتنا كنا واخدينها كعابى على رجلنا قامت وقفت بعربيتها ووصلتنا معاها نادرا جدا جدا لما بيعملها مصرى ولا عربى غير كده تلاقيهم بيدفعوا كتير وبيعاملوك معامله محترمه عارفين انك بتشتغل وبتتعب عشان تبنى نفسك وعلى فكره اغلبهم برضو بيدى بقشيش كتير وخلافه غير احترامهم ليك دول كمان بيقوموا يساعدوك احيانا لما بيشوفوا ضغط الشغل اما المصرى فلا ببيقدرك ولا بيعاملك معامله محترمه وبيفتكرك الظاهر خدام لسيادته وميعرفش اصلا انك ممكن تكون معاك شهادات محترمه وخلافه انما بس مش هنسى ان واحد من الناس قال كان فى واحد مصرى كان فى نفس المكان محترم وكويس او اتنين بس مش كتير فى حاجه تانى محدش بياخد باله منها الاكل والشرب مثلا فى المطاعم المصرى او العربى فى الاغلب تلاقيه بيحط كمية أكل كبيره جدا ومش بيأكل نص ولا ربع الاكل دا وطبعا الى شغالين كمضيفين بيشوفوا ايام سوده عشان يتعاملوا مع كده الاجانب أكلهم على قدهم تلاقى اطباقهم ممسوحه وترابزيتهم نظيفه غير العرب والمصريين خالص ولو قعدت اتكلم من هنا لبكره مش هنخلص على المصائب دى مش هنخلص يعنى لو قرأت ردى دا هتعرف ليه المصرى او العرب بيبقى مكرهوين فى الاماكن دى بشكل عام وماخفى كان اعظم بس كفايه كده لحسن يتقال عليا انى ضد العرب ولا المصريين ولا حاجه مع اعترافى التام ان البعض محترم جدا ومؤدب جدا بس انا اتخنقت كله على دماغ العاملين ليه يعنى هو من كله لاحول ولاقوة الابالله

[Diab]

مالها اليونان زي الفل