كل سنة وانتوا طيبين يامحاوراتيين

[سهيلة]

كل سنة وانتم طيبين

خلاص رمضان على الابواب

ورمضان ما يبقاش رمضان من غير فانوس رمضان

وقصة الفانوس فيها اقاويل كتيرة لكن اشهرها

. أحد هذه القصص أن الخليفة الفاطمي كان يخرج إلى الشوارع ليلة الرؤية ليستطلع هلال شهر رمضان، وكان الأطفال يخرجون معه ليضيؤوا له الطريق..

كان كل طفل يحمل فانوسه ويقوم الأطفال معاً بغناء بعض الأغاني الجميلة تعبيراً عن سعادتهم باستقبال شهر رمضان.

هناك قصة أخرى عن أحد الخلفاء الفاطميين أنه أراد أن يضئ شوارع القاهرة طوال ليالي شهر رمضان، فأمر كل شيوخ المساجد بتعليق فوانيس يتم إضاءتها عن طريق شموع توضع بداخلها.

وتروى قصة ثالثة أنه خلال العصر الفاطمي، لم يكن يُسمح للنساء بترك بيوتهن إلا في شهر رمضان وكان يسبقهن غلام يحمل فانوساً لتنبيه الرجال بوجود سيدة في الطريق لكي يبتعدوا. بهذا الشكل كانت النساء تستمتعن بالخروج وفى نفس الوقت لا يراهن الرجال.

وبعد أن أصبح للسيدات حرية الخروج في أي وقت، ظل الناس متمسكين بتقليد الفانوس حيث يحمل الأطفال الفوانيس ويمشون في الشوارع ويغنون.

وهناك قصة أخرى تقول أن الفانوس تقليد قبطي مرتبط بوقت الكريسماس حيث كان الناس يستخدمونه ويستخدمون الشموع الملونة في الاحتفال بالكريسماس.

أياً كان أصل الفانوس، يظل الفانوس رمز خاص بشهر رمضان خاصةً في مصر. لقد انتقل هذا التقليد من جيل إلى جيل ويقوم الأطفال الآن بحمل الفوانيس في شهر رمضان

وانا عن نفسى اشتريت الفانوس امبارح

كل سنة وانتوا طيبين ورمضان كريم ويا رب يجعلو شهر خير وبركة على كل المحاوراتيين والمسلمين

اللهم بلغنا رمضان واجعلة شهر عبادة ومغفرة من الذنوب

وتقبل فية صيامنا وقيامنا

[~Heba~]

و انتى طيبة يا ست الكل ربنا يبلغك و يبلغنا و كل اعضاء المحاورات رمضان ويكتبلنا فيه فعل الطاعات

بالنسبة للفوانيس انا اتمنى ان تزول العادة المهببة دى

دا احنا بنستورد من الصين بملايين الجنيهات فوانيس و فى الاخر مسيرها للرمى مش حرااااااااااام

[somayasaleh]

كل سنة وكل المسلمين بخير

اعاده الله علينا جميعا بالخير والبركة

وشكرا علي موضوع الفوانيس الظريف

[galaxy]

كل سنه وانتي بالف صحه وسلامه يا سهيله................... :ninja:

وحشتينا جدا جدا ....شكلنا كدا مش هنشوفك الا زي رمضان من سنه لسنه............بقيتي بتغيبي كتير......يلا سماح بقي عشان ملوكه الحلوة

ايا كانت قصه الفانوس فلازم يكون موجود قبل رمضان..........بين وبينك لسه هتدبس في كام فانوس كدا :fool: لاطفال العائله الكريمه بحوش لهم من دلوقتي...........كل سنه وكل المحاورين طيبين وبخير وهديه لملوكه احلي فانوس ............. bnd5:: wst::

تم تعديل 23 أغسطس 2008 بواسطة galaxy

[زقلط]

كل سنة وانتم طيبين

ويعود على رمضان بالخير والبركات

bnd5:: :fool: :ninja:

[امانى]

كل سنة وانت طيبة يا سهيلة وفرحانه بالبنوتة الامورة ملك ربنا يخليهالك وتفرحى بيها وتشوفيها عروسة :ninja: :fool:

كل سنة وجميع المحاورين والمحاورات بخير ويعود عليهم الايام بخير وسعادة bnd5:: wst:: mfb:

اللهم ما بارك لنا فى شعبان وبلغنا رمضان

دعواتى القلبية للجميع بالصحة والعافية i*: :FN: md2:

[Muhammad Zidan]

كل سنة وانتي طيبة والأمة الإسلامية بخير وصحة وسعادة

وربنا يعود علينا كلنا الأيام المباركة بالخير واليمن والبركات

[عبقرينو]

كل سنة وانتم جميع بخير وصحة وسعادة

تحياتي لجميع السادة اهضاء المنتدي

[عبقرينو]

كل سنة وانتم جميعا بخير وصحة وسعادة

تحياتي لجميع السادة اعضاء المنتدي

اعادة اللة علينا وعليكم باليمن والخير والبركات

[النجم الثاقب]

و انتى طيبة يا دكتورة سهيلة .. و يا رب رمضان يهل علينا و كلنا فى أتم صحة و أحسن حال و ربنا يعيينا على صيامه و قيامه و يتقبل منا كلنا .

[shahd]

سهيلة الجميلة كل عام وانتِ والجميع الى الله اقرب وعلى طاعته ادوم

كل عام وانتم جميعا بألف الف خير

[Alshiekh]

وانتى طيبة يادكتورة

ماشاء الله الحبايب كثير هنا

كل سنة وانتم جميعا بخير وتعود عليكم الايام وانتم بخير وصحة وسعادة ويكون كل واحدة وواحد حقق امله ونال مراده ووفقه ربنا لطاعاته ورضاه.

[أبو محمد]

وانتى بالصحة والسلامة يا دكتورة .. أعاد الله عليك وعلينا جميعا شهر رمضان بالخير والبركات ورضا الرحمن

أعجبتنى الخلفيات التاريخية لفانوس رمضان .. أيا كان الأصل .. فالفانوس جزء من مظاهر احتفالنا بقدوم الشهر الفضيل .. أرجو ألا يندثر هذا الجزء

عندنا فانوس .. قديم .. صناعة مصرية يدوية .. نخرجه كل رمضان .. ننظفه .. بالقماش ، والصنفرة إذا لزم الأمر .. نرش عليه سبراى ذهبى كل عام .. هو متين وصامد .. متانة القدماء الذين كانوا يتقنون كل شئ يصنعونه لأنهم كانوا يحبون ما يصنعون .. نرى فيه أيام العمر الماضية .. نعلقه فى الشرفة مقابل بابها الزجاجى .. يكفى أن نزيح الستار وقت الإفطار ليدخل إلينا نوره مشيعا جوا من البهجة ومستدعيا لذكريات جميلة .. أصبح أولادى يحبونه كما أحبه .. يشترون الجديد .. يفرحون به عاما واحدا .. ثم يلقونه لا أدرى اين .. أغلب الظن أنه يذهب إلى حيث تستحق الأيادى التى صنعته

أرجوكم

الدعاء فى السر بالرحمة لمن اعتاد أن يكون أول المهنئين فى مناسبة مثل هذه المناسبة التى باركها الله

[Folana]

السلام عليكم ورحمة الله...

كل عام وحضراتكم جميعا بخير...وتقبل الله منا جميعا صيامنا وقيامنا وصالح الاعمال

ابو محمد كتب :..

نرى فيه أيام العمر الماضية .. نعلقه فى الشرفة مقابل بابها الزجاجى .. يكفى أن نزيح الستار وقت الإفطار ليدخل إلينا نوره مشيعا جوا من البهجة ومستدعيا لذكريات جميلة ..

وكتب:

الدعاء فى السر بالرحمة لمن اعتاد أن يكون أول المهنئين فى مناسبة مثل هذه المناسبة التى باركها الله

دائما ما أشعر بأصالة دافئة تصاحب كلماتك أخى الفاضل ...كل سنة وأنت فى اتم صحة واسعد حال...ربنا يعزك ويسعدك ويمتعك براحة البال والرضا دائما..وأعاد عليك الايام المباركة أعواما وأعوام

رحم الله أستاذنا الغالى الافوكاتو....وبدله دارا خيرا من داره واهل خير من اهله...

[م.سامح المصرى]

السلام عليكم ورحمة الله وبركاتة

وانتى طيبة يا دكتورة سهيلة

يا رب يعفى عنا فى رمضان ويجعلنا جميعا من عتقائة من النار

ويوفقنا لما يحبه ويرضاة

وكل سنة وانتم كلكم بخير ان شاء الله

سبقتيني وانتى سباقة فى الخير

كنت داخل اكتب الموضوع دا :pasha:

:big_boss:

[Scorpion]

كل سنة و احنا جميعآ بخير و سعادة و وئام .....

كل أمنياتي الرقيقة بقضاء شهر من الصفاء مع الله و مع النفس و مع من يجاورنا ....

و بمناسبة اقتراب هذا الشهر المبارك ... ارجو ان تعجبكم تلك المجموعة من أغانيه الشهيرة اللي كبرنا كلنا و احنا بنسمعها

أغاني زمان في شهر رمضان

:wub: :wub: :happy: :wub: :wub:

[لولا]

كل سنه وانتو كلكم طيبين وبخير وسلامه

ورمضان كريم علينا جميعا.

ربنا يغفر ويتقبل منا انشاء الله فى رمضان

ويقدرنا على كل عمل صالح ويقوينا على العباده.

رمضان دا غير كل رمضان عندى ، صحيح انا مش مع اهلى

لكن السنه دى انا مع اهل واسره اكبر بكتير قوى وهى اسره

المحاورات الى بحس فعلا انهم اهلى وبيتى التانى.

انا بحب كل الناس الى هنا وكل سنه وانتو طيبين.

دكتوره سهيله كل سنه وانتى طيبه.

كان نفسي اجيب فانوس بس الفرحه مش بالفانوس

فى الغربه ، انا فرحتى السنه ديه بيكم كلكم.

ربنا يغفر لأستاذ محمود الأفوكاتو يارب ويدخله فسيح جناته.

لولا.

[badroora]

صباح الخير جميعا ..وحشتونى جدا والله

دخلت كدا بالليل سرقة زى المطاريد :ninja: والناس نايمة كنت باجيب حاجة من المخزن بتاعى هنا وبعدين لاقيت تهنئة بقدوم رمضان قولت عيب يا نجفة لازم ابارك واهنى

وكل سنه وانتم جميعا طيبين ورمضان كريم

سلام خالص الى كل الاعضاء الاخوة والاخوات كل سنه وانتم طيبيين

وسلامى الى الاب الفاضل عادل ابوزيد كل سنه وحضرتك طيب

ابي الفاضل ابو محمد كل سنه وحضرتك طيب

س س حمدالله ع السلامة وازى النونو الصغير اوعى مش يصوم السنادى كل سنه وانت طيب

وماما سلوى كل سنة وهى طيبة

وباقى السادة المشرفين كل سنة وانتم طيبين

كنت اتمنى اول يوم فى رمضان نتجمع كلنا على مائدة رحمن المطاريد :wub: يلا تتعوض بيت العيلة بردوا يكسب

يلا اشوف وشكم بخير ...

ورمضان كريم .!!!

تم تعديل 28 أغسطس 2008 بواسطة Badria Mekkawy

[ramiesm]

لكل المحاوراتيين القدامى و الحديثين... كل سنة و انتم طيبين :roseop:

[الباشمهندس ياسر]

كل عام وانتم بخير

كل عام و الود يجمعنا

كل عام والمحاورات مجلسنا