لو بطلنا نحلم نموت

[Farah]

كلنا عندنا احلام يقظه

انا بحلم

بحلم ان مصر متكنش زحمه ،،،والناس تمشي مش تجري ولما تحب تجري ،،،، تروح ملاعب للجري

بحلم ان كل رصيف في مصر ميوكنش مكسور وصالح للاستعمال

بحلم ان التاكسي له عداد بيشتغل او له تسعيره معروفه

بحلم ان ميكنش فيه زحمه في اي اتوبيس في مصر

بحلم ان المدارس الحكوميه يكون فيها امكانيات التعليم الصحيح

بحلم ان ميكنش فيه دروس خصوصيه بس يكون فيه مجاميع تقويه

بحلم ان نشجع اولادنا اصحاب المواهب ان يكونوا علماء المستقبل

بحلم ان اولادنا يكون عندهم اختيار الكليه اللي بيحبوها مش اللي مكتب التنسيق يسمح لهم بها

بحلم لما يدخلوا الجامعه يكون لكل طالب كرسي يجلس عليه

بحلم لما ينجح اولادنا ويتخرجوا يلاقوا وظيفه مناسبه طبقا لمجهودهم مش بي الوسطه

بحلم لما المواطن المصري يمرض ويذهب للدكتور ميتقلوش كشف عادي ولا مستعجل

بحلم لما يحتاج عمليه ميتقلوش للدفع للموت

بحلم لما يروح الصيدليه يجد الدواء ميلفش علي الصيدليات كلها حتي يكمل الدواء المطلوب ولما يلقيه يقدر يشتريه

بحلم ان رياسه الجمهوريه لا تزيد عن ٦ سنوات ،،،ونجاح رائيس الجمهوريه في الانتخبات ميكنش ١٠٠٪

بحلم ان ميجيش اليوم اللي تحكم فيه مصر بلوراثه

بحلم ان المواطن المصري يكون له قيمه في بلده اكثر من اي مواطن اجنبي ميكنش عندنا عقدة الخواجه

بحلم لما شباب مصر ميكنش عندهم مشكلة الشقه والمهر

هي دي بعض احلامي البسيطه،،،ادعولي ربنا يحققها

[farasha79]

ليس كل ما يتمناه المرىء يدركه

مافيش داعي تحلم اكثر من كده ..... هيحصلك حاجه

انت بتحلم بالمستحيل

[se_ Elsyed]

أولاً طبعاً " فرح اليوم " شكلها بنت وفراشة كمان معروفة ، يعني هانسمي التوبيك ده أحلام البنات ( وش بيضحك نص ضحكة )

شوفي يا فرح .. هي بالتأكيد أحلام مشروعة ومطلوبة لكن لابد أن نحلم قبل ذلك بشيء مهم جداً وهو " أن نحلم بوجود مواطن مصري قوي قادر على تحقيق أحلامه بقوة " وأعني بالقوة قوة الأيمان بقضايا وطنة ، قوة فكرية ، قوة سياسية .... إلخ

[Cleo]

أولاً طبعاً " فرح اليوم " شكلها بنت وفراشة كمان معروفة ، يعني هانسمي التوبيك ده أحلام البنات ( وش بيضحك نص ضحكة )

شوفي يا فرح .. هي بالتأكيد أحلام مشروعة ومطلوبة لكن لابد أن نحلم قبل ذلك بشيء مهم جداً وهو " أن نحلم بوجود مواطن مصري قوي قادر على تحقيق أحلامه بقوة "

هو ده الكلام يا سى السيد....

إن الله لا يغير ما بقوم حتى يغيروا ما بأنفسهم....

و كما قال أمير الشعراء..

و ما نيل المطالب بالتمنى

ولكن تؤخذ الدنيا غلابا....

"وش واحد ثورجى"

[Farah]

Cleo ,,,, se_ Elsyed,,,,,,,farasha79

علي فكره دي مش مطالب دي احلام وعلي راي سي السيد

الاحلام مشروعه ده من نعمة ربنا ان احنا بنقدر نحلم من غير قيود

ومن غير فلوس بحلم

بوجود مواطن مصري قوي قادر على تحقيق أحلامه بقوة