نقابة التجاريين

[osaimi]

لاحظت أن نقابة التجاريين رغم أن أعضاؤها هم الأكثر قياسا بجميع نقابات مصر ، إلا انها أفقر وأسوأ نقابه فى مصر بل فى العالم

جميع النقابات فى مصر لديها نوادى وأنشطة مختلفة ورحلات ومشروعات كثيرة سواء عقارية أو تجارية أو إجتماعية لخدمة الإعضاء ، ولكن نقابة التجاريين شيء مؤسف ، ليس هناك أي شىء من هذا

لا أعرف لماذا ؟ وماذا يفعل نقيب التجاريين ؟ ومتي ينصلح حال هذه النقابة التعيسة

ولماذا تضم هذة النقابة خريجي الجامعات مع من هم أقل منهم درجة علمية مع الإحترام للجميع

وماذا نستطيع أن نفعل لتحريك الموضوع عشان النقيب والشلة بتاعته يتعطف علينا بنظرة

تم تعديل 24 أغسطس 2008 بواسطة osaimi

[alaashabana]

.... للاسف ......." لا تعليق " :coffeenews:

[النيل حبيبي]

الصراحه الموضوع كان علي بالي من اول مااتخرجت1984م

يعني بتكلم علي24سنه

لكن الظاهر مفيش فايدة

الواحد بيتحسر علي مزايا النقابات الاخري

الله يجازي اللي كان السبب

[osaimi]

طب مين هو اللي كان السبب وايه تقترح عشان نطالب بحقنا زى بقية النقابات المحترمه ؟ ومش مهم انت اتخرجت امتي ماحنا كلنا فى الهوا سوا . بس نعمل حاجه

[Sherief AbdelWahab]

جميع النقابات فى مصر لديها نوادى وأنشطة مختلفة ورحلات ومشروعات كثيرة سواء عقارية أو تجارية أو إجتماعية لخدمة الإعضاء ..

ودي مرحلة متقدمة.. احنا كنا فين يا راجل.. أحسن من "مفيش" يعني..

وإن كان "مفيش" أحسن من نقابتنا الغراء!

خلص الكلام

[osaimi]

الأخ شريف مش فاهم تقصد ايه ، الموضوع مالوش لازمه يعني ؟؟؟!!!

[Sherief AbdelWahab]

ما وصلكش الإفيه يا عزيزي..

أنا قصدي إن النقابة الغراء الله يرحمها ويحسن إليها وصلت إلى الدرجة اللي "اللاشيء" بقى أحسن منها ، يعني بقينا تحت الصفر المكعب..

كنا ننتقد النقابات الأخرى على أساس أنها أغفلت بالجملة جوانب كثيرة تختص بتنظيم المهنة وتنظيم علاقة أهل المهنة بالمجتمع ، واكتفت بالتركيز على مشاريع خدمية لا أكثر ولا أقل.. أما نقابتنا الغراء فلا تفعل شيئاً من ذلك ولا أي شيء آخر..

لم تساعد بجدية على توفير فرص عمل للخريجين..

ولم تساعد بجدية على توفير فرص تدريب لهم..

ولم تسهم في جعل السوق المصري يستفيد من الكثرة الكاثرة لخريجي كليات تجارة على مستوى الجمهورية..إلى أن أصبحت المهن التجارية أعلى المهن من حيث التسرب منها لمهن أخرى ، وهذا أمر على المدى القصير والمتوسط "كارثي"..

خلص الكلام

[osaimi]

شكرا أخي شريف علي التوضيح ، ولكن نريد حلول وليس يأس مثل الأخ علاء شبانه الذى كتب مشاركته (للأسف لا تعليق) طب ليه كتبت مشاركتك طالما انه لا تعليق

ليه ما نطرحش فكرة طرح مطالبنا و جمع أكبر عدد من التواقيع لأعضاء هذه النقابة التعيسة وماهم أكثرهم ليتم رفعها للنقيب والجهات المسئولة مثلا

[alaashabana]

osaimi مشاركة بتاريخ أمس, 06:02 PM

شكرا أخي شريف علي التوضيح ، ولكن نريد حلول وليس يأس مثل الأخ علاء شبانه الذى كتب مشاركته (للأسف لا تعليق) طب ليه كتبت مشاركتك طالما انه لا تعليق

ليه ما نطرحش فكرة طرح مطالبنا و جمع أكبر عدد من التواقيع لأعضاء هذه النقابة التعيسة وماهم أكثرهم ليتم رفعها للنقيب والجهات المسئولة مثلا

لا تعليق

[osaimi]

نفسي أعرف تاعب نفسك ليه بس يا أخ لا تعليق

[alaashabana]

osaimi مشاركة بتاريخ أمس, 10:51 AM

نفسي أعرف تاعب نفسك ليه بس يا أخ لا تعليق

انا ملقتش حد رد عليك قولت ابعتلك اى رد وخلاص ...

وبردو لا تعليق على موضوعك للاسف الشديد..

مع احترامى الكبير ليك ولطموحك واحلامك وامنياتك... بس ملقيتش غير نقابة التجارين وتتكلم عنها.. :blink: :blink:

[osaimi]

شكرا وأرجو من الساده المشرفين إغلاق هذا الموضوع

[كلمة وداع]

السلام عليكم ورحمة الله وبركاته،،

انا معاك ومع موضوع النقابه اننا نخليها تتحرك بصراحه انا لسه مشتركتش فى النقابه بس كنت شغوفه اوى انى اشترك بس كلامك قلقانى انا لسه خريجه وكنت ناويه اشترك

هو مين نقيب التجاريين ممكن نبعت للبيت بيك المشكله دى ويحلها وممكن نعمل ذى ماانت قولت ونعمل توقيعات وممكن كمان لو فى مكان نقدم فيه شكوى قولى لو بريد ابعت عليه الشكوى وياريت تنهض يجماعه انا نفسى نخلص من السلبيه دى وانا كان نفسى اشترك فى النقابه بالذات علشان المصايف طلعت خايبه فى انتظار ردك ولاتياس ومتخليش حاجه تحبط هدفك يمكن حد يغير كتير فى انتظار الرد

شكراً لك اخي الكريم

[Nina Hussien]

موضوع جيد جدا

لاني اشتركت في النقابة مرة و ماسديتش تاني الاشتراك لاني لم اجد منهم اي رجاء

عموما حد يعرف مين نقيب التجاريين

اسمه او رقم تليفونه ؟

[alaashabana]

ياريت احلامك تتحقق . بس انا مش عندى امل فى النقابة دى يا جماعة.. بس انا معاكم واللى يحصل يحصل... انا مش مشترك فيها ومش عاوز اشترك فيها. اصل هعمل بها اية وهى ملهاش اى لزمة..

شكرا

[osaimi]

شكرا نينا وعلاء وكلمة وداع

موقع نقابة تجاريين القاهرة وللأسف موقع فقير جدا

http://www.cairotog.com/

والنقيب الحالي: سمير حسن علام

[كلمة وداع]

يبقى اولآ نشترك ثانيآ نشوف هنعمل ايه يجماعه مش عايزين نسكت نحاول نوصل

باذن الله بعد رمضان هاروح اشترك وابتدى

ومستنيه منكم اننا نبقى ايد واحده ومحدش يجماعه ييأس بالله عليكم وربنا يجيب اللى فيه الخير