مدارس الرياض (تانى مره)

[khaledwagdi]

السلام عليكم أخوانى الأعزاء .

الصراحه انا مبهور بكم التعاون اللى فى المنتدى ده . والصراحه الأخوه ماقصروا فى الرد عشان كده حبيت أشكركم قبل ماسال سؤالى ففى الحديث الشريف { من لم يشكر الناس لم يشكر الله عز وجل . }

الموضوع ياأخوانى الى محيرنى أوى . أنا بنتى المفروض تدخل مرحلة ال pre school عشان هيا لسه هتكمل 3 سنين فى شهر 11 -2008 عشان كده بدور على مدرسه كويسه وزى ماقلتوكوا استفدت جامد من مواضيع المدارس اللى على المنتدى ده . وتقريبا استقريت أنا ومامتها على مدرستين المللك عبد العزيز و مدرسة الرواد . انا مع عبدالعزيز وهيا مع الرواد والسبب زى ماسمعنا وقرينا أن الرواد فيها دين وعبد العزيز لأ . أنا بحاول أقنعها أن موضوع الدين ممكن نكمله احنا فى البيت بس هيا رأيها أن وقت الجد مش هنبقى فاضيين . أنا مع عبد العزيز عشان لو حبت تنزل مصر فى أى وقت هتكون الشويفات موجوده من غير تعقيدات القبول زى مابسمع . المهم عشان ماطولش عليكم قريت مداخله للأخ الكريم أسد عن مدرسة الملك سعود والموضوع لعب فى دماغى . طب فين الأسئله؟ الأسئله على الماشى كده للأبآء والأمهات .

1- مرحلة ال pre school بتفرق من مدرس لمدرسه ولا الفرق بيبتدى من kg

2-لو حبيت ادخلها kg فى عبدالعزيز مثلا وبعد كده فى ال grade انقلها لسعود على أساس ان تغطية المدارس عندى من أول ال Grade . دا هيتعبها فى سعود ولا أضحى شويه من الأول ودخلها فى سعود على طول . وسعود فيها دين ولا لأ

3- لو حبيت بعد كده انزلها مصر وهى فى سعود هاتقبلنى مشاكل ولا فى مدارس كويسه هتقبلها على طول .

4- لو موضوع سعود ده مانفعش خالص ايه رأيكم الأخير عبدالعزيز ولا الرواد .

معلومه أخرى للناس اللى بتدور زى أسعار ال pre school اسعار 2008

عبدالعزبز (14500) باص (2500) تسجيل (750)

الرواد (10500) باص (2500) تسجيل (1000)

آخر هاجس فى دماغى ( ياترى بعد ده كله -يعنى المصاريف الغاليه دى واللى بسمعه أن المناهج قويه على العيال ومتابعه ليل نهار - فى أمل ان عيالنا يطلعوا ربع زويل مثلا . يارب )

سلام عليكم.

تم تعديل 25 أغسطس 2008 بواسطة khaledwagdi

[khaledwagdi]

هل من مجيب . ولا لسه الناس مرجعتش من الأجازه ;) ;)

[khaledwagdi]

مستنى ردكم . جزاكم الله خير

[khaledwagdi]

????

[sayed metwally]

اذا كانت الرواد وعبد العزيز فى نفس المستوى

فتوكل على الله وأدخلها الرواد لأن بها مادة التربية الدينية ( ودا مهم جدااااا )

لأن صعب جدا انك تكمل معاها الدين فى البيت مادامت مش مادة اساسية تدرس فى المدرسة

ودا رأيى الخاص

ولك القرار فى النهاية

تحياتى