عاوز أعمل مشروع تجارة الكاوتش( أطارات السيارات)

[sheriefm]

بسم الله الرحمن الرحيم

انا شاب مصرى مقيم خارج مصر منذ عشرة سنوات تقريبا انزل زيارات لمصر واجازات وبصراحه كرهة السفر والغربه والواحد برده مرجوعه لبلده وفكرت انزل مصر واستقر وفكرت فى مشروع تجارى علشان انا عندى خبره فى البيع والشراء اعيش منه انا واولادى وعندى مكان لعمل المشروع فكرت فى تجارة اطارات السيارات وانا لا اعرف شىء سوى تبديل اطار سيارتى طرأت ببالى الفكره وخاصه المنطقه المقيم بها بمصر لا يوجد بها هذا النوع من التجاره بكثره المهم انا معنديش خبره ولا اعرف اسعار ولا المطلوب من المال للتجاره وعن كيفيه البيع بمصر هل كاش ام اقساط ومنين اجيب الاطارات وكم مكسبى مش عارف فكره بديله للغربه خاصه انى قرفت من السفر وبعدى عن اولادى هل حد يقدر يساعدنى او يدلنى على الطريق ازاى ابداء مشروعى وخاصه ان المال متوفر وشكرا

[الباشمهندس ياسر]

السلام عليكم

اخى الكريم مينفعش تسأل عن حاجة زى كده فى منتدى

انت فى الاجازة الجاية تعمل اللفه التمام وتجمع كل البيانات المطلوبة

و تحس السوق وفى الاخر تاخد قرارك

[حسام يوسف]

انا لا مهندس ولا بفهم فى الكاوتش اخى العزيز

لكن زى ما قالك الباشمهندس ياسر

انت محتاج تلف لفة

أو زى ما بنسمية PROSPECTING

بالبلدى لم المعلومات

والشمشمة اسف فى الكلمة

حجم التجارة دى قد اية؟

مين همة المنافسين؟

محتاج رأس مال قد اية؟

الشغل ماشى ازاى؟

ااجل ولا توتو على كبوتو؟

المعلومة هية اهم حاجة فى بدء اى نشاط

والتجارة ممكن ترفع لفوق

وممكن لا قدر الله تجيب الأرض

ربنايكرمك فى غربتك

وكل سنة وانت طيب

تم تعديل 5 سبتمبر 2008 بواسطة حسام يوسف

[الباشمهندس ياسر]

انا لا مهندس ولا بفهم فى الكاوتش اخى العزيز

لكن زى ما قالك الباشمهندس ياسر

انت محتاج تلف لفة

أو زى ما بنسمية PROSPECTING

بالبلدى لم المعلومات

والشمشمة اسف فى الكلمة

حجم التجارة دى قد اية؟

مين همة المنافسين؟

محتاج رأس مال قد اية؟

الشغل ماشى ازاى؟

ااجل ولا توتو على كبوتو؟

المعلومة هية اهم حاجة فى بدء اى نشاط

والتجارة ممكن ترفع لفوق

وممكن لا قدر الله تجيب الأرض

ربنايكرمك فى غربتك

وكل سنة وانت طيب

مهندس ايه وبتاع ايه يا دكتور حسام

مانت قطعت علينا السكة اه

بصراحة الله ينور يا دكتره

كده الشغل ولا بلاشى

[حسام يوسف]

انا مقدرش أقطع عليك يا هندزة

انا بس بتكلم فى اصول عمل اى مشروع أيا كان

[الباشمهندس ياسر]

يا دكتره

احنا بس بناغشوك

[abdulmuttaleb]

عزيزي الشاب المصري

بداية أحييك على رغبتك في العودة لوطننا العزيز الغالي

أسأل الله أن يبارك لك وأن يوسع لك في رزقك وأن يكتب لك الخير في الدنيا والآخرة

أوصيك إلى جانب بذل الجهد والأخذ بالأسباب بالدعاء والإكثار من الاستغفار والصدقة فهذه من أسباب زيادة الرزق إلى جانب صلة الرحم

بخصوص مشروع الكاوتش فلن أضيف أكثر مما أضاف م.ياسر والدكتور حسام، فيلزم توافر معلومات عن حجم السوق ومدى الطلب على هذا الأمر في المنطقة التي تتواجد بها حضرتك، وسعر التكلفة للكاوتش وأجرة من يقوم بتركيبه، وذلك لعمل business plan مبدئية تقرر بعدها البدء في المشروع أم لا.

من أبسط خطوات البحث عن المعلومات أن تذهب لأكبر موقف سيارات في منطقتكم وتركب مايكروباص وتقعد جنب السواق وتحجز الكرسيين الأماميين وتدردش معاه عن تغيير الكاوتش وأكيد هو خبرة فحيقوللك والله بنغير عن الواد بلية ودماغه العالية في حارة مش عارف ايه، أو يقوللك والله البيه رئيس الحي ليه محل كاوتش بنغير عنده [طبعا في الحالة دي غالبا انسى موضوع الكاوتش لأن رئيس الحي ح يسلط عليك الجني الأزرق عشان ما يبقاش غيره محتكر ويبقى كده بأجرة الميكروباص وفرنا وجع الدماغ وفلوس مكتب دراسة الجدوى ويا دار ما دخلك شر].

ثم إذا ثبتت جدوى المشروع يكون لدينا حسابات أخرى مثل اشتراطات الحكومة هل يشترطون مثلا إقامة المكان خارج العمران، أو بعيدا عن السكان لعدم الإزعاج، وإن كانت هذه الحسابات توضع بشكل آو بآخر في دراسة الجدوىbusiness plan سواء عند الحديث عن بند تأجير أو شراء مكان مزاولة النشاط.

أخيرا نصيحة لا تظن أو تعتقد أن فكرة ما غير موجودة في مكان ما أن هذا يعني أن شخصا لو قام بها ستنجح، أرجوك احسب حساباتك بالعلم والمتطق والورقة والقلم وليس من الاعتقاد أو التصور الذهني.

تم تعديل 8 سبتمبر 2008 بواسطة abdulmuttaleb

[قديم]

انا لو منك وبعد راســه السوق من الناحيـه النظريه والفنيـه والاقتصاديــه . وغيرها وبعد ما تستقر على راي لتنفيذ الفكره انصحك

انك تشوف محل كاوتشات كبير بيع جمـله مش محل تغيـر الكفرات . تشتغل في محل البيع فتــره معينــه ومنها تعرف اسرار المهنــه وتعرف مشاكل واسرار البيع والتوزيـع ومين اللي مسيطرين على السوق وما يعانيه الموزعين من التاجر الكبير . وهتشوف المشكله نعينيك لانها هتواجهــك .. مشاكل التسويق والتوزيع وضبط الاسعار . والمنافســين . وغيرها من الامور الي مش متوقع تسمعها او حد يقول لها لك .

ولكن حبذا لو دخلت شريع مع اكثر من موزع للكفرات من الناس الي بالسوق بنسبه معاهم براس المال .

دمت بود

[sheriefm]

مشكور يا شباب لكل من ساهم فى توضيح الصوره ليهوجزاكم الله خير وان شاء الله هعمل دراسة الجدوى وجزاكم الله خير