فرصة عمل بالدوحه

[طبيب مسلم]

السلام عليكم يا اخواني

اولا اخوكم طبيب مصري ممارس عام دفعة 2005

جاتلي فرصة عمل بمستشفى العمادي بالدوحه وقمت بعمل مقابله مع مندوب مصري قالو لي انه المسؤل هنا بمصر والحمد لله وفقت واتصلو بي في اليوم التالي لأحضر أصول الاوراق وذهبت اليهم بالاوراق وقالو انهم سيرسلونها الى قطر وسيأخذ الموضوع تقريبا اسبوعين وسيكون كل شئ منتهي ولن تدفع أي مليم الا بعد ما نخلص كل حاجه( فات اسبوع الان)

مش عارف الاوراق دي اتبعتت على المستشفى ولا على جهه أخرى وبعدين المستشفى ممكن يكون ليها رأي تاني ولا زي ما قالولي ان الموضوع ان شاء الله منتهي طالما مندوبهم هنا وافق وكتب على الأوراق أمامي تمت الموافقه على مستشفى العمادي بالدوحه

ثم يا اخواني ان ربنا يسر ايه اللي أوافق عليه واللي ما أوافقش عليه وايه اللي لازم أصر انه يبقى موجود في العقد والراتب اللي اوافق عليه ما يقلش عن كام( طبيب مقيم أطفال أو ممارس عام)

اهم سؤال عندي وجزاكم الله خيرا محتاج اجابته ضروري هل هناك فرصه اني أزود مستواي العلمي وشهاداتي وخاصة انني مسجل هنا أطفال ومكانش السفر في دماغي خالص الا بعد ما أخلص ورفضت فرص كتير السعوديه ولا مفيش فرصه هناك لاستكمال الدراسات العليا

ياريت ربنا يكرمكم اللي يعرف أي معلومه لا يبخل علي بها

وجزاكم الله خيرا

[Alrefaey]

السلام عليكم اخى الكريم

يوجد فى المنتدى اجابة لكل اسألتك فى توبيك بعنوان محاوران المصرين بقطر ادخل عليه وسوف تجد كل مايخصك

نصحتى لك الشخصيه ان تشترط عليهم وجود سكن مؤثث ومواصلات لأن السكن فى قطر نار وربنا يوقفك الى الخير

[طبيب مسلم]

شكلرا أخي الكريم على ردك

وقد قرات كل محاورات المصريين بقطر ولكن لا توجد اجابات على معظم استفساراتي

مثل الراتب الذي أقبل به كطبيب مقيم أوممارس عام

وكذلك امكانية استكمال دراساتي

[adel sh]

السلام عليكم يا اخواني

اولا اخوكم طبيب مصري ممارس عام دفعة 2005

جاتلي فرصة عمل بمستشفى العمادي بالدوحه وقمت بعمل مقابله مع مندوب مصري قالو لي انه المسؤل هنا بمصر والحمد لله وفقت واتصلو بي في اليوم التالي لأحضر أصول الاوراق وذهبت اليهم بالاوراق وقالو انهم سيرسلونها الى قطر وسيأخذ الموضوع تقريبا اسبوعين وسيكون كل شئ منتهي ولن تدفع أي مليم الا بعد ما نخلص كل حاجه( فات اسبوع الان)

مش عارف الاوراق دي اتبعتت على المستشفى ولا على جهه أخرى وبعدين المستشفى ممكن يكون ليها رأي تاني ولا زي ما قالولي ان الموضوع ان شاء الله منتهي طالما مندوبهم هنا وافق وكتب على الأوراق أمامي تمت الموافقه على مستشفى العمادي بالدوحه

ثم يا اخواني ان ربنا يسر ايه اللي أوافق عليه واللي ما أوافقش عليه وايه اللي لازم أصر انه يبقى موجود في العقد والراتب اللي اوافق عليه ما يقلش عن كام( طبيب مقيم أطفال أو ممارس عام)

اهم سؤال عندي وجزاكم الله خيرا محتاج اجابته ضروري هل هناك فرصه اني أزود مستواي العلمي وشهاداتي وخاصة انني مسجل هنا أطفال ومكانش السفر في دماغي خالص الا بعد ما أخلص ورفضت فرص كتير السعوديه ولا مفيش فرصه هناك لاستكمال الدراسات العليا

ياريت ربنا يكرمكم اللي يعرف أي معلومه لا يبخل علي بها

وجزاكم الله خيرا

[adel sh]

السلام عليكم يادكتور:

ربنا يوفقك ونشوفك في الدوحه علي خير وقريب وبعرض كويس

1-احب اقولك ان مستشفي العمادي تقريبا في وسط البلد مكان كويس بالدوحه مش متطرفه هنا ولا هنا.

2-طبعا اول واهم النقاط اللي لازم تحسمها من الاول السكن ان كان عائلي او عذابي وتشوف هما هايوفرولك سكن ولا هايدفعو بدل لو سكن ده كويس لما لو هايدفعو بدل فلازم تعرف ان السكن هنا غالييييييييييييييييييييييييي جدا يعني لو عايز غرفه بحمام في شقه مع ناس تانيين مش اقل من 2000 ريال شهري .وبعدين الحياه الي حد ما مش رخيصه زي اول منا جيت هنا من سنتين .

3 بس عموما البلد هنا جميله وامان وتقدر تجيب عربيه كويسه بسهوله جدا غير مصر وتقدر تحج او تعمل عمره بسهوله واسعار رخيصه عن مصر كتيييييييييييير اوي.

4-اما عن الشهادات وتكملة دراستك ده مش مجالي وبالتالي انا معرفش

عادل الشريف - الدوحه

[adrianocrespo]

السلام عليكم

في صيدلي معرفه جاتله فرصه انه يدخل امتحان مؤهل للعمل بمستشفي حمد التخصصي

يا تري في حد من حضراتكم يعرف معلومات عن هذه المستشفي ............... هل هي جيده ؟ المرتبات تقريبا و السكن

وما عيوبها ؟

و شكرا جزيلا

[ayman elsherif]

اذا كنت تقصد مؤسسة حمد الطبية ، فهي جيدة جدا

و هي موسسة حكومية مستقلة وعدد موظفيها اكثر من 15000 موظف

و موقعها على الانترنت

http://www.hmc.org.qa/hmcnewsite/

تمنياتي له بالتوفيق في الامتحان

[meeeedoooo]

امامك كذا فرصة

اولا: تحضير الزماله العربية في طب الاطفال

ثانيا: ان تحضر معك كتب الزمالة البريطانية في طب الاطفال وتسجل وبعدين تذاكر مع نفسك وتنزل مصر او الامارات تمتحن

[adrianocrespo]

السلام عليكم

شكرا علي الردود

بس ممكن معلومات اكتر عن مؤسسه حمد لو امكن من حيث المرتب و السكن و الامتحان بالنسبه للصيادله

و شكرا

[Alrefaey]

السلام عليكم

شكرا علي الردود

بس ممكن معلومات اكتر عن مؤسسه حمد لو امكن من حيث المرتب و السكن و الامتحان بالنسبه للصيادله

و شكرا

[/

السلام عليكم اخى الكريم

سألت بعض الزملاء الموجودين بقطر عن مؤسسة حمد واجاب بالاتى

انهم بالفعل بيفتحو فرع جديد للمستشفى وهيحتاجو صيادلة الفترة الجاية

بخصوص الراتب فالحالى هو 12 الف توتال باكيج يعنى شامل السكن والموصلات

طبعا هو راتب جيد لكن السكن والموصلات والمعيشه ليست رخيصة بالدوحه يعنى لو متزوج هتصرف فوق 7000

ثانيا والاهم عشان تتوظف اولا لازم تروح زيارة لقطر وتذاكر للامتحان وبعد نجاحك انشاء الله بتقدم فى المستشفى

ولكى تعلم هتجد المئات غيرك مقدمين وهما مثلا هيأخدو منكم اعلى تقدير فى الامتحان على حسب احتياجهم

ارجوا انى اكون افادتك تقبل تحياتى

[adrianocrespo]

شكرا لمشاركتك يا استاذ رفاعي

[adrianocrespo]

طب لو سمحت في مصادر للامتحانات السابقه او مصادر للمذاكرة

[Alrefaey]

طب لو سمحت في مصادر للامتحانات السابقه او مصادر للمذاكرة

كتاب BNF على حد علمى

على فكرة احنا زملة انا صيدلى اعمل فى الرياض

[samady]

السلام عليكم ورحمة الله وبركاته

شوف ياأخ أدريانو بالنسبة لمستشفى حمد ده من أحسن الأماكن اللي ممكن تشتغل فيها هنا في الدوحة أولا هي مستشفى حكومة بالتالي مش هتعاني من تسلط الكفيل والرخامة المعتادة بتاعة الخليج ثانيا الرواتب عالية إن لم تكن اعلى راتب صيدلي في الدوحة يعني مش هتلاقي أحسن من كدة ثالثا عندك أجازة يومين في الأسبوع (حكومة بأة) يعني من الخر تبقى الحاجة دعيالك لو جيت على مستشفى حمد

بس في نفس الوقت دي مش الجنة :) أمال غيه عيوبها واحد مطحنة شغل يعني من أول متحط رجلك في المستشفى لحد متروح بيتكم وانت بتضرب في الخلاط لأن العلاج هنا في الحكومة بالمجان بالتالي أي واحد صباع رجله بيوجعه بيروح حمد عشان يعالج صباعه اتنين بما إنه من أحسن الأماكن بالتالي الأسافين والخوابير :wub: من زمايل الشغل بالعبيط عشان كله عايز يترقى على قفى اللي جمبه تلاتة إدارة المستشفى عارفة إن ده احسن مكان بالتالي محدش بيسمعلك إلا لو عندك شكوى جامدة مينفعش يتسكت عليها يعني من الأخر ربنا يكرمك وتشتغل فيها بس ابقى العب شوية حديد قبل متيجي :unsure:

[adrianocrespo]

شكرا جزيلا دكتور رفاعي

و ايضا للدكتور صمدي

و كل عام و انتم بخير

[adrianocrespo]

بس يا دكتور رفاعي البي ان اف ده صعب جدا

والغريب ان كل واحد اساله يقولي من الكتاب ده

بس مذاكرته صعبه جدا

و انا شخصيا افضل عليه كتاب ليبينكوت

و شكرا