كلام فارغ...

[بنت شعنونة]

ششششش...اسكت ولا كلمة..

و سيبني في حالي.. دا انا صابرة و ساكتة..

...والا اقولك...

سيبني لوحدي شوية

ماتخافش..

ما انا متعودة اكون لوحدي... حاجة مش جديدة عليه..

الوجوه هيه هيه.. والناس زي ما هيه..

بس انا مش انا.. ولا عمري هارجع هيه...

...تعرف...

عندي شعور فظيع بالضياع..

يجوز من كتر ما فيه من اوجاع..

ويجوز بما امر به من اوضاع..

....مش عارفه...!

..تعرف..

ما بقتشي عارفة اي حاجه عني..

كأني انسانه غريبة مني..

... طب اهرب؟؟.. اطلع اجري؟؟

فيه صوت بيصرخ.. بينادي و يقول لي استني..؟!

..استنى؟؟

استنى ليه.. و استنى عشان ايه..

...تعرف..

كنت الجألك باستمرار..

في المشاكل و الأسرار..

قبل اي حد.. حتى نفسي كمان..كنت اسبقها.. واحكيلك اللي صار..

كنت اشعر معاك بالأستقرار.. واتذوق معك متعة الحوار..

كنت حنون..طيب..كنت تحميني من الدنيا..حتى من نفسي ولا احسن الأسوار

..بس........

كل دا راح فين... اختفى؟؟ اتغير؟؟ والا طار؟؟؟؟؟

.....تعرف...

حبك علمني الحياة.... وبعدك علمني الاباء..

عرفت يعني ايه ان الدنيا مجرد اشياء..

بلا حب بلا ارتباط..هه..دي كلها مجرد اهواء..!

انا عارفة اني بحبك.. وها افضل احبك..لحد ما توصل روحي للسماء..

بس...

ما تجرحنيش.. ما تدبحنيش.. ما تخلينش احس ان كل االي بينا مجرد اشياء.

تعرف..

قولتلك الكلام دا مليون مرة..

وكل مرة قول لي دي اخر مرة..

ونرجع تااااااني نعيد نفس الكرّه..؟

...اقولك...

ابعد عني و سيبني لوحدي..

لا انت قد وعدك.. ولا انا قد وعدي..

ها افضل احبك..ما تخافش..حبك هو قدري..

بس عشان خاطري.. انا خسرت نفسي.. ف بلاش انت كمان تخسرني..

.....تعرف.....

_________________

شانا

1-2000

[بنت شعنونة]

قالوا القلب يحب مرة وما يحبش مرتين!

ضحكوا عليتا و "قولبونا" والقلب يحب بدل المرة ميتين..!

لو فاتك حبيبك وباعك.. اوعا تدور عليه وتقول هوا راح فين.

ان ماكانش يجيلك..ويدور على مراسيلك..اديله الطناش المتين

بلا حب ..بلا وجع دماغ..خلينا في الدوغري الأمين..

خبط على الاحباب.. وادخل من الباب.. واطلب الأيدين..

اهو دا الراجل والا بلاش.. راجل كيس فطين..

انما حب وسهر وتلفونات وشغل عيال خايبين!

الزمان بقى غير الزمان.. والبنات مابقوش تافهين..

البنات كبرت..ووعيت.. وعرفت الكتف تؤكل منين..

اوعاك واللف والدوران..خليك في المظبوط والزين..

تخطف قلوب العذارى.. ونزفك ونقولك ياصلاة الزين..

شانا

11-2004

اهداء الى صاحب موضوع الأسئلة في الزواج hg)::

مش عارفا ليه طلعت مني الحروف دي!!؟ B)

تم تعديل 23 نوفمبر 2004 بواسطة بنت شعنونة

[أنـفـــال]

العزيزة شانا...:blink:

مش اي كلام و لا حاجة..

مجرد افكار انطلقت بصوت عال..

جميلة..:blink:

أنفال

[yasovinas]

كلام جميل وله معنى مش كلام فارغ

بس

مممممممم

هل انت مطبقاه على نفسك

يعني

بطلتي تحبي وتتحبي وتبحثي عن الرومانسية

بقيتي عمليه بتدوري على العريس الجاهز اللي خبط على الباب وعايز يشيل ويمشي

قصدي يتجوز ويمشي

[عابر سبيل]

يا سلام يا شانا

والله كلام جدميل وله ألف معني ومعني

وان كان فية كلام فارغ فدة أكيد كلام الناس التانيين

خالص تحياتي لك ...

ولقلمك المبدع

عابر سبيل