اذهب إلى المحتوى
محاورات المصريين

عندي حالة من القرف الشديد

nora

بواسطة nora
في موضوعات شخصية

 مشاركة

Recommended Posts

nora عضو جديد

nora

بتاريخ:
بتاريخ:

عندي حالة من القرف الشديد لا اجد له حل مش عرفة حسة بخنقة مش عرفة اعمل اية مليش نفس لاي حاجة خالص حتى اني اكتب او اعمل اي حاجة بجد بجد مليش نفس لحاجة خالص :( :( :(

733540902_l.gif

717a4sn.gif

رابط هذا التعليق
شارك
freefreer عضو جديد

freefreer

بتاريخ:
بتاريخ:

كم احس بالعجز امام هذه النوعية من المداخلات .. و انا مش قادر اساعد ..

الصبر .. الصبر يا اختاه ..

نحتاج لأن نصنع لوقتنا قيمة و معنى .. أن نبدأ شيئ جديد .. أن نساعد شخصا ما .. أن نتعلم شيئ جديد ..

كل هذا يساعد فى التغلب على الملل و رتابة الحياة ..

فيه طريقة اخرى بس مش حتعجبك .. هاهاهاها

اهاجمك .. و استفزك .. حتلاقى نفسك نسيتى كل حاجة و ظهرت عندك كاقات للرد و و وو

ايه رأيك تجربى موضوع الحرب بين فكيهة و سى السيد .. هاهاهاه

يمكن .. المعجزة تحصل ..

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:

بص من نحيت الاستفزاز انا النهرده اتحطيت في اختبار على قوة التحمل في الشغل فكل الزملاء استفزوني بكل الانواع اثناء الشرح ليهم الي يلعب جيم والي يعاكس زملته والي يلغوش عليا والي يتكلم في الموبيل وقت الحصة ولي يقوم يرقص والي يضربوا كف بكف والي يبوسوا بعض والتنيه تحط روج والي تقولي مس عندك مستيكة حاجة بجد تخلي الواحد يطلع من هدوموا فمش عيزة اسمع كلمة استفزاز مش قدرة بجد بجد معرفتش اشرح كلمه فمش طيقة نفسي هما قصدين يعملوا كده علشان يشوفوا سيطرتي بس كله قال لية اني عصبية وشديده اوي وان الطالبات كده يكرهوني

"وش واحد خلاص هينتحر"

733540902_l.gif

717a4sn.gif

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:

اما بالنسبة للتغير فانا اخدت على عاتقي اني اهتم بطفل صغير الطفل ده يعاني من تأخر في النمو وحسيت انه حاسس بالوحده وحولت اسعده وربنا يقدرني بدات بسأله على برامج اطفال هيتجنن ويجيب افلمها لدرجة اني رحت لاكبر شركة تسجيلات وخلتهم يعملوا بيها طلبية :oops: :oops:

بس ده الجديد الي بعملة

733540902_l.gif

717a4sn.gif

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

اخت نورا:

1- اللهم انى اعوذ بك من الهم و الحزن والعجز و الكسل و غلبة الدين و قهر الرجال.

2- رب اشرح لى صدرى و يسر لى امرى.

3- اللهم انى اشكو اليك ضعف قوتى و قلة حيلتى...

4- لا حول و لا قوة الا بالله

5- اعلم ان اءأمة لو اجتمعت على ان يضروك بشئ لن يضروك الا بما كتب الله عليك.

6- ده اختبار لك بالذات بعد رجوعك من العمرة.

7- السم الذى لا يميتنى.. يزيدنى قوة.

8% ابى رحمه الله كان يذكرنى دائما ان الماس ما هو الا فحم تعرض لضغوط شدىدة.

و فقك الله.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
هشام عبد الوهاب عضو جديد

هشام عبد الوهاب

بتاريخ:
بتاريخ:

الأخت نورا

فهمت انك مدرسة أطفال ( معلش اصلى ماشربتش القهوه النهارده )

ياترى فهمت صح ( وش واحد مش شارب قهوه ومش مركز)

ممكن اعرف ايه هى الأفلام اللى بتدورى عليها يمكن اقدر اساعدك فى مساعدتك للطفل اللى محتاج مساعده ( وش واحد بيتهته ويكرر الكلام)

نرجع لحالة القرف والخنقة .

نصايح ابن النيل جميلة جريبها أو جربى الاتى :

تاخدى نص لمونه وتقرشيها ( لزوم القرف ) وانتى فاتحه الشباك ( لزوم الخنقه )

( وش واحد دمه تقيل قوى)

ممكن تكتبيلنا موضوع جميل عن الطفل اللى اختارتى تساعديه

وسلام هاروح اشرب قهوه وارجع اقرا التخاريف اللى كتبتها

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

نورا

اعملي حاجا جديدة غريبة عليكي

عارفا

انا لما بيحصلي كدا

"على طووووووووووووووووول يعني قصدي :oops: "

باخج اخويا الصغير ونروح نطط انا وهوا في المراجيح

برجع سعيييييييدة جدا

جربي حاجا هبلة

صدقيني ها تفرق

نصيحة عبيطة انا عارفا

بس مؤثرة فيا واللله

"وش محرج"

وانا من البلد ديييييييييييي

رابط هذا التعليق
شارك
حشيش عضو جديد

حشيش

بتاريخ:
بتاريخ:

الأخت العزيزة نورا

كلما مرت بى حالة قرف كالتى تمرين بها الأن أفتح ديوان الشاعرة الرقيقة ( بنت سلامة الأوزعى) وهى شاعرة خليجية معروفة وأقرأ لها قصيدة (فص ملح وداب ياقلبى)...تقول :

فص ملح وداب ياقلبى

بعد ما اتعلقت فيه

جه وقال لى غصب عنى

ونسى قلبى اللى شاريه

سأكتفى بهذا القدر الأن يانورا...فقد غلبتنى دموعى...نلتقى بعد الفاصل

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:
الأخت نورا

فهمت انك مدرسة أطفال ( معلش اصلى ماشربتش القهوه النهارده )

ياترى فهمت صح ( وش واحد مش شارب قهوه ومش مركز)

ممكن اعرف ايه هى الأفلام اللى بتدورى عليها يمكن اقدر اساعدك فى مساعدتك للطفل اللى محتاج مساعده ( وش واحد بيتهته ويكرر الكلام)

نرجع لحالة القرف والخنقة .

نصايح ابن النيل جميلة جريبها أو جربى الاتى :

تاخدى نص لمونه وتقرشيها ( لزوم القرف ) وانتى فاتحه الشباك ( لزوم الخنقه ) 

( وش واحد دمه تقيل قوى)

ممكن تكتبيلنا موضوع جميل عن الطفل اللى اختارتى تساعديه 

وسلام هاروح اشرب قهوه وارجع اقرا التخاريف اللى كتبتها

انا مش مدرسة اطفال بالمرة انا بشتغل في معهد بس مش لاطفال :oops: :oops:

انا عملت بنصحتك واكلت 1000 كيلو لمون ومفيش فيده

733540902_l.gif

717a4sn.gif

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:
اخت نورا:

1- اللهم انى اعوذ بك من الهم و الحزن والعجز و الكسل و غلبة الدين و قهر الرجال.

2- رب اشرح لى صدرى و يسر لى امرى.

3- اللهم انى اشكو اليك ضعف قوتى و قلة حيلتى...

4- لا حول و لا قوة الا بالله

5- اعلم ان الأمة لو اجتمعت على ان يضروك بشئ لن يضروك الا  بما كتب الله عليك.

6- ده اختبار لك بالذات بعد رجوعك من العمرة.

7- السم الذى لا يميتنى.. يزيدنى قوة.

8- ابى رحمه الله كان يذكرنى دائما ان الماس ما هو الا فحم تعرض لضغوط شدىدة.

و فقك الله.

يارب يكون كده فعلا انا بحاول اقرب اكتر وكل محس بالخنقة دي اروح اصلي

733540902_l.gif

717a4sn.gif

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:
نورا

اعملي حاجا جديدة غريبة عليكي

عارفا

انا لما بيحصلي كدا

"على طووووووووووووووووول يعني قصدي :oops: "

باخج اخويا الصغير ونروح نطط انا وهوا في المراجيح

برجع سعيييييييدة جدا

جربي حاجا هبلة

صدقيني ها تفرق

نصيحة عبيطة انا عارفا 

بس مؤثرة فيا واللله

"وش محرج"

عرفة المشكلة اني مليش حد هنا حتى اخويا الصغير الي هو داركر بعيد عني عرفة امبارح قررت اخرج واتصلت بصحبتي الوحيده علشان تيجي معايا لقتها خرجة و في مكان بعيد فكملت اليوم كله لوحدى بتمشي في الاسواق واشتريت حجات لنفسي على الرغم اني مش عيزة حاجة بس اشتريت والسلام ورحت اخر متعبت وزهقت اكتر روحت انا مش من نوع الي بيحب الشوبينج بس قلت اهو اغير بس منفعش هطق

733540902_l.gif

717a4sn.gif

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

صباح الخير يانورا .

طبعا عليكي بالأدعية المذكورة فهي خير من أي نصيحة

ونصيحة تانية أوعي تقعدي لوحدك لما تشعري بالحالة دي أندمجي مع حد يكون مش من الأهل .. يعني زميله أو صديقه وحاولي تتكلمي في أي شيء غير الموضوع سبب الزهق ...

وربنا يفك عن الجميع يارب

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:
الأخت العزيزة نورا

كلما مرت بى حالة قرف كالتى تمرين بها الأن أفتح ديوان الشاعرة الرقيقة ( بنت سلامة الأوزعى) وهى شاعرة خليجية معروفة وأقرأ لها قصيدة (فص ملح وداب ياقلبى)...تقول :

فص ملح وداب ياقلبى

بعد ما اتعلقت فيه

جه وقال لى غصب عنى

ونسى قلبى اللى شاريه

سأكتفى بهذا القدر الأن يانورا...فقد غلبتنى دموعى...نلتقى بعد الفاصل

حشيش بجد بجد بلاش الكلمات دي علشان بتدمرني بجد فقلبي مبيقدرش يستحمل يقراهم

733540902_l.gif

717a4sn.gif

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:
صباح الخير يانورا .

طبعا عليكي بالأدعية المذكورة فهي خير من أي نصيحة

ونصيحة تانية أوعي تقعدي لوحدك لما تشعري بالحالة دي أندمجي مع حد يكون مش من الأهل .. يعني زميله أو صديقه وحاولي تتكلمي في أي شيء غير الموضوع سبب الزهق ...

وربنا يفك عن الجميع يارب

انا بدعى بجد وبصلي ربنا يعديها على خير

733540902_l.gif

717a4sn.gif

رابط هذا التعليق
شارك
ابو يوسف عضو جديد

ابو يوسف

بتاريخ:
بتاريخ:

اختى نورا ...

انا متفهم الحالة التى تعانين منها ... لانى امر بها كثيرا ... و نمر بها جميعا ً

لكن عارفة المثل المصرى الفلكولورى اللى بيقول " من شاف بلوة غيره تهون عليه بلوته ... "

جربى تزورى مستشفى عام و يا حبذا لو كانت للاطفال ...

و شوفى المرضى و سلمى عليهم و ادعيلهم بالشفا ...

و بعدين نتكلم عن حالة الاكتئاب اللى عندك و عندى و عند كتير من الاعضاء ...

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

يا أخواني هذه مشكلة عامة ومنتشرة وليست قاصرة فقط على أختنا نورا .

فحتى الرسول ( ص ) كان يضيق صدره وقد أنزل الله سبحانه وتعالى الحل فى قرآناً يتلا إلى يوم القيام والذي إن إتبعناه وعملنا به فلن نحتاج إلى " بروزاك " ولا أى مهدئات بإذن الله

__tn_%c3%ed%e5.jpg?bc1uzz.AYx8PkOgX

( سورة الحِجر أية 97)

يبقى هنا علاج ضيق الصدر والأكتئاب له 3 حلول :

1- التسبيح وذكر الله ( سبحان الله ، الحمد الله ، الله أكبر ، لا الله إلا الله )

2- السجود ( صلاة النوافل وإطالة السجود )

3- عبادة الله ( بكافة أنواعها زكاة ، مساعدة محتاج ، الصدقة .... إلخ )

بعد كده ستزول هذه الحالة بإذن الله ، لأن هذا وعد الله ولا يخلف الله وعده

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
حشيش عضو جديد

حشيش

بتاريخ:
بتاريخ:

عزيزتى نورا

هناك أيضاً العديد من الأماكن التى يمكنك زيارتها فتذهب عنك حالة القرف التى تعانين منها.....مثلاً معهد الصم والبكم...مصنع السكر بنجع حمادى...السيرك القومى...متحف الشمع...أو حديقة الحيوان بالجيزة...حاولى أن تتعرفى على مشاكل الحيوانات فى الحديقة...إستئذنى من المشرفين هناك للدخول إلى قفص الأسد أو النمر للهو والترفيه عن النفس...إلعبى (أستغمايه) أو (صَلَح) مع الأسد فهو شخصية لطيفة جداً...إضربيه على قفاه وبعدين ارفعى صباعك ونشوف حيعرف مين اللى ضربه ولا لأ...

حشيش

مصحة بهمان للأمراض النفسية

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
crossfield عضو جديد

crossfield

بتاريخ:
بتاريخ:

يا بنتى قلتلك انتى شكلك بسكوتة و رقيقة و متسلكيش مع العالم الطلبة دول ؛ازغريلهم الزغرة و اسكتى و خليكى بااااااااااااااااااااااااااردة و لا تزعقى و لاتتنرفزى و لا دياولو لان ده بيجيب نتيجة عكسية و لو مفيش فايدة هاتى الواحد من قفاه و ارميه برة؛هوه كده تؤخذ الدنيا غلابا :twisted: :twisted:

بس بجد القرف ده عند الكل يا نورا يعنى شوفى توقيعات الأعضاء كده فى المنتدى هتلاقى اللى بيقولك "زهقت..الله يحرق الناس بجاز" و اللى بيقولك " قرفت..." و اللى يقولك "العيشة و اللى عايشينها" و اللى زى حالاتى يقولك "لا تندم" ...حاجة اخر اكتئاب يعنى<؛معلش فترة و تعدى :) .ربنا يفك عنا جميعاً و تبقى توقيعاتنا حاجة

كده فرايحى شوية :)

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:

كروس هذة الحالة ليس لها علاقة بالتدريس انا لسة مبدأتش تدريس بعد لحد دلوقتي باخد كرسات

انا قربت اصل للجنون انا اديلي اكتر من شهر على الحالة دي

733540902_l.gif

717a4sn.gif

رابط هذا التعليق
شارك
Farah عضو جديد

Farah

بتاريخ:
بتاريخ:

سلمتك من حالة القرف

بالاضافه لما قاله الاخوات سابقا

جربي تعملي اشياء مختلفه عن الروتين اليومي

جربي تغيري من الاشياء اللي انتي حس انها مفروضه عليك واللي متقدريش تغيريه حاولي تتآلفي معه

جربي تصحي مع الفجر وانتظري حتي طلوع الشمس في مكان مفتوح

جربي تمش مشوار طويل سواء علي رجليك او بالعربيه من غير هدف

جربي تفضفضي عن السبب لهذا الضيق(لاي شخص ذو ثقه لديك)

ادخلي علي اي موقع فيه نكت وحاولي الضحك المهم خرجي نفسك من هذه الدائره

علي فكره الجماعه في باب دعوة للآبتسام خليلهم الجو في مداخلات انواع النساء 2وشدين حيلهم علي الفاكيهات وربنا يعين crossfield عليهم جربي تسيبك من موضوع القرف ده وابدئي في الهجوم عليهم

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...