اذهب إلى المحتوى
محاورات المصريين

عندي حالة من القرف الشديد

nora

بواسطة nora
في موضوعات شخصية

 مشاركة

Recommended Posts

hope عضو جديد

hope

بتاريخ:
بتاريخ:

انا رأيى يا نورا انك محسودة

الجماعة اللى فى المنتدى خبطوكى عين علشان الشغل الجديد

(وش بيرش ملح فى عيون اعضاء المنتدى )

حاولى تقرى قرآن كتير (خصوصا المعوذتين )وواظبى على أذكار الصباح والمساء

رابط هذا التعليق
شارك
متسائل عضو جديد

متسائل

بتاريخ:
بتاريخ:
عندي حالة من القرف الشديد لا اجد له حل مش عرفة حسة بخنقة مش عرفة اعمل اية مليش نفس لاي حاجة خالص حتى اني اكتب او اعمل اي حاجة بجد بجد مليش نفس لحاجة خالص :(  :(  :(

لمونة واحدة تخلصلك الليلة كلها.

هل غثيانك بسبب وحدتك في الكويت؟

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
Facts researcher عضو جديد

Facts researcher

بتاريخ:
بتاريخ:

الأخت العزيزة نورا ،

من الأشياء التي تعودت عليها دوماً من والدي رحمه الله انه ما ان تأتي إلي حالة كهذه ،

1-فوراً أذهب الى المسجد و أكثر من صالة النوافل و الأدعية (منها الأدعية التي ذكرها اخونا ابن النيل ) .

2- اقرأ القرآن دائماً قبل نومي ،

3- ودائماً لا أنام إلا و أنا على وضوء (ويا حبذا لو كانت هذه عادة دائمة لك و لنا جميعاً ) .

اللهم أرزقني المال الذي أعبدك به، وقني فتنته, اللهم آمين

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:

شكرا ليكم كلكم بجد مش عرفة اقول اية بس بجد انا بعد اصلي اقرى قرآن ارجع واقول الحمد لله على كل شيء

وعموما سأكثر اكتر وسأسمع نصيحتك يا Facts researcher و بجد انا سعيده انك بدأت تخرج من زعلك ربنا يصبرك ويزيل الهم عنا اجمعين

شكرا يا متسائل بس فعلا اعتقد ان ده احد الاسباب

733540902_l.gif

717a4sn.gif

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

--------------------------------------------------------------------------------

الأخت الفاضلة نورا:

زمان كنت فاكر ان امتحان الثانوية العامة و دخول كلية الهندسة هى دى اهم خطوة فى حياتى و بعدين كل حاجة ها تبقى سهلة. و بعدين نفس الكلام ده اعتقدته لما خدت البكالوريس و لما اخذت اول وظيفة و التانية, و التالته.......و العاشرة و لما اخذت فيزة الهجرة ... و لما لقيت فتاة احلامى و لما قامت بالسلامة بعد اول طفل... و لما اشتريت اول شقه.. و اول عربيه...

و لغاية دلوقت عندى الاحساس ده لما افتح ان شاء الله الbusiness بتاعى و لما.... و لما..... و لما...

بس دلوقت غير زمان خالص. زمان كنت باعتقد فعلا ان هاجد الراحة و الحياة السهلة بعد كل خطوة مهمة فى حياتى. دلوقت انا عارف ان الحياة ماهى الا سلسلة من الخطوات (او الأهداف او العوائق) اول ما بنخلص خطوة بنكون بنأخذ الخطوة التانية. المهم ان احنا نكون بنخطو فى الطريق السليم و نفرح لكل خطوة اتممناها و نتفاءل بكل خطوة جديدة و نصبر على آلامها حتى نجتازها و نحمد الله عند تمامها و نعد انفسنا للخطوة التالية.

انا شفت فيلم امريكى فى اوائل التسعينات (من القرن الماضى... وش واحد عجوز) اسمه Working Girl . الفيلم بيحكى قصة سكرتيرة ذكية و طموحة تنتهى بعد صراعات عديدة بتعينها فى مركز مرموق بسكرتيرة شخصية فى مكتب فاخر يقع فى احدى ناطحات السحاب فى نيو يورك. الفيلم ينتهى بلقطة من شباك مكتبها من الخارج ثم تاخذ الكاميرا بالأبتعاد zoom out تدريجيا الى ان تصبح النافذة مجرد واحدة من ضمن آلاف النوافذ بينما هى على التيليفون تزف لصديقتها قصة نجاحها. انا اعتقد ان المخرج كان عايز يقول ان و صولها للمركز ده هو مجرد خطوة.. و ان امامها الكثير من الخطوات و الصراعات لتصل الى النجاح لمطلق.

فى النهاية ارشح الموضوعين التاليين لقراءتك:

http://www.egyptiantalks.org/bforums/viewt...p?p=78331#78331

http://www.egyptiantalks.org/bforums/viewt...opic.php?t=6441

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
متسائل عضو جديد

متسائل

بتاريخ:
بتاريخ:

فيلم إيه و بتاع إيه يا أخ بن نيل؟

يا ست اسمعي كلامي..

أدخلي الحمام.. إقفليه.. دبي صباعك في زورك للآخر و كله هيبقى تمام.

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
إبن مصر عضو جديد

إبن مصر

بتاريخ:
بتاريخ:
عزيزتى نورا

هناك أيضاً العديد من الأماكن التى يمكنك زيارتها فتذهب عنك حالة القرف التى تعانين منها.....مثلاً معهد الصم والبكم...مصنع السكر بنجع حمادى...السيرك القومى...متحف الشمع...أو حديقة الحيوان بالجيزة...حاولى أن تتعرفى على مشاكل الحيوانات فى الحديقة...إستئذنى من المشرفين هناك للدخول إلى قفص الأسد أو النمر للهو والترفيه عن النفس...إلعبى (أستغمايه) أو (صَلَح) مع الأسد فهو شخصية لطيفة جداً...إضربيه على قفاه وبعدين ارفعى صباعك ونشوف حيعرف مين اللى ضربه ولا لأ...

حشيش

مصحة بهمان للأمراض النفسية

مش ممكن يا حشيش .. مش ممكن ( وش واحد بيموت من سكته قلبيه من كتر الضحك )

المهم ..

يا نورا يا بنتى .....الحل اخونا فاكت اجاب بالحل الوحيد لحاله ضيق القلب ...

الا بذكر الله تطمئن القلوب..

ابن مصر

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:

بجد والله انتم ضحكتوني معدتش قدرة بس انا مقصدتش ان انا قرفانه اني عيزة احط صباعي في زوري ولا عيزة لمون ولا اي حاجة خالص

اخص عليكم بقى دي اخرتها طيب ( وش وحده بتفكر ليكم في حتت مقلب)

733540902_l.gif

717a4sn.gif

رابط هذا التعليق
شارك
  • بعد 5 سنة...
الباشمهندس ياسر عضو جديد

الباشمهندس ياسر

بتاريخ:
بتاريخ:

لما ببقى فى مصر و تجيلى الحالة دى

باخد بعضى و اطلع ع النيل عدل

من غير اى نقاش

انما وانا بره بقوم متصل بحد م الحبايب

او اطلع اقعد ف الصحرا مع نفسى شويه

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
bodibodibodi عضو جديد

bodibodibodi

بتاريخ:
بتاريخ:

بصى يا ست الكل .

جربى الى هاقولك علية دة ومش هاتندمى ا شاء الله وهاتدعيلى .

خشى اوضة لوحدك .

غمضى عينيكى .

خدى نفس بعمق حتى تشعرى ان الهواء ملىء رئتيك عن اخرها .

حافظى على هذا الهواء داخل رئتيك لمدة عدتتين او ثلاث عدات 1 2 3 .

اخرجى هذا الهواء ببطىء شديد قدر ماتتحملى .

افعلى هذا مرتين او ثلاث . ثم اطلقى لاحلامك العنان . اجعلى روحك تسبح فى ماتحبين او ما تتمنين . كا من يمشى على البحر وقت الغروب او الفجر وحسى بدفىء الشمس وهى تلمس خديك وبعبير البحر ورائحتة واستشعرى حبات الرمال تحت قدميك . وابحثى داخل نفسك عن سبب معين لهذة الحالة وسوف تعطيك السبب الحقيقى لحالتك هذة وعنئذ ستعرفين ما المشكلة تحديدا وتقضين عليها بالمرة ولن تاتيك مرة اخرى ان شاء الله .

واخرجى من هذة الحالة بعد ذلك بالتنفسات ذاتها وقدراتك اعلى وثقتك فى نفسك اكبر وتوكلى على الله الحنان المنان بلا حدود وانظرى للدنيا وكانك ترينها لاول مرة .

هذة جلسة استرخاء مصغرة . شكرا وربنا معاكى

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

ومين سمعك يا نورا انا قرفانة اكتر منك و زهقانة اكتر منك و لية لا انتى لو فتحتى التليفزيون على قناة الجزيرة ولا الساعة هتتقرفى و تتصدمى ولو قلبتى على اى قناةتانية برضة هتتقرفى اية فى البلد دى ما عدتش تقرف حياتنا كلها تقرف من اول النهار اللى الليل لكن هنعمل اية نموت نفسنا ولا نطق ولا نروح نمرض لازم نعيش

حطى فى دماغك انك لازم تعيشى الانسان اللى بيخلق التعاسة بايدة و بيخلق السعادة بايدة لو صحيتى الصبح من نومك عايزة نكد هتجيبة من تحت الارض

لو عايزة فرح هتعرفى تعيشية انتى اسالى نفسك السبب الحقيقى للقرف اكيد فية سبب خفى غير اللى انتى بتقولية وانتى مش حاسة

نصيحتى عيشى قصة حب الحب لوحدة اللى بيحلى دنيتنا

الحب وحدة اللى بتشوفى فية الوحش حلو

الحب وحدة اللى طعم اى حاجة حتى لو مر بيكون مسكر

الحب وحدة اللى بيقوى و يخليكى انك بنى ادامة عايشة لحد تانى غيرك

عيشى الحب و اخلقية حواليكى هتشوفى الدنيا كلها طعم تانى وحاجة تانية

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:

يا جماعة الخير

الموضوع من 2003

يعنى نور زمانها نسيت اصلا

انا حبيت ارفعه عشان اعرف الناس ع المواضيع القديمة

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
لمى ksa عضو جديد

لمى ksa

بتاريخ:
بتاريخ: (معدل)

يارب يشرح صدرك حبيبة قلبي

مريت بنفس حالتك ، دايما لما تضايقي صلي ركعتين حاولي تقرائي سورة البقرة ولاحظي الفرق

انصحك تقرائي كتاب the secret

تفائلي :roseop:

حتى لو كان قدييييييييم حالات الضيق والاكتئاب زادت واكيد في ناس محتاجه نصيحة

تم تعديل بواسطة لمى ksa
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...