محتاجة مشورتكم ابني ولا ابيع

[moon star]

السلام عليكم ورحمة الله

الحقيقة كلامكم عن أسعار العقارات وانها غالية دلوقتي اوي ويمكن حتى لو زادت شوية السنة الجاية ، قيمة الجنية الفعلية ح تقل يعني اللي بيشتري دلوقتي عقار بيشتري غالى و في المجمل على المدى بيخسر واكبر دليل ان اسعار الاراضي يا ثبتت من السنة اللي فاتت يا قلت كمان عن السنة اللي فاتت.

وانا الحقيقة واقعة في مشكلة كبيرة عندي ارض فاضلها مهلة سنة تقريبا تفتكرو ابنيها حتى ولو (بدروم او بدرون )مش عارفة واول عشان ماتتسحبش وخاصة ان في كلام ان سعر الحديد حيقل شوية وبعدين افكرحين ميسره ابيعها ولا خليها على كده ولا ابيعا بخسارة وخلاص ارجوكم اللي عنده فكره يساعدني بيها وجزاكم الله كل خير

[moon star]

ياااا خبراء المحاوراتتتتتتت افيدوني افادكم الله

[عاشق]

تحياتي

سؤال بصراحة محير

بس بجد رأي أنا انك تبتدي بناء فورا

انا تقريبا كنت فاكر ان الاسعار ستقف بمصر لان السوق وصل حد الاشباع واصبح المعروض من الشقق اكثر من الطلب ولكن فؤجئت بزيارتي الاخيرة بشي كنت اجهله

ان الناس معاها فلوس ومش اي فلوس فعلا الشعب المصري فيه طبقه منه بقت مالكة لمبالغ طائلة

وان الاستثمار الحقيقي والوحيد بمصر هو الاراضي والشقق

لسبب

ان التضخم بمصر في حدود 25% وان الفائدة من البنك في حدود 10%

يعنى تقريبا سنويا الي حاطط فلوسة بالبنك يخسر حوالي 15% سنويا

يعنى الى حاطط 100 الف جنيه بعد سنه قوتهم الشرائية حوالي 85 الف جنيه بس

وعشان كده الجميع توجه للشقق والاراضي

فعلا بقت اسعارها مبالغ فيها وبصراحة متسويش بس بالرغم من كده في تسابق على الشراء بغرض الاستثمار

المهم خلاصة الكلام

لو معاكي فلوس احسن حل استثمريها في البناء

لان لو في فلوس وحطيتها بالبنك هتخسر والحل هو الدخول في موضوع البناء

انا عارف الاسعار نار

بس لو نوية تبنى وتبيعي الشقق تبقى العملية هي هي

لان الي هتصرفية في البناء هيرجع تاني من بيع تلك الشقق ان لم يكن اكثر

اردت فقط ان اعطي نصحتي لان بجد في تسابق محموم بمصر الان

عشان موضوع الشقق والاستثمار فيها

مع تحياتي وتقبلي مروري

[moon star]

اشكرك يا عاشق على المرور و الرد لاني فعلا محتاجة اراكم لان فعلا الموضوع مش سهل في ظل ارتفاع الاسعار الخزعبلي في مواد البناء ، بس انا لو كنت ح بيع ما اعتقدش اني ح حط الفلوس في البنك انا كنت ح اشتري بيها اي حاجة تانية زي شقة مثلا حاجة جاهزة والسلام..

اللي مخليني متردده هو جمود البيع في الاراضي ووقفان السوق...

بس هي شكلها ح يرسي على مباني اساسات على الاقل لغاية ما يستقر الوضع.

بشكر مرورك ومشاركتك جدا وجزاك الله كل خير .. تحياتي

[عاشق]

اشكرك يا عاشق على المرور و الرد لاني فعلا محتاجة اراكم لان فعلا الموضوع مش سهل في ظل ارتفاع الاسعار الخزعبلي في مواد البناء ، بس انا لو كنت ح بيع ما اعتقدش اني ح حط الفلوس في البنك انا كنت ح اشتري بيها اي حاجة تانية زي شقة مثلا حاجة جاهزة والسلام..

اللي مخليني متردده هو جمود البيع في الاراضي ووقفان السوق...

بس هي شكلها ح يرسي على مباني اساسات على الاقل لغاية ما يستقر الوضع.

بشكر مرورك ومشاركتك جدا وجزاك الله كل خير .. تحياتي

اتشجعي وابتدي بالبناء

محدش اليوم يبيع ارض عشان يشتري شقة

على فكرة هي الارض نظام قرعة ولا ايع

على العموم هو تعب طبعا بس استثمار انشاء الله كويس

مع تحياتي

وبالتوفيق

[moon star]

الارض يا عاشق الحقيقة تخصيص قديم مش قرعة ...

وربنا يسهل ونبدا معركةالبناء لانه فعلا معركة دعواتكم... وتقبل تحياتي

[قديم]

انا لو منك بنيتها بدون بدروم . لان تكلفه البدروم في ظل ارتفاع الحديد اصبحت غاليـه كثيــر كثير

وبالتالي عائدها قليل نسبه الي تكلفتها . ..

هناك فرق بين المستثمر . وبين المستهلك . فاللي يبني عشان يسكن لايجب ان ينظر الي اسعار . فالثمن سواء شقه اوحديد بعد ماتسكن بسنه وسنتين حتي لو رخص الحديد او الاسمنت . فانت سكنت وفارق السعر في ثمن الحديد عباره عن قيمه الاجــره المدفوعـه لو كنت مستاحر البيت او الشقه

ثانيا . ليس مضمون ان الحديد يرخص .,؟؟ ممكن يتوفر بالاسواق فقط ويحافظ على سعـره في السوق .والنزول ممكن يكون بعد سنتين

ثالثا ( نصيحـه اخــويه .. مافي اي انسان اعرفـه اشتري بيت او ارض او فيلا او شقه . وندم على الشراء . اكثر من يندم اللي يبيـع )

دعواتنا لكم بالتوفيق .

[moon star]

اشكرك قديم على المشاركة وفعلا معاك حق لو بدانا بالارضي وفرنا البدروم والحديد بتاعة و هو كدة كدة استخداماتة مش اوي وتمنة

كتكلفة اعلى من تمن استسماره او مش جايب همه يعني..

مرسي اوي على الافكار وروح الاخوه دية .. تحياتي

[عاشق]

على فكرة اعتقد ان موضوع البدروم ده مش اختياري

هذه من ضمن اشتراطات البناء

ارجو الانتباه :closedeyes:

[moon star]

والله ممكن برده يكون بناء البدروم ضروري خاصة ان الرخصة فيها موضوع البدروم ده :closedeyes:

[se_ Elsyed]

على فكرة اعتقد ان موضوع البدروم ده مش اختياري

هذه من ضمن اشتراطات البناء

ارجو الانتباه

البدروم والروف أدوار إختيارية في البناء بجميع أشكاله وجميع المناطق ...

[عاشق]

على فكرة اعتقد ان موضوع البدروم ده مش اختياري

هذه من ضمن اشتراطات البناء

ارجو الانتباه

البدروم والروف أدوار إختيارية في البناء بجميع أشكاله وجميع المناطق ...

الاخ سي السيد

الموضوع مش بالبساطة دي .........!

هناك شروط للبناء

وعلى سبيل المثال يجب ان يكون بدروم وعدد 4 ادوار متكرر (بحد اقصى لارتفاع المبنى بالمتر)

الروف يسمح ببناء غرفة او اثنين فقط

السماح بالبناء في بعض المدن على 50% او 40 % فقط من مساحة الارض

الارتدادات للبناء امام حوالي 5 امتار والجوانب حوالي 4 امتار والخلف 4 امتار

البروز للبلكونات يمكن يوصل المساحة الى حوالى 60% من البناء

كل هذه اشتراطات

ده طبعا الي انا ما زلت فكره حتى الان

ولمراجعة الموضوع ارجو الاطلاع على موقع المجتمعات العمرانية الجديدة وموقع وزارة الاسكان

وتقبلوا تحياتي