الزوجة النكدية

[غادة]

سيداتى سادتى 0000 نحييكم ونقدم لكم نشرة الاخبار الزوجيه

((للزوجه النكديه))

العناوين الرئيسيه

1- المشاكل الزوجيه مع طلوع فجر كل يوم :shock:

2- الزوجه النكديه تستمتع بالنكد امام اطفالها وجيرانها

3-اهتمام وسائل الاعلام السكانيه والاسريه ومحاولة فض الاشتباكات :oops:

الانباء بالتفصيل

نجحت الزوجه النكديه فى تنغيص حياة زوجها بارسال عواصف

من الكلام اللاذع والتانيب والتحكم فى كل فى كبيره وصغيره*

هذا وقد اكد مسؤل كبير من الجيران ان صوتها العالى تراءى اليهم

بوضوح وهى تسعى جاهده لاشباع رغبتها النكديه ثم تحس بالاتنصار

فضلا عن انها لاتهتم بوجود الاطفال او نصيحه الجيران لها

فيضطر الزوج الى الهروب خارج البيت بحثا عن هدوء البال00000

وعلى صعيد اخر وافانا مندوبنا من الاسره ان هذه الزوجه يحلو لها النكد فى جميع الاوقات والعطلات الصيفيه

والرحلات الاسبوعيه وتبدأها منذ الصبح الباكر حتى الساعات الاولى من الليل .

درجات الحراره

وعن الطقس داخل المنزل النكدى فهو تقريبا ملبد بالغيوم والعواصف

مما يجعل الحياه شبه مستحيله

واليكم درجات الحراره:

العظمى : داخل المنزل 0000 تحت الصفر وعلى ضوء هذه الدرجة

يتجمد الحب تماما

الصغرى :150 درجه خارج المنزل وهذه درجه مناسبه تجعل الزوج معتدل المزاج وهو بالخارج.

النبأ الاخير:

سيدتى الشابه 000 استقرار الحياه الزوجيه ليس لغزا صعبا

فأنتٍ الوحيده التى تستطعين ادراك الامور * ببساطه حاولى ان تكسبى

زوجك دائما 000 وفرى له الجو الهادئ قدر المستطاع

وحاولى امتصاص غضبه

ولا تكون البادئه فى الشجار واعلمى ان النكد يسبب خمولا عاطفيا

ثم يؤدى الى ضمور فى الحب 0000 قدمى له مستندات حبك

قال تعالى ( ومن اياته أن خلق لكم من انفسكم ازواجا لتسكنوا إليها

وجعل بينكم مودة ورحمة))

[هشام عبد الوهاب]

الأخت غادة

عندك حق ، فعلا الزوجة هى من يتحكم فى الحالة النفسية للأسرة

بنسبة كبيرة جداااااااااااااااااااااا. تقريبا 99.99%

[ragab2]

كتب هشام عبد الوهاب

الأخت غادة 

عندك حق ، فعلا الزوجة هى من يتحكم فى الحالة النفسية للأسرة 

بنسبة كبيرة جداااااااااااااااااااااا. تقريبا 99.99%

ومنها

نكدية ..أو زربونية .. أو عكنونية

[غادة]

اشكرك اخى هشام واخى ragab2 على تواصلكم

اساس السعاده الزوجيه بيكون منها جزء كبير جداا على الزوجه

مثل طريقة تعملها معى زوجها وحل اى مشكله توجهها وامتصصها انفعلات زوجها

مع تحياتى

[shakoosh]

لأخت غادة .. أنا ملاحظ أن فى معظم كتاباتك أنك متحاملة على المرأة بطريقة تدعو إلى الإندهاش و أحيانا المبالغة ..خاصة إذا كان من جانب إمرأة.,. لدرجة أننى بدأت أن أشك فى أن الأخت غادة ما هى إلا الأخ غادة...الإعتدال و الموضوعية واجب .. الرجال ليسوا ملائكة..و النساء لسن عبيد !!!

[غادة]

اخى shakoosh

لأخت غادة .. أنا ملاحظ أن فى معظم كتاباتك أنك متحاملة على المرأة بطريقة تدعو إلى الإندهاش و أحيانا المبالغة ..خاصة إذا كان من جانب إمرأة.,. لدرجة أننى بدأت أن أشك فى أن الأخت غادة ما هى إلا الأخ غادة...الإعتدال و الموضوعية واجب .. الرجال ليسوا ملائكة..و النساء لسن عبيد !!!

اخى

مش معنى انى امرأه انى اخد جانب النساء على طول الخط

و الشئ العجيب ان الواحد لما يقول الحق فى الزمان ده الكل يستنكر

هات كده اى جمله من مواضيع تقول ان الرجال كلهم ملائكه والنساء عبيد

عموما انا مش شايفه مبرر اكون انا ولد واعمل انى بنت

وش مستغرب

[الطفشان]

يا اخت غادة

الاخ شاكوش لا يقصد الهجوم عليكي

و لكن فعلا رأى اشياء غير مألوف ان تصدر من أمرأة

مثلا : "الزوجة النكدية" (هذا الموضوع)

او نقلك لقول المغيرة بن شعبة في التعدد

http://www.egyptiantalks.org/bforums/viewt...t=1637&start=45

فهناك مجال للاستغراب فعلا

[غادة]

هو حرام الواحد يقول الحق

فيها ايه لما انا اقول ((الزوجة النكديه )) وأنا امرأة مفيهاش أي شئ يدعى للاستغراب

لأني بحب أكون مع الحق انا مقلتش أن كل الستات وحشين ولا كل الرجالة حلوين

أنا بقول اللي بيحصل (اكتر حالات طلاق)) و ((الخلافات الزوجية)) معظمها مش كلها بتكون بسبب الزوجة واكترها بأسباب تكون تفها

يعنى مثلا الزوج يرجع من الشغل ويدخل ينام من التعب الزوجة تبدا تشتغله أنت هت نام وتسبني أنا قعده لو حدي طول النهار وجي تنام ولو قعد معها رحت فين وكلمت مين وزى تقول لفلان كده وزى تروح لممتك من غير متقول وووووووووووووو

مش ده اللى بيحصل ياجماعه ولا انا غلطانه

انا امرأه ومفيش اى حاجه تخلينى اكذب واكون ولد واعمل نفسى بنت على راى الاخ شكوشه انا عارفه انى ضد المرأه فى حجات كتير وكتير مستغربين منى بس انا هسال سؤا ل؟

هل انا كذبت على المرأه وقلت حاجه مش فيها ؟؟

المرأه بطلب المساواه بين الرجل والمرأه وانا بغلطها وقول ملكيش حق

المرأه عايزه تنزل تشتغل وانا بقولها فيدته ايه هتقول عشان مقعدش لوحدى فى البيت الافضل لها انها تقعد فى البت تهتم بعيلها

معندهاش عيال تهتم بترويق بتها وتغير شكله خلصت ترويق تقعد تنتظر زوجها انا قلت حاجه غلط يجماعه

المشكله ان الى بيقول الحق فى الزمن ده ناس كتير بتنتقده

مع تحياتى

[farasha79]

كنت في زياره لاحدى الصديقات من فتره شوفوا النكد و الكأبه و الملل اللي حاسيت فيه لما كنت عندها ليه ده كله علشان الاخت قرأت الفنجان عند واحده و قالتلها ان زوجها بيكلم غيرها؟؟؟؟؟؟؟؟؟؟؟؟؟؟؟

بجد بجد انا صدعت و حاسيت بملل و صداع و كل حاجه ... يعني عاوزه نكد بأي شكل مع انه مشالله موفر كل حاجه و بيعاملها احسن معاملة؟؟؟؟؟؟؟؟؟؟ ليه النكد بقى و الشك القاتل اللي بيطفش الرجاله من بيوتهم مع انها ما مسكتشي اي حاجه مادية عليه...

انا بقول ده غبيه و هتنكد على بيتها و زوجها

هل انا لما اتجوز هعمل كده بدون ما احس ....؟؟؟؟

ربنا يستر و يبعد النكد عننا..امين