بذاءة فتاة تقول أنها إبنة عميد شرطة

[alnoobi]

لو البنت اللي في الكليب دة بتتكلم جد و ما بتهوشش (لو فعلاً بنت عميد شرطة) يبقى إحنا فعلاً في منتهى الحاجة لأن ربنا يلطف بينا ... ربنا يستر !!

خدوا بالكم من البنت .. ما عليكم من ملابسها اللي ما هياش بأي حال ملابس واحدة بنت ناس .. خدوا بالكم من حوارها :

ــ أيوة يا بابا إنت فين ؟ .. إبعت لي ظابط و عربية شرطة حالاً على شارع فيصل (بسلامتها بتكلم كنتاكي فرع لاظوغلي)

و لا أستثني الشاب (الطرف الآخر من المشكلة) هو أيضاُ تصرف بسفالة !

و أعتذر عن كثير من الألفاظ الواردة في الكليب .

******

حذف الرابط لوجود ألفاظ خارجة لا نسمح بنشرها

سي السيد

الإدارة

[عصام]

أنا بس اللى لفت نظرى ان اللى كان بيصور .. آخر اهتماماته هو كلام حضرتك ...

واضح انه كان بيصور البنت ليس إلا

[alnoobi]

أنا بس اللى لفت نظرى ان اللى كان بيصور .. آخر اهتماماته هو كلام حضرتك ...

واضح انه كان بيصور البنت ليس إلا

لأ و إيه ... موش كل البنت !

[se_ Elsyed]

السفالة وقلة الأدب ليست مرتبطة بمركز أدبي او علمي .. ولكنها مرتبطة بالبيئة ... والبت دي ما تربيتش نص ساعة في حياتها

وكان صعب علينا أن نترك هذا الرابط لما يحويه من ألفاظ قذرة تخرج من إنسانة أقذر

لكن لي تعليق صغير على الجُملة دي

ــ أيوة يا بابا إنت فين ؟ .. إبعت لي ظابط و عربية شرطة حالاً على شارع فيصل (بسلامتها بتكلم كنتاكي فرع لاظوغلي)

بيحصل حضرتك ولو طلع أبوها عميد أو بلاش كده إستغفر الله العظيم .. لو طلع أبوها امين شُرطة سافل ... كان صاحبنا بتاع الكورولا هايتعلق من رموشه ومش بعيد كان باع العربية واللي قدامه واللي وراه عشان يرضي سيادة اللوا الامين وبنته السافلة

حضرتك أنا ساكن جنبي في مصر واحد عميد شُرطة ومسخر جميع إمكانيات الدولة لحسابة

من طقم عساكر مرابطين أمام الفيلا إنتظاراً لإشارة من صوابعة

إلى العربيات الميري ( البوكس الكحلي ... آه والله ) اللي شغال بالنفر لسعادته ولقرايب سعادتة ... لدرجة باموت على نفسي من الضحك لما ألاقي ضيوف جايين لسعادته وبدل ما يهلكوا عربياتهم ويمونوا بنزين 92 من أتنين جيني إلا ربع .. لأ إزاي ... نبعت لهم البوكس يجيبهم بلوشي على حساب الشعب المصري .. وبيبقى منظرهم تحفة وهما نازلين من البوكس وناقص بس يكلبشهم أو يلبسهم البدلة الزرقا بتاعت المساجين

مساء القشطة

[قديم]

هو دائما الخطا والفوضي تحل نفسها فلااعتقد ان كل ما صدر من الفتاه تصرف خاطئ لالا .؟؟

هناك طرف اخــر في المشكله يستحق العقوبــه .. ويستحق اكثر من ذلك . ولكن قوه الفتاه وسلطتها غطت علي غلطت الشاب . ودائما الناس ببتعاطف مع الضعيف وتقف ضد القــوي ومن يفرض عضلاته حتي ولو كان على حق

استغلال الفتاه لنفوذ والدها وسلطته هو الي يجعل التصرف غير مقبول

هذا ماتقوله الفتاه

ابعث لي ضابط شرطه في شارع فيصــل دي الوقتي

خبطت للو العربيه بتاعته واديتله الفلوس واقف بيبطلج عليا بالشارع

ثم كررت كلامها للشاب .مش اديتلك الفلوس بتاعتك.عايز ايه تاني ..تضربني ...؟؟

لو لم تكن الفتاه بهذه القـوه هيكون موقفها ايه امام مثل هذا الشاب ..؟؟

عن نفسي ابرر تصرف الفتاه لان قانون الغاب هو الذيء يحكم المرور في الشارع

[عصام]

وكان صعب علينا أن نترك هذا الرابط لما يحويه من ألفاظ قذرة تخرج من إنسانة أقذر

يمكن اللى اتسبب فى إنى ألاحظ موضوع التصوير دا ..

إنى ما عنديش سماعات

وأكيد هو نفس السبب اللى اتسبب فى انى ما حذفتش الرابط

[se_ Elsyed]

يمكن اللى اتسبب فى إنى ألاحظ موضوع التصوير دا ..

إنى ما عنديش سماعات

آه

قولت لي

يعني إنت بتدخل الفيلم عشان المناظر مش القصة ؟

طب قابلني ورا باب المُشرفين أما أركب لك سماعات واكولايزر كمان

فُرصة ازمبق عصام واجيب له خصم 3 أيام

[alnoobi]

أعتذر للجميع عن الرابط ..

و الله ما قصدت إلا أن يرى الناس ما وصلنا إليه .

اللهم لا تؤاخذنا بما فعل السفهاء منا .

[~Heba~]

أعتذر

للجميع عن الرابط ..و الله ما قصدت إلا أن يرى الناس ما وصلنا إليه

.اللهم لا تؤاخذنا بما فعل السفهاء منا .

حسبى الله و نعم الوكيل

مفيش حتى رجل دمه حامى يديها قلم على وشها لما تجرأت على الله

و انت يا عصام عينك ما شاء الله بتجيب الطايرة

يا اخى لو كان عندك سماعات كنت سمعت اللى بيصور بيقول استغفر الله العظيم لما هى تجرأت على الله

فيه حاجات مش واضحة فى الفيديو بالنسبة لى

لما هى معاها عصا صعق مستخدمتهاش ليه

و العصا دى بيقولوا ممنوعه قانونا حيث كده هى مش بتتوزع على رجال الشرطة لانها ممنوعه

يبقى والدها على فرضا انه اداها لها حيكون جابها منين

على فكرة لبس البنت عادى جدا بالنسبة لتربيتها و الالفاظ اللى نطقتها...متستغربوش يعنى

كمان حاجة

بستغرب ان البنت محاولتش تمنع اللى صورها كانها مبسوطة بالتصوير!!!!

البنت شكلها كانت مارة بأزمة نفسية و الخناقة اللى حصلت خلتها تنفجر لانه واضح اللى بتعمله دا ميعملوش شخص طبيعى

[~Heba~]

السفالة وقلة الأدب ليست مرتبطة بمركز أدبي او علمي .. ولكنها مرتبطة بالبيئة ... والبت دي ما تربيتش نص ساعة في حياتها

وكان صعب علينا أن نترك هذا الرابط لما يحويه من ألفاظ قذرة تخرج من إنسانة أقذر

لكن لي تعليق صغير على الجُملة دي

ــ أيوة يا بابا إنت فين ؟ .. إبعت لي ظابط و عربية شرطة حالاً على شارع فيصل (بسلامتها بتكلم كنتاكي فرع لاظوغلي)

بيحصل حضرتك ولو طلع أبوها عميد أو بلاش كده إستغفر الله العظيم .. لو طلع أبوها امين شُرطة سافل ... كان صاحبنا بتاع الكورولا هايتعلق من رموشه ومش بعيد كان باع العربية واللي قدامه واللي وراه عشان يرضي سيادة اللوا الامين وبنته السافلة

حضرتك أنا ساكن جنبي في مصر واحد عميد شُرطة ومسخر جميع إمكانيات الدولة لحسابة

من طقم عساكر مرابطين أمام الفيلا إنتظاراً لإشارة من صوابعة

إلى العربيات الميري ( البوكس الكحلي ... آه والله ) اللي شغال بالنفر لسعادته ولقرايب سعادتة ... لدرجة باموت على نفسي من الضحك لما ألاقي ضيوف جايين لسعادته وبدل ما يهلكوا عربياتهم ويمونوا بنزين 92 من أتنين جيني إلا ربع .. لأ إزاي ... نبعت لهم البوكس يجيبهم بلوشي على حساب الشعب المصري .. وبيبقى منظرهم تحفة وهما نازلين من البوكس وناقص بس يكلبشهم أو يلبسهم البدلة الزرقا بتاعت المساجين

مساء القشطة

سين سين

مقلتلناش عملت ايه للراجل ده

مش من حقك و انت واحد من الشعب تتصرف تصرف حاسم تجاهه

انا مثلا لو رحت و رفعت قضية على الراجل ده و على البنت دى تفتكر القضاء ينصفنى

الخلاصة ايه التصرف المباشر مع هذا الرجل و امثاله...و مع اولادهم لو استغلوا مناصب ابائهم

عشان الدعا عليهم مش كفاية

[abaomar]

السلام عليكم

الاخوه الكرام جزاكم الله خيرا

اختى هبه (بالمناسبه اختى فعلا اسمها هبه )

لقد لخصتى اخطر ما فى الموضوع (مفيش حتى رجل دمه حامى يديها قلم على وشها لما تجرأت على الله)

بدون الدخول فى تفاصيل ان مظهر البنت و سلوكها ينبئ على اصلها سواء كانت ابنه عميد او ....

لقد تطاولت على الذات الالهيه فى شارع عام ووسط النهار و امام الناس هكذا بكل بساطه و تم تسجيل ذلك و يراه الملايين الان فماذا فاعله الحكومه المصريه او الامن ........

تخيلوا لو انها قامت بسب حسنى مبارك او حتى العادلى ماذا سيفعلون بها.

اللهم لا حول و لا قوه الا بك .

اللهم اليك نشكو ضعف قوتنا و قله حيلتنا .

[iloveegypt]

بصراحة بعد ما شفت المخرة دى والتطاول على الله سبحانه وتعالى يا ريت حد من المسئولين يدخل وخصوصا رقم السيارة موجود على موقع وائل عباس(اشهر مدونى مصر)

بس للامانة فى حد نهر البنت وقالها هوانتى مسلمة ولا كافرة واظنه المصور

[Senior]

لأ و اللى يغيظك أكتر بجد شوف كام واحد واقف و كلهم بسم الله ما شاء الله رجالة بشنبات و كل شنب فيهم اتخن من التانى و محدش قدر يفتح بقه معاها و لا يبم و لا حتى يقول لها عيب الكلام ده ياماما و لا حتى ياخدو العصاية الكهربا اللى معاها و يدوها على دماعها بيها ده بالعكس ده كانو البهوات بيهدوا فيها ههههههههههههههههههههههههه و الله عيب بجد هم يبكى و هم يضحك ربنا يسترها علينا اما عيله مالهاش اى لازمه زى كده قليلة الرباية تقف تعمل كده فى الشارع و الأتخن من كده ان هيا تسب ربنا استغفر الله العظيم يارب و مافيش ولا شنب من الشنبات اللى فى الشارع يتحرك ربنا يلطف بينا

[Virus]

مش قادر أحكم على الموضوع ده إلا لما يتأكد إنها بنت ضابط لأن الموضع مجرد استنتاج من وائل أو من مصور الفيديو عشان قالت ابعتلي ظابط وعربية وممكن تكون كل دي حركات !!

أصله بصراحة لو بنت ضابط مكنتش هتدفعله أي فلوس ولو هرست عربيته حتى...

آدينا هنشوف..وياخبر بفلوس

[Senior]

مش قادر أحكم على الموضوع ده إلا لما يتأكد إنها بنت ضابط لأن الموضع مجرد استنتاج من وائل أو من مصور الفيديو عشان قالت ابعتلي ظابط وعربية وممكن تكون كل دي حركات !!

أصله بصراحة لو بنت ضابط مكنتش هتدفعله أي فلوس ولو هرست عربيته حتى...

آدينا هنشوف..وياخبر بفلوس

مهو لو سمعت الكليب كويس البنت بتقول له انا ابويا عميد فى مديرية امن الجيزة

[Sherief AbdelWahab]

لنكن أهدأ..

لنضع جانباً تصرفات الهانم المتشربية على جنب ، مع تسليمي بأن ما تفوهت به يعكس حالة حقيقية من اللامبالاة -إن لم يكن يصل لدرجة أعلى -تجاه الدين بشكل عام موجودة لدى جزء من شريحة سنية لأسباب لن أذكرها هنا كي لا يتشتت النقاش.. (بدليل أن السب بالدين أصبح أمراً معتاداً وفي نهار رمضان أيضاً)..

ما الذي يجعل فتاة كتلك تصل إلى هذه الدرجة بسرعة؟

لماذا لم نر أي شخص يتوجه لردع الشاب إن كانت الفتاة على حق.. أو لردع الفتاة إن كان الشاب على حق؟ ولماذا لم نر أي شرطي في الشارع على أساس إنه بقى يبقى تواجد بتواجد ونظامي بنظامي؟

خلص الكلام

[ramiesm]

يا جماعة الالفاظ اللي قالتها البنت في التصوير ده مش ممكن تكون لا بنت ضابط ولا بتاع دي بنت صايعة و باين من منظرها وعلى فكرة و انا بصراحة شفت الموضوع ده بنفسي كتير ان مهما كان ضابط الشرطة بلطجي و قليل الأدب في تعامله مع الناس ( وللأسف نسبة كبيرة كدة) لكن بص لمنظره وسط ولاده و مع عيلته لا يمكن تتخيل انه هوة ده اللي البني آدم التاني اللي انت بتشوفه في الشغل

أنا عارف ناس هتنتقد كلامي ده للصبح :roseop: بس الشاهد من الكلام ان نسبة كبيرة من ولادهم متربيين كويس ...في بلطجة و استغلال نفوذ؟ في طبعا .. بس معتقدش انه بالوقاحة و السفالة اللي طلعت بيهم البت دي

ومن أظرف التعليقات اللي تشوفها على مدونة وائل عبالس و احد لخص الليلة و قاللك يا جماعة دي مش بنت ضابط دي بنت ...... :happy: :happy: :o :o

[Senior]

اه فعلا هيا مش بنت ظابط دى بنت ................

[Alshiekh]

بهدوء وبالراحة

بلاشك البنت استخدمت الفاظ غير متوقعة من بنت محترمة ، بل يمكن توقعها من بنت بتبيع فلفل وليمون فى السوق او بتبيع مناديل فى الاشارة. لكن احيانا بنستجدع البنت اللى بترد وبتدافع عن نفسها ، خاصة كما هو واضح من التصوير ان كانت هناك احداث قبل الكليب مايبدأ

فى أى خناقة او عركة فى اى شارع أو فى أى حارة بنسمع الفاظ اقذر من كده.

الملفت للنظر والذى اثار البعض منا انها هددت او صرحت بابوها العميد ، ولو كانت من قرية صغيرة كانت هددت بعيلتها ، او بابناء قريتها.

البعض تعجب انه لم يكن هناك رجل يلطشها قلمين ، واتعجب واسأل من امتى احنا بنهين بنت او ست فى الشارع او فى خناقة؟

واضح من كلامها انها دفعت فلوس لصاحب السيارة الاخرى ، ولكن يبدو انه حب يزود فى الغلاسة عليها وهو مالم نراه ،

وشيئ آخر نؤاخذ عليه ، اننا اتهمناها وسببناها بانها بنت كذا وكذا

الاهم من هذا وذاك ، ان الوصلة التى اعترض البعض عليها موجودة على النت وعليها حظر لمن كان اقل من 18 سنة ، انتوا فيكوا حد Under Age

اعتقد ان المشكلة هى الحساسية من الاستقواء ببابا العميد .

[Diab]

غريبة إن في ناس بتقول بغض النظر عن سب الفتاة للذات الإلهية خلينا نتكلم عن لبسها وأبوها وخبطة العربية .....

بغض النظر إزاي

تحسبونه هينا ً وهو عند الله عظيم