افيدونى فى عقد العمل

[osamadessouki]

تحية لمشرفى المنتدى و كذلك للاعضاء على المعلومات المفيدة جدا الموجودة بالمنتدى

و ارجو الافادة العاجلة انا دفعة 2003 محاسب تقدير مقبول امتحنت بارت 1 CMA و بذاكر التانى

جايلى عرض من السعودية محاسب ب 2000 ريال و الشركة فى الرياضو الاقامة العائلية عليهم و كذلك تامين طبى و الانتقالات .

الى شددنى فى الموضوع ان التاشيرة محاسب و الكفالة هى كفالة الشركة مش شخص . دة ممكن؟؟؟!!!

رايكم اية (انا ماسفرتش قبل كدة)

ارجو الافادة العاجلة جدا

[rashed]

والله ياأخى انا شايف ان العرض قليل شوية, والمعيشة هنا فى الرياض محتاجة اكتر من كده خصوصا لو انت متزوج

[iloveegypt]

انت شغال فى مصر خاص ولاحكومة

ومرتبك كام فى مصر

واخير العقد ده انا بسميه عقد حج وعمرة بمعنى تيجى تحج انت ومراتك وبس

اما التحويش فانسى لانك لو انت زوجتك فقط هتصرف حوالى 1500 ريال اما لو اولاد هتصرف حوالى 2500 ريال اكل وشرب فقط

واوعى تفتكر انك ممكن تشتغل حاجة تانية او تنقل مكان شغلك دى احلام

[oeno]

انا شغال فى قطاع خاص و مرتبى بكل صراحة 1500 جنية (معقول مش كدة ؟!!!!!!!!!!!!!!!!!!!)

المفترض فى شغلى انى محاسب عملاء و الواقع انى محاسب عملاء و بنوك و أمين خزينة دا غير خلافة و بقفل كل كوارتر و طبعا بقفل السنة و بطلع درافت الميزانية (طبعا الجماعة المحاسبيين فهمنى) انا على الحال دة من اكتير و شركتنا كبير (اسم مش لازم يتقال) و احنا اتنيين محاسبيين و مدير مالى فاكك ايدة من كل حاجة

الشغل المفروض من 9 : 5 و لكن انا مابشوفش ابنى الا يوم الجمعة لانى بشتغل من 9 الى 11 طالما ان فى ناس شيلة الشغل و بتراعى ربنا فى شغلها لية يجيبوا ناس تانية ما فى تران مربوطة فى الساقية لو واحد فيهم نطح حيطة هيجبها نصيين

علشان كدة انا فكرت فى السفر انا عندى 28 سنة هل لو سافرت و استانيت شوية فى الشغل فى السعودية ممكن اذيد

[قائد المدفعيه الهولنديه]

مش معنى ان ظروف شغلك متعبه انك تفكر تسافر على اى حاجه

فعلا الراتب ده ضعيف بالنسبه للمعيشه فى الرياض لكن العرض نفسه شكله حلو بس طبعا 2000 ريال يبقى مش ينفع خالص متستعجلش

[iloveegypt]

انا شغال فى قطاع خاص و مرتبى بكل صراحة 1500 جنية (معقول مش كدة ؟!!!!!!!!!!!!!!!!!!!)

المفترض فى شغلى انى محاسب عملاء و الواقع انى محاسب عملاء و بنوك و أمين خزينة دا غير خلافة و بقفل كل كوارتر و طبعا بقفل السنة و بطلع درافت الميزانية (طبعا الجماعة المحاسبيين فهمنى) انا على الحال دة من اكتير و شركتنا كبير (اسم مش لازم يتقال) و احنا اتنيين محاسبيين و مدير مالى فاكك ايدة من كل حاجة

الشغل المفروض من 9 : 5 و لكن انا مابشوفش ابنى الا يوم الجمعة لانى بشتغل من 9 الى 11 طالما ان فى ناس شيلة الشغل و بتراعى ربنا فى شغلها لية يجيبوا ناس تانية ما فى تران مربوطة فى الساقية لو واحد فيهم نطح حيطة هيجبها نصيين

علشان كدة انا فكرت فى السفر انا عندى 28 سنة هل لو سافرت و استانيت شوية فى الشغل فى السعودية ممكن اذيد

يا راجا حرام عليك عايز تسيب شغل ب 1500 جنيه علشان تروح تاخد 2000 ريال حرام عليك نفسك وولادك

وهنا برده مش هتشوفه

ومش هينفع تجيبه اصلا على المرتب ده لانك هتصرف 2000 يرال كلها انت وزجتك وابنك بدون مدارس

الشغل هنا دوامين والرياض زحمة

صدقنى لو جيت هتندم وبالنسبة للزيادة مش زى مانت فاكر كل سنة هتزيد 100-200 ريال بالكتير وممكن اساسا ما تزدش

ربنا يكرمك