مبروك للزمالك وهاردلك للأهلي مؤخرا

[Mohammad Abouzied]

[mizo1957]

يا اخ محمد

اي معلومات اضافيه حيث انني في العمل

وشكرا

[linux]

يا اخ محمد

اي معلومات اضافيه حيث انني في العمل  

وشكرا

انبى فاز 1-0 على الفريق اللى مايصحش يتقال علية الأهلى

الزمالك فاز 1-0 على الأسماعيلى

الزمالك بطل الدورى

الف مبروك

انا أهلاوى لكن و الله دى نتيجة عادلة

الزمالك بيلعب أحسن كورة فى مصر حاليا و لاعبيه على قدر المسئولية

اما الأهلى ، نتيجة طبيعية و عادلة بسبب:

- ليه مشوا جوزية؟ من أحسن المدربين اللى شفتهم

- معظم لاعبى الأهلى "زبالة" ... عدد محدود منهم يستحق اللعب

- صفقات غبية مثل محمد عمارة - ياسر رضوان

- سوء أدارة

- دلع و عدم حزم. اللاعب المصرى محتاج واحد زى ثابت البطل للحزم

- شباب بايظ بيسهر و بيشرب شيشة!

أنا مبسوط ان ده حصل لعل و عسى تكون سبب فواقان و أعادة تنظيم و درس لابد من استيعابة

مرة تانية ... الف مبروك للزمالك

______________________________________

لينكس الوحش لينكس

جنب على قوطة، مدرج درجة تالتة شمال ...

[Farida]

الف مبروك للزمالك و بصراحه ده عدل ربنا لإنه الأحق بالمكسب لعبا و تكتيكا و كله ...... المهم انى اعرف ناس أهلاويه و رجاله محترمين بيعيطوا !!!!! و زملكاويه فرحانين كأن القدس رجعت لنا .... يا جماعه التشجيع حلو بس بالمعقول

[mizo1957]

شكرا اخي لينوكس علي الروح الرياضيه العاليه.

يا اخت فريده الناس ممكن تكون بتبالغ في

اظهار الفرح من قله الافراح والاخبار السعيده.

اتفق معاكي و لكن معلش دي ممكن تكون انفعالات مكتومه وجدت متنفس لها من خلال هذا الحدث.

و السؤال هل فرق غياب صالح سليم مع الاهلي

لهذه الدرجه ؟

[Mohammad Abouzied]

اهداف الزمالك اثناء الدوري ممكن مشاهدتها هنا

http://www.zamalekfans.com/forum/display_t...1&ThreadPage=13

[Mohammad Abouzied]

تصرحيات طه بصري قبل المبارة

صرح الكابتن طه بصري المدير الفني لنادي انبي لموقع (احمر) انه سيلعب مباراته امام الاهلى بدون اى تحضيرات غير اعتيادية وقال انه سيلعب مباراة عادية مثل اى فريق حتى لا يزيد من توتر الاعبين وقال طه بصري ان سيلعب فقط من اجل (اثبات الوجود) وسيحاول بامكانياته الفوز على الاهلى خاصة وان لاعبيه يعتبرونها مباراة ثأر بعد هزيمتهم فى الدور الاول وخاصة تقدموا واهدروا العديد من الفرص ولكن استهتار الاعبين ادى الى هزيمتهم

وصرح مجدى عبد العاطي هداف انبي قائلا ان الاهلى فريق (محترم)وسيلعب على الفوز ولكننا واثقون من الفوز وخاصة اننا نمتلك عناصر قوية ومهارية

ومن ناحية اخرى صرح حسام البدرى ان فريقه جاهز امام انبي وانه يعتبر لقائه مصيرى وسهل فى نفس الوقت وقال انهم يمتلكون عناصر قوية ستحسم المباراة فى اى لحظة وقال انهم سيلعبون بهجوم كاسح منذ البداية حتى يحرزون هدف يريح الاعصاب وقال انه من المحتمل ان يبدا بالتشكيلة الاتية (الحضرى-هادى خشبة-شادى محمد-وائل جمعة-رامي سعيد - احمد ابو مسلم -ابراهيم سعيد - حسام غالى - رضا شحاتة-احمد صلاح حسني- احمد بلال-الحكم -مساعد الحكم-مدافع من انبي يعملهم بلنتي )

وقال بونفرير المدير الفني انه لقاء صعب (الفرق بينه وبين البدرى) ويحتاج الى مجهود وقال انه سيلعب بالطريقة العادية دون تغيرات

وهنا اختم واقول تشكيلة الاهلى مكونة من 14 فهل انبي الذى يلعب بعشرة فقط سيعمل شيىء ام لا ؟؟؟؟

الاجابة جاءات اليوم

[freefreer]

الله يبارك فيك يا عم محمد .. تلاقيك بتتكلم من اللوكاندة .. هاهاهاها

دى مش مفاجأة .. دى مفاجعة ..

ايه اللى غير الأحوال دلوقتى ؟ مش لما نجاوب الأول على ايه اللى ماغيرشى الأحوال ال 50 سنة الماضية ..

ياترى الأهلى السنادى ان شاء الله لا دورى و لا كاس يا اهلى يا محتاس زى السنة اللى فاتت ؟؟

هاهاهاها

[Spider]

الأهلى لا يستحق الفوز وكانت النتيجة عادلة ومع أنى أهلاوى بس بصراحة اللى حصل ده عدل السماء

ناس عايزة تفوز بلا مجهود يبق يستحقوا ما يحدث لهم

يلا عشان مكانهم الشارع أساسا مش نادى الأهلى

والله أنا سعيد جدا بهذا العدل الأهلى

[freefreer]

هاردلك للأخوة الأعزاء الأهلاويين ..

[Mohammad Abouzied]

طبعا انا كنت عامل حسابي المرة دي داحلت حجرة الصالون وقفلت على نفسي ومعايا العشا والفطار لتاني يوم وحطيت في واداني سدادات للودان بتاعة حمام السباحة علشان مسمعش الخبط والرزع بعد المباراه والحمد الله انا دلوقتي فطرت ورايح الشغل وبعدها يحلها الحلال

[Mohammad Abouzied]

جون وجون في الاسماعيلي

وجون وجون في الاهلي

[moody00x]

مبروك لكل الزملكاوية ....هيييييه آدى حال الدنيا .....مادايم إلا وجهه....

وش واحد أهلاوى بيفرق قهوة

بجد ألأهلى لا يستحق أى شئ وده أسوء جيل للأهلى...