اتغيرت عندك اى قناعة قبل كدة؟

[حسام يوسف]

طرأت عندى فكرة الموضوع من طبع سيئ

-أو انى اراة هكذا-

عندنا كمصريين أو كعرب

هذا العيب هو التشبث بالرأى

أو اى قناعة لدى اى واحد منا

دون أن يراجع الشخص نفسة

أو يقبل النقاش مع من يخالفة الرأى أو القناعة

تشبث وبس

لا حوار

لا نقاش

لا تفكير

لا مراجعة

وان حدث الحوار او النقاش

فهو حوار الطرشان

لهذا السبب

أدعو كل من يؤمن بفضيلة الحوار

والنقاش

وعدم التشبث بالرأى

ان يحكى لنا ان اراد

عن اى قناعة كانت لدية

وتغيرت

وتبنى وجهة نظر أخرى

فرصة لنمارس أدب الاعتراف

وفضيلة الرجوع الى الحق -ان كان حقا-

واحتمال نقدر نغير ولو بقدر ما عقيدة التشبث بالرأى

وعدم المراجعة

[حسام يوسف]

سأبدأ بنفسى

كنت حتى نهاية فترة الجامعة شديد التشبث برأيى

حتى لو اختلف الكل معى

حتى وان اختلف معى من هم أكبر منى خبرة

حتى وان تبين خطأى

واسفرت قناعتى عن ثمن فادح دفعتة

كنت أظل على تشبثى برأيى

ولا أغيرة

حتى تعرفت على صديق كان أكبر منى سنا

وكنت أثق فى حكمتة

واستعمل معى اسلوب النفس الطويل حتى يغير طبعى السيئ

وبعد موقف وأكثر بدأت أتيقن من صحة رأية

وتفكيرة

وتعلمت ان التشبث بالرأى

لة عواقب وخيمة

هوة الانسان اية غير شوية اختيارات وقرارات وقناعات فوق بعض؟

وتعلمت ببطء ان اخفف من طبعى المتشدد

وتعلمت الدرس الاهم

وهو ضرورة مراجعة النفس

بصدق

وبصراحة

ومش عيب ان الواحد يغير رأية لو اقتنع برأى تانى

العيب هوة التشبث بنفس الموقف حتى بعد الامور ما تتضح

ووضع الحق والصالح العام فوق الهوى والتمسك بالرأى

وأحمل لصديقى هذا حتى اليوم كل التقدير لأنة ساعدنى فى التخلص من ذلك العيب السيئ

[الباشمهندس ياسر]

فرصة لنمارس أدب الاعتراف

وفضيلة الرجوع الى الحق -ان كان حقا-

واحتمال نقدر نغير ولو بقدر ما عقيدة التشبث بالرأى

وعدم المراجعة

السلام عليكم

ازيك يا دكتور حسام

بص بقى

انا هبدأ من الافتباس ده

ادب الاعتراف...

زمااااااااان كنت بعترف ان الاعتراف ده نوع من اشد انواع الضعف

دلوقتى القناعة دى اتغيرت و بقيت ابص للاعتراف على انه نوع من انواع الغسل الذاتى للنفس

حاجة كده زى اعرفوا الحقيقية منى انا

مش من غيرى

و سيبونى اعرف انام مرتاااااااااااااح

ياااااااااااااااااااااه

احساس تانى بصراحة

عارف يا حسام

انا ليا صديق

يعز عليا لدرجة لا تتخيلها

و بالمصادفة اسمه ياسر

مهندس برده عايش فى الامارات

غير فيا حاجات كتير

دلوقتى انا بقول انا كنت كده ازاى

ازاى كنت بفكر كده

مقدرش اقول غير ربنا يوفقنى

واقدر ارد شىء من افضاله

و بس كده كفاية

علشان انا طولت كتير اوى

[حسام يوسف]

الف شكر لاعتراف الباشمهندس ياسر

وانا هعترف كمان اعتراف

كنت حتى فترة نهاية الجامعة من أشد المعجبين بشخصية عبد الناصر

وكنت ارى ميزاتة

ولا أرى لة عيبا

كان تفكيرا عاطفيا

لا عقلانيا أو متزنا أو موضوعيا

حتى اصطدمت مرة بعنوان لجريدة العربى الناصرى التى كنت من قرائها

(ديموقراطية يوليو)

ياصلاة النبى أحسن

ساعتها تبينت انهم فعلا دراويش الناصرية

وانى كنت مثلهم

وان اى شخص هناك لة مزايا وهناك ايضا عيوب

وكانت خطوة فى تعلم الموضوعية

تم تعديل 29 أغسطس 2008 بواسطة حسام يوسف

[الباشمهندس ياسر]

الف شكر لاعتراف الباشمهندس ياسر

وانا هعترف كمان اعتراف

كنت حتى فترة نهاية الجامعة من أشد المعجبين بشخصية عبد الناصر

وكنت ارى ميزاتة

ولا أرى لة عيبا

كان تفكيرا عاطفيا

لا عقلانيا أو متزنا أو موضوعيا

حتى اصطدمت مرة بعنوان لجريدة العربى الناصرى التى كنت من قرائها

(ديموقراطية يوليو)

ياصلاة النبى أحسن

ساعتها تبينت انهم فعلا دراويش الناصرية

وانى كنت مثلهم

وان اى شخص هناك لة مزايا وهناك ايضا عيوب

وكانت خطوة فى تعلم الموضوعية

بسرعة

قبل محد ياخد باله

جرى ... قوااااااااااااام

شيل الموضوع بتاع

وشهد شاهد من اهلها

ال ديمقراطية يوليو ال

ياراجل هو حد عمل المعتقلات غير المرحوم

و مش هينفع اقولك عمل ايه تانى

[bentbatota]

بجد يا حسام موضوعك رائع وكويس ان فى بدايه رمضان

انا كنت زيك من الناصريين ولكن لما سمعت الراى الاخر كويس وفكرت رجعت عن راى فيه وعرفت ان له عيوب

الحته دى يمكن تزعل الستات منى ولكن لما كنت لسه فى بداية حياتى كنت متحمسه جدا لفكره المساواه بين الرجل والمرأه ولم اتنازل عنها وكنت من اشد المتحمسين ليها وبعد ما اشتغلت و طبعا شغل الدكاتره فى

مساواه بين الجنسين ونص فى النبتشيات والعيادات والتعامل مع كل المستويات ورغم انى اخترت تخصص بيعامل الستات فقط وبعد شغل فى المستشفيات والعيادات الحكوميه والخاصه والشغل بره مصر انى اعترف

وانا فى كامل قواى العقليه انى عايزه اقعد فى البيت ازاز لب واتفرج على التلفزيون واطبخ والعب مع اولادى ومش عايزه اشتغل غير ست بيت معززه مكرمه وده راى الخاص بى

[الباشمهندس ياسر]

الحته دى يمكن تزعل الستات منى ولكن لما كنت لسه فى بداية حياتى كنت متحمسه جدا لفكره المساواه بين الرجل والمرأه ولم اتنازل عنها وكنت من اشد المتحمسين ليها وبعد ما اشتغلت و طبعا شغل الدكاتره فى

مساواه بين الجنسين ونص فى النبتشيات والعيادات والتعامل مع كل المستويات ورغم انى اخترت تخصص بيعامل الستات فقط وبعد شغل فى المستشفيات والعيادات الحكوميه والخاصه والشغل بره مصر انى اعترف

وانا فى كامل قواى العقليه انى عايزه اقعد فى البيت ازاز لب واتفرج على التلفزيون واطبخ والعب مع اولادى ومش عايزه اشتغل غير ست بيت معززه مكرمه وده راى الخاص بى

اقفش

مكانك

رايحه فين

انا عايزك تقولى

و تشجينى

تقعدى فى البيت وتأزأزى لب

و كمان تلعبى مع الولاد و تشوفى التلفزيون

يا بركااااااااااااااااااااتك يا رمضاااااااااااااااااااان

نسيتى تضيفى

و تحاسبيه اخر الليل على التقرير اليومى

[حسام يوسف]

الحته دى يمكن تزعل الستات منى ولكن لما كنت لسه فى بداية حياتى كنت متحمسه جدا لفكره المساواه بين الرجل والمرأه ولم اتنازل عنها وكنت من اشد المتحمسين ليها وبعد ما اشتغلت و طبعا شغل الدكاتره فى

مساواه بين الجنسين ونص فى النبتشيات والعيادات والتعامل مع كل المستويات ورغم انى اخترت تخصص بيعامل الستات فقط وبعد شغل فى المستشفيات والعيادات الحكوميه والخاصه والشغل بره مصر انى اعترف

وانا فى كامل قواى العقليه انى عايزه اقعد فى البيت ازاز لب واتفرج على التلفزيون واطبخ والعب مع اولادى ومش عايزه اشتغل غير ست بيت معززه مكرمه وده راى الخاص بى

اقفش

مكانك

رايحه فين

انا عايزك تقولى

و تشجينى

تقعدى فى البيت وتأزأزى لب

و كمان تلعبى مع الولاد و تشوفى التلفزيون

يا بركااااااااااااااااااااتك يا رمضاااااااااااااااااااان

نسيتى تضيفى

و تحاسبيه اخر الليل على التقرير اليومى

يا عم ياسر

عايزين نشجع الاعتراف

وان كل واحد يقول غير قناعاتة قبل كدة ولا لأ

ياللا قول كمان اعتراف بقى

واهلا بيكى يا اختنا بنت بطوطة

تم تعديل 29 أغسطس 2008 بواسطة حسام يوسف

[iloveegypt]

بصراحة وانا فى متوسط تقريببا كنت احادى الفكر لااحب اسمع غير اللى فى دماغى من قناعات

الى ان بدانا دراست علم التوحيد فى الازهر فى المتوسط وفوجئت باراء غريبة مثل المعتزلة والجهمية والماتريدية والاشاعرة وغيرهم كثير رغم ان افكارهم كانت غريبة على الانى عرفت ان هناك اخر يجب احترمه واقدره واضمن له حريته مع المحافظة على عقيدتى سليمة دون اى تشويه

فاشكر اساتذتى علماء الازهر الافاضل

واتذكر قول احدهم عندما وجد الفصل محتجين على اراء المعتزلة الغرية علينا فقال يا جماعة محدش يحكم على فكر الا فى عصره لان المعتزلة وان كانت ارائهم ضد العقيدة السليمة الاانهم فعلوا ذللك للرد على الفلاسفة التى كانت فكرها منتشر فى هذا الوقت

[حسام يوسف]

كانت لدى قناعة بأن المصريين (كلهم)لا يحبون بعضهم

ولايساعدون بعضهم البعض

الاعندما تعرفت على المحاورات

ووجدت فى العديد من المواضيع مصريين يساعدون

ويدعمون

ويدلون على الخير

وعرفت الان ان هناك (بعض)المصريين ودودين ممكن يساعدوا اخواتهم

وان مش كلنا انانيين

[حسام يوسف]

9 ردود وأكتر من )100( قراءة للموضوع

محدش عايز يقول أو يعترف انة غير اى قناعة عندة؟

[حسام يوسف]

الواحد فى الدنيا عامل زى فريق الكورة

لازم يعرف يجيب اجوان

ويبقى حذر ويمنع عن نفسة الاخطاء أو الاذى

أو الاجوان

اعترف انى كنت قليل الحذر أو بمعنى أدق عديم الحذر

وكنت لا اهتم الا بالمكسب على حساب الحذر من الاخطاء

لكن دلوقتى بقيت اكتر حذر من قبل كدة

[نانا]

ألسلام عليكم ورحمة الله وبركاته

موضوع حضرتك جميل يا أستاذ حسام

وأنا أحب أضيف حاجة خليتني أغير قناعتي أنا كمان

أنا ليا أخين أصغر مني كنت دايما لازم استعرض ادامهم اني بعرف اكتر منهم يعني أي حاجة يسألوني عنها لازم أجاوبهم عليها ولو مش عارفة أجاوب بردو بأي حاجة ولو الموضوع زنق معايا أوي أستنى واتوه المضوع لحد ما اسأل حد وبعد كدة احاول افتح معاه الموضوع تاني واجاوبه بقى كدة بثقة

دلوقتي بقى حسيت انه ده مش صح خصوصا اني اتعرضت لمواقف شبيهة لذلك ودايما كان مبدأي أنا هسأل لو تعرف تجاوبني جاوب لول مش عارف مش عيب تقول مش عارف

دلولتي بقى الحمد لله تغلبت على الموضوع ده ولو حد سألني لو بجد عارفة بجاوب اللي اعرفه ولو مش عارفة أقول مش عارفة وهسأل وأجاوبك لأنه مش مجرد انك بتثبت نفسك ادام اللي ضغر منك لا ده كمان صفة انت بتديهالهم لازم يتعلموا لو مش عارفين يقولوا مش عارفين لانه مش عيب وما فيش حد طبعا عارف كل حاجة

ولازم كمان تبني جوة نفسك حتة انك لازم تتقبل ان ممكن حد اصغر منك او في سنك أو حتى اكبر ويعرف عنك لانه ده الطبيعي وغير كدة كان تحاول تبني نفسك وتكون خبرة عشان ما تحسش بالنقص لأن الإحساس بالنقص أحيانا بيوجه ناس معينة للكذب والتظاهر بحاجات مش موجودة عندهم أصلا

[الباشمهندس ياسر]

اتغيرت عندى قناعة كنت مؤمن بيها وانا صغير

و هى استحالة العيش مع الاخر

الاخر ده بقى يبقى غيرك

و خلاص

فعلا والله

تخيلوا انا دلوقتى اعز زمايلى على قلبى عمانى اباضى

و الباك تو باك بتاعى ايرانى رافضى اه والله رافضى يا جماعه

صحيح احنا مفيش اى علاقة بينا لكن علاقة الشغل فرضه نفسها ويسودها الاحترام المتبادل

انا مكنتش كده زماااااااااااااااااااان

فكرت ايه اللى غيرنى معرفتش بالتحديد

يمكن تكون الايام او ممكن يكون النور دخل شال الضلمة

مش عارف صدقونى

لكن حبيت اقول

ان كتير قناعات بتتغير كان من المستحيل تخيلها تتغير

[حسام يوسف]

اتغيرت عندى قناعة كنت مؤمن بيها وانا صغير

و هى استحالة العيش مع الاخر

الاخر ده بقى يبقى غيرك

و خلاص

فعلا والله

تخيلوا انا دلوقتى اعز زمايلى على قلبى عمانى اباضى

و الباك تو باك بتاعى ايرانى رافضى اه والله رافضى يا جماعه

صحيح احنا مفيش اى علاقة بينا لكن علاقة الشغل فرضه نفسها ويسودها الاحترام المتبادل

انا مكنتش كده زماااااااااااااااااااان

فكرت ايه اللى غيرنى معرفتش بالتحديد

يمكن تكون الايام او ممكن يكون النور دخل شال الضلمة

مش عارف صدقونى

لكن حبيت اقول

ان كتير قناعات بتتغير كان من المستحيل تخيلها تتغير

بحييك يا باشمهندس على موضوعيتك

وشجاعتك فى اتخاذ قرار التغيير لقناعة مهمة عندك

وعلى شجاعتك فى الاعتراف

ادى الموضوعية

وادى الرجالة بصحيح

[الباشمهندس ياسر]

بحييك يا باشمهندس على موضوعيتك

وشجاعتك فى اتخاذ قرار التغيير لقناعة مهمة عندك

وعلى شجاعتك فى الاعتراف

ادى الموضوعية

وادى الرجالة بصحيح

يا دكتور حسام

اشكرك على كلامك الطيب

لكن السؤال الذى يطرح نفسه

كيف حدث لى هذا التغيير؟؟

لقد كنت متعصبا لدرجة لا تتخيلها

بل وهناك سؤالا اشد وطأة وهو

لماذا نشأت لدى هذه العصبية من اصله؟؟

ان استطعت ان تدلنى

فلتعلم انك اسديت الى معروفا

تم تعديل 4 سبتمبر 2008 بواسطة الباشمهندس ياسر

[حسام يوسف]

بحييك يا باشمهندس على موضوعيتك

وشجاعتك فى اتخاذ قرار التغيير لقناعة مهمة عندك

وعلى شجاعتك فى الاعتراف

ادى الموضوعية

وادى الرجالة بصحيح

يا دكتور حسام

اشكرك على كلامك الطيب

لكن السؤال الذى يطرح نفسه

كيف حدث لى هذا التغيير؟؟

لقد كنت متعصبا لدرجة لا تتخيلها

بل وهناك سؤالا اشد وطأة وهو

لماذا نشأت لدى هذه العصبية من اصله؟؟

ان استطعت ان تدلنى

فلتعلم انك اسديت الى معروفا

الموضوع بسيط

قبل التغيير ممكن النشاة وظروف الدراسة وشوية التزام

ماكانوش مخليين الدنيا واسعة

وفيها التباين

دلوقتى حضرتك سافرت

ورحت وجيت

وعرفت ناس من كل شكل ولون وملة

الجامعة والجيش والسفر والشغل 4 مصادر لاثراء الخبرات لاى انسان فينا فى الدنيا

بس

ادى الموضوع

انا يسعدنى انك تبقى كويس

ومش عايز اى حاجة غير كدة والله

تقبل تحياتى

[Nina Hussien]

كل سنة و انت طيب يا حسام

أنا غيرت قناعات كتير في حياتي بالتدريج بعضها جيد و بعضها سيء ...

أولا كان عندي اقتناع ان الدين مرتبط ارتباط وثيق بكون الانسان سيء ام حسن الطباع ....

ثم وجدتني مع الوقت اقتنع تماما ان الدين لله

و ان التدين اصبح عند الناس لا يمت بصلة للسلوك

فقد ربتطني علاقة صداقة وثيقة بأسرة علمانية

مكونة من أب قرب السبعين من عمره و ام و شابين و فتاة.

و أشهد اني على مدار سنوات لم أرى منهم سوى كل خير في التعامل معي و مع الناس.

صادقين جدا في كلمتهم ...

مخلصين جدا في عملهم

شديدي الكرم و الذوق مع الجميع

لم أراهم يوما يغتابوا أحد أو يغشوا أحد

كم دعيت لهم ليهديهم الله للإيمان و كم دعوة الله ان يحتزي بسلوكهم الكثير من المسلمين الممارسين لكل العبادات لكنهم لم يأخذوا يوما الدين كمعاملة.

و لم تمنعهم صلاتهم و صيامهم من الظلم و الرشوة و السرقة و النميمة و الغيبة.

و هكذا تغيرت قناعتي و أصبحت أعامل الناس وفقا لسلوكهم و ليس وفقا لمعتقداتهم الدينية لانها لا تخصني في شيء و لا وفقا للملبسهم أو مظهرهم.

ثانيا غيرت قناعتي في مسألة ان الأب و الأم يحبون كل أبناءهم بالتساوي كما علمونا في صغرنا...

فقد اثبتت التجارب و الشواهد ان الكثير من الاباء و الاماهات يفرقون في المعاملة بين أبناءهم مما يخلق الكثير من الحزازيات و المشاكل فيما بعد. يعني آمنت اننا لا نعيش في مدينة افلاطون الفاضلة.

فمحكمة الاسرة أكبر شاهد على كم الاباء الذين يرمون ابناءهم دون مسؤلية و كم الاماهات الذين يريدون التنصل من هذا العبء بدورهن.

ثالثا كنت في فترة من الفترات مقتنعة جدا بعمل المرأة و اثباتها لذاتها خارج المنزل ثم اكتشفت ان هذا لا يؤدي الا لمزيد من الاجيال فاقدة الهوية ... المتروكة لرعاية الخدم دون غرز أي قيم حقيقية في نفوسهم من الصغر.

يعني غيرت قناعتي و أصبحت مؤمنة ان أفضل مكان للمرأة بيتها و أولادها

عايز تاني و لا كفاية كده؟

تم تعديل 7 سبتمبر 2008 بواسطة Nina Hussien

[حسام يوسف]

الاخت العزيزة نينا

ربنايعلم انى بستنى ليكى اى مداخلة عشان اقراها

من كتر اعجابى بأفكارك

وشجاعتك

واليوم اديتينى تأكيد جديد على انك شخصية جميلة

الاعتراف شيمة العقلاء

وليس المتكبرين

وحضرتك اديتينا خير مثل على الشجاعة

والصدق مع النفس

والعقلانية فى التفكير

ومنع النفس من التكبر

تحياتى

وكل سنة وانتى طيبة

رمضان كريم

ولو عايزة تضيفى قناعات جديدة اتغيرت عندك

أكون بجد سعيد

مرة تانية الف شكر

[Click]

التشبث بالرأي كـ التشدد في الدين, كلاهما اعمى.

كما انه لا يوجد حقيقة مطلقة.. لذا من الحكمة ان لا نصاب بداء العند والكِبر ونتمسك بالآراء.

تم تعديل 12 سبتمبر 2008 بواسطة Click