عريس من الانترنت

[غادة]

ماذ يحدث عندما تطلب ابنتك استقبال ((عريس )) تعرفت عليه من خلال شبكة الانترنت وكل معلومتها عنه تنحصر فى ( البيانات) التى قالها خلال دردشه الالكترونيه؟؟

وماهو راى كل فتاة فى عريس يتقدم اليها يطلب يدها فى نهايه دردشة بالانترنت دون ان تراه؟؟

موضوع مهم جداا ومطروح للنقاش

ارجوا ان تشاريكونى ارائكم

[sos]

واضح الانسه/ غاده اصبحت متخصصة فى كل ما يتعلق بالزواج.....على اى حال......اعتقد ان على المتقدم ان يكلم اب العروسة مبدئيا..... تليفونيا.....لاعطائه بيانات اولية.....ثم بعد ذلك تتوالى الاحداث.................

مبروك مقدما.......(وش ماكر.....و ""غير""حاقد.....كمان)

[بنت شعنونة]

منذ 4 سنين تعرفت على خطيبي الأخير "سعودي الجنسية" عن طريق النت

وبعد معرفة سنة قرر انه يتقدملي

في الاول افتكرته بيهزر او اي كلام يعني

انما لقيته مصمم جدااااااا انه يكلم والدي

وانا كنت اتمنع لفترة طويلة آني اول مرة اجرب حاجا زي كدا ومش واثقا فيها ومش عارفا رد فعل والدي واخواتي ها يكون ازاي

انما حصل موقف خلاني اوافق على انه يروح يكلم بابا

وبالفعل

حصل وجه كلم بابا بس كان لوحده

طبعا بابا رفض المبدا في الأول + الجنسية طبعا

وبعد مناقشات بينا اقتنع انه مش مشككلة طريقة التعارف المهم الأنسان نفسه عامل ازاي

ماعلينا بعد مشاااااااكل عظيمة اخيرا والدي وافق انه اهله يشرفونا

وجم فعلا وتمت قراية الفاتحة

لكن

واااااااااخ من لكن دي

كانوا هما رافضييييييينيييي تمااااما بسبب معرفتنا

+ الجنسية برضه

"وش حزين"

المهم طبعا رفضهم دا كان سبب انه الموضوع اتفركش بسرعه

لآنه كان ضاغط عليهم انهم يتقدمولي

ولكن

بالرغم من انه الموضوع متفركش من اكتر من 3 سنين اهو

مازلنا نحترم بعض جداااااا رغم الاحداث

ومازال يعيدني بكرت في العيد ورمضان

وخلصت الحدوتة

وعارفا انها ملتوتة "وش حزين ومحرج"

[الطفشان]

كأب

لو الطرفين جادين

و ليسوا من بتوع الهلس

فلا مانع

بغض النظر عن وسيلة التعارف الاولى

و بعدها تاخذ الامور مجراها العادي في السؤال عنهم و التعرف على الشخصية اكثر عن قرب face to face الخ

فان حدث توفيق، كان بها

و ان لم يحدث، فكان بها ايضا

[DARWEEN]

هي المشكلة ياغادة تنحصر في جزئين ليس منهما الجزء الذي ذكرتيه

أولا : فترة التعارف على الأنترنت وهذه فترة يجب فيها أتباع كافة أنواع الحذر

ثانيا : فترة التأكد من البيانات السابق ذكرها في الأنترنت

لكن أنه يتقدم للوالد فدي أبسط مشكلة في الموضوع ماهو أي حد ماشي في الشارع ممكن يخبط على الباب ويتقدم ويا أما يتقبل أو يترفض ... لكن ماقبل التقدم وما بعده هو المهم والمهم جدا كمان

ونصيحة لكل بناتنا ... علشان خاطري خدوا بالكم من نفسكم كويس لأن جرائم الأنترنت أنتشرت في كافة دول العالم بشكل خطير

ربنا يحفظكم جميعا

[Farah]

تعرفي يادكتوره شانا انا معجبه بيكي قوي

ويارب محدش يقول بلاش اطراء

معجبه بصراحتك جدا بالرغم ان انا متاكده انها ممكن تكون عملتلك مشاكل كثيره

معجبه بشجعتك جدا لانك اللي بتحسيه بتكتبي عنه دا انا متهيائلي انك حتي مش بترجعي عليه

وده حلو جدا تلقائيه بلا حدود في اطار مؤدب ومحترم

يارب تفضلي كده علي طول

بلنسبه للزواج انا مع اي طريقه محترمه للتعارف لان حتي النت بتقدر من الاسلوب تعرف بعض سيمات هذا الشخص بعد كده حتكون فيه معرفه قريبه وسوف تحدد بعده ان تكمل او شكرا منعطلكش

اصل كمان الواحد ميعرفش النصيب فين وربنا بيسبب الاسباب

النت اصبح جزء من حياتنالانسطيع تجاهله

احنا هنا مع بعض في المنتدي ممكن باسماء مستعاره ولكن مع الايام اصبحنا كاعائله فممكن يكون تعارف كاهذا مش وحش

[الطفشان]

اتفق مع فرح اليوم ان الانترنت ما هي الا وسيلة من الوسائل

و ليس بالضرورة ان من عليها كلهم شياطين او كلهم ملائكة

و اتفق مع داروين انه يجب الحذر التام في اي وسيلة، و بالذات الانترنت لان الطرف الاخر مجهول تماما

و اعلق على نقطة ان أي حد يتقدم

كونه اتقدم رسمي، معناه انه جاد، و مش بتاع هلس و تتسلية

و بعدها الموضوع يعامل كأي زواج، يجب فيه التعارف و السؤال و التقييم للشخصية و المهنة و الدين الخ

[بنت شعنونة]

فرح

ربناااااااا يخليييييكي ياااااااارب

"وش مكسوووف جدااااا"

دا من ذوقك والله يا سكككككر :)

استاذ طفششششان

ما احنا قلناااااااا

ان التقدم نفسه بقى لعبة اليويمن دووووووول

والدلللللللليييييل اهو

http://www.egyptiantalks.org/bforums/viewt...opic.php?t=6307

الموضوع مش موضوع مين فين

الموضوع موضوع شخصياااااااات فقط لا غير

انسان كويس ها يبقى كوبسس لو في المريخ

وحششششش ها يبقى وحششششش ولو في احسن حتة

[الطفشان]

استاذ طفششششان

ما احنا قلناااااااا

ان التقدم نفسه بقى لعبة اليويمن دووووووول

والدلللللللليييييل اهوhttp://www.egyptiantalks.org/bforums/viewtopic.php?t=6307

شعنونة

قلنا ما ناخدش الاستثناء و نبني منه قاعدة

و قلنا ان الغلط هنا على انهم لم يسألوا عن الشخص السئ دة كما يجب، و لم يلتفتوا انه لسه طالب، الخ

اذن مازالت القاعدة ان من يتقدم لوالد العروس فهو غالبا جاد

[Proud Muslim]

طيب السؤال المهم ..

ما هو الرأي الشرعي في المسألة ؟؟

و على أساس يتحدد الرد !!

و هذه بعض الفتاوى المتعلقة :

http://www.islamonline.net/fatwa/arabic/Fa...p?hFatwaID=3047

http://www.islamonline.net/fatwa/arabic/Fa...?hFatwaID=38907

http://www.khayma.com/alwaha/kotof.html

و من الرابط الأخير :

تقوم الآن محادثات بين الشباب والشابات حول قضايا ثقافية وفكرية مختلفة ودينية أيضا‏,‏ وتتم في إطار أخوي عبر الإنترنت‏,‏ ولا يمنع ذلك أن يتم تعارف جاد مما قد يؤدي إلي الزواج‏..‏ هل يخالف ذلك الإسلام أم يتفق معه؟

الكلام بالمعروف لا ينكر شرعًا، والله تعالى قد قال: "يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَض…"، فما دام الكلام مشروعًا، وليست هناك خلوة، وكان الكلام في موضوعات نافعة مما يهم الطرفين، كأن يكونا مشغولين في الأدب فيتحدثا فيه أو في شؤون المسلمين، وغيرها إذا لم يُخْشَ من وراء ذلك فتنة، وكل إنسان أدرى بنفسه، لا ينبغي أن يكون همُّ الشاب الحديث مع الفتيات فقط، ولا يتحدث مع مثله من الشباب، وكذلك لا يكون همُّ الفتاة أن تتحدث مع الشباب، ولا تتحدث مع مثيلاتها من الفتيات، فهنا ينبغي التفتيش في دخائل النفس، ليعرف الإنسان حقيقة اتجاهاتها، ولا يخدع نفسه بما يعلم أنه يخالف الحقيقة، وإذا انتهت هذه العلاقة بالزواج فلا بأس بذلك.

يبقى لو تقدم لأختي أو ابنتي شاب من خلال الانترنت ..يبقى لا مانع .. طالما أنه لا يوجد ما يمنع ذلك شرعا ..

بس بصراحة مهم جدا أن أعرف أين تعارفوا ؟؟

من خلال غرفة شات اسلامية .. و لا غرفة شات بتاعت أغاني ؟؟

تفرق جدا جدا ..

الانترنت عالم خيالي .. مشابه للعالم الذي نعيش فيه .. و مكان التعرف و ظروفه مهم جدا في هذا الشأن .

و الله من وراء القصد .

[crossfield]

مع احترامى لكل الاراء اللى بتؤيد الزواج عن طريق الانترنت الا أننى لااااااااااااااااااااااااااااااااااااااا أحبذ.أنا ايش ضمننى اللى باكلمه ده بيتظاهر و بيكذب و الا بيقول الحقيقة؟؛ثم لما يبقى واحد قدامى و شايفاه بيتكلم ازاى و تعبيرات وشه ايه و حتى ايماءاته غير لما اقعد اسمع واحد الله أعلم بنواياه ايه؛أنا شخصياً اتحطيت فى موقف مش محترم خالص بسبب حكاية الشات على النت دى و من ساعتها قررت أمتنع نهائياً عن الكلام مع أى حد معرفوش و أقصر الموضوع ده على ناس محددةو و بسسسسسسسسسسسس.

. معلش؛اتقوا مواضع الشبهات.

[حشيش]

قبل أن أبدى برأيى أود أن أقول كلمات قليلة لكل من الأخوة الأعزاء:

الطفشان: كعادتك دائماً أستاذ فى تحليلك الهادئ المتزن للأمور...ربنا يزيدك من فضله...

براود مسلم: أنت مثال رائع لما ينبغى أن يكون عليه الشاب المسلم...كعادتك دائماً ترد كل شئ إلى الله وإلى الرسول الكريم صلى الله عليه وسلم قبل أن تبدى برأيك فى أى موضوع...وهذا هو سر إعجابى بك.

دارون: الخبرة والبساطة والنصيحة الخالصة لوجه الله تعالى.

نعود للموضوع الهام الذى أثارته الأخت العزيزة غادة وهو إذا أردنا أن نسميه بعنوان أشمل وأعم يكون ( الحب على الإنترنت )...يارب ياهادى...توكلنا على الله...شوفى ياستى رأيى الشخصى أن 99% من حالات الحب على النت هو نوع من (الوهم) أو (الخيال)...نحن نحب لأن ذلك شعور غريزى فى الإنسان...بمعنى أن الإنسان يحب أن يعيش فى وهم ولذة ولسعة الحب بصرف النظر عن الكيفية...هناك أغنية على ما أذكر لنجاة الصغيرة تقول فيها: (الحبُ بعض من تخيلنا...لو لم نجده لأخترعناه)...وهذا هو الموضوع ببساطة...فتاة أو شاب لا يصادف الحب فى حياته العادية...أو صادف الحب ولكنه كان من طرف واحد وهو ليس المطلوب...فيجدوا ضالتهم على الإنترنت...بمعنى أنهم مهيئون نفسياً أن يقعوا فى الحب لأنهم يريدوا أن يقعوا فيه...ولذلك فالحب والزواج عن طريق النت هو وسيلة من لا وسيلة أخرى له...وحيكون زيه زى أى جوازة تانيه...بطيخة ياحمرا ياقرعة...كفاية كده النهاردة ياغادة...أنا وقتى بفلوس!!!...

حشيش

أديب ومفكر

[بنت شعنونة]

اتفق مع حشيش ان النت مرتع للوهم و الموهومين

لكن مش معنى كاد ان كل الناس موهومة؟؟؟؟

فيه وفيه

صحيح النسبة بتاعت الناس الكويسة ضئيلة

انما موجودة...

بس النت لو استخدمت من الناس صح

تعتبر فرصه هايلة لو توفرت فيها شروط الصراحة والصدق

لآنك بتتعامل مع روح الأنسان وعقله الخااااام

من غير اشكال من غير صوت من غير اي تاثيرات خارجية

يعني بالبلدي

بتجيب من الأخر مع الشخص دا

بعد كدا بتبص على الشكليات

دا لو كنت مهتم بالمضمون ومش بالشكليات

بلاش

احكيلكم قصة..:)

انتشر اليومين دول مكاتب الزواج بالكمبيوتر

وفي مرة فتح مكتب على طريق بيتي

وكنت وقتها ليا زميلة بوصلها في سكتي

وخدنا الفضول اننا نعرف ايه الموضوع دا

المهم خدتها هيا وواحدة زميلتنا كمان متزوجة

طبعا لبسنا اللي ع الحبل ورحنا

مش عشان حاجا الا الفضووووووول القاتل

دخلنا

لقينا شقة

وناس كتيييييييييييييييييييييييييييييييييييييييييييييييييييييييييير جداااااااا

قاعدين

والبنات منهم معاهم اهلهم

انا فوووووجئت ان الاغلبية رجالة؟؟؟؟؟؟؟

اه والله العظظيم

المهم دخلنا حجزنا دور ومش عاوزا اقولكم ان كلللللللله كان مبحلق فينا

"وش زي القمر" "وش ميت ضحك"

المهم وصل دورنا ف الينت قعدت تقولنا اننا بنملى طلب فيه مميزاتنا الشخصية و المادية ومؤهلاتنا وطلبنا في العريس

شكله ..مؤهله.. مادياته

حجااات كتيييير جدا نملااها

وبعدين صورة و 50 ج و الباقي عليهم

اللي بيحصل انهم بيوفقوا بين الطلبات من هنا هنا

ويوروا الراجل لصورة وهوا يختار اكتر واحدا عجبته صورتها

او اكتر من واحدا

وتيجي البنت يا تقابل الاخ مع اهلها في المكتب

يا اما تشرط انها تشوف صورته الاول ويا توافق يا ترفض

وهكذا

ويا يبقى في نصيب يا لا.....

طبعا احنا قعدنا اليوم كله ضحك

خصوصا لما قولكم انه واحد من الجايين يختار عروسة راح جاي لزميلتنا المجوزة وقالها

من فضلك

ممكن اقابل والدك؟؟؟؟؟؟؟؟؟

"وش مبتسم"

ايه الفرق بين المكاتب دي بقى

وبين النت مثلا؟؟؟؟؟؟؟؟؟؟

ما كله مجهول في مجهول؟

[الطفشان]

طب أيام اهالينا ما اتجوزوا

كان فيه الخاطبة

و معاها صورة 6 في 9 و بس

و الباقي كلامها هي و انطباعاتها

و كانت الناس بتتجوز كدة

يجوز مش الغالبية، لكن نسبة كبيرة

و دة بالضبط زي referral marriage اللي موجود في بلاد تانية

و حتى هنا في امريكا اللي فيها قمة التحرر

في حاجة اسمها blind date

يعني ناس يعرفوا واحد و واحدة

و شايفين انهم مناسبين لبعض

يعزموهم في مناسبة (عيد ميلاد ابنهم مثلا)

او يتفقوا يقابلوهم في lunch

و هناك ايضا خدمات ال personals

سواء في اعلان في الجريدة المحلية

او في الانترنت (و منها Yahoo و غيره كثير)

و هناك شركات للزواج برضه زي اللي عندنا بالضبط

و كل هذه الخدمات تعلن عن نفسها :

Tired of the bar scene

(يعني "هل سأمت الذهاب الى البار لتلتقي بشريك حياة مناسب؟")

طب دة اسمه ايه؟

كله واحد في الاخر

[Farah]

الجواز داخل فيه موضوع النصيب عشان كده محدش يعرف النصيب فين

ده مش معناه ان النت وسيله ١٠٠٪

بلنسبه للناس اللي بيقولوا ان ممكن يكون الانسان بيكذب او يتجمل ده مش حيكون في النت بس ،،،هي وسيله تعارف فقط

بنت اخي كانت مره في احدي السفارات بتاخذ تاشيره وهي في الانتظار تقدم لها شخص وقال لها انه عاوز عنوانها عشان سوف يتقدم لخطبتها ،،،وجه وتقدم لها وبعدين محصلش نصيب

بعدها بشهر سفرت اعاره كمدرسه احدي صديقتها في المدرسه كانت بتشكر جدا في زوجها اد ايه كويس ومخلص وبيساعدها في تربيه الاولاد

وفي يوم كانت هذه الصديقه عامله عيد ميلاد احد اولادها وعزمت بنت اخي المفاجئه ان الزوج هو نفس الشخص الذي تقدم لها من شهرين ومكنش باين عليه خالص لما تقدم انه بيكذب ،،ومتزوج وعنده اولاد

معني كده اللي عايز يكذب حيكذب سواء علي النت او غيره فلازم التاكد في جميع الاحوال ومش لازم نقفل اي باب يكون فيه فرصه طالما الطريقه مشروعه ومحترمه ،،،،،،،،،،،

[غادة]

أشكركم جميعا على تواصلكم وإبداء آرائكم

أختي SOS

طبعا الموضوع مش تخصص مواضيع الجواز

لكن أنا شاي فه إن الجواز هو أساس تكوين الأسرة فإذا كان الاختيار والبداية صحيحة نجحت الأسرة

أما إذا كان الاختيار عكس ذلك بتكون النتيجة الفشل

عشان كده مهتمة بالمواضيع دى عشان نعرف الأساليب الصحيحة للاختيار الصحيح

عزيزتي شوش

(وعسى أن تكرهوا شيئاً وهو خير لكم))

طبع أكيد خير عدم جوازك من السعودي لإن اختلاف الجناس غالبا مش ناجح لاختلاف الطباع

ده مجرد رأي

اخى طفشان

كلامك صح 100%

اخى DARWEEN

حضرتك قلت ((أولا : فترة التعارف على الأنترنت وهذه فترة يجب فيها أتباع كافة أنواع الحذر )) انا معاك فى كده

ثانيا : فترة التأكد من البيانات السابق ذكرها في الأنترنت

ولكن كيف نتاكد من البيانات ونتقى الحذر من المخادعين؟؟

اختى FARAHELYOM

زى ما أنت قلتي أن كلنا بندخل بأسماء مستعارة يعنى مهما كتبنا مفيش حقيقة على النت

يعنى سؤال ليه كل المنتديات دخله باسماء مستعارة؟؟

اخى Proud Muslim

حضرتك قلت(بس بصراحة مهم جدا أن أعرف أين تعارفوا ؟؟

من خلال غرفة شات اسلامية .. و لا غرفة شات بتاعت أغاني ؟؟ ))

النتيجه واحده عشان ممكن اللى داخل غرفة الشات الدينيه ميكنش له فى الدين خالص وداخل للخداع

المشكله ان فى ناس بيخدعوا باسم الدين كتير للاسف

اذن النتيجه واحده

(وش حزين على مايحدث))

اختى crossfield

انتى قلتى( أنا ايش ضمننى اللى باكلمه ده بيتظاهر و بيكذب و الا بيقول الحقيقة؟؛ثم لما يبقى واحد قدامى و شايفاه بيتكلم ازاى و تعبيرات وشه ايه و حتى ايماءاته غير لما اقعد اسمع واحد الله أعلم بنواياه أي))

مفيش حاجه مضمونه ولا نت ولا تعارف من طريق عمل او اى شئ اخر هذا مااعتقده

اخى حشيش

((ولذلك فالحب والزواج عن طريق النت هو وسيلة من لا وسيلة أخرى له...وحيكون زيه زى أى جوازة تانيه...بطيخة ياحمرا ياقرعة...))

اى زواجه سواء على الانترنت او تعارف من خلال عمل و زواج تقليدى

فاما تكون حمره يا قرعه

يعنى لواحد حب واحده لمده 6 سنين هيكون متوقعين 100% انهم فهمين بعض بس محدش بعرف حد الا بعد العشره

الطباع لا تظهر الا بالاحتكاك الناتج عن العشره الدائمه

[Lancelot]

إنتوا مكبرين الموضوع ليه ... علي النت ... علي التليفون ... علي البوتجاز .... كلها طرق للتقابل و التعارف بين الناس ... أو بين الولد و البنت في موضوعنا هنا ... كل ما في الأمر إن النت طريقة جديدة شوية...

نفس الناس اللي في الطبيعة هتلاقيهم علي النت .... نفس الناس الكويسيين ... و نفس الناس المرضيين .... و مش معني إننا إتلسعنا من الشوربة إننا ننفخ في الزبادي .... كل ما في الأمر إننا لازم نكون حذرين في تعاملنا مع كل الناس ... أي ناس ... عرفناهم بأي طريقة ... و بعدين هو العريس اللي علي النت ده مش هنشوفه في يوم من الأيام برضه و نعرفه علي حقيقته ... و لا هنتجوزه علي النت ...

الخلاصة ... اللي قادر علي إنه يخفي حقيقته علي النت قادر علي إنه يخفيها في الحقيقة .... و اللي قادر يكشفها في الحقيقة قادر يكشفها علي النت ......

عزيزتي شوش

لقب جديد لشعنونة

[Proud Muslim]

الأخت الكريمة غادة

اخى Proud Muslim 

حضرتك قلت(بس بصراحة مهم جدا أن أعرف أين تعارفوا ؟؟ 

من خلال غرفة شات اسلامية .. و لا غرفة شات بتاعت أغاني ؟؟ )) 

النتيجه واحده عشان ممكن اللى داخل غرفة الشات الدينيه ميكنش له فى الدين خالص وداخل للخداع 

المشكله ان فى ناس بيخدعوا باسم الدين كتير للاسف 

اذن النتيجه واحده 

(وش حزين على مايحدث))

طبعا كلام حضرتك سليم .. و لكن هو أنا هاقبله كده و خلاص .. من الباب للطاق !!

أرتضي دينه و أسأل عنه و استخارة و هذه الأمور الطبيعية ..و بعد كده ربنا يسهل .

و بعدين هو عايز يخدع واحدة متدينة ليه ؟؟

أنا معاكي ان في ناس لهم أفكار و طبائع شاذة و لكنهم ليسوا الأصل ..

يعني معلش .. الشاب من دول عايز واحدة تعرف تدلع و تخرج و يقضي وقت و خلاص .. لا جواز و لا يحزنون ..

يعني البنت المتدينة هاتعقده في عيشته ( كما يظن هو) و حلال و حرام .. و ماينفعش ..

زائد ان المفروض ان البنت المتدينة لن تسمح بأي حال من الأحوال أن يمتد الموضوع أو الكلام لمجرد عرض أن تكون هناك علاقة أصلا .. فلو طلب علاقة او ما شابه .. يبقى الباب يقفل فورا ..

طبعا الأمور ده ثقة و تربية و تدين .. و حاجات كثير .

لذلك يجب مراعاة الضوابط الشرعية من الأول عند تخاطب الجنسين على الانترنت .. و أن لا يترك الموضوع ليتطور و يصبح علاقة غير شرعية .

و جزاك الله خيرا .

[Farah]

إنتوا مكبرين الموضوع ليه ... علي النت ... علي التليفون ... علي البوتجاز .... كلها طرق للتقابل و التعارف

الاخLancelot

عله النت وعرفناها وعلي التليفون وفهمناها

انما علي البوتجاز والله مسمعت عنها قبل كده هم بيتقبلوا علي البوتجاز ازاي ( وش ميت علي نفسه من الضحك )

[Proud Muslim]

الأخ الحبيب و العزيز lanclot

موضوع التليفون ده صعب و أظنه لا يجوز .. يعني اتعرفوا ازاي على التليفون ؟؟

طيب الانترنت فيها غرف للشات عامة و يدخلها الجميع .. طيب و التيلفون .. ؟؟؟

يعني واحد ضرب نمرة غلط و يمكن مش غلط كمان .. و يمكن بيطلب نمر عشوائيا .. ردت واحدة .. و المسائل مشيت .. اتعرفوا ؟؟

أو عاكسها في الشارع و رمالها نمرة التليفون و هي استجابت !!

أكيد هذا لا يجوز و لا يصح و لا ايه ؟؟

لأنه من الأول غلط ..

و بعدين صحيح .. ايه حكاية البوتاجاز دي ؟؟ :oops: :oops: