أستثمر فلوسى فى ايه

[ابو ريماس]

يا اخونا الواحد ممكن يستثمر فلوسوا فيين

غير البورصه الغير مضمونا دى خاصة انى باررا مصر بسافر ايطاليا وباروح و اجى

و غير البنك اللى بيدى فايدا دلوقت فى 30-8-2008 حوالى 3 % فى السنه

وغير ش را الدهب خاصة انو الجرام ال 21 عامل بتاع 127 فى المحلات دلوقت

المبلغ صغير اللى عرفت احوشوا وما اعرفش حتى اشترى بيه بيت اديم علا سبيل المثال و اخوش مجال الاستثمار العقارى

ولا انا صاحب مهنه ممكن احوطوا فى مشروع او ورشة

ولا بافكر انى ارجع مصر فالوقت الحالى الدنيا غالا اوى اوى ولو رجعت هاينصرفوا وعلى رأى المثل خد من التل دا لو كان تل

ولا بفكر اشارك واحد بفلوسى انا عايز حاجه اشتغل فيها بنفسى فمن حكم فى مالة فما ظلم

انا فكرت فى ايه عارفيين

انى اشترى دهب مستعمل و متكسر من ايطاليا و ابيعوا فى مصر وارجع اشترى باللى بعته يورو وارجع اشترى دهب وكدا

انى افوك اليورو دولار والعب على التذبذب اللى بينهم زى اللى يعرف لعبة الانترنت السخيفة التجارة بالفوركس

انى اكمل هنا و اجيب مراتى وبنتى ونعيش اللى جاى على اد اللى رايح

انى ارجع لوظيفتى كمدرس واللى انا سبتها من غير ما افكر ولا حتى أأدم على اجازة اههههه مدرس تربية فنية مش هاكامل بقا

ادونا ردكم و فاتحوا عقولنا على افكار جديدة محنا مش هنأددى طول عمرنا كدا باررا مصر حلوة اوى

اكتب فكرتك على انتا عايز تعملوا لو فى مكانى وانا متابع رادك

انا عايزز بقا فى الموقع دا اننا نفتح باب للاسئلة اللى زى دى ونحاول ان كلنا نشارك بالرأى او على الاقل كل واحد يشارك برأىه او تجربتة

[se_ Elsyed]

ناقشنا الموضوع ده كتير في المنتدى يا أبو ريماس ... وهناك زملاء أقترحوا إقتراحات أكثر من رائعة ... لكنك قفلتها في وشنا زي الدومينو ..

وبعدين ليه ما تشاركش حد طالما المشاركة دي مش هاتبقى عشوائية وتبقى مدروسة وقانونية وكل واحد عارف دوره وحدودة ويكون هو مشارك كمان معاك برأس المال وبالتالي هايبقى حريص زيوا زيك بالظبط ؟

[ابو ريماس]

اشكرك يا سى السيد على الرد اما بالنسبة لمشاركة الغير براس المال انا هاحطوا فى الاعتبار لكن يا ساده يا قراء دا مش معناه الاخر الحول و لا ابدا المشاريع هاتأفل اكيد عندوكوا افكار تانية طبب انا عندى فكرا باردو تانية لسا مفكر فيها عارفيين ان فى اوربا بيغيروا عربياتهم كل 5 سنيين معظمهم ياعنى مش كلوهم و لا حاجه فا عندهم العربيات الجديدة كويسا بسعر مغررى جدا يعنى على سبيل المثال مرسيدس slk كمبوزر مالهاش حل شفتاها بيتناغ هنا بمبلع 11000 يورو عارفين المودل دا بينبا مستعمل فى مصر ببتاع 215000 جنية فى مصر يعنى لو مش الجمارك عندنا كنت تكسب فيها اكتر من 16000 يورو بس للاسف باردو زى ما الجمارك كدا ظالما وتحطلك جمارك تيجى اد تمن العربية بس اكيد مهما باردو عشان خاطر العربيات اللى بتتصنع فى مصر والعمال الشغاليين فى المصانع دى ههههه ادى فكرا باردو انا فكرت فيها

وزى ما قال سى السيد انوكوا اتكلمتم كتير فى المواضيع اللى زى دى بس انا بصراحة مستنى ردودكم و افكاركم وما تبخالوش علينا بتجاربكم

[حسام يوسف]

كما تفضل سى السيد

نوقش الموضوع وقتل بحثا فى باب احوال اقتصادية

وبعدين حضرتك عشان تستشير لازم تبين

خبراتك

تقريبا المبلغ اللى هتستثمرة قد اية

اية التجارب السابقة اللى عملتها

تقبل تحياتى

[se_ Elsyed]

طبب انا عندى فكرا باردو تانية لسا مفكر فيها عارفيين ان فى اوربا بيغيروا عربياتهم كل 5 سنيين معظمهم ياعنى مش كلوهم و لا حاجه فا عندهم العربيات الجديدة كويسا بسعر مغررى جدا يعنى على سبيل المثال مرسيدس slk كمبوزر مالهاش حل شفتاها بيتناغ هنا بمبلع 11000 يورو عارفين المودل دا بينبا مستعمل فى مصر ببتاع 215000 جنية فى مصر يعنى لو مش الجمارك عندنا كنت تكسب فيها اكتر من 16000 يورو بس للاسف باردو زى ما الجمارك كدا ظالما وتحطلك جمارك تيجى اد تمن العربية بس اكيد مهما باردو عشان خاطر العربيات اللى بتتصنع فى مصر والعمال الشغاليين فى المصانع دى ههههه ادى فكرا باردو انا فكرت فيها

طب خد الفكرة دي وإدعي لي

أولاً مش هاتعرف تدخل عربيات قديمة زي كده مصر عشان الجمارك والحركات

لكن الحب كله والمكسب اللي بالعبيط بيبقى في العربيات المتقطعة . .. وخصوصاً الموديلات اللي ماشية في مصر ...

يعني تشتري العربيات المتكهنة أو القديمة في أوروبا ويا سلام لو لك في النقل الثقيل ... وتشوف ورش التقطيع هناك لإن التقطيع ده لعب وفن وهندسة عشان العربية ما تبوظش وتبقى فتافيت ... وتكون عارف حد له في التجارة دي بمصر وهما كثير... وإشحن على مصر وتخرجها من الجمارك بمنتهى السهولة ... وبيع يا ملعم .. وكل مسمار في العربية بيبقى له ثمن وكله بيحقق مكاسب مهولة ... لإن زي مانت شايف اللهم صلي عالنبي عربيات النقل عندنا كتير إزاي .. ورايحه جايه عالطريق وبتُستهلك بسرعة وأصحابها في نفس الوقت مش قد شرا قطع الغيار الأصلية خصوصاً القطع الكبيرة زي الرفارف والأبواب والإكصدامات والمواتير .. وبالتالي بيلجأوا إلى القطع المستوردة .. والشيخ البعيد سره باتع .. فبمجرد واحد ما يضع يافطه إن القطع اللي عندنا إستعمال الخارج ... إوعى يا معلم

أي خدمة ... وأفكاري بعد كده هاتبقى بفلوس .. لكن قولنا أول شمة ببلاش عشان الحبايب

[حسام يوسف]

الله ينور يا سين سين

بجد والله تستاهل فعلا تبقى مستشار وبمرتب محترم جدا كمان

تقبل تحياتى

[ابو ريماس]

اشكركم والله الفكره دى ممتازا جدا وهنا كامان الناس شغالا فيها كويس جدا و انا اكاد اكون عارف الطريق دا يعنى ورش تقطيع العربيات هنا اقصد فى ايطاليا وعرف كمان اشحن كونتينر عن طريق ميناء جينوا وسبق عرفت مصريين هنا بيشتفلوا فى المواضيع دى هنا والله افكارهم باردو حلوا لدرجت انهم بيفاككو ا مصانع غزل و ورش دهب دا غير طبعا زى ما سى السيد قال باردو فى العربيات النقل المتقطعة دى بس يا ريس دول حيتان انا راجل على ادى لسا وماليش خبرا انا بالمنسبه خريج كلية التربية الفنية وهنا زى اي شاب يعنى بيكون حياتو يعنى بغير شغل على طول زى عامل عادى يعنى والمبلغ اللى محوشوا على ادى اوى يا جماعة يعنى مش معايا فلوس زى الرز واللى خالى اداور على استثمار انى كنت فى مصر لمدة 34 يوم اجازة انصرف فيهم والله العظيم اكتر من 15000 جنية لدرجت انى قولت لاسرتى اومال لو مكنتش باررا كنا هنعمل اية اكيد فى حاجه غلط اية المصاريف دى لكن هأوول اية مناكولش منشربش ربنا يقوينا ويدينا الصحا و كنت بتكلم معا والدى عن استثمار الفلوىس قالى ان انا اخالى بالى من شغلى فى البلد دى هوا دا الاستثمار بجد يعنى الراجل عيزنى استنا المرتب بتاعى وانا بقا لو عملت كدا يبقى اللى هاشتغل بية هنا هارجع اصرفوا فى مصر طاب اية الحال بقا لو جيه بيرلسكونى وراوحنى بكرا هعمل اية فى مصر ولا انا هافضل طول عمرى بقا على كدا مشششش نافع يا اخونا لازم نشوف حال اكيد اللى زايي كدا كتير

وانا بشكركم على اهتمامكم واسلوبكم البسيط فى الرد والحمد لله ما فيش واحد فيكن فيلسوف ولا سياسى انا عايز اللى يرد يبقى واحد زييي مش بتاع كلام وعلى رأى المثل اللى ايدو فى الميا مش ذاى اللى ايدو فى الناررر

[بنت الشاطئ1]

السلام عليكم

استاذ ابو ريماس انا معك فى الاستثمار فى الذهب

بس على حد علمى انه مفيش ذهب عيار 21 فى ايطاليا

بس حتى لو كان مفيش ممكن تستثمر عيار18

بس انا فاكرة كنت فى مطار القاهرة وكنت لابسة ذهب كتير واتفاجئت بصوت دوى ..كان المفروض اتفتش لكن ربنا بيحبنى دايما الأمور اللى بالشكل ده بتعدى على خير وسألتنى الموظفة انت لابسه دهب كتير قلت لها ايوة فعديت والحمد لله يعنى الكمية الكبيرة من الذهب لازم تتفتش ..بس هل هيكون فى المطار مشكلة واللا لأ لو ممكن حد يجاوبنى على السؤال ده يكون مشكورا

اما بالنسبة لمشروعك فى الدهب انا بأيده لأنى بحب المشروعات اللى بتكون مش شركة مع حد يعنى اضمن

لكن لازم تحسبها انت تذكرتك لمصر هتكلفك كام لأنك هتبقى مضطر تنزل كل فترة عشان تبيع

وفى فكرة كمان

انت طبعا هتنزل مصر لما الذهب يغلى عشان تبيع بمكسب

ممكن كمان تنزل مرة تانية لما الذهب يرخص وتشترى قطع مميزه وتبيع عندك بس باتفاق مع صاحب المحل عشان لحسن تشترى ومتلاقيش حد يشترى منك..وكذلك لو هتبيع الدهب اللى جايبه من مصر متبعهوش فى المحلات الخاصة بالذهب المستعمل لأنهم هيخسفوا الثمن وانت تعلم الذهب فى المحلات اللى فى وسط البلد سعرها غالى جداجدا يعنى تعامل مع المحلات اللى بتبيع ذهب جديد وركز كمان على الخواتم اللى فيها الماظات لانهم بيحبوا الحاجات ديه وكذلك الانسيالات وكل ما كانت الحاجة صغيرة زفيها الماظايه هتلاقى عليها طلب وطبعا التعامل مع عيار 18 على حد علمى

وكذلك ممكن تبيع للعرب عندك ..العرب خصوصا السورييين بيحبوا اى حاجة من ريحة مصر

وياريت لو تقولى على المدن اللى فى ايطاليا اللى ممكن اجد فيها الدهب المستعمل لأنى مهتمة بهذا الموضوع

وتابعنا بتطورات المشروع لو نجح

[ابو ريماس]

السلام عليكم يا بنت الشاطئ و كل عام وانتم بخير -- فعلان زى ماقولتى حضرتك بالظبط ان مافيش هنا فى ايطاليا دهب عيار 21 حتى الايطاليين هنا ميعرفوهوش انا معايا انسيال دهب عيار 21 كانت جايلى مت الامارات وزنوا 17 ج رحت فاصلتوا فى محل هنا قالى هاخدوا منك على 7 يورو الجرام -- متتستغربيش والله حسبهولى كدا يعنى لو اليورو فى مصر دلوقت ب 8 جنية يبقى الجرام مستعمل فى ايطاليا على 56 جنية مصرى -- فانا قولت لصاحب المحل دا عيار 21 قالى هوا كدا فى ايطاليا مش هتلاقى حد يخدوا منك الا بسعر دا --- والله انا فرحت وقولت انا بقا لو لقيت حد يبيعلى دهب مستعمل ولا حتى متكسر انا هكسب ماشاء الله كتير و بالفعل دورت على اللى يبيعلى دهب متكسر او مستعمل ولقيت اللى معاة 500 جرام بس كان عايز اظاهر يكسب هوا كمان كان عايز الجرام 18 يبيعوا على 13 يورو يعنت حوالى 105 جنية مصرى فانا لما حسبت الحسبة لقيت انى هدفع حوالى 6500 يورو وارجع مصر ابيعهم قولى على -- زى ماهوا سعر الدهب النهاردا يوم 25-9-2008 كان 142 يعنى فى الجرام الواحد هكسب منو 37 جنية مصرى ارحعى اقسمى 37 على 8 هايعمل بتاع 4 يورو وحاجة مكسب على الجرام انا قولت دا كدا كويس جدا انى اكسب مت اللعبة دى 2000 يورو -- الفكرة مازالت قائمة لحد دلوقت خاصة انى بفكر ارجع احول فلوس اللى هبيع بيها الدهب فى مصر ليورو وارجع اشترى مت تانى دهب من هنا وهكذا ---- انا مش عارف القوانين هنا اية بس اللى اقدر اقولى ان هنا فى ايطاليا ممكن اعدى سهل جدا من الجمارك لأنى مبتفتش هنا المشكلة كلها فى الجمارك عندنا -- بس باردو مافيهاش مشكلة -- الفكرة والله كويسا بس انا لسا مخدتش القرار خاصة ان الفلوس اللى معايا يورو كلها فى مصر فى الحساب بتاعى وقفا وميتة تخيلى بيطلع على الالف يورو 4 يورو فى السنة -- و الله انا بقدم نصيحة للى معاهم عملة انهم يحوطوها فى بيوتهم احسن من البنوك على الاقل لما يحتاجوها هايبعتوا يخدوها اما فى البنك فاهيا فلوس والله العظيم فلوس ميتة -- انا هقولك لو اتخذت فرار او بان ليا فكرا تانية -- باردو يا جماعة متبخلوش علينا بتجاربكم وقولولنا انتم نجحتم فى اية وعملتم اية عشان المصلحة تعم ونستفاد من بعض --- سلام عليكم وكل سنة وانتم طيبين ورمضان كريم

[بنت الشاطئ1]

كتير جدا الجرام ب 13 يورو بالنسبة انه ذهب متكسر حاول تانى تفاصل وطبعا لو فى دهبه قديمه وفيها الماظة لازم توزنها من غير الالماظة .. الذهب عيار 18 ميزته انه سهل تشكيله عشان كدا تلاقى اشيك خاتم عيار 18

اكتشفت ان الواحد لما يحب يترك فلوسه فى مصر يشترى بهم ذهب او اى عقار لكن لو تركناهم فى البنك هنخسر حتى لو باليورو وحضرتك شايف ان اليورو الايام ديه فى النازل

اما بالنسبة للحسبة اللى حضرتك حسبتها وحساب المكسب من وراء هذه العمليه مكسب جيد لكن انا اطلعت على سعر جرام الذهب عيار 18 امس وجدته 115 جنيه وليس كما تفضلت حضرتك انه 142

مش عارفة من اين وجدت هذا السعر ..انا ابحث فى موقع تجارة نت

http://www.tegaranet.com/arabic/prices/stockgold.asp

بس عندى استفسار على مشروعك الصغير ان شاء الله يا رب ينمو ..مش هتكون تكلفة كبيرة النزول لمصر اكثر من مرة فى العام لبيع الذهب يعنى بالطريقة ديه المكسب هيروح فى تمن التذكرة واللا ايه

[بنت الشاطئ1]

انا فاكرة منذ اربع سنوات كان سعر اليورو ب 850 جنية واليوم 8 جنيه وفى بعض الايام 8 الا قروش

يعنى الواحد لازم يحسبها كويس امتى يبيع ذهب فى مصر وامتى يحول فلوسه فى مصر لأنى احيانا تبقى كسبان قوى فى البيعة بتاعة الذهب ولما تيجى تحول الفلوس لليورو تخسر جامد لأن ساعتها ممكن يكون اليورو غلى.. صح كدا لأن لو معاك مثلا 1000 جنية وعايز تحولهم يورو لما يكون اليورو ب 8 جنيه يبقى هيعمل 1000/8 يعنى 125 يورو

لكن لو اليورو غلى ووصل 10 جنيه مثلا يبقى الألف جنيه هيعمل 1000/10 يعنى 100 يورو

وديه هتفرق كتير فى المبالغ الكبيرة

[ابو ريماس]

السلام عليكم يا بنت الشاطئ شكرا على اهتمامك بالموضوع واظن انك مهتمه زى حالاتى بموضوع الدهب والتجارة فية -- زى ما المثل البلدى بتعانا بيقول على الدهب انو زينة و خرينة فانا شايفوا فعلا استثمار كويس - اما فعلان كان عندك حق فعدم تقديرى التمن الحقيقى لسعر الجرام امبارح على اساس ان من 5 ايام فاتوا كان فعلان جرام الدهب ال 21 ب 142 جنية اما العيار 18 ودى عن تجربة امبارح بس ال 25-9-2008 فكان الجرام على 133 جنية المستعمل وانا متأكد لانى بعت امبارح بس بالسعر دا -- اما بالنسبة لرأيك ان الحسبة بتعتى فانتى باردو معاكى حق ان مكسب 2000 يورو ميجيش حق تمن التذكرة اللى بتساوى دولقت شفرة 480 يورو ومصاريف مصر اللى ممكن تاخد فى سكتها كمان بتاع 1000 يورو -- انا بقول انه قد فاذ باللذة كل مغامرا -- فانا على اسؤا الاحتمالات مش هخسر حاجة انا اجرب فى الاجازة بتعتى السنوية على اخر السنة دى -- و بدل ما انزل بفلوس ممكن انزل بالدهب دا واشوف كدا فى مصر الوضع اية لو كنت هبيعوا و غير المصرى ليورو اورجع اشترى من هنا تانى او انى اسيبوا للزمن وكدا كدا الدهب تمنوا فية -- اللى انا متخوف منوا الصراحة انى كنت اشتريت انسيال لبنتى من هنا انسيال عيار 18 انا شوفتوا كدا فى المحل هنا -- قولت اتمنوا فى مصر اتضح انو مش عيار 18 ولاول مرة اكتشف ان الدهب فية كمان عيار 9 -- انا مكنتش اعرف دى واتفاجأت وكان سعر الجرام 55 جنية لما كان العيار 18 ب 117 جنية فى مصر

قا يعنى لو الواحد معندوش خبرة او معندوش حد يسق فية فمن الافضل ما يجازفش -- انا متشكر على اللنك اللى بعتاه وانا فعلان كنت بدور على موقع ذى دا من زمان وكنت دايما بشوف سعر الدهب من الصفحة الاقتصادية فى جرنال الاهرام -- انا بشكرك على الاهتمام واتمنى انك تشركينى بالرأى والمشورة هنا فى الموضع واكيد هنستفاد ان ماكنش ماديا يبقى اههو فتحنا مجال للنقاش والاستفادة --- وطبعا انا عند قولى لو ظهر حاجة جدبدة انا هاشرحها هنا وبكل امانة -- كل سنة وانتم طيبين

[redwany]

انا راييى الاستثمار فى العقار هو الاستثمار المثالى مش لازم تبدا ببرج ممكن تبدأ بشقة صغيره وتاجرها هتلاقيها جابت اكتر من فايدة البنك

السنة اللى جايه شقة تانى وهكذا

حتى لما ترجع وتكون عايز تشترى شقة او بيت تقيم فيه مش هيهمك غلاء العقار لان شقتك هتزيد مع كل العقار

[بنت الشاطئ1]

السلام عليكم يا بنت الشاطئ شكرا على اهتمامك بالموضوع واظن انك مهتمه زى حالاتى بموضوع الدهب والتجارة فية -- زى ما المثل البلدى بتعانا بيقول على الدهب انو زينة و خرينة فانا شايفوا فعلا استثمار كويس - اما فعلان كان عندك حق فعدم تقديرى التمن الحقيقى لسعر الجرام امبارح على اساس ان من 5 ايام فاتوا كان فعلان جرام الدهب ال 21 ب 142 جنية اما العيار 18 ودى عن تجربة امبارح بس ال 25-9-2008 فكان الجرام على 133 جنية المستعمل وانا متأكد لانى بعت امبارح بس بالسعر دا -- اما بالنسبة لرأيك ان الحسبة بتعتى فانتى باردو معاكى حق ان مكسب 2000 يورو ميجيش حق تمن التذكرة اللى بتساوى دولقت شفرة 480 يورو ومصاريف مصر اللى ممكن تاخد فى سكتها كمان بتاع 1000 يورو -- انا بقول انه قد فاذ باللذة كل مغامرا -- فانا على اسؤا الاحتمالات مش هخسر حاجة انا اجرب فى الاجازة بتعتى السنوية على اخر السنة دى -- و بدل ما انزل بفلوس ممكن انزل بالدهب دا واشوف كدا فى مصر الوضع اية لو كنت هبيعوا و غير المصرى ليورو اورجع اشترى من هنا تانى او انى اسيبوا للزمن وكدا كدا الدهب تمنوا فية -- اللى انا متخوف منوا الصراحة انى كنت اشتريت انسيال لبنتى من هنا انسيال عيار 18 انا شوفتوا كدا فى المحل هنا -- قولت اتمنوا فى مصر اتضح انو مش عيار 18 ولاول مرة اكتشف ان الدهب فية كمان عيار 9 -- انا مكنتش اعرف دى واتفاجأت وكان سعر الجرام 55 جنية لما كان العيار 18 ب 117 جنية فى مصر

قا يعنى لو الواحد معندوش خبرة او معندوش حد يسق فية فمن الافضل ما يجازفش --

انا اول مرة اسمع عن عيار 9 بس عموما بيكون مكتوب فى الفاتورة كل تفاصيل الأنسيال السعر والعيار وكمان فى محلات بتضع صورة القطعة الذهبية يعنى لو مكتوب غير الحقيقة ممكن ترجعه

المشكلة انهم ناصحين جدا ممكن المكتوب يكون صح جدا واحنا غلطتنا اللى مش بنقرأ المكتوب فى الفاتورة

وحصل مرة انه البائع قال غير المكتوب فى الفاتورة ولما تنبهنا الى خطأ البائع وده بعد ما اكتشفنا ان تلات تربع القطعة مش ذهب اصلا وجدنا اننا لو كنا قرأنا الفاتورة قبل ان نخرج من المحل لوجدنا ان المكتوب غير اللى بيقوله البائع ..

[Expert Khalid]

السلام عليكم ورحمة الله وبركاته

بصفتي عضو جديد وارغب في أن اكون فعالا في عضويتي ، أنقل إليكم بعضا من خبرتي في مجال الاستثمار :

أولا: شراء وبيع الذهب ليس استثمارا وإنما هو شكل من اشكال الإدخار ، ويتوقف استثماره على مفاجآت السوق وطول المدة التي يمكن الاحتفاظ به خلالها ، وهو إن كان استثمارا فهو استثمار بعيد المدى ومحتاج لسنوات إن لم تحدث عملية انهيار مفاجئ لسعر الدولا وأسعار السوق . كما انه يفقد جزءا لا بأس به من قيمته لآن المصنعيات لا تحتسب ويباع كخام .

ثانيا : الاستثمار في سوق الأوراق المالية - من وجهة نظري - تحتاج إلى خبرة عالية ودراسة جيدة ومتابعة مستمرة - وهي عملية مرهقة وغير مأمونة العواقب ، كما أن الدخول في هذا المجال يحتاج غلى راسمال كبير لتكون الربحية عالية ومحسوسة . عموما هي ليست من اختصاصي وتحتاج غلى رأي مجرب وخبير في المجال

ثالثا :التخطيط للاستثمار المجدي الفعال يحتاج إلى بيانات كثيرة ودراسة متانية ، ولابد ان يتوفر للمشروع مقومات كثيرة من أهمها قصر المدة الزمنية التي يمكن استرداد رأس المال الأصلي ، وسرعة الحصول على العائد ، والبعد عن المخاطر وقابلية هذا المشروع للوسط المقام فيه وغيرها كثير ، ومن اهم المعلومات المطلوب توافرها لتحديد مجال الاستثمار (حجم رأس المال - الخلفية العلمية والفكرية والثقافبة للمستثمر - المكان المطلوب فيه إقامة المشروع - وهل يرغب المالك في إدارة المشروع بنفسه ام سيتركها لآخرين ...إلخ) وغيرها كثير من المعلومات التي تضع عدة مشروعات مقترحة وعمل الدراسات اللازمة لها .

ويسعدني الرد على أي استفسار

مع خالص تحياتي

[drm]

عزيرى

أولاً من اللازم مراجعة كتابة الكلام باللغة العربية لأن كل الكلام فيه أخطاء إملائية وهذا لا يصح مع خريج جامعة حتى لو مكث بعض الوقت بالخارج.

ثانياً لا تحمل هم الإستثمار الأن لأن مؤكد أن مبلغك صغير فإنتظر وقت حتى يزداد المبلغ فالإستثمار مع المال الكثير أسهل.

ثالثاً فى وضعك المالى الحالى اشترى ذهب من مصر أو اشترى أرض أو شقه فى منطة ثمنها متواضع وان شاء الله ربنا هيفتح عليك.

رابعاً تحياتى لك وللجميع.

[بنت الشاطئ1]

استاذ خالد انا عندى تساؤل عن الذهب من زمان .. ايه معنى الدمغة لما اجى اشترى ذهب بيحسب البائع دمغة وكذلك مصنعية

فأنا عايزه اعرف ما هى فائدة الدمغة

[بنت الشاطئ1]

استاذ ابو ريماس

ممكن حضرتك كمان تتعامل مع الفضة المستعملة وتجيب كيلو فضة واللا اتنين كيلو وتبيعهم فى مصر