قُرعة أراضي بالمدن الجديدة خلال إسبوعين من الأن

[se_ Elsyed]

الخبر الجميل ده من جريدة المساء بتاريخ 30/8

7 آلاف قطعة أرض للبناء..بالمدن الجديدة..خلال أسبوعين

المساحة من 300 إلي 400 متر بنظام القرعة.. والسداد علي 10 سنوات

سحب 8.7 مليون متر مخصصة للشركات الاستثمارية

كتب - جمال العليمي:

تطرح وزارة الإسكان والمرافق والتنمية العمرانية 7 آلاف قطعة أرض للبناء للمواطنين بجميع المدن الجديدة بنظام القرعة العلنية خلال أسبوعين. صرح المهندس محمد الدمرداش مساعد أول وزير الإسكان والمرافق والتنمية العمرانية أن قطعة الأرض تتراوح مساحتها من 300 إلي 400 متر مربع ويشترط فيها البناء علي 50% من مساحتها ويتم سداد 10% من قيمتها كمقدم مع فترة سماح 3 سنوات ويسدد باقي الثمن علي 7 سنوات.

ومن جانبه أكد المهندس عزت الحاج وكيل الوزارة للشئون العقارية أنه تم سحب 8.7 مليون متر مربع من أراضي المشروعات التجارية والعمرانية والخدمية بالمدن الجديدة "288 فدانا" المخصصة للشركات الاستثمارية نظرا لتقاعسها في السداد أو البناء.

قال إن هذه الأراضي تضمنت 161 فدانا بالقاهرة الجديدة و808 أفدنة بمدينة السادس من أكتوبر و15 فدانا بالشيخ زايد و25 فدانا بالشروق و177 فدانا بدمياط.. مشيرا إلي أنه ستتم إعادة طرح هذه الأراضي في مزايدات جديدة بنظام القرعة.

[osaimi]

مشكور علي الخبر الحلو ، بس مش شايف ان العدد قليل جدا بالنسبة للملايين اللي هتقدم وأكيد زي كل مره هيبقى فيه كوسه وخيار ، وتفتكر هل هيكون فيه أولوية للناس اللي قدمت المرات اللي فاتت وماكسبوش ؟

[سكر]

لو لم يتم رفع مبلغ التقديم من 10% الى 50% على الاقل

السماسرة هيدخلوا بكل ثقلهم والارض هتبقى مش ارض مبانى وهتتحول ارض استثمار

لازم يكون فى حد ادنى للمبالغ المدفعوة كمقدم

نتيجة ضعف المبالغ المقدمة كل واحد بيقدم بخمس وست اسماء

ودة بيخلق نوع من الطلب الوهمى وبيخلى الاسعار كمان تزيد بعد كل قرعة

[se_ Elsyed]

لو لم يتم رفع مبلغ التقديم من 10% الى 50% على الاقل

السماسرة هيدخلوا بكل ثقلهم والارض هتبقى مش ارض مبانى وهتتحول ارض استثمار

لازم يكون فى حد ادنى للمبالغ المدفعوة كمقدم

نتيجة ضعف المبالغ المقدمة كل واحد بيقدم بخمس وست اسماء

ودة بيخلق نوع من الطلب الوهمى وبيخلى الاسعار كمان تزيد بعد كل قرعة

50 % كتير جداً

يعني بتتكلم في 150 ألف او 200 ألف الميلايين المفروض يدفعوهم وتفضل متعطلة في حضن الحكومة لعدة شهور ... أي نعم بتاخد عليهم فائدة كإنك حاططهم في البنك ... لكن وليكن أهي متعطلة كإنها وديعة مشروطة ما تنفعش تفكها إلا بأوامر الحكومة لما تحن عليك ...

إنما قول الحكومة المفروض تسترجل أكتر من كده ويشددة على عمليات البيع اللي بالتوكيل وكذلك التشدد الصارم في مدة البناء ... ماليش دعوى الحديد غلي ولا لاصفيح رخص .. إنت راجل متقدم لشراء أرض وعارف إن لها شروط يجب تنفيذها ..

[طه بدر]

صباح الفل يا جماعة وكلعام وانتم بخير

اما عن الخبر فانا حقيقى زعلان منك يا حاج سيد :closedeyes:

ما تجيش منك انت

الخبر مكتوب بنظام ولا تقربوا الصلاة وبس

يعنى بالعربي الموضوع شوية اراضى فى السادات الصالحية النوبارية المنيا الجديدة الفيوم او غيرها من المدن التى لا تجد مشترى

ويمكن معاهم العاشر (باقول يمكن)

اما من ينتظر ارض فى القاهرة الجديدة والمناطق المحيطة بها فاقوله وعلى ضمانتى

انسى ياعمر

كان زمان وخلص ولو فى حتتين ثلاثة ها يبقى الموضوع دعاية وشوا اعلامى اكثر منه قرعة

يعنى خلينا فى رمضان وبلاش نحط امل على تصريح حكومى

وكمان منشور فى جرنال المساء

الا صحيح يا حاج سيد انت بتقرا المساء ليه

تحياتى وكل عام وانتم بخير

[سكر]

مع احترامى لك يا سى السيد بس انا مصر ان الوقاية خير من العلاج يعنى رفع نسبة التقديم او الحجز هو الحل الاسهل لقتل سماسرة الاراضى فى مقتل

مش شرط تكون 50 % ممكن تقل شوية بس 10% دة كلام فارغ كل واحد معاة بيقدم وهو اصلا مستلف الفلوس عشان يكسب الارض وبعدين يبعها ووكاننا فى صاله قمار والله فى ناس باعت شبكتها ورهنت الدهب وهى معاش حق 10 % عشان بس يمكن الحظ يضرب وبعدين تبيع يا معلم وتبقى اغنياء فى ضربة حظ

فكر منع تاثيرات المشكله بالقانون هو فكر فاشل فى البلاد النامية

يعنى مش بعد بعد مدخل التكتوك مصر احاول احل مشاكلة بالقانون طيب هو كان دخل لية اصلا

[عاشق]

الاخوه الاعزاء

بلاش نستعجل الامور

وبعدين انا شايف ان اقتراح ان يكون المقدم اكبر من 10% هيكون بالعكس

صعب على الناس الي في نيتهم انهم يبنو

لان المقاولين هما الوحيدين الي معاهم فلوس

يعنى لو فرض ان كل شخص حط 200 الف سهل جدا للمقاول انه يجمع 5 اشخاص ويحط مليون جنيه

ولكن صعب جدا رقم 200 الف على الراجل العادي الي عاوز يبني بجد

لان معظم الي بيقدمو وعوزين يبنو عوزين يأمنو مستقبل اولادهم

ومعظمهم متغربين ومبيكنش معاهم المبلغ 200 الف ده كامل

على العموم يا ريت نكون متابعين لان هما كل شوية بالجرائد يقولو خلال الايام القادمة

او خلال اسبوعين وبالضبط مش محددين تاريخ

وربنا يوفق الجميع

[عصام أبوالفتح]

مع احترامى لك يا سى السيد بس انا مصر ان الوقاية خير من العلاج يعنى رفع نسبة التقديم او الحجز هو الحل الاسهل لقتل سماسرة الاراضى فى مقتل

مش شرط تكون 50 % ممكن تقل شوية بس 10% دة كلام فارغ كل واحد معاة بيقدم وهو اصلا مستلف الفلوس عشان يكسب الارض وبعدين يبعها ووكاننا فى صاله قمار والله فى ناس باعت شبكتها ورهنت الدهب وهى معاش حق 10 % عشان بس يمكن الحظ يضرب وبعدين تبيع يا معلم وتبقى اغنياء فى ضربة حظ

فكر منع تاثيرات المشكله بالقانون هو فكر فاشل فى البلاد النامية

يعنى مش بعد بعد مدخل التكتوك مصر احاول احل مشاكلة بالقانون طيب هو كان دخل لية اصلا

صح جداً .. اللى معهوش ميلزموش

[هدى الهادي]

السلام عليكم

لو سمحتم انا عايزة اسأل هل الهضبة الوسطى في المقطم معرضة للخطر ولا لأ

احنا واخدين شقة جديدة هناك ولسة بندفع اقساطها فياريت تردوا لو سمحتم

[عبقرينو]

وأوضح المهندس احمد فتيح ـ عضو جمعية المهندسين المصرية الكندية ـ أن هناك مناطق أخرى معرضة لتكرار مأساة حادث الدويقة الأخير وهي موجودة بالقرب منها مثل عزبة "إسطبل عنتر" ومناطق عديدة بالقطامية ومنشية ناصر، مشيرا إلى أن هضبة المقطم ذاتها التي يعتبرها البعض الأكثر أمنا بها مواطن خطر كثيرة فليس بها منطقة آمنة سوى الهضبة الوسطى التي يطلق عليها منطقة القصور، حيث تم حقن التربة بمواد مصلبة تحافظ عليها نسبيا من التحلل والانهيار وإن كانت أيضا ليست آمنة مئة بالمئة.

الهضبة الوسطي اكثر امنا اذا تم حقنها بمواد مصلبة وربنا يستر

[مشمش]

]صح جداً .. اللى معهوش ميلزموش

للأسف, لا يصلح هذا المفهوم في التعامل مع السكن او الطعام!

[muslim4ever]

]صح جداً .. اللى معهوش ميلزموش

للأسف, لا يصلح هذا المفهوم في التعامل مع السكن او الطعام!

عزيزي مشمش

العزيز عصام يتحدث عن مفهوم اخر

يتحدث عن مفهوم حلق حوش

واخطف واجري

واللي يجي منهم احسن منهم

عصام يتحدث عن مفهوم انا ومن بعدي الطوفان

يتحدث عن مفهوم الطمع والجشع المتفشي

لو طبق مفهوم اللي معهوش ميلزموش مكنتش حتلاقي ملايين عايشة فى عشش صفيح وفي القبور وتحت اسفح الجبال حتى رق حال الجبل بهم فطبق عليهم

[مشمش]

]صح جداً .. اللى معهوش ميلزموش

للأسف, لا يصلح هذا المفهوم في التعامل مع السكن او الطعام!

عزيزي مشمش

العزيز عصام يتحدث عن مفهوم اخر

يتحدث عن مفهوم حلق حوش

واخطف واجري

واللي يجي منهم احسن منهم

عصام يتحدث عن مفهوم انا ومن بعدي الطوفان

يتحدث عن مفهوم الطمع والجشع المتفشي

لو طبق مفهوم اللي معهوش ميلزموش مكنتش حتلاقي ملايين عايشة فى عشش صفيح وفي القبور وتحت اسفح الجبال حتى رق حال الجبل بهم فطبق عليهم

الأخ مسلم,

اتفق معك و مع الأخ عصام علي ضرورة محاربة هذة الأنماط. و لكني اعتقد ان طريقة المحاربة هي الرقابة الصارمة, و ليس تعلية الحد الادني علي طريقة اللي معهوش!

الا تعتقد ان هؤلاء المساكين سكنوا الجبل لانهم معاهومش؟

[muslim4ever]

الفاضل مشمش كتب

الا تعتقد ان هؤلاء المساكين سكنوا الجبل لانهم معاهومش؟

كده احنا متفقين

لان اللي ميلزموش اخذ حق اللي معهوش

[هدى الهادي]

وأوضح المهندس احمد فتيح ـ عضو جمعية المهندسين المصرية الكندية ـ أن هناك مناطق أخرى معرضة لتكرار مأساة حادث الدويقة الأخير وهي موجودة بالقرب منها مثل عزبة "إسطبل عنتر" ومناطق عديدة بالقطامية ومنشية ناصر، مشيرا إلى أن هضبة المقطم ذاتها التي يعتبرها البعض الأكثر أمنا بها مواطن خطر كثيرة فليس بها منطقة آمنة سوى الهضبة الوسطى التي يطلق عليها منطقة القصور، حيث تم حقن التربة بمواد مصلبة تحافظ عليها نسبيا من التحلل والانهيار وإن كانت أيضا ليست آمنة مئة بالمئة.

الهضبة الوسطي اكثر امنا اذا تم حقنها بمواد مصلبة وربنا يستر

جزاك الله كل خير على الرد

ولو سمحتم لو في حد تاني عنده رد يقول لو سمحتم

[عاشق]

في اي اخبار عن القرعة الخامسة

انا عن نفسي متابع الجرائد ولكن مفيش جديد

كل شوية مسئول يطلع ويقول خلال الايام القادمة او الاسابيع القادمة

انا بجد مش عارف هما عندهم الايام والاسابيع زينا

ولا بيحسبوها بالسنوات الضوئية

يا ريت الي متابع الموضوع يفدنا لو في جديد

[عاشق]

هل من جديد في موضوع القرعة

:lol:

[فيصل رافت]

مفيش قرع

[د محمد على]

القرعة بعد العيد مباشرة

حسب اخبار اليوم السبت الماضي العنوامن الرئيسي و ستكون في 25 مدينة جديدة

[newshare]

الاخوة الاعزاء

السلام عليكم

فى أى أخبار جديدة عن موعد القرعة الجديدة؟

شكرا لكم